::
Home » Archives » Verbatims - Second Term 1997 » Tuesday 3rd June 1997

Tuesday 3rd June 1997

MR SPEAKER

Mon a dir bonzour tou Onorab, Minis e piblik ki pe ekoute, mon annan de lanons premye parey bokou zot dan recess ti bezwen travay fer travay parliamanter a letranze mwan osi mon fek sorti partisip dan en konferans Dare Salem semenn pase sa ti en konferans bann speakers Common Wealth rezyon Lafrik  ki ti konpri 14 pei, Sesel pou host lot konferans ki pou ganny fer dan 2 an dan lannen 1999, ler mon konpar evolisyon nou parlman isi Sesel mon santi ki Sesel pa pe mal fer pou plis detay zot kapab vwar sekretariat e pou verifikasyon osi apart sa mon annan en konplent anba lartik 102 paragraf 6 konstitisyon ou en piblik kot departman kiltir ki responsab pou mize e arsiv nasyonal i dir ki ler dan deba lo pansyon e gratite le 25 Mars sa lannen Onorab Belle ti dir ki dan arsiv serten dokiman in ganny detri, zot sa departman pe dir sa i pa vre e zot envit Onorab Belle pou vin verifye pou li menm. Avek sa nou al deswit dan question time, nou komans avek kestyon 45 pou Onorab Figaro.

 

HON JAWHARY

Mr Speaker mon ti a kontan demann Minis pou Ledikasyon ek Kiltir si i ti ava kapab esplik nou scheme of service bann teachers silvouple.

 

MINISTER PATRICK PILLAY

Mr Speaker teacher’s scheme of service oubyen TSS parey nou nou konn li dan Minister Ledikasyon la Kiltir ek bann teacher’s i en scheme ki ase detaye e mon a sey eksplik bann pwen pli pertinan bomaten e si i annan kestyon siplemanter natirelman nou a sey klarifye lezot pwen. TSS ti vin annefe le 1 Zanvye 1990 apre ki gouvernman ti’n war en bezwen pour vwar en scheme ki a etablir en career pattern pour bann zenn Seselwa ki enterese dan profesyon lansennyman pour atir zot dan sa profesyon e a sa pwen gouvernman i natirelman rekonnet ki lansennyman e sirtou bann ansenyan i enn bann pilye prensipal dan sosyete akoz son rol dan ledikasyon bann zenn sirtou ki pou fer marse pei a lavenir e alor teacher’s scheme of service i ganny diskite e prodwir prensipalman oubyen premyerman pou fer sir ki moral bann teacher’s ek bann instructors i ogmante pou ankouraz zot pou pran en karyer plen dan lansennyman epi pou sey redwir osi serten drop out atrisyon ki arive dan profesyon lansennyman osi trwazyenman enn son bi prensipal se pou ankouraz bann zenn Seselwa pou zwenn sa karyer lansennyman dan Sesel e natirelman apre ki alafen bann lannen 70 kot nou annan demokratizasyon ledikasyon i annan kantite teacher’s sorti etranze ki nou’n bezwen anmennen natirelman pou delivre progranm ledikasyon ki nou’n anvi fer sirtou parey mon’n dir dan nou bann dernyen lannen 70 komansman lannen 80 e enn bann bi teacher’s scheme of service se pou ede redwir lakantite ekspatrie ki dan sistenm lansennyman dan Minister Ledikasyon ek Kiltir.

Scheme li menm li i en mwayen pou donn bann teacher’s bann incremental awards regilyerman e i donn posibilite pour bann dimoun ki ankor ansennyan in abou progrese dan sa scheme i osi parey mon’n dir pour ed bann zenn swazir sa karyer, i defini en larout karyer tre kler e i donn osi en sans pour improve saler bann dimoun, bann dimoun ki dan lansennyman si zot in abou swiv serten kour e i annan serten prospe pou avanse dan sistenm e osi enportan en pwen ki mon kwar teacher’s in apresye bokou ki sa TSS in donn sans bann teacher’s ki;n ansenny pou lontan, long serving teacher’s en sans pou ganny rekonpanse atraver gratite ki rekonnet ou bann tan servis apre 1979 savedir i donn zot en sans pou ganny sa gratite anmenmtan ganny sa incremental awards ki prezan i annual tou le lannen i ganny fer brevman lekel ki kapab benefisye dan TSS brevman i natirelman tou bann teacher’s ki nou apel instructor’s lo nivo politeknik i bann headteacher’s ek deputy headteacher’s osi studies coordinators bann ki ansarz bann lekol politeknik head of schools apre bann seksyon akoz i annan seksyon kot politeknik ki pa en lekol par egzanp PE bann koordinater dan vilaz NYS ki responsab pour ledikasyon bann curriculum development officers ek bann  assistant CDO’s ki baze lo nivo Minister Ledikasyon e ki responsab pou devlopman bann progranm sa i prensipalman bann dimoun ki form parti sa kor ansennyan oubyen ki annan responsabilite pou ansennyman ki benefisye anba TSS. Mon ti a kontan zis azoute ki TSS in ganny design pou Seselwa prensipalman me scheme i tel ki si en ekspatrie i ganny anplwaye lo apwentman lokal i osi benefisye avek awards anba TSS me sa i pa aplike pour bann zofisye letranze ekspatrie ki lo kontra akoz zot natirelman zot annan serten kondisyon avek allowance ki diferan avek bann teacher’s lokal, letan ou pe apwent en teacher lo TSS the teacher’s scheme of service natirelman i ganny apwente lo en EP ki baze lo son kalifikasyon ki annan son entry point i determinen par son kalifikasyon epi par la swit TSS i donn li sa posibilite pour li progrese, avanse swa parey mon’n dir taler swa atraver leksperyans tann servis swa atraver advanced qualifications i kapab par egzanp i komans li koman en diploma part 2 etidye swa en increment ler i fini politeknik ledikasyon e kominoter i kapab al fer letid deor e vin lo en scale pou graduate par egzanp si i vin lo EP 44 i otomatikman monte epi son bann increment i kontinnyen.

Mon’n mansyonnen ki enn bann laspe TSS teacher’s scheme of service se sa gratite ki bann ansennyan i resevwar e sa in pran lefe depi 1994 akoz ou kalkil ou premye 15an sa ansennyan i ganny li 25 mil roupi sa i efektiv i konte depi 1 Zanvye 79 savedir apre premye 15 an i tonm 1 Zanvye 1994 bann ki kalifye otomatikman i ganny peye 25 mil roupi e sa i kontinnyen gratite i kontinnyen apre ankor 10 an apre sa premye peyman ou kapab ganny ankor 25 mil roupi e par la swit 5 an apre sa peryod ou ganny 20 mil roupi e son bi son lobzektif deryer sa gratuity payment se pour asire ki i annan continuous service son lobzektif se pou ankouraz bann dimoun ki’n pran lansennyman koman en karyer oubyen bann ki deza dan lansennyman pou reste dan lansennyman e pa fer en break of service e sa gratite a lafen i en fason rekonpans bann ki’n kontribye pou devlopman bann zenn dan pei atraver sa continuous service parey mon dir premye 15 an apre 10 an apre 5 an e i ale ziska ou ganny 20 mil roupi pou ou dernyen 5 an for 45 years of service so sa i son gratite si en dimoun i arete par egzanp i ganny fer redundant oubyen pour rezon medikal i bezwen arete early uptree retirement i ganny en gratite ki ganny peye lo en baz proata so i pa perdi son tann servis si i forse pou rezon ki ladministrasyon i konsider valab pou kite i ganny benefis lo la.

Mr Speaker sa i prensipalman bann laspe TSS ki i an regilasyon ki vilger konmela me petet si i annan kestyon siplemanter lo laspe spesifik lo TSS mon kapab reponn zis pour terminen mon ti a kontan dir ki letan nou koz lo annual increment sa annual increment i en increment 600 roupi par an pou sak lannen ki sa dimoun i dan servis e nou annan en scale for years of service letan nou ti determin awards pou long service par egzanp si letan sa scheme ti vin annefe si ou tann servis si 1-4 years ou ganny 3 increments par kont ki bann dimoun ki annan 37 an servis e pli o zot ganny zot 12 increments so sa ti en fason pou rekonpans parey mon dir bann ki lontan in dan sistenm i kontribye bokou me ki pa’n ganny sans monte atraver bann course oubyen training opportunities ki lezot zenn in gannyen. Mersi Mr Speaker mon ava aret la e petet kontinyen si i annan kestyon siplemanter.

 

HON FIGARO

Mr Speaker mon ti a voudre demann Minis si eski son Minister i ti a pran kont bann mekontantman ki annan parmi bann teacher’s ki zot ki santi par egzanp zot pa kapab improve zot sirtou zot saler atraver en logmantasyon ki zot a kapab gannyen atraver bann kour ki ganny donnen ek bann teacher’s vi ki par egzanp pou le moman i annan plis bann zenn teacher’s ki pe ganny sans fer bann kour akoz zot annan enpe plis kapasite avek enpe plis sans pou zot kapab fer li.

 

MINISTER PATRICK PILLAY

Mr Speaker mon kwar sa i en pwen enportan, en pwen valab zis mon ti a kontan azoute ki letan nou ti entrodwir sa TSS an komansman lannen 90 ki nou ti fer nou ti organiz o nivo Minister Ledikasyon nou ti zisteman servi ed pou ed nou bann teacher’s ekspatrie e lezot teacher’s ki ti pli kalifye dan sistenm pour annan sa ki nou ti apel upgrading en seri upgrading courses dan lekol pour zisteman donn sans bann ki pa’n ganny sa sans devlop zot kapasite akademikman e otreman pou vin abou ogmante pou ogmant zot kapasite pou vin abou annan the minimum requirements pour zwenn serten course par egzanp diploma part 1 dan politeknik evantyelman pou fer diploma part 2 me petet nou devret war ankor parey in ganny sizere par Onorab Figaro ki manyer nou kapab ogmant sa loportinite pou  bann ki’n ganny les en pti pe an naryer.

 

HON BELLE

Mr Speaker dan son diskour Minis in dir nou ki annan bann kondisyon travay ek bann allowance ki diferan pour bann teacher’s lokal e ekspatrie, eski i pe dir nou ki annan en sistenm ki meyer ki lot ou ki diferans i annan ant sa de sistenm.

 

MINISTER PATRICK PILLAY

Non, Mr Speaker mon pa kwar poudir i annan en diferans dan le sans ki enn i meyer ki lot i petet ki fason vwar li e fason ki’n ganny konsevwar, mon ti zis fer presizyon taler ki TSS i pa inikman pou Seselwa in ganny design pour Seselwa me si i annan en madanm dizon mon pe zis pran en legzanp, madanm en ekspatrie ki isi in akonpanny son msye i travay an deor Minister Ledikasyon oubyen dan Minister Ledikasyon ki anvi travay i ganny sa ki nou apel en local appointment e i pa ganny bann benefis ki en ekspatrie i gannyen lo kontra e ler i ganny sa lokal appointment si i reste 2,3,4 an dan sistenm li osi i benefisye avek sa bann incremental awards ki en Seselwa pou gannyen anba TSS savedir li osi i annan sa posibilite pou li benefisye anba TSS, par kont letan ou recruit serten expatriate zofisye a letranze pou vin travay isi ou ofer serten kondisyon ki spesifik pou ou serten post i lo kontra ou bezwen donn zot pasaz akoz ou pe anmenn zot isi e sirtou i annan sa laspe inducement allowance oubyen sa ki nou apel supplementation ki donn ou sa sans pou ou zwe avek baze lo zot leksperyans zot kalifikasyon e sa ki nou apel sa fakter ki nou apel scalecity factor i annan serten domain parey par egzanp dan politeknik ki pli difisil pou ou ganny serten dimoun pou ansennye e petet la ou bezwen les ou supplementation allowance zwe avek pou ou vin obou atir sa bann dimoun alor i en kestyon bezwen ki bezwen ganny adrese olye en kestyon kondisyon ki meyer pou serten e pa pou lezot.

