::
Home » Questions » 2012 » 1 – 3rd April 2012

1 – 3rd April 2012

 

Sitting of Tuesday 3rd April, 2012

 

Questions for Oral Answer

 

To the Minister for Foreign Affairs- Mr. Jean-Paul Adam

 

Q.1    Hon. Sebastien Pillay- Proportionally Elected Member

Eski Minis i kapab eksplik nou Lasanble ki bann kriter ki son Minister i servi letan i negosye legzanpsyon pou viza avek bann pei etranze?

 

 

Q.2    Hon. Sebastien Pillay- Proportionally Elected Member

Eski Minis i kapab enform nou Lasanble lo konbyen konsil onorer Sesel i annan a letranze?

 

 

Q.3    Hon. Charles De Commarmond- Member for Cascade

Eski Minis i kapab enform nou Lasanble ki zistans Sesel in arive vizavi ratifikasyon bann konvansyon lo drwa imen anba Nasyon Zini?

 

 

Q.4    Hon. Emmanuel Fideria- Member for Les Mamelles

Eski Minis i kapab enform nou Lasanble si Sesel i annan lentansyon ouver okenn nouvo Lanbasad a letranze, sirtou la ki sa 3 nouvo Anbasader in ganny apwente?

 

 

Q.5    Hon. Bernard Arnephy- Member for Anse Boileau

Eski Minis i kapab enform nou Lasanble si Sesel in sinny okenn lakor lesanz prizonnyen ek en lot pei?

 

 

Q.6    Hon. Bernard Arnephy- Member for Anse Boileau

Eski Minis i kapab enform nou Lasanble si Gouvernman i annan plan pou fer ki tou Seselwa ki vwayaz Limira Arab Ini pa pou bezwen en viza pour vwayaz dan sa pei ?

 

 

Q.7    Hon. Lenny Lebon- Member for Grand Anse, Mahe

Eski Minis i kapab enform nou Lasanble ki polisi etranzer Sesel an sa ki konsern climate change, la ki in deside apwent en Anbasader a plen tan pou sa dosye?

 

 

 

Q.8    Hon. Lenny Lebon- Member for Grand Anse, Mahe

Si Minis i kapab eksplik nou Lasanble ki bann benefis BIPPA (Bilateral Investment Promotion and Protection Agreement) pour Sesel e kimannyer bann biznes Seselwa i kapab ganny empowered pou tir benefis bann tel lagreman.

 

 

Q.9    Hon. Wilby Lucas- Member for Baie Lazare

Eski Minis i kapab enform sa Lasanble lo konbyen Trete, Konvansyon ek Protokol ki Sesel in ratifye e ki son lavantaz pou Sesel.

 

 

Private Notice Question

 

 

To the Minister for Home Affairs & Transport

 

Mover – Hon. David Pierre – Leader of Opposition

 

Anvi ki bokou Seselwa in perdi zot travay apre ki Air Seychelles in bezwen restriktire apre ki in fer bokou pert finansyel, eski Minis i kapab dir ek sa Lasanble,

 

a. Kote ki Air Seychelles in al mal e eski ti napa en alternatif apard ki rantre an partenarya avek Etihad;

 

b. Konbyen travayer antou ki’n fini perdi e ki pour perdi zot travay alavenir e ki lenpak sosyo ekonomik ki pour annan lo sa bann dimoun ek zot fanmiy;

 

c. Ki plan Gouvernman I annan pour fer sir ki tou bann ki pe ganny met a laport I ganny replase dan travay dan pli kour dele letan avek bi pour minimiz lenpak sosyal, ekonomik e moral lo sa bann dimoun ek zot fanmiy;

 

d. Ki baz ki son Minister in servi pour kalkil konpansasyon pour bann travayer ki ganny fer arete, e kan zot pour fini pey konpansasyon;

 

e. E dan son plan stratezik, kan eski Air Seychelles koman en ‘brand‘ pour reganny son vre idantite pour nou kapab kontinyen ‘fly the creole spirit’