::
Home » Verbatim » Verbatim -Third Term 2009 » Thursday 17th December 2009

Thursday 17th December 2009

Download PDF


NATIONAL ASSEMBLY OF SEYCHELLES

Thursday 17th December 2009

The Assembly met at 9 am

National Anthem

Mr Speaker in the Chair

 

(Technical problem)

Bill read by Ag Clerk – First reading of the Supplementary Appropriation (No. 4) Bill 2009.

ACTING CLERK

…..number 4) Act 2009.)

DEPUTY SPEAKER

For the motion for the second reading of the Public Debt Management (Amendment) Bill.

 

HON MARIE-LOUISE POTTER

Bonzour Deputy Speaker, bonzour koleg Onorab e tou bann dimoun ki la. Mon move ki Public Debt Management (Amendment) Bill 2009 i ganny lir en dezyenm fwa.

HON ANDRE POOL

Motion seconded Mr Deputy.

 

DEPUTY SPEAKER

Yes Minister can you introduce the Bill.

MINISTER DANNY FAURE

Mr Deputy Speaker tou bann manm Onorab nou Lasanble Nasyonal i fer mwan en gran plezir pou ozordi bomaten prezant en proze de lwa ki pou annan pou bi fer lamannman lo Public Debt Management (Amendment) Act ki nou Lasanble Nasyonal ti aprouve 1an pase.

Mr Deputy Speaker i enportan pou nou remind nou Lasanble ki i reste enn bann stratezi enportan gouvernman pou li anmenn sa ki nou apel en restriktirasyon konpreansiv lo debt Sesel. E parey nou konnen e parey nou ti ganny enformen le 30 Novanm nou’n koz bokou lo travay ki gouvernman pe fer pou kapab restriktir son bann debt. Nou’n pran e nou’n fer en langazman avek tou bann partner konsernen ki nou pou tighten lalwa pou fer sir ki nou lalwa i vin pli konpreansiv.

Sa proze de lwa ki devan nou i annan pou bi zisteman fer li – fer ki  dezormen ki nou public debt management i vin pli konpreansiv e se pour se la dan lalwa nou pe demande ki nou delete tou bann provizyon ki enkli bann loans lo la e nou ranplas li par en det, akoz det dan term finans dan langaz debt managment en det i kouver en loan ki’n fini ganny kontrakte par pei. Donk sa se premye lamannman ki pe ganny fer.

Dezyenmman nou osi nou anvi si oule delete sa ki nou apel en stock, ozordi ler nou koz lo en stock i similar avek bann bond ki gouvernman ti annan e bann bond longterm, e dezormen gouvernman i pou servi selman en lenstriman ki nou dir nou pou servi treasury bills e bann bonds e nou pou nepli pe servi bann stok. Me ler mon pe dir sa lalwa pe fer sir ki tou bann stok ki nou’n fini pran i ganny prezerve, me in future, enn bann lenstriman nou pou servi treasury bill avek bann bond. E pli enportan ankor anba lalwa, e sa i en komitman ki gouvernman Sesel in fer avek tou bann partners, i annan zis en reprezantan gouvernman ki pou annan responsabilite contract det, det domestik avek external debt. E nou bezwen fer li koumsa lefe ki nou pe fer en komitman avek lemonn enternasyonal ki gouvernman i bezwen dan en fason konpreansiv tackle son bann det, e sel lotorite konsernen se lotorite Minister Finans e i pe donn pouvwar selman Minis Finans on behalf of government pou kapab antre dan okenn tranzaksyon det.

E parey zot konnen i ganny kontrole akoz nou’n fer sa lalwa, Minis Finans li i ganny advise par 2 body, nou annan en technical committee ki public debt in kree apre nou annan en National Debt Committee ki adivse e Minis Finans li i seek approval avan avek Prezidan La Repiblik ki donn approval, apre Minis Finans i antre dan bann tranzaksyon, apre i ganny pibliye e gazete. Savedir nou annan en tight safety net ki en garanti pou leta Sesel pou fer sir ki avan nou antre  dan okenn det tou sa bann prosedir i ganny respekte.

Donk se lo sa baz ki nou pe anmenn sa seri lamannman pou fer sir ki travay ki nou ti fer ansanm e sipor ki Lasanble ti donnen, ti korek, lemonn enternasyonal in welcome sa lalwa, zot vwar ki i en lalwa ki met bann safety net ladan me anmenmtan parey nou pe dir i annan bokou travay ki nou pe fer lo nivo komite enternasyonal pou restriktir nou det e nou nou’n fer en commitment ki nou pou fer li pli solid. E vwala lobzektif e rasyonnal akoz gouvernman pe table sa seri amendments pour laprouvasyon nou Lasanble. Mersi Mr Deputy Speaker.

 

DEPUTY SPEAKER

So Deba i ouver okenn ki oule fer okenn lentervansyon lo Bill. Yes.

 

HON MARIE-LOUISE POTTER

Mr Speaker lefe ki napa deba mon panse ki tou dimoun i dakor avek Bill ki pe ganny propoze. Nou sertennman lo nou kote nou welcome ankor en move par gouvernman pou tighten en pti pe okenn loopholes ki nou kapab annan dan nou bann lalwa ki permet bann abi endezirab ganny komet, nou welcome move pour ki zis en sel lotorite, e sa se Minis Finans ki pou annan pourvwar pou pran responsabilite pou raise okenn det ki ganny fer lo non la Repiblik Sesel. E nou osi welcome move pou tighten the safety net e pou met kler bann prosedir konsernan bann pre ki nou fer, konbyen ki nou fer e fer sir ki aprouvasyon neseser in ganny donnen par lotorite pli o e ki bann rapor regilye i ganny fourni pourki tou dimoun i konnen egzaktman ki det nou annan, pourki sa bann det  pe ganny pran, i ava en dokiman   pilbik e ki nou ava evite annan bann spekilasyon lo nou bann det ki sanble mwan i leka. Me i leka akoz probableman  nou pa ankor arive etablir en sistenm ki tou dimoun i ganny lenformasyon korek from en sel source e ki nou tou nou konnen kote nou stand kot sa size det Sesel i konsernen.

Alors avek sa Mr Speaker mon ava demann tou manm pou siport sa proze de lwa.

 

HON ANTONY DERJACQUES

Mr Speaker dan en kote i bon ki nou pa vwar ki nenport dimoun i kapab raise en det pou gouvernman Sesel eksepte  en dimoun ki’n ganny plase dan en fason stratezik ki ansarz lekonomik ek Finans pei ki fer li e sa i a tir enpe sa mank disiplin ek sa bann uncertainties ki finalman in ganny culminate dan raising Lehman Brothers Bonds by principally the Central Bank of Seychelles kot ti vin en katastrof final pour nou lekonomi an Oktob 2008.

Selman mon ti enpe enkyet yer, mon konnen ki Minis in eksplik nou ki i annan SR2.2 bilyon ki PUC i bezwen raise pou li finance son bann restructuring pour sa prosen 3an e mon’n ekout avek latansyon ki PR PUC lo tv yer in dir ki zot in rod SR400 milyon sa lannen 2010 atraver soft loans e nou tou nou konnen pour le moman PUC i 100% owned by the government. Alor pour mwan Minis zis i ava donn en pti klarifikasyon pour nou tou si sa raising of loans and – nou nepli dir loans la i vin debts, si the raising of debts i Minis ki bezwen fer sa pou gouvernman ouswa i pou osi bann 100% owned government entities by PUC e ki son osi lenpakt lo bann ki gouvernman pa 100% be mete i own 20% by DBS, DBS osi i pret larzan pou li repret ankor isi Sesel. Alor   gouvernman i annan bann entities parey PUC apre i annan bann ki gouvernman i minorite lo la. Eski sa osi i bezwen pas atraver Minis e ki Minis pou fer ler i annan sa bann zafer.

Apre mon osi enkyet ki ler nou pe rod sekirite pou gouvernman bann entities parey Air Seychelles, PUC pou al prêt larzan e si gouvernman i guarantor e sa bann entity pa kapab peye ki riske  pa kapab peye, i riske tonbe, i pou end up avek gouvernman tou fason – Savedir sa kontrol i bezwen ganny extended not only to the government as per se, the state but also to any institute owned in part, wholly by the state akoz finalman lekel guarantor? Se the state se gouvernman, e alor nou pou bezwen bous enpe sa bann loopholes.

Apre Minis in dir wi i annan sa National Committee ki bezwen ganny most favorite terms and conditions as advised by the National Committee, eski Minis pa ti ava vwar osi ki ti ava met dan plas met advise recommended akoz enn ler advise, ou pran ouswa ou pa pran. I vin parey nou bann technical advisors dan gouvernman konbyen zot zot pe zis ranpli en sez, bann PS ki’n perdi faver zot ganny mete akote koman bann technical advisors, zis zot la dan en pti biro. Alor advise i kapab ganny pran ouswa i kapab pa ganny pran, kekfwa ti ava sanz advise ti ava met recommended.

Apre eski Minis ti ava kapab kree avek Mr Speaker en linny drwat ant Public Finance Accounts Committee avek son Minister ki menm avan ouswa en advise la pa kapab vin rekomandasyon akoz i ava fer Lasanble antre tro bokou dan legzekitiv be kekfwa advise Public Accounts Committee lo bann loans, lo bann det.

Apart ki sa bann komanter mon vwar osi, mon trouve sa spirit ki sa lalwa pe vin devan nou e mon welcome ki nou remet enpe lord e ki Minis i ganny final say e par lao li, Prezidan La Repiblik. Mersi.

 

HON CHARLES DE COMMARMOND

Mr Deputy Speaker mersi. Mwan zis en pti klarifikasyon mon ti anvi petet Minis i eskplik nou Lasanble, sa lalwa i bon, mon welcome li, i annan relasyon direk avek sa ki nou’n fini avek yer e mon vwar mwan kot nou pe ale i dan  bon direksyon.

Mon oule Minis selman  eksplik nou koman i ti ete avan – konmsi la avan sa lalwa i vini la, eski ti annan en lalwa? Mon pa tro tro well versed lo la, konmsi ki ti dir dan nou sistenm la,  nenport ki, Charles de Commarmond i anvi raise en loan lo gouvernman ouswa i anvi prêt larzan pou esey aranz Cascade i ti kapab fer li, or Minis ti bezwen fer li, laprouvasyon. Konmsi klersi nou en pti kou pou nou konpran byen kot i antre pou nou vwar si i annan en keksoz ki nou merit nou osi dan nou nouvo building lannen prosen fer keksoz. Mersi.

 

DEPUTY SPEAKER

Minister right of reply.

 

MINISTER DANNY FAURE

Mr Deputy mon ti a kontan premyerman remersi bann entervenan lo sa proze de lwa. Mon krwar avan petet nou nou regard sistenm ki manyer i été. Ou annan ou Minister Foreign Affairs ki annan portfolio responsabilite pou li angaz li avek bann leta lo non gouvernman Sesel. E dan zot antretyen avek bann gouvernman, zot antre dan sa ki nou apel bilateral talks e atraver bann bilateral talks nou kapab etablir sa ki nou apel en komisyon mixed ki deside lo kwa ki sa bann pei i kapab donnen. I annan serten bann pei i pa pou servi gouvernman limenm li  pou donn larzan me i pou servi nou apele bann Exim banks par egzanp nou annan Exim banks of Japan, Exim banks of China, Exim bank of India, e tou sa bann Exim banks zot donn sa ki nou apel concessionary loans ki son term i bon pou bann pei parey Sesel.

Once sa i a ganny fer, i ganny aprouve apre i ganny enplimante. Me si i en loan, nou ti annan the Loan Decree ki nou ti repeal ler nou ti pas sa nouvo lenstriman. E anba sa Loan Decree se Prezidan ki authorise lekel sa dimoun ki pou raise en loan on behalf of the Republic, i ti kapab nenport Principal Secretary ki ti kapab fer sa, ti kapab nenport Minis, ti kapab nenport teknisyen dan gouvernman. Sa i enn pou leta, apre ou annan pou bann parastatal, bann parastatals zot menm zot, zot borrow zot rod loan lo commercial bank apre zot demann en garanti from the state oubyen zot kapab al aryer.