 

HON ESPARON

Mr Speaker mon ti oule demann Minis eski sa teacher’s scheme of service i aplikab zis pou bann teacher’s dan Minister Ledikasyon eski i aplikab pou bann lezot teacher’s kid an lezot departman gouvernman par egzanp bann teacher’s kot hotel training school, dezyenm eski bann annual increment ki koz lo la i baze lo merit oubyen i bann increment otomatik.

 

MINISTER PATRICK PILLAY

Lo premye kestyon Mr Speaker nou a rapel ki lekol otelyer ki prezan SHTTC i ti form parti Minister Ledikasyon e Kiltir avan ziska 2an pase e i enpe annually me selman bann ansennyan ki lotel otelyer zot konsider zot koman teacher’s parey letan zot ti dan ledikasyon e dan sa sans zot annan sa posibilite pou ganny bann increment parey bann teacher’s anba TSS i gannyen, lo sa dezyenm pwen mon kwar ki i pa en kestyon zis otomatik akoz letan mon ti koz lo son philosophy TSS i en kestyon osi rekonnet bon travay good performance e taler i ava en kestyon ki nou pou abou tous lo la me ki nou’n deside nou letan nou ti koz lo TSS e mon ti a kontan dir ek sak lekol i annan enn sa kopi teacher’s scheme of service ki la devan e sak teacher i konnen i annan sa posibilite fer referans avek pou ganny bann presizyon lo sa kestyon performance i ganny esplike ladan Minister Ledikasyon kot bann teacher’s zot performance i above average savedir zot pe meet the requirements parey laplipar i dir natirelman zot increment i otomatik, en pwen ki nou ti fer sorti dan sa TSS lo komansman se ki in1990 se ki bann increments i pou gannyen tou le 4an o komansman nou ti dir sa ki ler ou’n fini 4an apre 1990 ou ganny ou 4 increment ansanm, letan nou ti fer letour dan bann lekol pou diskit ek bann teacher’s mon bann kolaborater pou mon menm nou ti realize ki bann teachers i santi ki i pli meyer zot ganny zot increment tou le lannen nou ti fer serten reprezantasyon kot ladministrasyon mendev e pou sa lannen nou pey sak teacher son incremental award par lannen savedir sak lannen e i depan kan i kalifye pandan lannen otomatikman i ganny sa si komansman lannen, milye lannen, oubyen Oktob whatever e pour bann ki nou santi son performance i pa zwenn pozisyon requirements ki i ganny peye pou fer i annan en panel ki Minister Ledikasyon i regarde ki manyer sa performance i ete si zot merit ganny sa annual increment e sa i baze lo sa performance appraisal lekol lil menm li i fer bann rapor ki zofisye Minister Ledikasyon i fer ler zot al vizit bann lekol i enkli bann dimoun ki dan curriculum development i konpri osi bann dimoun ki dan ladministrasyon lekol school section tousala ansanm sa unit i vwar si zot merite gannyen oubyen si sa i ganny withheld alor the longer the short of it lo ou kestyon ki mon ti’n oubliye taler se ki i pa otomatik me pou lamazorite teacher’s letan zot perform satisfezan i ganny awarded annually.

 

 

HON CHOW

Mr Speaker eski Minis i kapab dir nou si son Minister in deza esey fer en letid endepandan pou gete si sa scheme of service pe achieve son lobzektiv ki li menm li in dir in ganny design pou fer e ki s ii pa’n zanmen fer sa eski i a konsidere ki en letid endepandan i ganny fer pou gete si premyerman lobzektif sa scheme i gannyen i pe nobou arive dezyenman si i annan relasyon saler bann teacher’s avek bann lezot saler ki egziste dan lekonomi Sesel pou ki nou war en pli bon fason pou gard teacher’s dan en vokasyon plito abandon son vokasyon pou al fer en lot job ki petet personnelman zot pa ti a voudre fer.

 

MINISTER PATRICK PILLAY

Mr Speaker mon pa kwar ki annan en letid spesifik ki’n ganny fer pou revwar si nou lobzektif ki ti gid formasyon TSS in ganny attempt me mon kwar poudir i annan sa ki nou kapab apel bann pointers oubyen en disk ki montre ki in attend dan mon lopinyon personel en gran parti sa bann lobzektif enn bann pwen ki mon ti fer sorti taler se ki lide ti pou atir plis bann zenn Seselwa pou zwenn profesyon lansennyman e mon kwar ki sa statistic ti montre ki annan bokou plis zenn ki’n zwenn lo nivo komansman politeknik pou fer diploma part 1 pou al dan diploma part 2 e osi lo nivo bann zenn ki’n zwenn apre A’ Level oubyen requirement satisfezan pou al fer byen a letranze ou a rapel apre medya nou’n fer konnen ki ti annan serten cleaning programme avek liniversite Langleter ek Ostrali alor si ou baz lo sa sif bann zenn ki’n zwenn profesyon lansennyman epi dezyenm laspe se ki nou’n dir nou nide ti pou redwir lakantite etranze expatriates ki nou annan dan teaching profession nou’n redwir li i annan en moman donnen ki nou ti annan plis ki 300 expatriate teacher’s ki konmela nou annan mwens ki 150 expatriate teacher’s dan sistenm ki vedir nou ankor pe fer sa zefor e sa in montre ki annan en rediksyon konsiderab e i vedir ki TSS in fer sa, en lot indicator si oule oubyen pointer ki nou kapab servi se lefe ki annan mwens atrisyon dimoun ki kite dan teaching pou al fer en lot profesyon oubyen pou kite konmsa amwen i annan problenm medikal e en keksoz ki nou’n remarke bokou dimoun ki’n ariv retirement age 63 an i annan bokou plis lentere pou reste dan ledikasyon alor letan ou regard tousala i donn ou en lendikasyon ki sa teacher’s scheme of service i ase atiran e in enpe dan en gran parti zwenn sa bann obzektif ki nou ti etabli me mon pa elimin lefe ki nou kapab fer en survey pou vwar kot nou kapab aranze parey Onorab Figaro in fer sorti taler oubyen pou vwar opinyon bann teacher’s lo la.

 

HON POOL

Mr Speaker premye bout mon kestyon in ganny reponn, dezyenm an sa ki konsern sa annual increment ki Minis in koz lo la mon ti a kontan Minis i eklersi zeneralman lekel sa increment ki’n ganny rekomande, si annan serten moman spesifik dan lannen ki sa increment i pran lefe pour leklersisman bann teacher’s si oule ki ganny afekte par sa annual increment.

 

MINISTER PATRICK PILLAY

Mr Speaker ou annual increment natirelman i pou baze lo kan ki ou ti antre dan servis, mon pe koz lo increment pou sak lannen servis e nou bezwen fer en diferans ant sa avek increments ki ganny donnen par gouvernman pour civil servants across the bord sa normalman nou ti ganny serten direksyon apre budget address pour increment the lower band sa riskage future scheme of service ki’n fer ki prezan en ansennyan i kapab antre koman en supply EP 25 i pa komanse lo EP 19 parey avan apre bann increment e neseserman sa bann increment ki gouvernman i donnen pou civil servants i komans 1 Zanvye e increments ki ganny donnen pour tann servis each year of service dan sistenm  e sa i varye.

 

HON BARBIER

Mr Speaker eski Minis i kapab dir lasanble si bann teacher pou ganny en logmantasyon apre sa kour ki konmela zot pe swiv apre laklas.

 

MINISTER PATRICK PILLAY

Mr Speaker petet mon ti a demann en presizyon lekel kour ki zot pe swiv apre laklas.

 

HON BARBIER

Zot pe swiv de fwa par semenn la.

 

MINISTER PATRICK PILLAY

Mr Speaker i annan diferan kour ki bann teacher’s i swiv i annan en seksyon dan Minister Ledikasyon ki apel curriculum development section e i annan lasistans ki zot gannyen avek letid kominoter zot fer kour pou diferan nivo, diferan group e normalman nou dir ki letan en group teacher’s i ganny demande pou swiv en course ki ogmant zot kapasite pou perform me zot pa sanz zot pozisyon ki zot pe teach nou pa pe servi sa koman en kour ki pou donn zot en increment otomatikman amwen ki sa kour avan i lanse in ganny determinen ki sa i pour donn zot en sanzman dan zot EP dan zot entry points akoz zot ganny added dan zot qualifications se zis en kour ki pou senpleman ogmant zot kapasite personel pou fer zot travay koman en ansennyan la zot konnen poudir zot pa ganny increment per se apre terminasyon sa kour me ki arive se lefe ki zot in aprouv zot kapasite e zot in vin abou fer sa kour avek sikse i donn zot sa posibilite pou zot ganny promosyon evantyelman.

 

HON BIBI

Mr Speaker mon ti a demann Minis ki kriter TSS i annan kot i konsern promosyon bann teacher’s, en dezyenm kestyon Mr Speaker ki provizyon i annan dan TSS par egzanp si en teacher ki’n break service pou rezon maladi me apre i reganny entegre savedir i pa fer premature retirement me i ganny antere provizyon ki son gratite i annan ladan.

 

MINISTER PATRICK PILLAY

Mr Speaker savoyaz mon’n fer sir mon’n mark tou pou mwan pa bliye, sa premye nou kapab zis dir senpleman menm si nou’n pas lo la taler pou Msye Bibi ki nou ti dir i baze lo tann servis in other words en increment apre sak lannen ki ou’n servi koman en teacher i baze lo added qualifications savedir si en teacher i santi ki i anvi sorti lo diploma part 1 i anvi mont lo en lot entry point advanced diploma i ganny sa sans pou li fer extra studies e i sanz son EP par egzanp osi si en zenn in fini politeknik in ganny diploma part 2 i anvi al fer BL i kalifye i ganny sa sans oubyen i ganny en A’Level i al fer son BL i sanze i sorti lo 32 i al lo EP 44 so dezyenm kriter se sa advanced qualification oubyen added qualification e trwazyenm se good performance sa i sa premye morso e ou dezyenm kestyon Onorab Bibi se break of service, mon kwar sa i en pwen enportan akoz nou’n ariv serten ka kot dimoun in dezapwente pour sa rezon ki mon dir ki enportan ki sak dimoun i etidye sa tre pros pou vwar bann kondisyon ki i ladan ou vwar TSS i ti ganny konsevwar pou ankouraz dimoun pou reste continous service i tre enportan par kont si en dimoun i pran sabbatical leave oubyen i pran unpaid leave pou en rezon valab, personel oubyen familial i pa ganny konsidere koman en break of service sa i senpleman ganny konsidere koman i pa ganny konte letan kalkil o tann servis pou gratite me i permisib me i annan en clause dan TSS ki i kouver enpe teacher’s ki ariv en pti moman pou rezon en lot ki ou bezwen arete i dir koumsa a teacher who lives service in any circumstances but joins within the period of 31 days will not lose the continuity of service s ii annan sa 31 zour pou rezon en lot ou’n deside kite sa i pa perdi ou bann tann servis me natirelman sa pa enkli en dismissal unless Minister Ledikasyon i konsider en ka spesyal pou li menm.

 

HON DENIS

Mr Speaker mon kestyon ti lo rediksyon an lakantite expatriate teacher’s sa Minis in deza don nou lesplikasyon.

 

HON POTTER

Mr Speaker eski Minis i kapab eksplike akoz eski dan sa scheme of service napa en post spesifik pou headteachers e ki par kont bann head teachers pa kapab al lo kontra.

