::
Home » Press Releases » 2012 » Sa semenn dan lasanble nasyonal-13 Avril 2012

Sa semenn dan lasanble nasyonal-13 Avril 2012

SA SEMENN DAN LASANBLE NASYONAL

Minis pour Litilizasyon Later ek Lakaz, Msye Christian Lionnet, pou dan Lasanble Nasyonal sa semenn pour reponn wit kestyon. Kestyon pou adres bann size tel ki problenm septic tanks kot bann housing estates, devlopman zil Soley, proze konstriksyon lakaz e proze land bank dan bann distrik, parmi lezot.

Minis pour Lanvironnman ek Lenerzi, Dr. Rolph Payet pou osi prezan pou reponn en kestyon dirzans par Lider Lopozisyon, Msye David Pierre lo lenpakt sa logmantasyon dan pri karbiran ki ti anonse resaman.

Lasanble Nasyonal pou osi konsider trwa mosyon.

Premye mosyon par Lider Zafer Gouvernman, Onorab Marie-Antoinette Rose pe demann Lasanble pou aprouv ratifikayon Lagreman ant Gouvernman Sesel ek Gouvernman Lenn lo Promosyon e Proteksyon Lenvestisman ki ti sinyen an 2010.

Lider Lopozisyon, Msye David Pierre pou table dezyenm mosyon ki pe demande ki Gouvernman i etablir en Komisyon lo Revi Saler, e trwazyenm mosyon par Madanm Sultane Jacqueline, manm Onorab pour Port Glaud, pe demann Governman pou ranforsi enplimantasyon polisi Kod Etik dan landrwa travay pou promouvwar travay dir e asir en pli bon service delivery.

 

-Lafen-

Pour plis lenformasyon kontakte:

Shelda Commettant

PR, Communication & Protocol Officer