So ozordi depi 1an ki nou’n vwar, nou’n etablir bann mekanizm. Le 28 Septanm ler mon ti vin isi nou ti etablir sa ki nou apel en Public Entreprise Monitoring Control Division. Lalwa ki i dir li e li se sel lenstriman legal ki annan kontrol, i annan oversight finansyel e ekonomik lo tou bann parastatal. E on a monthly basis ozordi nou remarke ki tou bann parastatal pe submit zot bann financial statement kot sa tim e sa tim li i on alert, i parey en radar, i tyeke, i advise sa Minis ki parent Minister sa landrwa apre i (..) the Ministry of Finance e Ministry of Finance li i brief Prezidan poudir whether we step in or we don’t step in, konmsi i annan sa mechanism. Lasanble ki ti aprouv sa very powerful instrument ki ozordi nou annan ki kapab met bann checks lo bann parastatal e se pour se la ki ka Air Seychelles ti bezwen vin dan parlman.

Now si ti napa sa lalwa ki ti anfors mon pa konnen ki alternativ nou ti pou servi me lefe ki nou annan sa lalwa ki anfors ki’n obliz Air Seychelles swiv sa lalwa e diskite. Now si Air Seychelles li i pe bezwen fer vini en lot avyon dan en lot pei, sa lot pei ki i pou fer li, i pou kontakte Minister Finans pou demann li ki bann sistenm ki egziste. Ou vwar savedir tou bann lotorite enternasyonal aprezan i konnen akoz pozisyon Sesel dan Paris Club e avek sipor fon moneter enternasyonal i obliz bann minister finans ganny kontak avek Minister Finans pour okenn demars dan okenn pei, savedir nou aware sa.

Donk nou annan sistenm an plas ozordi ki protez leta Sesel, e pli enportan i protez ki napa okenn sa ki nou apel financial risk lo pei. Nou pe swiv en progranm e dan nou problenm ekonomik nou konnen what are the financial gaps ki neseser. Ler nou’n fer sa ki nou apel en debt sustainability analysis pou pei nou konnen ki pei i toultan i bezwen annan sipor sanmenm sa ou vwar bann pei pe donn grant Sesel. La resaman nou’n ganny 17 point Something grant avek European Union. I annan en sanzman enportan, lontan European Union i dir, mon al kot Minister Lanvironnman e mon pou donn li larzan pou met dan proze, in sanze sa, in sanze. Zot Lasanble zot aware tou larzan i antre dan, nou apel sa budget support e nou kapab kontrol the projects e zot annan oversight lo la. I pa kapab en Minister laba i ganny kontak avek en anbasader i dir be mon a ganny enpe larzan e leta Sesel pa aware. Savedir ou annan zis en landrwa ki ozordi nou annan oversight tranzaksyon larzan gouvernman ki mon krwar sa i bon, i bann mekanizm ki nou’n ganny mete pou kapab fer sir ki an sa ki konsern borrowing nou annan en sistenm e polisi ki kontrol li.

Now, lot size ki’n ganny met devan la se ki le 30 Novanm, nou ti fer 2 keksoz, nou ti dir what is the borrowing plan ki nou bezwen pou finans the budget e i devan Lasanble, zot aware kote nou pou ganny larzan, zot tou zot aware.

Dezyenmman nou’n etablir sa ki nou apel en stratezi lo det, sakenn de zot zot aware what is the strategy, i kler sa.  Anplis ki sa, dan 3 mwan ki pe vini, bann teknisyen dan Minister Finans pou bezwen submit en rapor lo nou pozisyon e zot pou gannyen. Gouvernman pou gannyen e lasanble pou gannyen. Donk mon krwar i annan bann checks and balance lo demars det ki mon krwar ki mon kapab dir, mon satisfe ki nou annan bann lenstriman kot Lasanble li i annan oversight lo sa ki nou pe fer. E avek relasyon ki nou annan, travay mon konnen sa i en size ki’n ganny diskite, mon konnen nou bezwen travay plis ankor avek Public Finance Committee me nou nou pou submit en monthly report kot zot, savedir on a monthly report the Committee pou vwar nou pozisyon lo bann det.  Zot pou vwar ki nou pe fer an term domestik e an term external every month zot pou gannyen. Dan en fason vreman transparan tou bann tranzaksyon ki nou pe fer, donk mon vwar sa i byen.

Ler nou dir advise i en komite high level sa, dan pouvwar lalwa i dir son chairperson i Principal Secretary of Finance, ou annan PS Foreign Affairs akoz bann size bilateral foreign affairs ensideswit, ou annan gouverner Labank Santral, ou annan controller general ki asiz lo la, apre ou annan Attorney General ki asiz lo la. So this committee ler i aszie i pran en desizyon to advise the minister, enn i bezwen regarde what is the macro, i pa bezwen regard zis konbyen nou pe rode an izolasyon avek latab, i regarde ki son lenpakt ki i pou annan lo lekonomi Sesel, e ennfwa ki i analiz sa, i prepar en dokiman avek bann tables e dir Minis, i dir regarde gouvernman Sesel i anvi fer sa nou pe advise ou fer sa.

Gouvernman aprezan, li Minis i ganny kontak ek Prezidan i dir Prezidan bann teknisyen pe advise nou nou bezwen fer sa, i koumsa, i koumsa nou annan en dokiman ki i donn son approval. Ler i donn son approval then the Minister i enplimant lalwa. Donk mwan mon satisfe ki nou annan tou sa bann safe guards ki devan nou.

PUC; now PUC an rezilta bann submit Lasin ek Lafrik ki ti ganny fer an 2007, Sesel ti benefisye avek plizyer concessionary loans e ki gouvernman li in deside ki nou profit dan sa demars pour nou kapab finans sa ki nou apel en 33 KV, i en back bone pou kapab kouver Cascade, Pointe Larue ziska Anse Boileau e nou bezwen invest larzan ladan. Se pour se la ki PUC ler i ti koze yer swar in koz lo la e nou ti sipoze ganny sa larzan depi 2008, me lefe ki Sesel in antre dan  restriktirasyon nou bezwen pe sort out nou bilateral avek Lasin e nou ekspekte gouvernman rankontre bann reprezantan Sinwar dan first quarter next year pour nou restructure nou det avek Lasin. E pour le moman sa 33 KV i on hold akoz nou bezwen sort out nou rescheduling avek gouvernman Lasin. Enn fwa ki nou fer sa then nou kapab annan disbursement.

Lot lenformasyon se ki Exim bank of India zot in kominik avek gouvernman Sesel an Septanm ki Exim bank of India zot pou siport gouvernman Sesel avek en soft loan of 10 million USD over a period of 25 years e gouvernman li in pran en desizyon ki sa larzan ki nou gannyen nou pou park li pour nou kapab ed PUC, pou nou kapab si oule ed li avek aste bann materyo akoz prosedir avek Lenn i donn ou sa larzan pou ou kapab aste bann komodite ki son pei i prodwir e nou nou’n deside ki nou ava servi sa larzan antyerman pou kapab siport bann travay ki PUC pe fer.

Me zot ava realize si nou pa finans PUC ki son konsekans. Mon krwar son konsekans i pou tre negative. I pa zis negatif i pou anmenn en gran lenpakt lo growth pei e i pou afekte.

Donk mon krwar demars ki pe ganny fer la okomansman mon krwar i enportan ki nou fer sa bann sanzman. Yerswar nou’n pran bann mezir, nou pe rankontre bann reprezantan teknik ki travay lo bann weights an sa ki konsern social welfare pour nou kapab aziste bann weights kot nou bann dimoun ki ganny afekte avek bann mezir, avek nou sistenm welfare atraver safety net i ava kapab cushion sa bann presyon.

So nou pe travay pou fer sir ki lo tou le de kote nou fer sir ki nou pa afekte nou bann dimoun me anmenmtan nou rod tou fason pou  nou kapab envestir dan bann nouvo enfrastriktir pou fer sir ki pour sa bann prosen detrwa lannen nou vreman reabilit bann lenfrastriktir PUC.

Donk Mr Deputy mon konvenki ki sa proze de lwa ki devan nou i enn ki tre solid e nou demann sipor a tou nou bann dimoun, nou ekspekte ki an Zanvye ki vini nou a kapab conclude external exchange offer ki pe ganny fer lo bann bonds e mon ava dan en pozisyon an Fevriye ler Lasanble i resume pou kapab eksplik zot prosen demars ki pe ganny fer pour nou restriktir bann commercial bonds ki nou annan. Mersi Mr Deputy.

DEPUTY SPEAKER

Nou pran en vot on the merits of the Bill. All in favour. Oke nou napa okenn lamannman therefore..

HON WAVEL RAMKALAWAN

Mon trouv i anann enn de bann pti –well sa ki mwan mon’n vwar i bann pti typos kot par egzanp lo paz 5 Mr Deputy, kot mon pa konnen si sa computer i kontan  son open inverted commas i kontan fer 4.

 

(Interruptions)

DEPUTY SPEAKER

So there is no need to go into the committee stage and

 

(Interruptions)

HON MARIE-LOUISE POTTER

Mr Speaker anba order 91(1) mon move pour nou suspend order 65 to 70 anvi ki napa nesesite pou al dan committee stage.

 

DEPUTY SPEAKER

Okenn ki segonn sa mosyon.

 

HON ANDRE POOL

Mon segonde Mr Speaker.

 

DEPUTY SPEAKER

So we get a motion for third reading. Let’s take a vote please. Motion for third reading.

 

ACTING CLERK

This Act may be cited as the Public Debt Management (Amendment) Act 2009.

 

 

 

HON MARIE-LOUISE POTTER

Mr Deputy Speaker mon move ki Public Debt Management (Amendment) Act 2009 i ganny lir en trwazyenm fwa.

 

HON ANDRE POOL

Motion seconded Mr Speaker.

 

DEPUTY SPEAKER

Let’s take a vote. Nou pran en vot please. All in favour. Let the Bill read for a third time.

 

ACTING CLERK

This Act may be cited as the Public Debt Management (Amendment) Act 2009.

 

DEPUTY SPEAKER

Oke Minister the Bill in pase, prezan nou ava pran nou next item on the Order Paper. Lefe ki the Supplementary Appropriation Bill i less than 7 days nou a ganny en motion pou nou suspend order 64 for the second reading.

HON MARIE-LOUISE POTTER

Anba order 91(1) mon move pour nou suspend order 64(1) to allow for second reading earlier than 7 days after first reading ki nou napa.

 

HON ANDRE POOL

Mon segonn sa Mr Speaker.

 

DEPUTY SPEAKER

Minister will introduce the Bill.

 

MINISTER DANNY FAURE

Mersi pour zot konprenezon lo sa size Mr Deputy Speaker. Mr Deputy mon’n ganny brief par parti mazoriter ki dan Lasanble lo diskisyon ki’n annan lo mosyon for Supplementary Appropriation, e ozordi bomaten mon ti a kontan pas enpe letan avek Lasanble pou mwan klarifye serten bann pwen ki ti ganny met devan zot e petet osi met keksoz dan son perspektiv neseser.

Premyerman mon ti a kontan dir avek Lasanble ki lannen 2008 ti en lannen anterm ekonomik en lannen kot vreman lekonomi Sesel ti’n ganny tape. Ti en lannen ekstraordiner e petet osi ti enn bann lannen kot bann polisi ekonomik ek finansyel gouvernman ti’n expired e ti neseser pou komans anmenn bann nouvo polisi ekonomik ek finansyel me komans fer bann travay. Donk mon pe zis met nou dan en sitiasyon kot nou annan difikilte devan nou e ki nou devret fer. Se pour se la ki apard bann departman ki nou’n bezwen ede ki mon a retourn lo la, mon ti a kontan eksplik rezon pour gouvernman step in.  Sa premyerman se SEYPEC.

SEYPEC nou’n depans RS654.219406 milyon  e pou kapab kouver karbiran, e la mon ti a kontan atir zot latansyon se ki SEYPEC li i ti annan en kontra avek total, mwan personnelman mon ti ganny demande pou mwan al Paris pou mwan rankontre bann dimoun ki okip sa konpannyen pou kapab eksplik zot sitiasyon e eksplike ki Sesel ki bann credit line, credit facility ki annan ant SEYPEC avek Total gouvernman pou pe fer le neseser pourki nou kapab peye avek bi ki Total i donn greenlight SEYPEC pou fourni domestic market avek fuel.

I fasil ozordi pou eksplike me krwar mwan ti vreman difisil at the time. So, ki manyer ou pey Total? Nou ti bezwen borrow e nou’n bezwen borrow avek 3 lorganizasyon enternasyonal. E pour komanse nou’n bezwen borrow 50 milyon dolar avek first Gulf Bank from Abu Dhabi.  Nou ti bezwen osi borrow avek Islamic Development Bank, nou apel sa en trade financing, e Islamic  Development Bank se avek Saudi Arabia. Nou’n bezwen borrow 20 milyon dolar avek Mauritus Commercial Bank e nou bezwen borrow avek Nouvobanq 6 milyon dolar. So nou’n bezwen borrow pou kapab pey karbiran ki nou ti’n fini konsonmen e pey karbiran pour Total release karbiran pour nou kapab konsonmen.