 

MINISTER PATRICK PILLAY

En bon kestyon, en kestyon enteresan Mr Speaker mon ti a zis kontan koman en pre repons dir ki bann headteachers zot in group zot apepre 2 ou 3 an pase zot in regroup zot anba en lasosiasyon ki apel (SHA)Seychelles Headteacher Association e nou’n zwenn ladministrasyon ledikasyon ek kiltir nou’n zwenn bann headteacher’s pour diskit avek zot pou vwar kwa ki zot kwar i ava enteres zot e dan zot benefis, e pour depi Zanvye 1997 bann headteachers parey bann heads of schools politeknik zot vini lo en EP spesifik anfet zot EP i EP45 ek EP46 rezon ki sa i leka se akoz headteacher zot menm zot e mon fer kler sa ki bann headteachers zot menm atraver zot reprezantasyon zot ekzekitif komiti SHA zot ti vwar ki si zot mont par lao EP46 zot vin lo EP48 zot pou bezwen pran en kontra anba PSC Public Sector Commission  zot pou bezwen pran en kontra e ki savedir si zot fer sa zot pou sorti anba TSS zot pou perdi zot benefis TSS e zot zot ti fer en delgasyon reprezantasyon poudir ki zot ti a kontan plito reste lo en fixed EP ki EP46 e EP45 pour senior instructors epi ganny en responsibility allowance e sa responsibility allowance i baze lo grander lekol primer ek segonder e i ogmante pou segonder vi bann demann pour sa kalite travay e vwala si en headteacher par egzanp i deside li menm li oubyen Minister Ledikasyon pou rezon valab ou vwar ki sa headteacher i retournen koman en teacher savedir ki senpleman i perdi son responsibility allowance e i kontinny koman en teacher e i pa perdi okenn tann servis an term gratite son annual increment i reste lo TSS olye ki si i ti mont pli o en not pli o i ti pou sorti dan TSS pou vin anba en public service contract.

 

HON RAMKALAWAN

Mr Speaker mon ti a kontan si Minis i klarifye si bann teacher’s ki SHTTC vi ki zot dan en lot Minister si ou kapab klarifye si tou zot bann scheme i mars egzakteman konmsi zot ti ankor anba Minister Ledikasyon lo zot gratite ensidswit e apre sa mon’n tann Minis mansyonn ki letan teacher’s i ariv 63 an i resanble ki zot ankor anvi kontinnyen rested an sa ka mon ti a kontan demande ki retirement age pour bann teacher’s. Apre si ou ti kapab fer nou ganny en kopi sa scheme of service silvouple.

 

MINISTER PATRICK PILLAY

Mr Speaker lo SHTTC parey mon’n dir bann teacher’s ki fer lekol SHTTC ki ti avan travay avek Minister Ledikasyon ek la kiltir zot pa ganny peye par Minister Ledikasyon ek la kiltir natirelman akoz zot anba en lot Minister me vi lanatir zot travay e lefe ki zot ti tonm anba Minister avan zot devret ganny menm benefits anterm gratite ek increments parey Minister Ledikasyon i donn son bann ansennyan me mon pa pe dir ki sa i donnen par Minister Ledikasyon i anba en diferan Minister konpletman, lo kestyon retirement mon kwar ki teacher’s i parey tou lezot public service employees dan le sans ki retirement age i 63 an an sa ki konsern nou menm nou dan ladministrasyon Minister Ledikasyon ek la Kiltir nou annan diferan ka kot teacher’s ou byen lezot fonksyoner menm dan Minister Ledikasyon ki nou war ki zot annan en commitment eksepsyonel zot kalifikasyon i bon zot rannman si oule i vreman bon nou normalman si oule les zot kontinyen si oule nou annan bokou ka kot bann teacher’s oubyen studies coordinators oubyen headteachers i demande pou kontinyen normalman prosedir i tel ki nou bezwen rod laprobasyon Minister Lanplwa ek zafer sosyal ek Minister Ladministrasyon mendev si zot dakor k ii baze lo nou rekomandasyon nou gard zot e nou annan ka kot dimoun in reste apre 63 an pour 3-4 an apre parey mon dir sa i baze lo sa nesesite sa demann pour zot kontinnyen fer sa bon travay ki ou tip e fer lo ou dernyen request menm si i pa en kestyon me nou a fer sir ki ou ganny en kopi scheme of service Onorab Ramkalawan san problenm.

 

MR SPEAKER

Bon nou al lo lot kestyon e mon ti a kontan zot pa ganny enflianse avek sa letan ki mon’n donn premye kestyon sa mon’n servi mon diskresyon. Kestyon 46.

 

HON AZEMIA

Mr Speaker mon ti a kontan demann Minis Ledikasyon e Kiltir si son Minister i satisfe avek rezilta travay in ganny fer par seksyon careers guidance dan son Minister.

 

MINISTER PATRICK PILLAY

Mon ti a kontan dir ki mon Minister i zanmen satisfe avek okenn keksoz ki nou pe fer touzour nou anvi war kimanyer nou anvi fer pli byen e sa mon sipoze i lanatir ledikasyon akoz i en prosedir devlopman me an sa ki konsern careers guidance mon ti a kontan dir Onorab Azemia ki bokou in ganny fer me premyerman mon ti a kontan dir ki careers guidance li menm li, careers guidance section son devlopman i vreman responsabilite Minsiter Ladministrasyon mendev olye ki Minister Lediaksyon ek la kiltir sirtou divizyon mendev me selman mon kwar ki nou kapab koz lo la akoz ki nou travay etwat kolaborasyon divizyon manpower Man dan avek mon Minister sirtou curriculum development section ki responsab pou prepar bann progranm e i annan diferan laspe petet mon ti a tous lo enn de laspe ki’n devlope pandan sa dernyen 3-4 an e enn par egzanp se ki nou annan en senior careers officer ki baze Minsiter Ledikasyon e i dan CDS e li i annan responsabilite pou fer sir ki koordonn tou bann aktivite otour sa size careers education oubyen careers guidance i annan en progranm byen etabli dan lekol segonder pou careers guidance an lefe i annan en manual ki’n ganny enplimante depi lannen 1992 e deza i annan serten travay evaliasyon ki’n ganny fer pou vwar ki kantite efektif i efektif dan sistenm e nou satisfe ki i annan serten travay ki’n ganny  fer pou fer li pli byen an sa ki konsern NYS i annan teacher’s ki nou apel careers guidance officers ki baze dan vilaz menm pou ed bann zenn e sa i ganny fer an kolaborasyon avek bann paran savedir paran i annan en sans pou zot ganny konsilte atraver zot zanfan lo ki swa bann karyer ki bann manmay lekol atraver zot career choice ki zot met lo papye, lo nivo politeknik i annan en kantite travay ki ganny fer avek bann zenn ki dan bann diferan lekol politeknik zot a rapel ki bann lekol ki dan sa ki nou apel vocational oubyen professional courses zot in deza swazir en pe en karyer ki determinen par egzanp si ou dan business studies zot konnen dan ki lemonn travay zot pou ale me i fer ki careers guidance section dan politeknik li menm li sa careers officer i fer sir i annan individual counseling o nivo bann lekol i fer sir ki annan work attachment pou bann etidyan pandan vakans zot fer sir ki annan bann talks en lectures ki ganny fer atraver lannen baze lo diferan area of work pou ed sa bann zanfan pou determin ki oriantasyon zot oule epi parey mon dir enn laspe enportan se sa job exposure ki zot gannyen atraver attachment sak lekol politeknik i annan li en consultive committee ki donn sa posibilite donn politeknik travay ansanm avek bann diferan lazans dan lemonn travay pou defini pli klerman preparasyon ki bann zenn ki gannyen pou careers guidance me mon ti a kontan dir ki lekol petet kot i fer bokou plis travay se lekol ki plito akademik humanities in science kot laplipar dimoun pa ankor deside kwa ki zot pou fer ler zot fini zot A’Levels oubyen zot O’Levels dan ka bann ki dan upgrading school of foundation studies e la ankor i antraver kozri career talks ki endividi i vin fer bann packages ki sa unit i met a dispozisyon bann zenn e atraver attachments oubyen visits ki dan bann landrwa travay ki bann zenn i fer sorti dan sa lekol e mon ti a kontan dir ki 3an pase nou ti komans en course pour serten group teachers ki spesyalize dan bann lekol lo careers guidance sete en course ki ti ganny fer par atraver en lenstitisyon Langleter i ti al en peryod 2an e sa bann teacher in ganny enpe formasyon spesyalis dan sa domenn careers guidance sa i enn pti pe bann travay ki nou ganny fer e mon ti a kontan zis remind sa learner assembly ki sak lannen nou annan sa ki nou apel en careers week parey sa semenn i environment week nou annan en semenn anantye kot nou sansibiliz bann zenn atraver aktivite atraver ekspozisyon atraver serten legzersis simulation e ensidswit pou zot ganny plis sa konesans lo kwa ki zot kapab orient zot lekor towards e finalman Mr Speaker mon ti a kontan dir ki careers education programme ki nou annan dan lekol i pa zis pou donn lenformasyon lo kwa ki available i vize osi lo devlopman sa personal awareness sa zenn pou li konn son bann prop attributes son bann prop kapasite son bann prop lentere atraver project atraver folder oubyen portfolio ki garde pou li menm li pou li dekouver son lekor e si nou donn li lenformasyon e i dir i anvi fer sa enn A oubyen sa enn B pa realize ki li menm li sa bann konesans oubyen atribi ki i annan i pa match avek sa ki oule fer i annan mismatch alor i annan sa focus sa thrust lo lefe ki sa progranm i ed li menm li pou devlop konesans son lekor pli pre ki gannyen avek lemonn travay pli pre ki arive avek lemonn travay.

 

HON AZEMIA

Mr Speaker mon premye kestyon eski Minis i kapab eksplike ki ler ki individual counseling i pran plas dan lekol e ki moman ki pli apropriye pou ed en etidyan sanz son swa, dezyenm kestyon eski seksyon careers guidance i kwar ki en etidyan ki swiv tou bann kozri ki ganny donnen par bann lenstitisyon alafenn lannen dan NYS oubyen politeknik se en etidyan ki ganny sans pou fer en pli bon swa en karyer.

 

MINISTER PATRICK PILLAY

Mr Speaker lo sa premye pwen mon ti a zis kontan dir Onorab Azemia ki sa i depan ki moman ki sa ansennyan in ganny individual counseling i depan lo mon sipoze nivo ki nou pe koz lo la dan sistenm scholaire petet si nou komans lo nivo politeknik lao mon ti a kontan dir ki letan nou koz lo individual counseling nou koz lo specialist teacher’s ki vin careers guidance teacher’s nou koz lo en career’s guidance officer ki baze dan politeknik full time me mon ti a kontan fer en presizyon ki sak ansennyan li menm li parey sak paran i annan en rol pou zwe dan gidans e counseling son zanfan akoz ki zot osi zot pran lentere personel dan zot zanfan e mon kwar ki bokou paran i annan konesans lo diferan travay ou bann bezwen oubyen bann requirements ki satravay i annan e alor zot vin abou gid zot zanfan lo sa baz, ki moman ki sa i arive i kapab ariv diferan moman i kapab ariv apre lekol, i kapab ariv pandan lekol si i annan en period pou private study i kapab ariv kan dan en peryod kot sa etidyan i free i kapab ariv dan library period i depan lo kondisyon pou sak moman e sa i kapab varie mon kwar lenportans se ki sak ansennyan sak careers guidance officer i sezi le moman kot i annan en bezwen pou gid sa zenn ver konnesans pou li fer en swa ki pli aproprie pli pertinan pou son lavenir.

Lo dezyenm kestyon siplemanter Onorab Azemia mon pa kapab dir mon pa kwar ki sa ansennyan ki’n swiv tou bann career talks dan okenn lenstitisyon i mye plase ki enn ki i pa’n swiv tou si mon’n konpran ou kestyon byen akoz mon kwar mon pa pou dir si serten zenn ki’n  deside sa i anvi fer e sa i pou fer e si i bezwen fer son extra lessons i war poudir i annan the physical kapabilite si oule vin pilot ki i pa colour blind e son vizyon ensidswit i annan tou son nesesite requirements pou fer tel karyer i annan sa determinasyon i pa bezwen pas atraver tou lezot career talks pou li konnen ki pe pase me selman nou dir ki sa i enportan pou lepa nourisman zeneral pou ou konnen bann requirements dan diferan karyer ou general education me selman sa ki nou fer se ki pou mazorite zenn zot pa ankor ler zot in ariv 16an 17an zot pa ankor fer en fix desizyon lo kwa ki  zot oule fer petet i annan swa ant detwa petet i annan pou serten i pli vag me alor se pou sa rezon ki annan en span careers talks e i donn sa posibilite otan zenn pou ganny exposure otan karyer e se sa le bit nou careers education programme ki nou annan dan ledikasyon.

 

HON BELLE

Mr Speaker mon ti a kontan demann Minis ki mesaz lespwar ou mesaz lankourazman Minis i ava annan pou donn sa bann zenn garson e bann zenn fiy ki’n petet pas atraver career’s guidance e ki ozordi zot pa ankor ganny zot en louvraz e ki zot ankor pe rod en louvraz isi dan Sesel.

 

 

MINISTER PATRICK PILLAY

Mr Speaker mwan mon en dimoun ki annan bokou lespwar mon en optimis par lanatir e mon kwar poudir touzour pas mesaz lespwar avek sak fwa ou an kontak avek en zenn oubyen ou rankontre zot atraver en pti dialog oubyen en diskour alor pour mwan i touzour en mesaz lespwar me mon pa tro sir ki careers guidance programme li menm li i relye direkteman avek kantite dimoun ki dan lanplwa oubyen ki pa dan lanplwa zi annan lezot fakter ki an zwe i pa telman senp konmsa sa ki careers programme oubyen careers guidance pe sey fer se ki i donn ou sa posibilite pou determin ki kalite swa oule fer finalman par la swit sa i en lot letap dan sa prosesis ledikasyon avek lanplwa i en lot letap e mwan mon kwar poudir i zisteman sa progranm careers guidance i donn sa bann dimoun plis sans sa bann zenn plis sans pou vwar poudir be ekoute pa zis sa requirements e sa ki ou bezwen me loportinite si i egziste la oubyen non alor i donn ou sa awareness pou ou vwar swazir gete kote i annan posibilite initil ou dir poudir ou ganny awareness poudir oule vin en nuclear physicist e ki ou enterese ou en physicist ou en bookwarm e ki napa sa lanplwa pou ou alor i vize ver sa e mon kwar ki lanplwa son next step apre sa prosesis dan lavi sa zenn.

 

HON AZEMIA

Mr Speaker mon ti a kontan demann Minis pou Ledikasyon e Kiltir pou esplike ki bann mezir son Minister pe pran kont bann zanfan lekol ki servi drog ek lalkol.

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

PART 2

 

MINISTER PATRICK PILLAY

Mr Speaker mon kwar sa i ankor en size ki tre topical mon kwar premye keksoz ki mon ti a kontan dir ki mon Minister i annan sa ki nou apel en student welfare unit SWU ki baze dan divizyon educational management pli presizeman  i tonm anba school section e selman son travay i vize ver diferan lenstitisyon dan sistenm formel ek bann zenn e liye avek sa nou’n entrodwir sa dernyen 5an sa ki nou apel en teacher dan lekol ki la pou ed bann zenn dan zot problenm ki zot gannyen e sa bann dimoun i travay direkteman avek sa SWU e nou apel zot bann school counselors premye keksoz ki mon ti a kontan dir Mr Speaker se ki lenformasyon i premye lobzektif ki nou travay lo la pou ed bann dimoun ki swa i pe deza tous drog ek lalkol mon ti a kontan osi enkli lalkol me osi i pa zis sa popilasyon bann ki deza annan problenm ant sa ki konsern drog ek lalkol me osi nou annan en progranm lenformasyon pou sansibiliz bann ki petet zot kapab at risk oubyen ki dan sistenm zot kapab ganny ekspoze avek drog oubyen lalkol e sa lenformasyon i vin atraver sa ki nou apel nou progranm social and personal education sa i en size dan curriculum ki konmans tre boner dan sistenm scholaire kot sa bann zenn dan lekol i ganny lenformasyon lo bann danze spesifikman dapre ou kestyon Onorab Azemia lo drugs avek lalkol alors sa premye lepa se lenformasyon, dezyenm keksoz ki mon ti a kontan koz lo la se ki nou annan policy avek serten regilasyon natirelman ler dimoun i konnen ki i ganny ekspekte lezot ou bezwen annan regilasyon avek serten polisi ki gid ou ki ou fer dan evantyalite sa bann dimoun pa respekte sa lenformasyon oubyen sa ki ou kwar i devret ganny fer e klerman tou bann lekol i annan sa ki nou apel en zero tolerance en policy pou drugs kot zot konnen ki i annan regilasyon kler e ki si zot pa respekte sa bann regilasyon i annan serten aksyon primitive oubyen sanksyon ki ganny pran kont zot e sa i ganny met a latansyon tou bann zanfan lekol bann teacher’s i okouran nou’n fer bann travay lenformasyon oubyen sansibilizasyon o nivo bann lekol e nou annan osi sa ki nou apel en sistenm school code of conduct e i annan en dokiman lo la nou kapab fer li available osi pou bann manm Onorab ki enterese nou apel li dan sa booklet living and working together ki dan en sans i sey devlop sa ethos oubyen sa ki ou kwar i devret latmosfer en lekol e i konpri sa osi ansanm, lot laspe ki nou travay lo la pou ed bann zanfan kont labi drog avek lalkol se sa ki nou apel counseling services mon’n dir ki lo nivo bann lekol i annan sa ki nou apel en school counselor i an grann parti en dimoun ki ganny serten lenformasyon lo koman pou handle serten zanfan ki annan problenm behavioral e sa mon oule dir ki zot pa zis la pou vey drog ou avek lalkol i vreman pou asiste lekol ler zot in idantifye zanfan ki annan problenm fer sa liezon ant bann diferan lenstans oubyen lazans dan distrik ki kapab ed sa zanfan avek zot paran pou etid zot home background me osi pou ed zot letan i annan sa kestyon drog ek lalkol kot i annan ka kot sa school counselor avek ladministrasyon sa lekol i santi ki petet sa zenn i bezwen lasistans oubyen tretman spesyalize la referans i ganny fer avek student welfare unit lo nivo Minister Ledikasyon ki vin abou fer laliezans swa avek lopital li menm li oubyen en zafer servis sosyal ensidswit pour ed sa zenn alor prensipalman i annan lenformasyon ki nou pase pou sansibiliz bann zenn i annan bann policy ek bann rules ki mon’n koz lo la nou pa kapab al an detay lo la mon kwar nou kapab donn zot bann kopi bann materyo lo la epi i annan sa counseling service ki ganny donnen o nivo lekol epi o nivo santral atraver SWU e mon kwar ki zot okouran ki Minister Ledikasyon i travay etwratman avek bann diferan lazans par egzanp i annan bann care clubs ki en NGO an deor Minister Ledikasyon ki travay avek lekol pou ed zot annan plis sa rezilyans sa self esteem ki nabou dir non letan i ariv lo drog avek lalkol petet Mr Speaker mon ava aret la e mon kwar mon’n tous bann diferan laspe letan ki pe ale lo ki nou pe fer pou ed bann zenn dan sa domenn.

 

HON AZEMIA

Mr Speaker mon plis ki sir ki Minister Ledikasyon in bezwen fer fas avek enn ou de ka kot zanfan in dan bann problenm drog ek lalkol eski Minis i kapab esplik nou si son Minister i ti satisfe oubyen si i ganny bon koorperasyon avek paran sa bann zanfan ki ti enkli dan sa bann ensidan e osi si ti ganny koorperasyon serten paran ki son zanfan pa ti enkli dan sa bann sitiasyon.

 

MINISTER PATRICK PILLAY

Mr Speaker mon kwar la nou pa kapab koz lo keksoz spesifik me nou kapab fer serten realizasyon mon kwar zeneralman bann sitiasyon konsernan drugs an partikilye zeneralman ou ganny korperasyon paran i annan de ka ou bezwen avoue ki annan serten ka kot i annan paran e mon ti a kontan presize ki sa i plito bann ka enpe rar kot ou dekouver ki paran zot menm zot zot enplike avek serten aktivite lantour sa konsern e petet la i vin en pti pe difisil me normalman si bann zenn in ganny enflianse avek bann peers lo nivo lenstitisyon li menm li normalman ou ganny korperasyon paran de toufason nou zero tolerance policy i sipilitre tre klerman ki si en zanfan dan lekol i ganny tyanbo avek drugs oubyen sa ki nou sipoze drugs premye dimoun ki la direksyon lekol ki nou bezwen kontakte pou fer sir ki i okouran i bezwen se paran sa i kler e bann headteachers i deza okouran e dan tou prosedir ki ganny mete anba la anba sa zero tolerance policy e mon ti a zis kontan dir an repons pou kestyon ki zeneralman i mars byen an term korperasyon akoz parey mon dir sa school counselor i kapab li menm li sey ale pou al fer kontak lo nivo distrik lo nivo style lanvironnman sa dimoun li menm li me natirelman i annan enn de ka kot paran swa i pa aksepte ki pa son piti menm si i annan tou levidans ki ou nabou swiv atraver bann diferan lezot lazans dan pei e i annan de ka kot paran i refize korpere pou bann rezon parey mon dir akoz zot osi zot enplike me sa i tre rar.

 

HON DE COMMARMOND

Mr Speaker eski Minis i kapab dir lasanble konbyen ka dan bann lekol ki bann zanfan oubyen lezot adilt dan lekol in ganny tyanbo ek drog, konbyen ka ki’n ganny kondannen.

 

MINISTER PATRICK PILLAY

Mr Speaker pou kestyon kondannen i tre difisil pou dir akoz mon kwar i annan serten lalwa serten diskresyon ki prosekiter zeneral i annan lo kantite e first time offenders  ansideswit ki mon kwar dan mon domenn mon pa kapab al ladan e i difisil pou dir dan sa ka kot dezyenm parti ki kantite ki ganny kondannen an sa ki konsern nou menm nou dan Minister Ledikasyon bann ka ki’n tyanbo pour sa lannen malerezman mon napa sif me mon kapab dir si mon rapel byen ki dan lannen 94 si outour ant 40 ek 50 bann zanfan ki’n ganny tyanbo avek drog dan sistenm e mon rapel zot ki nou pe koz lo en popilasyon zenn dan pei plis ki 20 mil zanfan alor vwala sitiasyon pou 14 pou  dernyen sif la nou napa vreman me tou lendikasyon ki student welfare unit in donn nou se ki annan mwen ka ki ganny tyanbo nou pa kapab dir presizeman akoz me nou ti a kontan kwar lipotez ki zanfan i annan plis lenformasyon e i annan plis sa posibilite pou vin abou resist akoz ou konnen letan ou ariv serten laz i annan bokou peer pressure e ou anvi sey bann keksoz i annan adventurism ki vin dan zwe ankor me nou konstate dapre bann teknisyen i dir mon koumsa ki i paret ki annan en downward trend vizavi kantite ki nou tyanbo dan lekol.

 

HON RAMKALAWAN

Eski Minis ti ava kapab dir nou ki staz zot proze pou konstrir bann baraz otour bann lekol i ete vi ki sa sete osi dan sa konbat kont drog ek lalkol.