So tou bann borrowings ti bezwen ganny fer me you need to have the rupee pou kapab support the foreign exchange transaction. E nou nou’n komans  negosye progranm an Novanm, Desanm e se pour se la ki boner sa lannen noun bezwen demann en waiver ler nou progranm ti al devan  board se ki manyer from an accounting perspective, ki manyer nou tret sa size anba en striktir trezor. E se pour se la nou nou’n deside tret li koman en net lending savedir nou’n fer en advance parey mon pe dir SR654 milyon, en net lending.

Rapor ki mon’n gannyen sorti kot Central Bank ek Minister Finans yer swar se ki SEYPEC in travay pandan sa lannen pou rann larzan gouvernman, savedir nou’n fer en advance e zot in travay pou rann gouvernman e zot in rann gouvernman sa lannen SR325.3 milyon, nou’n fer advance e zot in rann gouvernman. E son balans SEYPEC in kominik avek nou ki zot pou’n fini rann nou larestan lannen prosenn. So i en gro sonm, ler nou konsider sa 1.2 bilyon nou annan ou 600 ekek milyon ki  al  zis pou kapab sov en sitiasyon, en sitiasyon tre alarman, irzan ki nou devret la ozordi pou kapab regularize prosedir gouvernman si oule vin devan zot, e SEYPEC pou peye, e SEYPEC osi pou pey avek lentere. Minister Finans in dir i pou bezwen rann nou e rann nou avek lentere e ki i dakor pou fer li.

Now ozordi nou dan en diferan sitiasyon akoz ziska ozordi SEYPEC pa’n vin kot nou. Kote i ale? I al dan labank komersyal. Se pour se la ki mon krwar i montre lafors bann sanzman ki ed lekonomi e i ed bann operater pou kontinyen fer zot travay. Now mon krwar i enportan akoz dan diskisyon Onorab Pool in osi endike ki i annan serten keksoz ki’n sorti ki mon krwar i enportan  ki ozordi nou met li byen. I enportan pour nou konpran what is the breakdown lo laponp, pour kabiran, i enportan ki nou konpran sa. Zot konn tre byen mon’n vin isi, ti annan kestyon, mon ti reponn. Striktir trades tax ozordi i SR6 e striktir GST i SR2 e retail margin ki laponp i bezwen se 35 sou me the cost of production, i annan en kou prodiksyon pou anmenn sa karbiran kot stasyon, i SR7.65 sou nou konpran, the cost of product to deliver to petrol station SR7.65, the cost of the product, there is a cost to it, so at the pump konbyen i koute? SR16 nou konpran sa, lo son striktir. Aprezan zot in argimante, nou’n ekoute e zot dir avek Minis Finans regard sa striktir trades tax, zot dir regarde silvouple. Nou’n regarde silvouple e mon krwar ozordi i enportan nou regarde kot i ale. Zis sa lannen 2009 payment to government of Seychelles trades tax and GST on fuel SR374.5 milyon, en kantite larzan sa e sa se larzan ki pe antre dan kof leta pou kapab finans tou bann lezot progranm. Donk nou pa pou kapab tous sa konmela akoz si nou tous sa la konmela Mr Deputy nou napa larzan pou pey bann manm Lasanble nou.  Savedir pa fer li, so nou pa kapab fer li, pa zis zot, ni Minis, ni Speaker tou bann travayer ou konnen nou tou. Savedir nou pa kapab touse, nou apel sa a big ticket, bann dimoun Finans i dir Minis this is a big ticket pa touse sa akoz si ou touse nou pou annan bann lezot lenpakt. Me nou a kontinyen regard li depre, regarde ki manyer keksoz i marse. La nou pe al travay lo gas, regard enpe nou annan diskisyon semenn prosenn Minister Finans pou regard lezot bann sa, me selman sa parey nou dir an angle please bear with us, nou pa kapab tous li pour le moman, please bear with us, si nou tous li nou pe al fouy bann trou. Oke napa problenm. Kontrer La Digue nou pe servi sa larzan pour nou  build en nouvo depot.

 

(Interruption)

 

DEPUTY SPEAKER

Nou pa enteronpe, proceed Minister.

 

MINISTER   FAURE

So Deputy mon krwar nou’n koz enpe lo la, nou’n montre enpe, mon annan bann full documents lo la.

Now prezan lot konponan en gran item sa se Seychelles Marketing Board. Seychelles Marketing Board mon konn tre byen ki 6.12 yer nou ti fer le neseser la ozordi ki nou pe fer la nou pe koz enpe lo sa SR68 milyon ki ti ganny donnen. Prezan sa SR68 milyon ki SMB ti gannyen, ex SMB se pou kapab pey labank Baroda, akoz gouvernman ti borrow plizyer larzan dan lepase pou finans serten bann aktivite SMB so nou pe koz 2008 kot in annan mouvman dan bann, nou apel crawling of the rupee en lenstriman ki Central Bank ti komans servi ler roupi ti sorti 5 pour en dolar, zot dir,zot ti pe crawl. Nou nou flote nou, zot zot in crawl li  e ler in crawl ki’n arive in en enpakt..

(Technical problem)

…..advance parastatal nou ti pe koz lo Seychelles marketing board ki nou ti bezwen intervene koman gouvernman pou kapab kouver bann tranzaksyon finansyel lefe nou ti annan en loan avek Baroda sa i kouver the rupee component.

Lot size la se general advances, SR244 milyon parastal advances i SR722 milyon an total apre general advances i SR244 milyon total. Now lefe ki gouvernman ti’n pran desizyon pou privatiz SMB e bann desizyon ti ganny agree le 28 Fevriye 2008 e otomatikman nou annan bann striktir, bann unit ki’n ganny kase e ou pa kapab finans bann unit ki’n ganny kase avek larzan ki SMB i annan. Ou ti annan SMB, ou kree bann plizyer konpannyen e ou kree bann plizyer konpannyen pour zot kontinyen fer bann fonksyon e SMB pa kapab donn zot larzan, i kont bann prosedir finansyel pou fer sa. So ki manyer ou sustain sa bann aktivite? Gouvernman ti pran en desizyon pou  nou tret li as general advances. Agro industries ti vin en konpannyen lo limenm, nou ti met 3.5 milyon, e nou’n recover sa larzan out of the proceeds of agro industries 2009.

Coetivy prawns SR52 milyon akoz SMB in sorti lo Coetivy e nou’n set up en konpannyen pou kontinyen manage the day to day function. I annan en kou e son kou i SR52 milyon.

Hatcheries and feeds nou’n bezwen step in, gouvernman ti step in avek SR58 milyon pou kapab kontinyen fer sa bann loperasyon marse, hatcheries and feeds, nou pe koz 2008 la.

Apre gouvernman ti bezwen osi ler ou’n kree STC koman en nouvo konpannyen ou bezwen donn li larzan pou komans son biznes e gouvernman ti donn li 25 milyon pou kapab komans son biznes. So basically total antou se SR244 milyon ki’n ganny donnen pour nou kapab tret sa ki nou apel general advances. Prezan annou pas enpe lo lezot sa ki nou apel bann ticket items ki ase gro la, se public debt without SI, savedir public debt without statutory instruments. SR133,290,674 milyon. I enportan ki lefe ki gouvernman in pran bann loans dan son sitiasyon ki pe  urgent ensideswit i bezwen ganny kouver par bann SI e plitar bann SI ti ganny pibliye e finans ti dir ki nou bezwen regularize sa bann public debt ki ti ganny kouver e annou regard enpe lekel sa bann sitiasyon ki’n ganny kouver. Tou bann loans ki ti ganny pran avan 2007 – e sa i bann loans ki en dimoun, mon krwar en reprezantan bomaten Onorab in dir DBS, mon krwar Onorab Derjacques in mansyonn DBS, wi DBS i annan bann loans avek sa ki nou apel European Investment Bank, plizyer loans ki’n ganny pran pou kapab finans lapes, tourism ensideswit e son bann lentere ti bezwen ganny peye.

So nou’n pey European Investment Bank 2007, 3 line of credit 3, 4 ek 5 in ganny peye, apre nou’n pey the Mauritius Commercial Bank son lentere prensipal 40 milyon. Nou pe swiv? Apre ou annan tou bann lezot loans avan 2007 ki nou ti bezwen fer sir ki nou fer keksoz byen savedir, antou i SR133 milyon korek.

Prezan sa i anmenn mwan, mon krwar nou’n tackle Mr Deputy sa ki nou apel bann big ticket items. Parastatal advance SR722 milyon, Public Debt SR133 milyon, apre bann general advances lefe ki nou’n pran en desizyon stratezik anterm privatizasyon SMB kreasyon nouvo bann konpannyen pou fer sir ki bann aktive i kontinyen apre the result of privatization nou ekspekte pick bann larzan back into the system SR244 milyon. So laplipar bann larzan pa’n al pou siport bann Minister ek depans ek departman, mon a vin lo la mwan. Bann gran ticket items e sa konbyen i fer nou? I fer nou en bilyon deza, 7 ek 2 i fer 9 avek 133 i fer en bilyon, ler nou dir en bilyon supplementary appropriation i en bilyon out, e mon’n eksplike Mr Deputy la la bann lenformasyon e mon pe come up very frank avek zot dan en fason transparan pou montre kote larzan leta in ale.

La i anmenn mwan lo dezyenm parti prezantasyon e sa i konsern bann minister ek departman.

Nou nou’n dir e mwan ki ti dir ek Lasanble ki all supplementary appropriation nou vin isi. E mon’n fer li 2 fwa, son trwazyenm fwa se ki mon krwar i enportan e ki mon pou ganny sans rankontre komite lannen prosenn, mon krwar ler nou rankontre as a committee e Minis i met li a dispozisyon pou reponn tou kestyon, mon krwar nou fer li in fairness, Onorab Pierre i la i konnen, Onorab Pool, Onorab Volcere, Onorab Mondon e Onorab Vicky Theresine, avek Onorab Adonis. Mon vini parey mon fer la mon donn lenformasyon e mon santi ki i pa fair pou gouvernman ki apre bann menm kestyon i ganny demande avek mwan lo menm size ki mon reponn par en manm komite finance,   si en manm komite finans i pa demande, par egzanp leader lopozisyon i demann mwan kestyon napa problenm, me selman mwan mon pa vwar konmsi i fair pou mwan konmsi la –  e mon demann mon lekor mon dir be plito mon vin la, zot demann mwan e mon reponn. Ou konpran, so nou pou ganny sans rankontre pou nou kapab fine tune sa so that apre nou etablir – nou annan en bon relasyon travay me selman mon krwar nou zis bezwen fine tune enpe sa sistenm to get things moving vwala. E nou’n onor komitman ki nou pou vin isi, kot komite finans pou nou analize apre nou vini, napa problenm.

Prezan annou al regard enpe Mr Deputy bann lezot bann keksoz ki nou bezwen enzekte larzan ladan e akoz nou pou bezwen fer li. E la parey Onorab Pool ti eksplike mon krwar nou koz enpe lo bann gran ticket items La Defans. Parey zot konnen mon’n deza mon krwar nou ti fer sa an desanm 2008 ki nou ti dir nou pou pran bann steps an sa ki konsern La Defans, met bann sistenm accounting lo son lipye. Mon ti a kontan dir zot ki nou’n annan plizyer meeting e kontroler zeneral Ms Cesar in involve ek mwan, nou’n etablir bann sistenm e mon kapab dir ki lannen prosenn nou pou vwar en gran improvement lo bann sistenm finans e sistenm accounting pou fer sir ki larzan ki Lasanble Nasyonal i aprouve e nou donn Lafors Defans, i bann larzan ki annan en management, nou pou vwar en gran improvement lo son sistenm akoz bann travay ki minister finans in fer avek bann dimoun konsernen ki travay laba. Me nou ti bezwen met larzan e laplipar bann larzan in ganny mete akoz anterm zot prozeksyon bidzeter, ti annan defayans lo zot payroll an sa ki konsern personal emoluments so nou ti bezwen step in pou kapab vreman kalkil zot sistenm gratwite, i diferan avek pou nou. Pou zot se pa departman ladministrasyon ki fer, se zot menm zot ki fer e in annan problenm.