 

MINISTER PATRICK PILLAY

Mr Speaker nou ti komans avek lekol La Rosiere ki nou okouran ki son baraz in fini e mon ti a kontan dir e felisit tou dimoun otour lekol La Rosiere ki’n annan en gran rediksyon dan bann lenterferans sorti kot bann lazans bann endividi deor lekol, epi nou’n al kot lekol La Riviere Anglaise e sa ki nou ti anvi fer i pa en kestyon baraz antye kot La Riviere Anglaise nou’n ariv nou kot 3enm lekol ki CCA si in dakor pou travay lo la sa i lekol Cascade malerezman nou’n ganny serten problenm parey i arive souvann fwa dan serten prosesis devlopman ki ou anvi fer kot nou’n al kont serten impediments ki en kestyon later ki ti pou en serten endividi ki nou ankor pe travay lo la pou ganny sa later pou nou vin abou vin fer sa bayer lantour me nou travay an sa ki konsern pou protez bann lekol bann letablisman scholaire kont sa bann lenterferans e sirtou trafik drog i pe kontinyen e parey mon dir nou konstate ki’n annan en serten mezir sikse dan sa.

 

HON POOL

Mr Speaker eski Minis i kapab dir nou si son Minister si oule i annan levidans ki demontre ki avek polisi lekol segonder rezyonal kot si oule bann etidyan sorti dan diferan distrik in ganny anmennen ansanm dan en landrwa spesifik in ede pou ogmant lakantite ka kot etidyan i servi drog kot lekol.

 

MINISTER PATRICK PILLAY

Mon pa kwar Mr Speaker ki annan okenn levidans pou montre ki lefe ki nou’n group serten lekol lo en baz rezyonal dan serten distrik ki sa in ogmant lensidans labi oubyen servi drog par bann zenn dan bann lekol sertennman nou’n vwar ki i annan bokou plis motivasyon an sa ki konsern aprantisaz akouz souvann fwa pa zis souvann fwa bokou ka nou’n realize ki bann etidyan in abitye dan en lekol kot in dir be mwan mon enpe pli top ladan bann nivo motivasyon oubyen push, thrust i redwir e ler zot ariv dan en lot landwra kot zot santi ki bann lezot zenn i kapab donn zot en game alor la zot pou war zot pou bezwen pous zot lekor plis e sa enhanced motivation sa nou’n realize an sa ki konsern labi oubyen litilizasyon drog napa levidans pou montre sa anfet mon mazinen ki letan ou annan ou bann lekol ki’n group ansanm e ki ou annan ou bann care clubs kot i annan peer counseling osi akoz sa i en proze ki nou’n travay lo la ansanm avek Minister Lasante avek Minister Gouvernman Lokal Lazenes e Spor atraver spesifikman youth centre nou annan sa ki nou apel peer counseling dan lekol e i donn plis sa posibilite pou bann ki pli responsab pou ed bann ki mwen responsab pour zot menm zot vin abou konbat serten tantasyon e dir non the shorter the long se ki napa levidans pou montre ki sa i leka.

 

HON RAMKALAWAN

Mr Speaker mon ti a kontan demann Minis pou Ledikasyon ek Kiltir si i kapab dir nou kan i annan lentansyon vizit lekol Silhouette.

 

MINISTER PATRICK PILLAY

Le pli pti repons ki mon kapab donn Onorab Ramkalawan Mr Speaker se prosennman avan lafenn 97 me mon ti a kontan presize pour lenformasyon tou bann manm lasanble ki lekol Silhouette i pli pti lekol dan nou sistenm ledikasyon i annan li 27 sa lannen, lannen pase ti annan li 25 sa lannen pou 97 i annan li 27 zenn dan lekol primer e 10 dan lekol lakres i fer li 37 lakres ek primer, i en pti lekol e nou bezwen dir ki pa akoz i pti pti pa akoz i en pti pe pli lwen ki lezot ki nou inyor li, term pase par egzanp ti annan 2 zofisye enn ki responsab pou lasyans ek ledikasyon lanvironnman e lot ki responsab pou ledikasyon franse lo nivo primer ki ti vizit sa lekol pou fer sir ki bann ansennyan i ganny sa lasistans e anmenmtan pou anmenn serten problenm ki i vin kot nou pou nou tackle oubyen rezourd lo nivo Minister Ledikasyon i annan bann zofisye tou le trimes osi ki vizit lekol Silhouette sorti dan school section pou ed zot e nou osi annan bann dimoun ki reponsab laba ki vin course isi atraver bann kour ki’n organize sa headteacher li menm li letan i annan headteachers meeting i vini i ganny kontak avek nou e menm nou annan lezot posibilite kot nou ganny lenformasyon parski nou travay ansanm mon konnen poudir en manm lasanble resaman ti al Silhouette ek en group zenn e nou vin abou diskite pou vwar ki problenm ki li i vwar i annan tou sa bann posibilite parey mon dir sak trimes i annan bann zofisye Minister Ledikasyon ki vizit Silhouette pou anmenn sa sipor e i retourn avek problenm me mon ava laba mon ti ava voudre al laba tanzantan me mon espere mon ava al laba avan lafenn lannen.

 

HON RAMKALAWAN

Mr Speaker mon ti ava zis kontan demann Minis si pou le moman zot in annan okenn konsiltasyon avek bann paran, e si bann paran zot menm zot satisfe avek lafason ledikasyon zot zanfan pe deroule lo Silhouette vi ki annan sa sitiasyon kot bann zanfan ki sipoze dan en serten laklas parfwa i bezwen share teacher avek en zanfan ki dan en lot laklas pli avanse, e osi vi ki bann teachers zot menm zot serten i bezwen kekfwa zot pa vreman kalifye pou fer serten laklas ki aprezan i annan sa bann mouvman, eski i annan okenn dialog avek bann paran pour regard byen sa sitiasyon.

 

MINISTER PATRICK PILLAY

Mr Speaker mon kwar i vreman poz serten problenm lanatir grander sa lekol akoz parey Onorab Ramkalawan in dir i annan serten laklas ki bezwen partaze zis pou donn zot sif egzakt ou vwar pou lakres taler mon’n dir i annan 10 manmay dan lakres dan premye lannen sa ki nou apel bann petit i annan zis 6 e dan dezyenm lannen nou apel zot bann gran dan lakres i annan 4 letan ou regard P1 i annan 6 manmay ki dan en laklas P1, dan P2 i annan 3 manmay sa lannen ki dan P2, dan P3 i annan 3 manmay, dan P4 i annan 7, dan P5 i annan  2, prezan ou bezwen pran sa desizyon lo nivo en Minister eski ou donn en teacher pou 2 zanfan en teacher pou 3 zanfan e nou ti realize ki sa in an egzistans pour en kantite lannen i ti realize ki si ou annan ou en teacher ki en generalist ki byen kalifye e an zeneral nou formasyon ki nou donnen lo nivo politeknik sa teacher ki teach dan lower primary ki’n ganny train pou lower primary P1,P2,P3 savedir ki en teacher i familye e in ganny familiarize avek progranm dan diferan size kwa ki langaz oubyen syans ek matematik pou sa nivo vedir ki li koman en teacher i kapab pran 2 ki lo nivo P2, e 6 ki lo nivo P1, ki fer 8 dan en laklas e kapab cope avek travay group work ki kapab fer avek sa bann etidyan nou vwar li pli cost effective i pli donn sa teacher osi plis sans stimilasyon prezan si serten travay pa ganny fer parey i merit fer sa i en lot konsern me lo pwen lorganizasyon nou vwar li sa i en keksoz ki devret mars byen akoz ki in ganny pratike e zanfan i vin abou progrese, lo ou kestyon spesifik si annan konsiltasyon normalman sa lo son premye staz se ki nou les li lo nivo lekol ki annan sa kontak ant direksyon lekol avek son kor ansennyan avek bann paran zot menm zot me sa i en pwen ki natirelman school section i bezwen pran an konsiderasyon e i en pwen ki nou bezwen regard ladan en sans pou koz ek bann paran pou vwar si annan okenn konsern pou le moman.

 

HON RAMKALWAWAN

Mr Speaker mon ti a kontan demann Minis pou ledikasyon avek kiltir si i kapab enform lasanble e akoz post direkter college of the arts pa ti ganny ofer avek en Seselwa.

 

MINISTER PATRICK PILLAY

Letan nou pe donn en promosyon oubyen en post pou fer marse en lenstitisyon scholaire dan nenport sitiasyon i annan serten atribi oubyen en karakteristik ki ou regarde dan en posib kandida ki pou kalifye pou sa post, premye sa ki nou apel en professional qualification eski dan sa area of work dan sa travay ou vin abou donn en dimoun ki annan konesans profesyonel oubyen kalifikasyon profesyonel dan sa domenn ki i pou al responsab oubyen i pou ansarz sa i enn dezyenman nou regard son konpetans profesyonel nou tou nou a dakor nou tou nou’n travay dan sistenm dan nenport diferan domenn oubyen sekter dan pei kan pou nou a dakor ki ou kapab annan serten kalifikasyon oubyen konesans profesyonel me ou konpetans profesyonel pou vin abou met li an aplikasyon oubyen transfer li an operation parey ou dir sa transfer i pa otomatik oubyen i pa evidan alor nou bezwen war sa dezyenm kriter ki ou bezwen annan sa ki nou apel sa professional competence otherwise si ou pe pran en desizyon ou pa en bon decision maker si ou pa pe pran sa konsiderasyon a mon pwenvi, trwazyenm pwennvi twrazyenm kriter ki nou bezwen servi se i bezwen annan en proven track record good performance si oule ou kolez i attempt son bann lobzektif ki ou’n etabli oubyen ou lekol for that matter i depan lo ou lenstitisyon ki ou pe travay lo la ou bezwen regard dimoun ki’n annan a proven performance ki in montre son kapasite pou li fer sa ki i devret ganny fer e annan sa ki nou apel en staying power anba presyon i pa pou ‘A, sa ou zafer, ou a demerd ou’ ou bezwen fer sir ki ou annan sa proven performance pou vin abou fer sa ki ou devret fer, e finalman Mr Speaker sa mon dir touletan avek tou nou staff e mon ti a kontan zis enform Onorab Ramkalawan ki tou sa ki mon pe dir la mon’n dir avek tou staff ki dan sa nouvo kolez deza letan mon ti zwenn zot pli boner sa lannen pou fer rankont pou zot les zot demann mwan nenport kestyon ki zot oule enkli akoz ki nou annan en ekspatrie koman sef sa kolez ki zot ti demann mwan alor tou sa ki mon pe dir mon’n deza dir sa bann staff e touletan mon dir avek staff konmsa pou ou vin abou ganny en commitment, pou ou anvi ganny en promosyon oubyen si oule added responsibility ou bezwen osi annan en commitment pou lobzektif sa lorganizasyon ou bezwen prouve ki ou kwar ki sak lorganizasyon pe ganny fer anterm son span of rings oubyen en course requirements course of rings ou kwar ladan ou kwar ki tou dimoun i devret ganny sa sans si ou annan tou sa bann atribi parey mon dir natirelman ou ganny konsidere letan nou regard tousala i pa ti en desizyon a one man show dan Minister Ledikasyon nou’n asize nou tou dan management pou regard sa ki posib e nou’n vwar ki meyer dimoun pou vin abou lead sa kolez pou attempt sa lobzektif se sa ekspatrie ki nou’n met dan sa post e mon ti a kontan finalman azoute Mr Speaker ki nou’n osi etabli sa ki nou osi apel en advisory board ki chair par Minis Ledikasyon ek la Kiltir li menm li e sa i enkli bann dimoun dan sekter prive e i annan en relizye ki lo la en per Katolik i annan lezot dimoun ki ede koman en board pou gid sa madanm avek son depite dan akonplisman son bann task ki’n gannyen pou li fer dan sa lekol.