So nou’n etablir en sistenm pou kapab koriz sa pou fer sir ki omilye lannen nou ganny demande bann sonm e ler nou regarde se ki in annan bann erer ki’n ganny committed e mon krwar nou bezwen fer sir ki sa pa repet ankor. So Ms Sitna in pran bann steps pou kapab koriz sa. Apre nou ti bezwen donn zot larzan lefe ki gouvernman ti pran en desizyon pour nou etablir sa ki nou apel en Drugs Enforcement Agency me avan agency i set up nou ti ganny demande pou nou kapab donn enpe bann larzan, e Prezidan ti eksplik mwan ki i annan serten travay ki SPDF ti pe fer me avek nouvo enforcement, zis enforcement i bezwen pe fer lo limenm. So vwala rezon akoz nou ti bezwen donn zot 4.7 milyon.

Apre nou ti bezwen kouver bann det zot ti annan plizyer bann det. Lefe parey zot konnen nou ti met nou pare pour nou komans travay lo en nouvo progranm pou fer sir ki nou kouver tou abnn arrears e nou ti anvi ki dan bidze 2009 nou kouver laplipar bann aryeraz avek bann subscription ki gouvernman i annan avek bann lorganizasyon enternasyonal e ki nou nou kouver tou bann det avek PUC, Sky Chef, ensidswit met li annord. Se pour se la ki nou’n bezwen met larzan e i ariv en total sonm 25 milyon.

E dernyenman ti annan Andromanche ki ti pe ganny  repare. Nou ti ganny demande pour nou kapab step in pou kapab kouver bann depans. Vwala sa big ticket item of 25 milyon anba ministries and departments.

Lot i Lasante e Social Development, e parey in en tradisyon e mon ekspekte ki lannen prosenn nou kapab break away from this tradition, la par egzanp nou konnen ki Lasanble in aprouv apepre 75 milyon pou lannen prosenn pou kouver latizann, medical supplies, laboratory supplies mon pa ekspekte Minister Lasante  vin kot nou pou demann larzan e mon’n demann Ms Cesar pou fer le neseser, se pour se la ki zot ava aware ki tou bann financial controller i tonm diretman anba li, i raport direkteman anba li akoz nou pa oule ki nou ganny bann surprises dan lannen e nou bezween vin kot zot e diskit menm zafer ki nou’n diskite pandan 5an. So this is why nou vwar en gran ticket item of 21.5 million pou kouver medical supplies, pou kouver anesthetic cost, pou kouver laboratory supplies and drugs, gro depans ki’n ganny mete la, sa i dezyenm bid ticket item.

Now lot ki pa tro gro me ki osi enportan i anba centralized payments e parey zot konnen anba santralized payments i larzan ki nou pa donn direkteman avek en minister. Nou’n kouver gratuities 1.2 sa i pou fer provizyon pou bann renewal pour bann zofisye gouvernman ki lo kontra, overseas travel ti apepre 933, nou pa kapab drwa bann lakonpannyen gouvernman bann lakonpannyen ki prive, nou’n servi zot avyon nou pa kapab al lo kredi, i pa en bon zimaz pou gouvernman so nou bezwen kouver.

Fuel incentive; ti annan en deficit anba fuel incentive pour bann peser, nou’n bezwen met 2 milyon ti annan en deficit. Ti annan Seychelles Chamber of Commerce nou’n bezwen donn zot SR350 mil pou kapab kouver operating cost.

Credit Union SR350 mil. Parey zot konnen ti annan en caretaker committee, donk nou ti bezwen donn larzan, subscription to international organization 1.4 milyon. Apre ti annan 11 milyon, lefe nou ti komans crawl rupee to the dollar e nou ti vwar sa ki nou apel fluctuation in exchange rate pour nou kapab kouver stipend pour nou bann etidyan e tuition donk nou ti bezwen factor in the rupee cost avek the movement ki Central Bank ti pe fer dan currency e nou’n bezwen met 11 milyon ladan.

Vwala an gro the next ticket item of 24 million anba centralized payment e sa i fer nou en total 1.247.127 milyon e vwala leksplikasyon bann kestyon ki ti ganny monte dan deba ki zot ti fer e Mr Deputy mon satisfe ki mon’n fer li mon devwar pou mwan kapab eksplike – pran li enpe letan, mon demann leskiz pour sa me mon krwar ti neseser pou mon kapab donn sa bann detay pourki nou bann manm Lasanble ki’n aprouv larzan lepep Seselwa i konn tre byen kot larzan i ale. Mersi.

 

DEPUTY SPEAKER

Deba i ouver okenn, yes Onorab.

 

HON WAVEL RAMKALAWAN

Mersi bokou Mr Speaker.  Obviously bann leksplikasyon ki Minis in donnen i montre ki mannyer nou’n ariv lo sa sonm e sa i byen. Me selman mon krwar ki vi ki nou pe koz dan en latmosfer kalm, dan en latmosfer kot nou pe rod serten solisyon, mon krwar ki i enportan pour mwan fer sorti serten pwen.

Mr Deputy letan nou pe koz lo tou sa bann larzan e sa in ganny fer resorti byen kler yer, nou pe koz lo larzan, lepep Seselwa e yer nou’n koz bokou lo kimannyer bann dimoun ki pou ranmas larzan lepep Seselwa i bezwen strikt, zot bezwen fidel dan sa ki zot pe fer me lo lot kote mon krwar ki i osi enportan pour ki bann dimoun ki depans larzan lepep Seselwa zot osi tou zot pran sa bann menm responsabilite.

Mon kontan ki Minis in mansyonnen ki paregzanp avek Departman La Defans i annan bann keksoz ki pe arive e zisteman mon krwar ki nou tou ki’n ganny sans pou regard sa ki – mon pa pe inisye en deba lo rapor Oditer Zeneral me selman Mr Deputy lefe ki pli gro Departman ki pe rod larzan se Minister La Defans, e anmenmtan letan nou regard rapor lodit pou 2008, lo Defans ki zot in mete i fer nou ozordi koman en Lasanble pran en nouvo awareness lo kimannyer sa landrwa i bezwen annan en bon lord ki ganny mete parski sansan nou pou kontinyen zis kouver keksoz anba sekirite me anba sekirite nou pou kouver en kanser terib ki pou detri nou pei.

Letan paregzanp nou pe vwar bann keksoz koman bann procurement ki zot in fer san okenn kontra e la petet mon ava dir, mon espere ki Minister La Defans oubyen Departman La Defans li osi tou i pe tonm anba the Procurement Act parski mwan mon krwar Mr Deputy in ler pour nou kapab dir kot Minister La Defans i konsernen li osi tou i en Minister e sa bann dimoun ki ansarz procurement e nou’n pas lalwa zot bann profesyonnel. E alors si Minister La Defans pe fer en depans, i anvi fer en keksoz i devret kapab li osi tou, si i annan tenders pou mete, si i bezwen sinny en kontra ensidswit i bezwen kapab pas anba la e  sa mon krwar dan limenm li, i pou ede pour nou koup lo  gaspiyaz larzan.

Letan nou lir bann konfli lentere kot zofisye dan SPDF limenm li i a pe lwe transpor avek SPDF, letan nou vwar kimannyer SPDF pe koup pye dibwa pour bann dimoun prive, letan nou vwar kimannyer – take away. Pou plis ki en milyon san okenn kontra.  Mon krwar ki nou pa pe servi sa moman la koman en legzersis pour nou pil lo SPDF me pour nou plito regarde kimannyer keksoz i kapab vin ganny met drwat e mon konnen ki poudir sa i pou ed Minis limenm Mr Deputy parski tou sala i vin bann latet fermal, li ki bezwen vin demann Supplementary Appropriation dan nou Lasanble.

Zisteman letan nou lo sa size SPDF mon enterese konnen kimannyer sa prensip single account pe marse an relasyon ek SPDF akoz ankor ennfwa nou trouv tou kalite kont, dolar in ganny tire dan enn, lot in ganny tire dan lot e sa bann larepons ki Oditer Zeneral i gannyen i pa vreman bann larepons ki akseptab. Mwan mon krwar ki Minister La Defans wi, nou sezi ki poudir i annan li en misyon sansib dan nou pei, me sa pa vedir ki kot larzan i konsernen nou bezwen donn li men lib pour li fer sa ki li i anvi, parski lepep Seselwa li i a pe ganny demande pour li fer tou kalite sakrifis me letan nou regarde, parey Minis in fek eksplik fuel, letan ou regarde ki poudir zofisye ki overseas pe train koupon isi deryer in ganny tire lo son non, in ariv sepa konbyen mil roupi. Non fodre pa ki nou fer sa e fodre ki keksoz i drwat.

E la mon ti ava kontan ki Minis i osi eksplik en keksoz, bomaten nou’n koz lo debt me ki prosedir – parski i fer premye fwa ki mon vwar en tel keksoz, pou en departman gouvernman al pran en loan avek en labank parski tou sala i arive, tou sa bann zafer i arive, ou tande Defans i pran en loan avek Nouvobanq. I bezwen annan en prensip kler, I mean Minister Ledikasyon pa kapab al pran en Loan ek Nouvobanq espesyalman la ki nou anvi met lord dan lafason ki nou financial accountability i konsernen. E  La Mr Deputy mon krwar ki Departman Oditer Zeneral e osi Departman Minister Finans ki al fer bann lodit i bezwen definitivman vin bokou pli strikt e  kekfwa Defans parey Minis in dir in en landrwa ki pandan sa lannen nou ava ekspekte ki zot ava ganny bokou plis vizit e ki nou ava met li okler e son kote sansib li i ava ganny dealt with lo en lot nivo me lo kote larzan limenm li i ava ganny pas byen.

Letan mon regard Minister Ledikasyon, en lot Minister ki pe pase – ou konnen sa ki mwan mon vwar se lafason ki bann dimoun ki sipoze responsab zot pa pe servi byen – ou order 350 met latwal e sa supplier i donn ou 1500 e i oke? I bezwen annan en problenm. E ou peye e apre Minister Ledikasyon i dir avek ou ki poudir i mank larzan alors – parski in bezwen si i ti’n budget pou 350 met, in ganny 1500 i bezwen al overbudget otomatikman. E apre i tay isi menm kot Lasanble.

Ou konnen Mr Deputy pour mwan en kantite sa bann depans e mon sir ki Minis i ava dakor avek mwan, en kantite sa bann depans nou vwar ki i vin en kestyon mismanagement e sa mismanagement malerezman i komans parfwa depi enpe byen anler e letan sa ki anler pe mismanaged sa ki anba tou i ganny en sans li osi tou i pran parski se sa lafason ki keksoz i deroule. Partou kote i annan problenm transpor e la ankor ennfwa mon krwar ki in ler pour ki gouvernman i sorti avek en polisi kler lo kimannyer transpor gouvernman i ganny servi.

Si ou en Minis, ou en Lider  Gouvernman Biznes, ou en Lider Lopozisyon, dir avek nou kler kimannyer nou sipoze servi nou transpor. Si nou servi nou transpor zis pou official business, si nou servi nou transpor koman en fasilite ki nou ganny drwa anmenn nou fanmiy Legliz dan Dimans, anmenn nou zanfan lekol, fer li kler. Konmsi tou sa bann Constitutional Appointees kimannyer transpor i devret ganny servi akoz mon pe mansyonn sa akoz la lotrozour Langleter sa bann problenm larzan e tou bann soz, tou sala in leve, kimannyer bann MPs ti pe mal servi transpor ensidswit, tou sa bann zafer. So mon krwar nou bezwen ganny sa kler.

Apre sa nou ava desann lo transpor ki met GS lo la parski Mr Deputy letan pe koz lo transport management, bann problenm, mwan mon pa kapab konpran kimannyer en transpor ki met GS lo la i kapab lo lans Port Launay Dimans apre midi dan en piknik. Mon pa ganny en konpran. Amwen ki ankor ennfwa keksoz i kler poudir, se pa sa direkter li osi tou i ganny drwa servi son transpor. Me mwan mon krwar ki non i pa devret. La ki pri transpor in desann, taks in desann, mwan mon krwar ki bann dimoun ki direkter, bann dimoun ki direkter zeneral zot bezwen ganny ankouraze, gouvernman sepa a donn zot bann fasilite loan parey i egziste la konmela pour zot rod zot transpor e transpor GS ki larzan lepep Seselwa li i ava ganny servi dan sa Minister, dan sa departman pour li fer travay minister oubyen son departman lo lapar lepep Seselwa akoz i pa normal pou ki sa labi i arive parski apre sa letan larou pou sanze, pa sa boug ki’n al piknik ki sanz larou, pa sa boug ki’n anmize ki bezwen al sanz fren, parski sa transpor son lavi olye al ziska 10 an, letan in ariv 3 an in fini kalas dan milye semen. So mon krwar ki sa i enportan.