 

HON RAMKALAWAN

Mon premye siplemanter se baze lo larepons eski Minis pe dir avek nou ki napa okenn Seselwa ki ti annan sa bann atitid ki in mansyonnen e alor sete zis sa madanm ki ti annan sa bann kalifikasyon pou li fer sa travay e dezyennman eski Minis pe osi dir avek nou e la mon pran parol civil of the nation kot prezidan ti mansyonnen ki letan i annan en expatriate fodre ki annan otan ki posib en Seselwa pou under study li eski Minis pe osi dir avek nou ki napa dan sa bann landwra la napa okenn Seselwa ki annan sa bann kalifikasyon e abtitid ki i ti ava kapab pran post deputy ki sa osi tou zot in bezwen donn en etranze.

 

MINISTER PATRICK PILLAY

Mr Speaker mon ti a kontan dir ki letan nou’n regard bann kandida ki potential post holders pou sa post direkter kolez i annan serten kandida ki annan serten sa bann atribi ki mon’n koz lo la taler me letan nou regard tou sa 4 ou 5 attributes ki mon’n koz lo la dan son lansanb i Madanm la direktris ki konmela i command the post ki ti kalifye lo baz lo son lansanb mon pa pe dir ki napa Seselwa ki kalifye ki annan professional qualification mon pa pe dir ki napa Seselwa ki napa professional competence nou annan serten Seselwa ki pe monte ki annan en kantite potansyel pou lavenir me i baze lo son leksperyans a sa moman avek leksperyans ladministrasyon e se sa ki mon ti mansyonnen letan mon ti koz lo kalifikasyon profesyonel pou vin abou fer sa travay alor baze lo tou sala mon pa pe dismiss okenn Seselwa oubyen pou dir Seselwa pa kapab mon pe zis dir letan ou regard dan son lansanb sa bann bezwen pou fer marse sa kolez byen nou desizyon dan Minister Ledikasyon nou ti vwar poudir sa moman sa direkter ki’n ganny apwente se le meyer kandida akoz si annan serten lezot kandida ki nou ti konsidere ki nou ti vwar petet commitment i la, commitment pa la menm si annan professional qualification i annan warning letter menm si i sipoze en dimoun kalifye i konpetan alor ou bezwen regard tousala dan son lansanb, dezyenm parti kestyon Onorab Ramkalawan lo kestyon depite mon ti a zis kontan dir ki i annan ekspatrie akoz si nou pe koz lo en dimoun ki in marye ek en Seselwa ki in met son lentansyon pou li vin en Seselwa pou natiralize koman en Seselwa an ekri eski nou dismiss li koman en etranze oubyen en Seselwa i annan sa kestyon epi mon kwar ki letan nou pe koz lo understudy i pa vedir ki si en dimoun i pe travay dan en lenstitisyon i pa pe tenir en post ki i pa kapab vin pran en post responsabilite si i pe enplike dan serten management task oubyen task ladministrasyon si i pe swiv serten course par egzanp atraver SIM pou devlop son konesans bann diferan skills management i pe ogmant son partisipasyon dan lavi sa kolez li menm li mon kwar ki natirelman par sa bann partisipasyon i pe ogmant son sans pou li vin abou gany en post responsabilite dan sa kolez oubyen dan nenport lezot lenstitisyon dan Minister Ledikasyon ek la Kiltir.

 

HON FAURE

Mr Speaker  mon kwar pou lentere piblik nou pe koz lo en post en lekol of arts petet brefman si Minis ti kapab si oule dir nou si sa lekol i lo menm nivo avek lezot lekol oubyen departman kid an politeknik oubyen si oule son fonksyon i pli eleve pour ki nou kapab konpran rezon pou son desizyon.

 

MINISTER PATRICK PILLAY

Mr Speaker kolez deza li i lo en nivo mon kwar i en pti pe petet tricky pou dir ki i pli o ki politeknik oubyen i pli ba ki politeknik mwan mon ti a met li mon pwennvi personel ki i lo nivo politeknik e sirtou ki bann etidye ki ti dan lekol art and design dan politeknik lannen pase sa lannen i form parti visual arts department dan kolez deza. Mon kwar poudir sa kolez li menm li i annan en misyon  pou ogmant nivo bann konesans oubyen performance dan tou le de sekter of the arts, visual arts avek performing arts anfet sa kolez li i annan en vizyon pou evantyelman pa zis annan lanmizik, ladans avek visual arts parey nou konnen graphics, fine arts textiles eksetera nou ekspekte ki sa kolez i a vin abou anmenn diferan lezot laspe dan son devlopman e son bann exposure ki donn bann zenn par egzanp nou pe koz lo drama nou ekspekte ki i a kapab ofer studies dan dramaturgy dan drama pou bann ki enterese nou ekspekte ki a kapab ofer media studies pou bann ki anvi enterese dan sinematogafi e lezot laspe koman en size oubyen en module spesifik lenportans se ki nou pe dir se sa kolez i regroup diferan unit ansanm pou donn posibilite bann zenn Seselwa ganny en artistic education pli epanoui pli devlope pli ris ki si en dimoun i pe vin li en fashion designer i osi kapab fer enpe graphics i kapab osi fer enpe media studies i kapab fer enpe fine art sa regroupman ansanm i non selman pou ogmant nivo me pou osi les bann zenn ki antre dan lemonn artistik ganny sans pou devlop epanoui dan tan sub section ki posib e mon kwar ki pou sa rezon ki nou bezwen en tim parey mon dir ki konpetan kalifye commited e i annan good performance pou li vin abou travay.

 

HON RAMKALAWAN

Mr Speaker zis en pti keksoz pou nou kapab pou lasanble petet ti ava bon si Minis ti ava fer nou ganny en profil, en CV sa madanm pou nou kapab regard son kalifikasyon parski nou konpran i annan zis en pti sertifika danse setou.

 

 

 

MINISTER PATRICK PILLAY

Me mon sipoze Mr Speaker sa kalite komanter i zis menm kalite komanter serten dimoun ki mon sipoze pou rezon politik i pa’n ganny post akoz mon kwar zot pas letan akoz pou downgrade serten dimoun ki in montre serten commitment ki savedir i napa kalifikasyon mon kwar nou bezwen credit direksyon Minister Ledikasyon osi avek serten zizman pou vin abou vwar lekel ki kapab oubyen lekel ki pa kapab bokou nou nou dir nou kanmarad nou pa kapab kan nou menm nou nou pa seye fer keksoz e letan sa ki in fer i ganny rekonpanse swa nou bitter oubyen nou pas komanter parey pou dir i annan zis en pti sertifika malerezman i pa leka.

 

MR SPEAKER

Sa en legzanp kot the old prensip question time ki nou la pou poz kestyon pa ni statement, ni deklarasyon, ni request.

 

HON ESPARON

Kestyon mon ti oule demann Minis Ledikasyon ek la Kiltir si son Minister i annan plan pou repar oubyen refer fer bann sit istorik ek moniman pou latraksyon touristik.

 

MINISTER PATRICK PILLAY

Mr Speaker mon kwar sa i en tre bon kestyon pa zis pou repar e vwar bann moniman nasyonal pour atraksyon touristik me pour sef gard nou prop patrimwann nou bann prop sa ki pou nou parey nou dir e mon ti a kontan zis dir pou konmanse ki Minister Ledikasyon ek la Kiltir i travay atraver sa ki nou apel en national monuments board ki ti ganny akte dan bann lannen 80 e nou annan osi en seksyon dan divizyon kiltir ki apel leritaz nasyonal national heritage e annefe asistan direkter pou national heritage i en manm national monuments board e alor i fer sa travay liezon pli direk e pli pertinan sa dimoun ki chairman national monuments board se en dimoun dan sekter prive ki annan lentere dan kiltir dan bann moniman e atraver sa ki zot pe fer e mon bezwen dir sa nouvo board ti ganny etabli oubyen nomine par Minis Ledikasyon ek la Kiltir lannen pase 96 e enn zot bann travay prioriter ki zot annan se pou regard bann moniman ki ganny liste anba sa act e osi enn bann keksoz ki nou vwar i prioriter se osi pou vin abou war bann mwayen ki manyer nou pou vin abou rod finansman pou gard sa bann sif dan en bon leta mon kwar ki sa lasanble i a realize ki pour vin abou mentenir en building an partikilye oubyen en nenport lezot moniman for that matter i kout en kantite e i annan sa kestyon reparasyon e anmenmtan sa kestyon mentenans e sa i enn bann preokipasyon sa board, i annan lezot keksoz ki sa board pe travay lo la an term ankor renovate historical siting monuments e sa se pour vwar ki manyer nou kapab sansibiliz piblik atraver bann progranm media atraver bann progranm dan lekol atraver bann proze pour ganny plis sa konsyantizasyon dimoun pou annan lafyerte dan bann moniman nasyonal bann moniman ki annan en valer kiltirel pou bann Seselwa akoz ou a realize ki an dernyenman nou’n annan en serten problenm par egzanp ek simityer Bel Air nou’n ganny en rapor resaman kot ti annan serten domaz ki’n ganny fer kot simityer Bel Air ki ti annan en group e depas par egzanp pou ede vin abou met li dan en pli bon leta netwayaz nou okouran atraver media ki’n annan serten latak lo serten moniman ki isi menm obor sa building ki petet plis obor lakour ki ti ganny fer dan lepase alor mon kwar i annan sa bezwen pour national monuments board ansanm avek national heritage i reprezant Minister Ledikasyon ek la Kiltir pou sansibiliz dimoun lo sa mon ti a kontan fer en lapel pou le moman ki sa national monuments board i ti a kontan travay etwratman avek diferan lenstans diferan lazans dan pei par egzanp enn bann pwen ki zot in fer sorti zot ti a kontan travay pli etwratman avek lasosiasyon lavil Viktorya ki mon ti pe mansyonn menm avek Madanm le mer Viktorya ki nou ti a kontan travay avek zot pou sa bann ladministrasyon dan  bann distrik bann diferan distrik pou kot i annan serten moniman ki nou ti a kontan prezerve i enportan pou travay avek bann distrik petet pou fer sir ki annan netwayaz bann touris i kapab vwar nou travay direkteman avek Minister Tourism avek Transpor nou osi travay etrwatman avek environment trust fund sirtou pou ed nou finans serten proze ki enteres tou Seselwa parey mon dir lo en pwennvi pa zis latraksyon touristik me lo pwennvi kiltirel i annan tou sa bann travay ki pe ganny fer e nou espere ki national monuments board i ava annan en lalis oubyen en progranm aksyon en plan daksyon pli presiz prosennman.  

 

HON ESPARON

Mr Speaker zis pou konfirmasyon  Minis ki son Minister pou fer tou pou aisre ki bann sit istorik ek bann moniman i ganny tou sa latansyon ki merite e ki dan lefitir nou a vwar en pti pe plis sansibilizayon atraver media e ki sa bann sit e moniman i ganny demarke byen pourki Seselwa e lezot dimoun i kapab konnen e vwar son vre lenportans.

 

MINISTER PATRICK PILLAY

Mon kwar Mr Speaker i en tre bon sizesyon en tre bon ide mon ti a zis kontan dir ki sa ki nou nou ti’n mazinen fer e an efet nou ti’n mazinen pou fer li sa lannen  tan ki nou pe entrodwir enn de nouvo progranm dan kalandrie kiltirel pei dan lannen enn bann keksoz ki nou ti mazinen entrodwir ti annan en zournen en lazournen patrimwann nasyonal kot ou ganny sans pou sansibiliz tou dimoun focus pou sa zour i lo tou bann diferan moniman bann sit ki enportan pou pei parey mon dir mon repete pa zis pou touris me pou nou menm Seselwa apresye sa ki pou nou e sa i en keksoz ki nou’n mazin lo la lannen pase nou ekspekte ki sa lannen nou a vin abou travay lo sa koman parey mon dir en zournen patrimwann nasyonal ki a donn nou sa letan pou prepare pou nou tou ganny plis sa moman refleksyon lo sa ki pou nou e mon retenir sa nide ki nou bezwen travay lo la avek media.