E lotrozour letan nou ti pe koz lo lapolis e lapolis osi tou i la dan sa supplementary, letan nou ti pe koz lo bann heavy duty vehicles, mwan Mr Deputy mon trouv i drol ki la mon ava donn Minister La Defans en pti git credit, ki poudir sa bann menm landrover ki ti ganny enporte menm rafal ki lapolis ti pe ganny nouvo landrover, pour lapolis ozordi, tou zot landrover mon krwar i dan garaz Providans, tandi ki mon still vwar landrover militer pe roule. E ankor ennfwa i bezwen annan en pli gran disiplin e sa bann aksidan ki arive, konbyen nou la dan sa Lasanble ki nou’n deryer en transpor lapolis, nou’n trouv li aret kot laboutik e letan sa gard i rantre, i rantre ek en sak plastik e ou tann gling, gling ladan e  letan ou gete i pa ni oranz, i pa ni pet parski pet pa gling, gling me i plito gines avek bann lezot materyo. So ankor ennfwa nou bezwen vwar sa.

Mwan yer swar mon’n soke, in fact mon demann mwan parfwa lo nivo disiplin kot ou vwar gard preski or-deta Beau Vallon, deor Kordgard, liniform an deor kannson, i pe rantre dan kordgard, se sa apre kot nou al ganny tou sa bann problenm ki i vin en kou lo nou menm nou.

Ankor ennfwa tou sa bann landrwa Mr Deputy kot serten bann sef i ganny drwa fer bann depans e apre sa nou ganny dir napa levidans papye, there’s no paper trail. Napa levidans papye kot in ganny lotorizasyon ensidswit. Mon krwar ki nou lo nou kote isi, petet parfwa nou dan en pli bon pozisyon pour nou dir sa bann keksoz ki nou dir, ki devret ganny dir me nou lo nou kote nou anvi vwar ki larzan i ganny byen depanse, ki Minister, bann diferan landrwar i fer zot travay byen e ki sa bann zofisye ki bezwen issue bann vouchers ensidswit i ganny fer dan en fason strikt e bann checks i ganny fer normal.

Parski pour mwan Mr Deputy letan paregzanp, ankor ennfwa lo sa zafer transport, letan ou regarde ki poudir – letan zot verifye log book pa annord, pa isi, pa laba e la mon salye nou accounting officer, atraver biro Madanm Clerk e pli spesifikman Madanm Ghislaine Thelermont isi, kimannyer de tanzaot i kriy drayver i dir, anmenn en kou ou liv, nou bezwen regarde si keksoz i annord. E sak fwa ou met fuel, letan pri ti a pe fluctuate ensidswit, i mete konbyen ou’n gannyen lo laponp pour sa R200. E sa mon krwar i fantastik. E mon krwar ki se sa kalite standar ki devret ganny aplike dan tou sa bann landrwa espesyalman avek bann zofisye ki kapab issue sa bann vouchers parski si non tou keksoz i vin en mess spesyalman osi bann landrwa kot zot servi bokou car hire. Sa i en lot landrwa ankor kot i kapab annan bokou labi e kot i bezwen annan bann kontrol apropriye.

Mr Deputy mon kontan letan mon vwar ki, oke nou devret siport lasante parey toultan nou dir, nou devret siport Minister Lasante. Me selman nou bezwen osi regard lezot bann labi. Overseas treatment; Mr Deputy letan sa specialized zafer, mwan mon konn en gran msye isi Sesel ki letan i konnen poudir i annan en dimoun pe vin fer tretman i dir, ‘come, come stay at home’ se pa laba soz.. – apre sa fanmiy i monte, apre sa Minister Lasante i ganny en bill pou peye. Sa come, come everything will be ok, apre se nou lepep Seselwa ki  peye. E mon krwar ki ankor ennfwa fodre ki nou regarde.

Me mon pa kapab ganny en konpran kimannyer Minister Lasante i kapab, dan sa bann lannen ki nou pe koz lo la 668 mil dolar ou’n pey en lakonpannyen pour latizann, en panadol ou pa ankor gannyen? E ki sa ou’n fer li san en tender process pour regarde? E mon krwar ki poudir sa i annan problenm parski ankor ennfwa mon anvi fer kler ki poudir lanfaz ki mon pe met lo la se ki sa larzan i larzan lepep Seselwa e nou pa kapab – parski tou sa bann larzan ki nou pe koz lo la big money ki ti kapab ed PUC pour li kapab renouvle son bann masin ensidswit pou anpese ki nou pep i pey 28% logmantasyon dan bann rates ki ava ede pou soulaz son lavi limenm, fer nou lavi vin enpe pli an konfor parski nou pa kapab anmezir ki nou pe sey fer en fason pour nou fer progre, konmsi menm parey ou a pe lapes, ou ou a pe lapes ou pe met pwason dan pirog, en lot li i pe pran tou pwason i pe zet deor. Be ou pou ariv ater san gran keksoz. So mon krwar ki i enportan.

Mr Deputy mwan mon ti ava osi demande ki i aktyelman annan aksyon disipliner strikt ki ganny pran kot i annan sa bann labi e nou bezwen rod en fason koman en nasyon pour ki i annan aksyon ki ganny pran. Letan i annan bann regilasyon ki kler, ki dir avek ou paregzanp ki  Electoral Commissioner si i bezwen travel, i bezwen permisyon Prezidan, sa i normal pou en kantite bann Constitutional Appointees, I mean nou letan nou pou travel, nou tou ki la dan sa Lasanble, si nou pou kit pei, nou bezwen ekrir Mr Speaker pour nou dir avek li poudir nou pe ale. Bann avoka zot bezwen ekrir Sef Ziz, zot bezwen osi ekrir Prezidan, bann noter zot bezwen dir ki poudir zot pe ale.

Be si li Electoral Commissioner, i annan en lalwa, be li zis i ale li. Zis i ale apre ou vwar ki poudir – letan ou regard bann sif ou vwar ki poudir SR142,000 pou travel cost avek per diem without authorization. Tou sala se bann keksoz ki nou bezwen balanse.

So mon krwar ki sa mank disiplin fiskal, nou ava appel li, sa mank disiplin fiskal dan sa bann diferan departman i fer ki Mr Deputy at the end of the day se nou pep ki soufer. Ankor ennfwa mon pou dir, letan   pep i soufer, ki arive? Letan pep i soufer, nou ki la dan sa Lasanble nou vin en lot welfare agency. Nou tou ki la nou vin bann welfare agencies. Byensir nou kontan ed nou dimoun. Zot in donn  nou zot vot, zot in anmenn nou la isi dan sa Lasanble nou ed zot dan tou diferan fason me selman ankor ennfwa sa i fer ki rol politik limenm li i ganny distorted, totally distorted. Olye ki ou pe address issues, dimoun i regard ou koman en ATM.  E mwan mon’n deza dir sa mwan. Serye, mon’n deza dir avek en dimoun, ‘frer mwan mon en MNA, mon pa en ATM’.  Se parski at the end of the day se sa lafason ki keksoz i ete. E si mon pe dir sa se parski mon pe osi fer en lapel pour ki bann dimoun dan servis sivil zot pran zot responsabilite e zot fer zot travay byen.

Parski anmenmtan osi tou bann larzan ki kekfwa nou vann serten servis i bon pour li rantre. La paregzanp, mon a donn ou en legzanp Mr Deputy, mon fek aprann e mon pa konnen si sa larzan in antre dan kont gouvernman at some point, Sesel i annan li torti zean, i annan en katite dimoun isi Sesel ki dan prodiksyon breeding ensidswit. Tou bann markets in fermen pour bann Seselwa, ou konnen akoz? Akoz pandan en bon peryod letan en kantite nou bann pli gro torti zean ti pe ganny vann avek bann lorganizasyon Moris.  Ozordi letan ou al La Vanille Crocodile Farm ou vwar bann giant tortoises, bann gro torti, ou pase, kazo, sa ki fek ne, sa ki annan enn an, sa ki annan de an ensidswit e zot zot in flood sa market e ozordi Seselwa li i pa pe – Rodrigue  li i pe vin pli gran landrwa ki annan nou torti zean.

Sid Afrik, eski nou ti konnen ki poudir lans, disab ki  kot Sun City – disab kot Sun City i sorti Sesel, in ganny vann atraver SMB Coetivy, in tire Coetivy in ale ki konmsi i annan en kantite sa bann zafer ki mwan ankor ennfwa  – konmsi nou pe koz lo nou pep Seselwa ki a pe soufer e kimannyer bann fwit in arive e ozordi nou Seselwa nou pri e nou pa kapab avans pli devan.

Mr Deputy mwan mon ti ava kontan termin konmsa, ou konnen i annan en kantite sa bann larzan, espesyalman ek bann lorganizasyon e sa i mon konsern, bann lorganizasyon ki annan pou fer avek gouvernman, swa bann lorganizasyon ki gouvernman i donn li larzan. E apre paregzanp letan ou aprann ki parti Nouvobanq, Berjaya in kout SR400,000 e Nouvobanq i en parastatal. Letan ou aprann ki SCAA, Coral Strand pour son soz, zis drinks in ariv R100,000. Tou sala mon krwar i annan en lenpakt direk lo nou bidze, lo bann keksoz kot si keksoz i kapab aranze i ti ava vin diferan.

Mon ti ava kontan Mr Deputy terminen an dizan ki enn bann keksoz ki mon enpe dezapwente se ki letan bidze i ganny prezante, toultan i ganny prezante koman en sirplis e letan Minis i fer son prezantasyon bidze e letan i pe reviz son lannen avan, i prezant koman en sirplis e bidze 2008 ki ozordi i annan sa  supplementary appropriation e mon ti fer sorti sa dernyen fwa, kot Minis ti dir avek nou ki the forecast primary budget surplus will be 560 million, which represents 7.1% of GDP e letan mon regard rapor Oditer Zeneral pour lannen 2008 i dir ki finalman in fini avek en deficit of 328.9 million. Mon krwar ki petet ou ti ava eksplik nou kimannyer sa i vini. E anplis ki sa, oke nou’n konpran sa pwen lo fuel me selman i enpe tough letan nou regarde ki dan lannen 2008 ti annan 3 supplementaries, not two, ti annan 3 supplementaries e letan ou azout li avek sa enn la i fer ki zis lo bann supplementary appropriations i fer ki zot in tonm 118% par lao the original appropriation e ki konmsi pour nou konmsi i annan keksoz la ki fodre nou balanse.

Me ankor ennfwa mon pou dir ki i enportan en kantite, enportan pou ki i annan en vre disiplin fiskal parski at the end of the day se nou pep ki nou pe koz lo la, welfare nou pep e nou pa kapab ki serten zofisye i servi larzan lepep koman zot larzan personnel. Mersi bokou Mr Deputy.

DEPUTY SPEAKER

Minister right of reply.

 

(Interruptions)

DEPUTY SPEAKER

Nou a pran en break. Nou a tournen 11er.

 

(Break)

 

HON ANTONY DERJACQUES

Mr Speaker anvi ki nou tou nou vreman fatige e i annan en travay pou ganny fer lo Business Tax Act en pti komite, mon krwar Minis pe attend tou, alors mon pou zis fer li ki mon demann detrwa kestyon mon pa pou fer li – no address nothing. Eski Minis i kapab dir nou par egzanp lo son stratezi atraver public monitoring kot Ministry of Finance i antre dan tou bann parastatals, ti’n deza anonse ki Nouvobanq ti pou kapab ganny privatize, kote sa i été dan statezi 2010 ouswa 2011 akoz mon krwar en kantite Seselwa ti a kontan en zour aste shares dan Nouvobanq.

Dezyenmman lo PUC, anvi ki prezan nou’n aprann premye 400 mil pou ganny atraver en soft loan avek Exim bank India avek China osi koman en government, sa lot 2.8 bilyon apepre, 2.6 bilyon akoz gouvernman pe al raise pou li ganny en lot 100 milyon, sa lot 2.6 bilyon si i pou ganny raise atraver lakonpannyen Suez limenm ki pou aste shares e PUC i kapab vin en public owned company e alor i pou invest ladan ouswa public utility company pou vin en lakonpannyen parey SACOS pubicly owned kot Seselwa osi en zour pou kapab aste shares dan PUC. Alor ki stratezi lo PUC?

Trwazyenm Air Seychelles; IMF dan son rapor apre lanniverser Central Bank, Mr Mathieu ti mansyonnen ki si napa en sanzman dan Air Seychelles swa i pou ganny privatized, i riske ganny liquidated, selman i bezwen annan restructuring. E Mr Savy li in anons en nouvo stratezi e mon pa konnen si sa i konpatib avek sa ki IMF in warn nou. Eski pour le moman Ministry of Finance ouswa pou 2010 i annan okenn lide lo Air Seychelles?

Tou sala prezan mon a eksplik Onorab Mitcy Larue ki pa pe ekoute, ki pe mantoun dan zorey la.

 

(Laughter)

 

DEPUTY SPEAKER

Order, order proceed.

 

HON ANTHONY DERJACQUES

I oule mwan met li relevant, mon a met li relevant pour ou Mitcy Larue.

 

(Interruption)

 

Anvi ki Minis in dir 78% of the supplementary budget went towards the parastatals Onorab Larue, Minis alor ki ou stratezi pour sa bann parastatals parey Air Seychelles pou 2010. Eski Air Seychelles pou kontinyen 100% owned by the government of Seychelles, en joint ownership ouswa i kapab osi vin en publicly owned company.

E dernyen kestyon Minis, Onorab Larue ekoute aret mantoun ek Onorab Constance tou – sorry Mr Speaker – pou SEYPEC mon annan en kestyon. Onorab Chairman, Minis SEYPEC sa seksyon ki kontrol nou oil tanker avek sa lakonpannyen ki own zot, ki anrezistre Cyprus nou’n ganny dir par ou menm Minis ki 50% i owned by swa SEYPEC, ouswa government. Selman sa lot poursantaz zanmen in ganny devwale, lekel ki owned sa shares dan lakonpannyen Cyprus ki own sa 5 oil tanker. Sel keksoz nou konnen se ki zot in dir sa oil tanker i pou Sesel, be i pa pou Sesel a’n antye Minis. Eski ozordi swa sa bann oil tankers i 100% owned by Seychelles ouswa i annan en management company ki pe operate sa 5 oil tankers selman dan sa management company nou nou own 50% shares e i annan en lot dimoun ki own 50% shares. Konmsi  dimoun enn fwa pour tou dan sa spirit of transparency nou anvi konnen. Alor si ou kapab reponn nou ti a kontan. Mersi Minis, mersi Mr Chairman.

 

HON DAVID PIERRE

Mr Deputy mon pou komanse an dizan ki lo FPAC – mon pou komans lo FPAC akoz i annan parey Onorab De Commarmond in rightly so in refer sorti a plizyer repriz ki FPAC i annan en rol mazer pou li zwe pou garanti, ki i  kapab zwe, pou garanti ki larzan piblik i ganny byen managed, i ganny byen depanse. So mon anvi en commitment, mwan mon oule donn en commitment e mon anvi sipor sa Lasanble ki FPAC aparti lannen 2010 i komans fer son travay dan en fason vreman for par egzanp, nou kapab, dan konteks sa ki Onorab leader lopozisyon in koz lo la vizavi transpor ki lapolis i lwe, nou kapab par egzanp demande enn pour nou al on site letan i annan sa nesesite, en demann ki nou’n deza fer, me dezyenmman nou kapab demande ki lalis tou sa bann diferan car hires ki lapolis in lwe loto avek i ganny donnen pourki nou kapab swiv, i ganny donnen e nou vwar bann kontra ki’n ganny sinnyen pourki nou kapab swiv. Sa i en legzanp – pourki nou kapab swiv e fer en travay ki Lasanble limenm parey Onorab De Commarmond in fer sorti a plizyer repriz i a satisfe avek sa kalite travay ki FPAC i fer.

So nou demann sipor, nou pe met en commitment e nou demann sipor Lasanble lo la.

Dezyenm keksoz e mon pou demann avek Minis ; lo nivo management finans piblik mon anvi ki Minis i klarifye en keksoz ek nou dan konteks sa ki in dir nou. Dan Public Finance Act mon krwar 1996 ki sa ti pase i napa provizyon pou bann advances ganny fer from consolidated fund me nou’n vwar poudir sa in arive lannen apre lannen, so mon anvi demann Minis en commitment pour ki premyerman ki i pe fer, ki Minister Finans pe fer pou garanti ki once and for all sa i fini dan nou pei Sesel, e ki Minister Finans pe fer pou fer sir ki nou konnen ki sa Lasanble i konnen antan lakantite larzan ki sa i involve, ki sa Lasanble i konnen akoz e ki manyer sa in kapab ganny fer anba son ladministrasyon, anba li koman Minis Finans li menm.

Trwazyenm keksoz, mon pou komans kot Minis ti komanse. Minis ti fer en statement for letan i ti komans son ladres. I ti dir nou poudir lannen 2008 in en lannen difisil e nou lekonomi ti’n ganny tape teribleman. Dakor avek sa statement Minis akoz nou bann Seselwa nou ti santi sa lenpakt, nou ti santi gouvernman ti bezwen pran bann mezir, nou aksepte. Me Minis mon avi osi ki ou fer nou konpran poudir sa ki’n arive an 2008 pou li pa ganny repete ankor i konsekans bann keksoz ki’n arive avan 2008, i konsekans – i pa ti komans le 1 Zanvye 2008 e i ti termin le 31 Desanm 2008 li, i konsekans bann move planifikasyon ki mon asire ki Minis atraver son senserite ki mwan mon vwar dan li, in vin met devan nou la dan sa Lasanble mon santi poudir Minis pou aksepte poudir wi in annan move planifikasyon in annan mank disiplin fiskal, in annan gaspiyaz e Minis i pare pou donn nou sa final commitment ki as of 2010 tou sa bann keksoz pou fini dan sa pei. Mersi Mr Deputy.

 

HON TERENCE MONDON

Mon annan plezir aport mon kontribisyon lo sa deba akoz i pe koz lo finans piblik. Ozordi nou’n ganny sans, Minis in eksplik nou pli byen an detay ki manyer larzan in ganny depanse an 2008, e mon oule tous en pti pe bann pwen konsern ki’n leve e mon krwar i enportan ki lo nou kote osi nou kapab fer nou pozisyon tre kler.

Premyerman ler nou koz La Defans, e premyerman mon byen kontan ki Oditer Zeneral in al fer sa audit dan departman La Defans, mon konnen ki enpe letan nou ti’n deza pe diskite lo komite finans pour li al fer odit  kot La Defans e i annan financial controller ki pa ti available ki’n prezan apre toultan postpone sa audit. Mon kontan ki sa in ganny fer. Mon pa’n ganny sans al dan detay me nou komite pou bezwen take up tou sa bann pwen ki’n sorti dan rapor.

Me selman lo kote La Defans mon partaz pwennvi Onorab Leader lopozisyon ler in dir ki Procurement Act i bezwen pe apply to some extent kot Defans i konsernen, e nou vwar sa parey bann pei parey Sid Afrik kot i annan pli gran sekre militer, zot Procurement Act i apply to certain extent e isi mon krwar nou bezwen fer sir ki sa Procurement Act i apply pour bann product and services ki non-military, ki napa nanryen pou fer avek spesifikman militer. Mon krwar sa nou kapab e mon demann Minis pou nou kapab fer prosedir ki sa i ganny aplike akoz nou pe koz larzan piblik, i vre nou tou nou konsernen ler nou pe koz kantite sonm larzan ki pe donn sa Departman e nou osi nou santi anmenmtan ki nou pe pran bann desizyon difisil pour bann dimoun ki pe ganny tape avek reform kot nou kapab fer bann zefor pou fer sir ki larzan i byen ganny itilize. Nou bezwen fer sa zefor fason ki i rekoul dan fon gouvernman, nou kapab soulaz nou bann dimoun pli byen.

Me selman lo kote La Defans     dapre Oditer Zeneral i annan 3 accounts ankor ki apel sa bann security accounts i annan 3 e ankor normalman Oditer Zeneral i ganny en certificate ki dir poudir sa bann accounts, bann prosedir i ganny fer dapre bann regilasyon finansyel e bann kontrol ki sipoze an plas, e la ankor ki bann diskisyon ki bezwen ganny fer ki fason, to what extend nou ale osi lo la ki nou zis satisfe avek en certificate e sa osi i apply pou departman lapolis lo sa information awards sa larzan ki mete dan bidze pou anmas lenformasyon pour lapolis,  Komisyonner i responsab e sa osi nou ti’n aksepte, Minis dernyen fwa in dir nou poudir zot in met lanfaz kot lapolis pou annan en sistenm internal control e Oditer Zeneral pe ganny en certificate, sa osi nou bezwen gete ki i annan an plas pou nou satisfe osi ki sa certificate in marye byen avek sa ki pe pase e osi ek sa accounts.

I vre militer par egzanp i annan keksoz spesifik ki nou pa pou kapab al ladan me selman mon konnen i annan ankor travay me selman i en bon komansman ki nou’n kapab vwar en odit a sa nivo kot La Defans i konsernen.

Sa i anmenn mwan lo pwen ki mon koleg lo komite Finans Onorab Pierre in fer sorti lo kote nou komite, Finance and Public Accounts Committee, in fer en komitman ki aparti 2010 osi i pare pou donn sa komitman ki nou fer sa travay pli serye ki nou swete. Me selman anmenmtan mon ti a kontan osi nou Lasanble, mon partaz ek nou Lasanble ki anmenmtman nou bezwen get nou priyorite ki nou donnen pour sa travay e vizavi sa responsabilite. Par egzanp nou annan bann travay ki nou fer par egzanp dernyen fwa avek CEO Air Seychelles kot nou’n fer Air Seychelles vini pou 2 semenn nou’n anvoy notice ki pou annan meeting avek CEO baze lo sa odit, sa bann big companies ki in fer sa external audit, e la ankor nou vwar bann manm i pa zis lo kote  – i osi lo nou kote kot nou annan defayans kot bann manm pa fer zefor ouswa pa donn sa priyorite sa travay lo komite pour nou la pou fer sir ki nou kapab – fer sir nou pe demann bann kestyon pou nou kapab fer sir nou fer sa travay oversight.

E ler nou pe fer sa komitman mon osi anmenmtan mon demann tou bann manm e la i en lokazyon osi ki i annan bann manm ki pa santi sa son priyorite, i en lokazyon pou zot sorti pour nou kapab fer sa travay pli byen posib e ki lepep i ekspekte nou pou fer. E bann manm osi ki anvi zwenn mon krwar nou devret fer en zefor dan sa direksyon e mwan mon fer sa komitman ki aparti lannen prosenn i vedir sa rapor Oditer Zeneral nou bezwen met li ater an detay ki tou sa bann accounting officers ki involve e pe ganny odit sorti dan sa rapor i bezwen pe ganny call in pou kapab reponn bann kestyon ki’n sorti lo sa rapor.  An menmtman nou demann Lasanble osi pou kapab – akoz sa travay osi i demann ki nou kapab fer sa lo verbatim.  I enportan ki nou pe kapab anmas sa lenformasyon ki sak lenformasyon ki sa accounting officer i pe dir nou, nou pe kapab parey nou anmase pou bann sesyon plener lo verbatim tou bann ki repons ki pe donn nou. Akoz sa ki nou pou kapab servi back pou nou kapab ranforsi kwa ki in dir nou, kwa ki pe arive.

Sa i lo kote komite finans mon krwar nou bezwen, i enportan ki nou fer sa bipartisan. Minis in fer sorti en pwen ki wi i tre valab akoz in menm koz ek mwan lo la akoz in fer sa lapros avek komite pour nou kapab fer serten travay vizavi bann keksoz enportan ki’n vin devan Lasanble be ankor fodre ki nou komite i kapab nou osi fer sa separasyon. Ler nou dir bipartisan, kwa, ki konfidansyalite, ki nivo, kwa ki nou disclose at one point.  Nou bezwen pe fer sir ki nou osi nou fer sa travay byen, nou disclose lenformasyon ki esansyel, ki enportan a diferan pwen.

E mwan ankor mon demann Minis, wi,   mon krwar nou bezwen ranforsi sa. Nou bezwen asize diskite ki manyer nou fer sa travay pli byen e pou nou kapab fer sir ki nou vreman fer sa step ki nou bezwen kot komite finans i konsernen.

E sa i anmenn mwan osi lo sa pwen, petet Minis i kapab dir nou ki mon ti leve dan deba bidze ler nou pe koz bann public entreprise lekel ki nou hold accountable vreman, i pa tro kler pou nou, ki sa i keksoz nou kapab diskite, eski bann CEO bann public entreprise i sipoze vin kot committee pou donn nou lenformasyon ouswa nou pou hold zot accountable, ouswa nou hold accounting officer minister finans ki li i annan sa rol koman parent ministry sa bann entreprise e akoz i annan bann lenformasyon sekre ki nou nou’n vwar letan nou ti pe      komans fer sa travay avek bann public entreprise ki i annan bann lenformasyon ki stratezik, ki i annan bann lenformasyon ki sorti ki annan bann partners ki’n negosye ki nou bezwen konnen ki fason  nou disclose sa bann lenformasyon. Tou sa la i bann keksoz ankor ki nou bezwen diskite pou nou kapab ranforsi nou travay.