 

HON BELLE

Mr Speaker mon ti a kontan demann Minis si i kapab dir nou anfen i annan 2 kestyon premye kestyon si i ti a kapab dir nou konbyen moniman Sesel pou touris attraction in ganny repertorye e avan lafen lannen konbyen sa bann moniman pou ganny renouvle e osi mon ti a kontan demann li si i pa en lokazyon osi pou li reabilite nou bann moniman ki’n ganny ouver avan 77 par bann Minis ki ti la avan 77 si pa in ler pou re abilit sa bann zafer pou montre ki ler en keksoz in ganny ouver par en Minis dan gouvernman demokratik ki nou remet li sa plak parey ti ete par Mr Mancham pou remete pourki listwar nou pei i ganny vwar dan son juste perspektiv.

 

MINISTER PATRICK PILLAY

Mr Speaker lo premye kestyon Mr Belle se ki lo kestyon sif mon kwar i a pli aproprie pou donn sa bann sif prosennman letan national monuments board i fer zot travay rezon ki mon dir sa se senpleman akoz i annan en travay listing ki nou pe vwar e nou pe vwar osi si annan nouvo sit oubyen moniman ki nou devret zwenn lo sa lalis dan sa listing e sa i en travay mwan menm mon letan board ti konstitie zot ti fer zot premye meeting lannen pase mon ti adres zot pou mwan dir zot koman Minis la Kiltir mon konsern se sa i prioriter pou zot travay lo sa listing par egzanp Katedral St Paul in demande pou zot refer serten konstriksyon ki board i annan sa lotorite pou li donn zot sa posibilite pou rekonstri sanz sa katedral en pe menm regardan sa sit ki zot ete alor i apoprie pou donn sa lalis prosennman letan board in fini travay lo la.

Lo son dezyenm pwen ki kantite ki pou ganny renove si mon’n konpran ou byen me mon kwar i enpe ankor difisil pou dir ki kantite ki pou ganny renove akoz sa i depan bokou lo nou bann mwayen larzan ki nou annan pou fer li lavolonte i la petet ki mon ti a kontan dir se demann tou bann Onorab, Onorab Belle enkli pou vwar ki kalite mwayen zot kapab ed nou pou nou rod finansman atraver zot kontak partou pou nou vin abou fer plis ek sa pti git ki nou annan deza sa ki zot a donn nou ankor me lide se ki national monuments board i annan serten dimoun ki lo board ki dan bann biznes prive ki lide se ankor se pou fer kontak the business community private individuals pou vin abou annan en fon parey environment trust fund i fer pou prezerv lanvironnman nou anvi eventyelman nou ava annan serten trust funds ki ava ed nou pou ganny finansman pou vin abou fer otan avek nou bann moniman sit pou le moman, an sa ki konsern ou dernyen kestyon mon kwar ki nou napa sa kalite diskriminasyon ki petet ou pe poke e national monuments board i regard tou sa ki la koman moniman nasyonal menm zis dan letan period kominyal angle, period kominyal franse, period kolonial, period lendepandans, period apre 77 e period komela dan 3enm repiblik i regard sa ki moniman enportan koman patrimwan Seselwa Kiltirel e ki annan atraksyon touristik.

 

HON DENIS

Mr Speaker mon oule demann Minis pou Ledikasyon ek Kiltir si son Minister pe konsider en mwayen pou garanti sekirite bann zanfan lekol Takamaka pou al kot nouvo lekol.

 

MINISTER PATRICK PILLAY

Mr Speaker mon ti a kontan dir ki gouvernman in touzour met safety bann zanfan dan premye plan son planning e nou a rapel ki son dernyen 20an bann lakres letan nou fer konstiksyon bann lakres, bann lakres in pa zis otour lakres prensipal dan distrik bann lakres in plito ed bann zanfan ki pti pti reste pli obor zot zalantour lakour zisteman pou sa rezon safety par egzanp dan rezyon Anse Boileau i napa zis lakres lo nivo plato kot lekol me i annan en lakres kot lasalet osi Baie Lazare osi kot Onorab Morel laba i annan lakres anler dan Val d’en D’or pa zis anba kot Baie Lazare obor legliz alor sa laspe safety i touzour vin la nou’n met bann zebra crossing pou ed zanfan apre lekol e avan lekol pandan lekol zisteman akoz sa nesesite pou vwar safety nou’n entrodwir traffic wardens guvernman in entrodwir traffic wardens zis dan lekol zisteman akoz i konsyan sa nesesite pou vwar safety dan premye plan bann zenn dan lekol an sa ki konsern Takamaka pli direkteman mon kwar letan nou ti pran desizyon Minister Ledikasyon pou transfer lekol sorti later La Mission  kot in ete bann lannen avan e annan en nouvo lekol Takamaka later ex Msye Peer mon kwar ki desizyon ti pou fer sir ki osi bann manmay pa ganny met zot lavi at risk akoz sa transfer sirtou along the main road sorti junction L’Intendance pou desann kot sa nouvo lekol i ete e ki nou’n fer nou’n negosye avek 3 proprieter an partikilye enn sa proprieter lannen pase ti en pti pe mekontan avek bann travay manyer ti pe ganny fer in vin kot mwan nou’n vwar dan mon biro nou’n diskite mon kontan pou dir pou le moman ki nou’n ganny lagreman tou le 3 proprieter pou donn zot konpansasyon pou stretch zot later ki  obor boundary ant main road avek lateras ki obor sa junction pou desann kot sa lekol e ki prosennman nou pou fer dek ki nou bann negosiasyon dan Minister Devlopman Kominoter in termine nou pou vin abou fer non selman pavement konmsa ki bann manmay i kapab pas lo sa pavement pou ariv kot lekol me nou pou osi annan fencing akoz enn sa proprieter sa msye in dir konmsa ki i per lenterferans oubyen lentrizyon bann manmay dan son propiete alor nou’n dakor ki nou pou fer fencing depi komansman junction ziska pli ba epi pou annan railing osi kot pavement pou ed bann manmay dan zot traverse pou al kot lekol sorti Takamaka leo ek mwen o. Vwala nou plan Onorab Denis pou lekol Takamaka nouvo an sa ki konsern safety pou bann manmay.

 

HON DENIS

Mon ti oule zis demann Minis si petet i annan en dat spesifik par egzanp kan sa travay pou komanse.

 

MINISTER PATRICK PILLAY

Mr Speaker nou’n deza annan en tender pour kontrakter pou fer sa, nou deza annan larzan in fini ganny costed, nou deza annan ladan larzan anba ADB 2 savings pou nou vin abou fer sa travay parey mon dir in ganny tender e nou pe zis esper nou negosiasyon finalize avek MCB akoz prosedir gouvernman okenn negosiasyon land matters diferan Minister i al altraver MCB pou fer negosiasyon ki mon kwar i en bon prosedir e nou bezwen atraver Minister MCB dek ki sa i ganny fer mon’n ganny dir ki deswit within 2 weeks travay pou komanse e mon’n ganny garanti akoz mon ti mazinen ou riske demann mwan sa kestyon mon’n ganny garanti avek nou PIU Planning Incrementation Unit ki ler nou komanse pli tar ki 2 mwan apre tou keksoz pou anplas alor ou kapab dir ou bann constituents pou dormi anpe.

 

MR SPEAKER

Avek sa nou termin kestyon pou ozordi nou pran en break ziska 11er e sesyon apre 11er pou ganny prezide par Deputy Speaker.

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

PART 3

 

DEPUTY SPEAKER MR JOLIE COEUR

Item 5 lo order paper motions mon envit Onorab Ramkalawan pou prezant son mosyon.

 

HON RAMKALAWAN

Mr Deputy bann figures ki ti ganny pibliye par MISD dan zot dernyen edisyon statistical abstract i endike ki an 1995 ti annan en total 25 mil 761 dimoun ki ti dan lanplwa parmi sa bann ti annan 11 mil 682 ki ti pe travay dan sekter prive 4 mil 553 ki ti dan sekter paraitatik e 9 mil 526 dan sekter piblik, e si nou tradwir sa an term % i vedir ki 45% dimoun ti dan sekter prive 18% dan sekter paraitatik e 37% dan sekter piblik me lefe ki travayer ki dan sekter paraitatik zot resevwar menm benefis avek bann ki dan sekter piblik e dan en fason pli spesifik zot kalifye pou zot resevwar en gratite nou kapab dir ki 55% bann travayer dan nou pei ti dan en pozisyon pou zot ekspekte en gratite pou zot travay fidel e kontini dan en serten staz dan zot lavi swa letan zot ti’n ganny 15an servis oubyen en 2enm 10an ensidswit. Me si par konparezon nou osi  azout bann travayer ki pe travay dan sekter prive dan bann lakonpannyen ki annan en scheme pou gratite tel ki Seychelles Breweries nou kapab dir ki sa 55% i pou ogmante e sa pou vedir ki aproksimativman anviron 35% bann travayer dan pei ki dan sekter prive prensipalman zot pa pou resevwar okenn gratite dan en serten moman dan zot lavi e donk sa mosyon ki mon pe met devan lasanble i annan konm bi pou nou adres sa size, pou nou met sa size devan lo latab pour ki atraver nou deba e atraver refleksyon ki nou fer nou ava kapab regarde ki manyer nou ava ed sa bann travayer e donk finalman ki nou ava tonm dan en sitiasyon ki tou travayer dan nou pei i ava kapab ekspekte en gratite a en serten moman dan son lavi swa koman en lumsum apre en serten tann servis oubyen nenport ki kalite scheme. Letan nou regarde en nenport scheme pou gratite swa ki gouvernman i annan oubyen ki en konpanyen prive i annan, son bi prensipal se pou azir koman en incentive koman en lankourazman pou travayer, pou sa travayer reste la dan sa lakonpannyen e byensir osi nou konnen ki letan en dimoun i reste dan en lakonpannyen i kapab osi regard posibilite pou li devlop son karyer. Sa bann scheme parey byensir i ankouraz lwayote, i ankouraz travay dir, i ankouraz en dimoun travay dan en fason tre serye, e nou tou nou konnen ki tousala se bann aspe tre enportan letan nou ape koz lo devlopman en high standard of work ethics ki vedir dimoun i konsantre byen normal letan i konsern son travay si i annan li tou sa diferan lankourazman e alor lefe ki larzan i enn bann rekonpans prensipal e larzan i enn bann keksoz ki tou dimoun i bezwen pou son prop devlopman pou devlopman son fanmiy pou son prop epanouisman definitivman alor bann rekonpans parey i donn lankourazman travay e alor mwan mon ava menm al pli plwen pou dir ozordi dan nou pei petet i enportan pou nou devlop en nivo tre o kot i konsern work ethics si nou pa fer sa nou pei pou soufer e letan pei i soufer byensir nou progre li menm koman en pep i gann afekte. Sa mosyon Mr Deputy ti kapab ganny adrese direkteman avek private sector mon ti kapab prezant en mosyon ki dir this assembly requests the private sector, that the private sector proposes oubyen designs a gratuity sheme for their workers nou ti kapab sa lasanble anvoy en mesaz direk pou private sector me selman mon pa’n fer li dan sa fason e mon’n plito dir ki sa lasanble i demande ki gouvernman avek private sector i zwenn ansanm pou diskit posibilite devlop en proze en scheme gratite pou bann travayer dan private sector, mon’n fer sa pou la senp rezon ki mon panse ki i tre enportan dan sa staz kot nou ete pour ki annan en bon dialog ant gouvernman avek sekter prive, zis yer swar lo progranm rupees & cents nou’n antann dir ki lefe ki oparavan ki private sector ti zwe en rol mwen enportan e ki ozordi avek liberalizasyon nou lekonomi private sector pe zwe en rol pli enportan ki nou bezwen donn serten lankourazman e menm ti annan enn bann dimoun ki ti koze ki ti dir ki nou bezwen donn lankourazman private sector parski li gouvernman i ape plito azir koman en fasilitater olye koman en akter en konpetiter direk lo kestyon lekonomi ensidswit ki alor mwan savedir si sa i leka annou alor ouver sa dialog ant gouvernman avek private sector parski gouvernman ek private sector parey nou tou nou konnen ki se zot ki sa 2 akter prensipal dan nou lekonomi gouverman koman en fasilitater i kapab ede met bann lalwa ensidswit ki ava ankouraz lenvestisman e ankouraz devlopman ekonomik e private sector li osi tou dan son rol ki i zwe se li menm li sa moter ki pou ede pou fer sa lekonomi monte e alor si sa 2 i kapab zwenn ansanm pou zot koze e ki finalman nou kapab tonm lo en lakor depandan lo nenport ki schemes ki zot come up with ki finalman se sa travayer ki pou benefisye e si travayer i benefisye sa i vedir e travayer son output i ogmante atraver lankourazman ki i gannyen byensir se pei li menm li ki pou monte e la nou bezwen mazinen ki letan gouvernman i bezwen son larzan, letan gouvernman i bezwen larzan pou fer marse diferan proze ki annan pou li met an aplikasyon son polisi i al prensipalman kot private sector e i kolekte sa bann larzan atraver diferan tax ki i mete atraver sekirite sosyal atraver bann diferan mwayen ki mon kwar nou tou ki la nou konnen. Alors mon a pe dir ki en dialog pou ankouraz bann konpannyen prive pou etablir en scheme gratite pou son bann travayer i pou byensir osi enkli diskisyon lo sa bann nivo, diskisyon lo kontribisyon sekirite sosyal, diskisyon lo peyman bann diferan tax, diskisyon lo pension scheme, diskisyon lo en kantite bann diferan nivo ki tous bann diferan lalwa, alor ti pou bon si sa de sekter i kapab zwenn ansanm pou adres sa size e mon kwar osi ki sa dialog li menm i ava enportan pou nou regarde ki manyer nou bouz pli devan e anmenmtan osi pourkwa pa lefe ki nou tou ki la dan sa lasanble nou kontan bann travayer nou kontan defann bann travayer ki petet dan sa bann diskisyon i ava osi tous lo size konpansasyon pou tann servis pou bann travayer dan sekter prive parski parey nou konnen ki pou le moman lalwa i pa obliz en konpannyen prive donn son travayer konpansasyon pou son tann servis letan i arete, serten konpannyen i fer sa e sa i tre byen i tre ankourazan me nou bezwen mazinen ki i pa obligatwar alors si nou ti kapab fer sa rantre dan bann lalwa sa limenm li ankor enn fwa i ti ava donn en serten ankourazman.