Me selman le pwen se ki nou bezwen al pli lwen e Defans i enn bann areas ki nou bezwen – mwan mon toutafe dakor ki nou bezwen al pli lwen kot defans i konsernen e kot nou bezwen fer sir ki tou dimoun e accounting officers i konnen ki i annan en responsabilite vizavi larzan lepep e ki i bezwen account pou sak sou, sak roupi ki zot depanse lo non lepep Seselwa.

E nou nou Lasanble nou osi nou bezwen grandi dan sa lapros, nou bezwen fer sir ki nou kapab fer sa travay bokou pli byen. E lot pwen se aksyon disipliner ki’n ganny leve dan deba Mr Deputy e nou vwar nou ti fer en pti exercise nou’n vwar ki i annan en kantite sa bann ka ki aksyon in ganny pran, ki’n al kot AG, ki’n al menm kot lakour e ki bann case ki en bon pe lannen i ankor la ki nou pe koz lo bann milyon ki invovle. Nou pa konnen ki outcome sa bann case me selman i bann case ki ankor pile up, i ankor kot lakour.

E mon krwar sa osi i enn bann areas ankor ki nou bezwen gete ki fason pou kapab pli byen deal avek bann sitiasyon, ler  nou pe koz aksyon disipliner en fason ki ler en keksoz in arive e i annan en dele letan ki ou kapab pe pran bann aksyon ki dimoun i santi poudir vre nou pe deal ek sa bann sitiasyon e en mesaz i sorti ladan ki dimoun i konnen poudir en aksyon i ganny pran, en aksyon disipliner e la rezilta sansan parey i été la personn pa ankor konnen ki’n arive ek sa en milyon tribinal, STB, i ankor dan vid.

Mr Speaker mon pa pou al pli lwen lo la mon ti anvi zis met enpe keksoz osi an perspektiv lo nou kote e anvoy en mesaz kler ki tou bann dimoun i bezwen konnen poudir nou bezwen pran pli serye kot resours piblik i konsernen, e nou bezwen nou tou fer sa zefor e lo komite finans nou tou nou bezwen fer sa zefor pou kapab elev nou nivo e annan en lakoz vreman, vreman bipartisan. Mersi Mr Deputy.

 

 

HON CHARLES DE COMMARMOND

Mr Deputy Speaker very short. Mon premyerman lo sa mosyon ki devan nou, lo sa Bill la, mwan mon oule felisit Minis finans pou son prezantasyon.

Pour mwan mon vwar li en nouvo depar lafason ki ou’n eksplike avek tout detay e serten fransizm, transparans, mon krwar ou pe ed nou Lasanble pou set the tone for next year e sa pou mwan mon vreman, vreman apresye koman en manm parlman tou sa letan nou’n dan Lasanble, mon krwar leader lopozisyon osi in fer resorti sa to a certain extent. Mon felisit mon koleg Onorab Mondon pour sa nouvo dinamik, nouvo dimansyon ki komite finans, mon’n ensiste toultan dan sa Lasanble it’s a very important committee ki annan en rol vreman primordyal dan nou Lasanble pou ede dan tou sa bann problenm ki nou dir toultan nou vini nou koze, nou koze.

Sa lespri ki  ou pe met devan i fantastik Onorab Mondon, mon krwar ki sa komite i bezwen pli serye e mon vwar ki manyer ou pe dir la poudir direksyon in fini ganny mete pou lannen prosenn.

I reste osi Mr Deputy Speaker ki nou Lasanble, the whole, nou Speaker ensidswit, nou bezwen osi gid nou, oubyen kree sa latmosfer, sa lanbyans i annan en keksoz taler ki Onorab leader lopozisyon in fer sorti, nou rol politik koman manm parlman. Enler nou dir  sa rol politik ki nou  devret pe zwe oversight and everything i ganny distorted somewhere along the line, mon krwar lannen prosenn nou Speaker i bezwen annan plis ledikasyon ki i fer ki nou pep i  konpran byen nou rol e nou osi nou konpran byen rol pou kapab ed nou pei. Mon’n dir a plizyer repriz nou annan diferan kote politik, diferan parti me letan nou’n zwenn ansanm la dan sa kongregasyon la dan sa direksyon ki apel parlman, la nou dan en national team la. Letan nou dan en national team nou bliy serten diferans letan nou ti pe lager tim kont tim, la nou vin zwe ansanm la pou nou fer sir nou pei i bate sa opponent ki nou pe zwe, nou bezwen score.

Dan sa sans mon ensiste e la mon oule osi profite dir ki komite reform ekonomik la Oversight Economic Reform Committee nou nou’n zwe rol osi enportan, nou nou pa’n zis koze, nou pa’n zis diskite. Mr Speaker, nou’n ganny dokiman nou’n pran dokiman nou’n anmenn kot lotorite. Si ou vwar letan nou pran Auditor’s Report nou vwar sa zafer medical supplies, i enn bann legzanp ki nou komite in pran, konkretman. Nou pa’n zis talk, talk, talk, nou’n pran, nou’n anmennen nou’n dir la la nou nou’n fer nou bout, prezan i annan lot bout ki bezwen ale.

E mwan mon lans sa lapel avek tou, nou tou ki la, manm parlman espesyalman lo kote lopozisyon, mon’n koz avek zot endividyelman plizyer fwa,  annou anmennen e prezan nou Lasanble si i annan defayans nou a vwar ansanm ek Speaker kote nou pou aranze. Prezan i annan bann komite  ki gouvernman in fer, si nou bezwen help ek sa bann komite mon krwar nou bezwen rod sa fason, konmsi nou a vwar nou lannen prosenn. La lannen pe fini the tone has been set, direksyon e vizyon in fini ganny met devan. Mwan mon vwar sa kler e nou nou’n fini lannen byen e letan nou vini lannen prosenn mon krwar vi ki nou nou pou dan nouvo building anmenmtan i ava nouvo dimansyon parlman, nou ava al pli devan e la nou pep i a vwar poudir vreman nou a pe win nou a pe bat bann pei akoz Mozambique, Malawi, Senegal lot, lot. Be nou nou a vreman fonksyonn koman sa vre parlman kot nou pep ava dir ‘la sapo leve’.

Mr Deputy Speaker mersi bokou mon kontan e mon krwar nou la nou devret pe siport sa Bill ki devan nou e nou al de lavan, set en nouvo dimansyon,  nouvo vizyon. Very good Minister. Thank you.

 

DEPUTY SPEAKER

Minister reply.

 

MINISTER DANNY FAURE

Mr Deputy premyerman mon ti a kontan remersye tou bann manm ki’n pran laparol lo sa proze de lwa ki devan nou. Mon vwar li neseser pou mwan adres enn de bann pwen ki’n ganny met devan mwan bomaten. Mon ti ava komans par serten bann pwen ki Onorab Leader lopozisyon in met devan nou. Mon ti a kontan enform nou Lasanble ki i en requirement pour tou bann minister ek bann departman al lo single account, e sa i aplik pou SPDF.

Dezyenmman mon ti a kontan enform Lasanble ki wi dan lepase in annan detrwa keksoz, i annan detrwa lorganizasyon ki gouvernman in donn zot larzan atraver  bidze ki’n save larzan dan en labank komersyal e ki’n kontinyen demann larzan avek Lasanble pou fer savings dan en commercial bank, anmenmtan ki zot en budget dependent organization e ki sa in arete, e si zot tann konplent se akoz nou’n koup sa pratik. Tou dimoun ozordi zot bezwen met larzan dan single treasury akoz nou pa kapab sa pratik kot ou vin demann larzan anmenmtan ou annan larzan dan labank komersyal. E i bann keksoz ki mon krwar bann nouvo lareg ki nou pe servi i dan lenter, parey Onorab in dir i dan lentere gardyen larzan leta pou fer sir ki larzan leta i ganny depanse dan en fason ki korek.

Dan nou memorandum on action for public adminsitration and public sector reform, i demande ki nou revwar sa dispersyon transpor ki nou annan dan gouvernman. Nou annan tou sort kalite groser transpor dan gouvernman. Ler mon dir groser mon pe dir groser engine, e nou annan tou sort kalite, e nou bezwen annan en polisi ki vreman aplik across government e nou devret osi annan en polisi, mon welcome nou devret annan en polisi pli kler lo ki manyer bann transpor leta i ganny servi. E trwazyenmman nou devret annan bann sanksyon ki pli direk, en sanksyon pli sever. E mon krwar i annan plizyer lannen ki nou koz lo la, nou mont lo televizyon nou eksplike nou dir i annan en sirkiler apre nou vwar ki bann bad practices i kontinyen ganny pratike. So nou pe vin avek sa.

Overseas treatment; Overseas treatment finans pa’n anvi antre lo la sa lannen akoz nou ti anvi premyerman parey mon ti pe dir zot dan budget time nou ti anvi at least rezourd tou nou bann det avek bann lorganizasyon e sel lorganizasyon ki nou drwa se en lopital kot nou anvoy nou bann zanfan fer tretman kanser Larenyon. Nou pou pey li avan Q2 lannen prosenn e aparti sa nou devret annan bann lagreman ki’n ganny sinnyen par de lorganizasyon konpetan, sa se Ministre Lasante e Minister Finans. Pou evite ki si i annan okenn bann ka ki egziste, pa pou annan okenn baz pou li egziste ankor e si i egziste i pou bezwen benefisye atraver en sistenm tender. Donk mon krwar sa i bann nouvo keksoz ki nou pe al ranforsi lannen prosenn.

I annan lezot lenformasyon ki ou met devan mwan la, mon ava fer li mwan devwar pou mwan al etidye e  regarde.

Nou annan en diferans an term polisi dan lafason ki nou compute surplus ek deficit. E mon ti a kontan eksplike la ozordi. Standar enternasyonal ki pe ganny pratike e nou ganny gide par fon moneter enternasyonal atraver son departman statistik ki manyer ou compute primary balance. Savedir nou bezwen compute primary balance, ou bezwen tir interest due. Now dan budget book ki devan zot lo seksyon 4 parti 1, ler nou ti prezant dokiman bidze interest due ti 628.913 milyon. Apre nou primary balance nou’n ariv 3.8%. Me lofis Oditer Zeneral i pran tou reveni apre i deduct tou peyman and we have to change that, e in ganny dir ki nou devret apply international best practice se pour se la ki zistifye ki ou’n fer sa remark. Son larepons se nou pa pe servi menm instruments.

Apre mon pou retourn ankor lo enn de bann pwen ki Onorab in fer sorti.

La nou al lo Onorab Derjacques. Mon ti a kontan dir Onorab Derjacques ki SEYPEC sa lannen lo Pioneer, Progress, Prelude Patriot, Pride, nou’n pey bann loans amounting to 17.920 milyon US dollars, in pey son loan. In pey son loan pa atraver nou, in travay in pey son loan. Seychelles Pride nou’n pey 8.8 milyon ero sa lannen, savedir nou pe pey nou bann det atraver larzan ki pe ganny fer deor. Now gouvernman li in sinny en managment, there’s a management contract ki manage nou bann tanker, nou annan en pousantaz apre i annan detrwa dimoun ki mon ti dan en – mon pa kontan si isi oubyen dan en lot meeting, isi mon ti devwal avek zot natir e lekel bann dimoun ki ladan e mon krwar bann manm FPAC zot annan plis lenformasyon lo sa detay, selman mon ti fer en deklarasyon e mon ti eksplike. E kote gouvernman nou satisfe avek sa striktir ki’n ganny etablir.

Lot lenformasyon se Air Seychelles. Air Seychelles sa semenn nou’n pran enpe retar akoz bann teknisyen finans nou’n telman busy nou tou parey zot konnen dan bidze pei me nenport ler nou pe lans strategic tender for a strategic assessment. I reste nou polisi e nou pa pe depart on this policy. Gouvernman i krwar ki zis en strategic assessment ki ganny fer par en aviation consultant ki kapab map out si the business model ki Air Seychelles pe servi is the correct business model, si nou krwar i annan serten sanzman, dir nou ki bann sanzman. Pa zis dir nou ki bann sanzman me osi dir nou ki manyer nou pou fer sa bann sanzman. Enn fwa ki sa dokiman i ganny fer i pou ganny donnen a 2 minis. Minis ki annan portfey responsabilite pou Air Seychelles mon koleg Minister Morgan avek Minis Finans, enn fwa ki nou ganny bann detay nou ava dan en pozisyon pou nou regarde what is the next step. Me Air Seychelles in bezwen pran sa bann desizyon dan konteks son survival, i pe fonksyonnen, i bezwen pran bann desizyon, i bezwen koup enpe bann larout, i bezwen donn priyorite lo Lerop, nou pa kapab negliz Lafrans avek Langleter, in etidye bann figures ki sorti kot STB. Donk i annan tout bann varyete scenarios ki zot in travay lo la.

PUC, i korek i 2.2 bilyon an term 3an lenvestisman dan 3 sekter elektrisite, delo avek sewerage. Komitman gouvernman se 125 milyon, avek 125 milyon dan capital expenditure, 100 milyon contingency fund, an tou ka i pe ganny 226 milyon pour sa lannen. 675 milyon pou prosen 3an.

Balans; I enportan la ki manyer nou pou adres sa balans? 2 fason. Nou koman gouvernman nou pa kapab prêt plis ki 50 milyon dolar dan en lannen dan en proze ki nou kapab gannyen, nou kapab ganny bann grants ensideswit. Savedir dan nou planning ler mon ti anonse bomaten nou’n dir nou pe ganny 10 milyon avek Lenn e nou’n park sa 10 milyon avek PUC, si tou keksoz i al oke lannen prosenn pour sa 33 KV nou ava ganny larzan pou elektrisite and then nou bezwen travay over he next 3 years ki nou nou fer. Nou koman leta nou annan en responsabilite nou pa kapab kit PUC lo limenm e  dir li deboury li, me selman nou ti dir osi yer mon krwar mon ti dir yer ki PUC i bezwen bankable. Ozordi i pa bankable. Koman en konpannyen komersyal i devret al dan Savings Bank e i dir Savings Bank mon bezwen en loan SR20 milyon, be ozordi i pa kapab fer sa. Donk i annan en seri disiplin parey Onorab in dir, i annan en seri disiplin ki nou bezwen pe fer.

Premyerman gouvernman li i bezwen osi pa akimil accumulation of arreas anba the (..)  anba progranm, nou pa devret, akoz nou menn nou nou pe afekte PUC, mon’n adres sa size dan cabinet devan nou Prezidan e nou nou pe dir ki i enportan ki bann minster i kontrole, i kontrol depans elektrisite, nou pa pey PUC, si nou pa pey PUC nou akimile apre nou krwar ki en bozour nou vin devan Minister Finans apre mwan mon vin kot zot nou rod larzan. Nou bezwen abandonn sa pratik, nou bezwen arete sa, nou bezwen pran nou responsabilite, i tre enportan.

Donk nou nou responsabilite se regarde ki manyer nou rod larzan, dezyenmman nou fer sir ki PUC i bankable pou li kapab fer serten bann proze.

Vwala lafason ki nou pe antreprann sa travay, me lefe ki nou anba en progranm nou bezwen fer en review, savedir nou nou sistenm se ki every 2 months minister finans i rankontre sa bann dimoun ki ansarz PUC e nou fer review, nou bezwen regarde ki zot pe fer avek larzan, ki bann proze, par egzanp sa 100 milyon ki nou pou gannyen anba contingency nou nou’n dir PUC we won’t release this money before the next 6 months, non nou pa pou fer sa. Nou pa oule ki gouvernman i aprouv en bidze nou donn larzan fasil, i enportan ki sa 100 milyon ki gouvernman in aprouve nou bezwen annan bann proze e nou bezwen konnen ki proze. I pa kapab nenport kalite proze e ou bann proze i pa kapab pe zis konsantre lo zis en kote Mahe, nou bezwen regard Praslin, nou bezwen regard La Digue  nou bezwen regard lezot distrik, so nou kapab etablir sa sistenm.

Donk nou’n rankontre sa bann dimoun e nou’n dir zot this is how we want to do it. E mon anvi fer en statement isi ankor, mon krwar i enportan, mon pa’n ganny sans dir li. Nou nou’n dir ek sa bann dimoun anba kontra ki gouvernman Sesel in sinnyen si nou pa satisfe avek the management contract in force we will call them to order. I enportan ki zot konn sa, i pa en kestyon ki nou’n zis sinnyen, nou zis sinny en kontra apre nou dir oke nou sinny nou kontra nou krwaz lanmen. We are not in that business, sorry. Nou’n fini anvoy zot, mon ti donn en lenstriksyon mon PS mon’n dir kominik avek zot 3 semenn, dir regarde Minis pe ale, nou pe anonse me nou koman en leta nou anvi a good deal pour lepep Seselwa. Si nou pa satisfe we will pull out. I annan konsekans peye nou ava peye me selman nou anvi travay i ganny fer byen. Mon ti anvi sa statement i ganny mete on record and this is the position of government.

Nouvobanq; Nouvobanq anba progranm parey zot konnen nou bezwen antreprann privatizasyon, antou ka i Seychelles Savings Bank nou ti’n fini fer tou prosesis tender avek Seychelles Savings Bank me labank o nivo Lafrans i ti’n win tender in ganny atrape par financial crisis, in enform nou ki i pa pou kapab. So nou back on the drawing board parey nou pe dir.

Prezan nou pa kapab, nou napa kapasite Sesel pou al antre dan pivatizasyon bann labank, nou napa, ennitil mon dir nou annan en nou pa kapab fer. Donk ki nou ti fer, ler mon ti dan en meeting Turkey, mon’n rankontre bann dimoun world bank, e anba world bank i annan en group ki appel International Financial Corperation. Zot ki annan lekspertiz ladan, e zot ti vin Sesel 2 mwan pase e nou ti rankontre zot e nou’n dir zot nou ti a kontan ki zot ed nou pou kapab met en sistenm tender an Mars fer travay, apre nou a deside. So nou ankor pe esper larepons  sorti kot sa bann dimoun e selman bann rekomandasyon ki pou kapab then dir avek gouvernman si fodre – konbyen nou bezwen privatize, si fodre nou donn bann shares bann travayer, nou pa kapab dir nou ava fer li apre nou pri avek sa.

Now lot ka se Onorab Pierre, mon salye commitment, mon enn bann dimoun ki vreman krwar mon’n evolye dan mon panse, mon pa pou kasyet avek zot, mon’n evolye dan mon panse, e mon krwar ki Lasanble Nasyonal koman en lenstitisyon atraver son komite kont e piblik pou en gran sipor pou leta Sesel a kondisyon ki i zwe son rol efektif. E mwan lenformasyon ki mon’n donn Ms Cesar, mon’n dir li ki napa okenn public account officer si i ganny apele i bezwen refize, okontrer mon ekspekte plizyer accounting officers dan gouvernman pe vin dan nouvo batiman, i annan ase plas laba pou kapab fer sa bann travay. Se sel fason ki ou kapab koriz bad pratices, e fer sir ki bann keksoz i anlinny, i enportan. E mon krwar nou pou donn tou sipor. Se pour se la dan sa 17 pwen ekek milyon ero, mon ti ganny sans rankontre Anbasader e nou’n koz lo behalf Lasanble Nasyonal pou nou kapab anmenn sa capacity building pour zot, akoz zot osi mank kapasite. Zot bezwen ganny bann capacities pou kapab ed zot, i annan zot avek lofis Oditer Zeneral, e parey zot konnen lofis Oditer Zeneral i pa ni kapab kouver tou Minister ek    Departman dan en lannen e anplis ki sa nou pe demann li al fer lo bann lezot lorganizasyon ki nou’n kree, i enposib nou pou toultan pe vini, pe koz menm zafer, ki nou devret fer nou bezwen break away from the thinking, regarde ki manyer nou kapab fer li wi, wi.

So mon siport sa ki Onorab Mondon in fer sorti, nou a donn tou bann led. Lo kote procurement nou partaz ou rekomandasyon, dan militer gouvernman pa devret pe antre dan procurement of military equipment ensideswit me bann ordinary supplies i devret e nou ava pran bann steps neseser pou ensure ki sa i ganny fer akoz sa mon krwar i bann pratik ki neseser dan sa bann moman ki   nouvo polisi ki gouvernman in adopte nou bezwen osi fer sir ki i partou.

I annan en lenformasyon ki’n ganny donnen lo bann advances. Pou lenformasyon Lasanble Nasyonal nou pe travay lo en nouvo Public Finance Act ki nou ava ganny sans diskit avek zot komite e anba progranm nou bezwen finaliz sa Act ver Desanm lannen prosenn. Donk nou annan apepre 8 mwan devan nou pou nou travay lo la. Me ozordi anba lalwa, lalwa i pa anpes nou donn en advance, the way ki the law in ganny drafted osi tan ki sa larzan i sorti dan consolidated fund apre i annan en Appropriation by the National Assembly.

Onorab De Commarmond mon kontan pou tande ki komite reform i dan son senkyenm gir e mon krwar si zot koste zepol avek lot komite zot a met en dizyenm gir e nou welcome bann travay ki pe ganny fer, nou’n ganny enpe bann feedback dan minister finans e mon krwar si nou fer bann travay profesyonnel, akoz mon krwar dan lizye piblik zot regard zot koman zis politik me si nou komans vwar ki zot osi annan en travay profesyonnel ki ler bann zofisye gouvernman i vini i dir zot bann keksoz in good faith e ki zot kapab servi sa bann lanaliz pou fer zot travay mon krwar nou pou ganny sipor civil servants dan gouvernman e la sosyete an zeneral.

So mon krwar keep it up me mon ti ava osi ankouraze ki nou annan lezot manm ki lo sa komite akoz mon’n ganny dir ki i annan zis parti mazoriter lo sa komite, e mon’n dir be i en komite me selman komite pa konplet. Donk mon krwar i enportan, mon pe zis pas en lenformasyon ki nou fer ki bann komite i en komite i konplet e nou fer bann travay e nou ava donn bann sipor le neseser.

Finalman mon retourn lo enn de bann pwen ki Onorab Leader lopozisyon in fer sorti. Mon ti a kontan reiterate ankor ennfwa  isi dan nou Lasanble ki fiscal discipline i en anchor pou gouvernman, me selman sa disiplin i bezwen ganny ranforsi lo tou nivo, i pa kapab zis annan detrwa ki pa zis krwar ladan me ki pou travay pou obtenir son bann lobzektif, i enportan ki tou dimoun i fer li, e mon krwar nou kapab fer li, eski nou annan kapasite, eski nou annan volonte? Mwan mon krwar dan gouvernman at the highest i annan sa, parey nou dir the political will, konmsi to move this agenda forward me nou bezwen annan bann siport pour nou kapab vreman tackle it. Has there been mismanagement in certain areas? There has been me eski i bezwen reste la, non.  Eski nou bezwen tackle it head on, yes. So enn antre zot i dir ‘you know it is this approach, towards, sa kalite travay me parey mon pe dir nou fer li dan en fason vreman profesyonnel. E si nou anmenn sa nivo profesyonalism dan fer sa travay we will get a long way. Mon met mwan parey labitid a dispozisyon pou travay avek Lasanble Nasyonal pour nou kapab fer sa bann travay ansanm.

Lo sa not Mr Deputy mon ti a kontan remersye nou bann manm e demande ki nou donn sipor lo sa proze delwa. Mersi.

 

DEPUTY SPEAKER

In ariv ler pour nou vot lo Bill devan Lasanble.  All in favour? Okenn ki kont?  Nou a ganny en formal second reading.

 

AG CLERK

A Bill of an Act to provide for the purposes of a Supplementary Estimate approved by the National Assembly.

 

DEPUTY SPEAKER

Nou a ganny en mosyon pour nou sot committee stage.

 

HON POTTER

Mr Speaker mon move anba order 91(1) ki nou sispann orders 65 to 70.

 

HON ANDRE POOL

Mon segonder Deputy Speaker

 

DEPUTY SPEAKER

Nou a ganny en motion for third reading.

 

HON POTTER

Mr Speaker ki Supplementary Appropriation Bill 2009 i ganny lir en trwazyenm fwa.

 

HON POOL

Seconde.

 

DEPUTY SPEAKER

Nou a pran en vot. All in favour, okenn ki kont. Third reading.

 

AG CLERK

This Act may be cited as the Supplementary Appropriation (No.4) Act 2009.

 

DEPUTY SPEAKER

Bill in pase. Nou pou adjourn ziska demen bomaten 9 er.