Mr Deputy pandan en pe tan nou’n osi antann koz lo en joint economic council ant sekter prive avek gouvernman nou kwar ki dan united opposition nou kwar ki sa i en tre bon ide parski le moman ki sa i a ganny etabli bann size parey i a kapab osi rantre dan bann diskisyon e byensir i ava osi tous lo bann issues ki konsern economic planning e osi partisipasyon vre partisipasyon sekter prive dan devlopman nou pei e otomatikman osi si nou pe koz lo tou sa bann size bann issues ki annan pou fer avek lanplwa avek labour zot osi tou zot ava ganny enkli definitvman lo agenda entel council si finalman i ganny etabli, nou kwar ki en council parey i ava osi ede pou li vin sa forum kot non selman nou pe koz lo en onivo profesyonalizm me osi enn kot letan nou pe koz lo rekonpans moniter i ava ganny adrese e petet atraver sa nou ava kapab trouve ki sa diferans ki annan ant travayer dan sekter piblik e travayer dan sekter prive i ava ganny eliminen e la petet mon ava azoute Mr Deputy ki sa i pa en nide nouvo i annan bokou pei maintenant kot zot pe sey fer en fason pou kase sa discrepancy ki annan antre travayer dan sekter prive avek enn ki dan sekter piblik pe sey fer en fason ki sa gap i zwenn pourki bann rekonpans i vin plizourmwen parey amwen ki annan serten lakonpannyen ki anvi met ki vreman annan gran lankourazman pou son bann travayer ki alor zot donn zot bann travayer bann extra perks. Dan lepase pli spesifikman an 1991 nou ti trouv lentrodiksyon Seychelles Pension Scheme Act e sa scheme li menm anba sa act i pa rekonpans travayer apre en serten letan pou son travay fidel sa scheme i plito deal avek en pansyon pou lavi letan sa dimoun in ariv son laz retirement i fer en provizyon pou en pre retirement death gratuity, pou en post retirement death gratuity pou pre retirement migration allowance, pou post retirement migration allowance, e osi pou en permanent incapacity allowance ki alors i enteresan pou mwan personelman mon trouve ki i en enteresan ki an 1991 en lalwa parey ti pase e nou tou nou konnen ki sa lalwa i aplik non selman pou travayer dan sekter piblik me osi travayer dan sekter prive, alors deza nou trouve en sirkonstans konkret kot gouvernman i pas en lalwa ki tous sekter prive direkteman e kot i dir dan sa lalwa letan nou lir li ki sa lalwa i aplik pou tou travayer Sesel tou travayer Sesel ki vedir li sekter prive i bezwen kontribye dan sa pension scheme pour son travayer pou le moman se en mimiman 50 roupi ankor enn fwa petet bann dan lasanble in regard sa progranm yer swarm mon kwar in ganny aborde dan en fason spesifik kot minimanm la pou le moman i 50 roupi me ou kapab kontribye lezot larzan me parey mon dir alor sa nou trouv en lenstans kot sekter prive i bezwen swiv sa ki gouvernman li in demande me sa ki parey mon pe dir sa pension scheme i pa zwenn sa ki mon pe propoze akoz mon kwar ki la pou le moman espesyalman letan en fanmiy in annan serten dimoun ki’n travay dan sekter dan gouvernman koman en civil servant lezot dan sekter prive letan nou’n trouve ki en manm ki dan gouvernman apre 15an in ganny li son 20 mil oubyen son 25 mil depandan anba ki scheme i tonbe si en nurse, oubyen en teacher ki ganny 25 mil, oubyen en lot civil servant ki tous 20 mil in annan sa dezir lo lapar bokou bann travayer ki zot osi zot pe ganny keksoz e nou konnen e mon plis ki sir ki annan bokou parmi nou isi dan sa lasanble parski mon’n deza tande kot serten manm in mansyonnen ki ti pou bon si sekter prive osi tou ti kapab vin avek en scheme gratite pou son bann travayer alor mwan mon kwar Mr Deputy ki definitivman si sa 2 i zwenn ansanm e zot dialoge parski nou senpleman pe demande zwenn ansanm regarde dialoge e sey come up avek something e menm posib ki kekfwa atraver sa pension scheme ki’n deza la etabli kekfwa i a kapab elazir sa pourki i ava annan en lot kalite kontribisyon lo la par sekter prive ki sa i ava al spesifikman anver en peyman gratite e mon kwar ki si sa i arive donk sa 35% nou work force lanviron 9 mil 30 travayer zot ava kapab zot osi benefisye.

Nou’n trouve ki depi reentrodiksyon en scheme gratite an 1991 se sa ki tonm sa 15an ki kont anpartir 1979 nou’n trouve ki annan bokou dimoun ki’n resevwar sa gratite 20 mil roupi, 25 mil roupi apre zot 15an servis e nou’n osi trouve ki avek sa larzan i annan bokou dimoun in obou repey zot housing loans lezot in nobou fer bann improvement lo zot lakaz e alors an zeneral nou trouve ki sa larzan i posib ki’n byen ganny servi me anmenmtan osi nou’n osi trouve lafason ki serten dimoun in gaspiy sa larzan e se la ki fer ki sa proverb ki dir en lenbesil avek son larzan deswit i part company as soon parted sa proverb in ganny prouve pou li vre alor nou a pe dir annou ouver sa dialog pourki keksoz i ava arive e petet la mon mazinen ki serten dimoun i ava dir be sekter prive i laba fodre pa ki gouvernman i enterfer dan sekter prive, Mr Speaker mon kwar ki sa i en parol ki totalman fo akoz toulezour dan lavi toulezour gouvernman i enterfer dan sekter prive akoz sa i arive se parski sa i en konsekans natirel i en konsekans natirel le moman ki gouvernman i demann sekter prive pou li pey en tax i ape enterfer e i ape enterfer dan en fason pozitiv alor sa ki nou pe demande sa ki mon pe demande atraver sa mosyon pourki i annan sa dialog pourki i ava annan enterferans pozitiv pou ki demen par egzanp letan gouvernman i deside pou li raise revenue pou li kapab donn en logmantasyon parey nou’n trouve dan bed tax ki’n annan bokou bann diferan tapaz parski sa ogmantasyon pres 4500%  ki petet tousala i ava ouver sa semen pou sa bann dialog e mon kwar mon pou plizourmwen aret la parski mwan mon konvenki mon annan sa konviksyon Mr Deputy ki gouvernman avek private sector i kapab zwenn pour adres sa size e letan nou pe adres sa size nou pe prensipalman adres li pour bann travayer pour sa bann travayer ki vin koz avek nou, pou sa bann travayer dan sa bann gran lakonpannyen ki’n travay fidelman pou 15an pou 20an e ki zot napa gran keksoz pou zot atann alafen zot lavi ki zot in devoue pour sa lakonpannyen, alor i osi lokazyon petet pour felisit sa bann konpannyen prive tel ki Seychelles Breweries parey nou’n mansyonnen avan ki deza annan en scheme gratite pour son bann travayer e osi bann lezot lakonpannyen prive Cable & Wireless, Barclays Bank ki osi annan en pension scheme tou sa bann diferan lakonpannyen ki’n pran tousala an konsiderasyon e ki’n etabli sa bann schemes parey e alor nou ozordi mon a pe dir annou sey regarde ki manyer sa anviron 35% work force nou pei i kapab zot osi benefisye e byensir si gouvernman avek sekter prive i kapab fer sa parey mon’n mansyonnen se pei li menm li ki pour avanse dimoun i ava pran zot travay bokou pli serye, i ava annan en lot turnover of staff e nou ava osi trouve ki nou bann travayer parey dan sa bann diferan dan sa lakonpannyen kot i annan sa bann schemes i ava travay dan en fason bokou pli profesyonel e sa ava pou benefis nou pei, alors avek sa Mr Speaker mon ti ava demande ki nou konsider sa mosyon dan en fason tre serye, ki nou vreman diriz en deba kot nou adres sa size dan en fason profon pour ki finalman pourki dan en fason rezonab pourki finalman nou ava kapab tonm lo en bon konklizyon e atraver sa konklizyon nou ava kapab dir ki wi nou’n anmenn en mosyon e finalman sa bann travayer zot ava santi ki poudir Lasanble Nasyonal annantye pa zis United Opposition, pa zis DP, pa zis SPPF ki nou tou ansanm nou pe regard zot sitiasyon e nou pe montre nou konsern e nou anvi trouve ki zot osi zot benefisye.

 

DEPUTY SPEAKER MR JOLIE COEUR

Okenn manm ki segonn sa mosyon.

 

HON DE COMMARMOND

Mr Speaker mon segonn sa mosyon.

 

DEPUTY SPEAKER MR JOLIE COEUR

Kestyon devan lasanble i lasanble i demande ki gouvernman ek sekter prive i zwenn ansanm pou diskit posibilite pou devlop en scheme gratite pou travayer dan sekter prive mon envit deba lo sa kestyon.

 

HON CHOW

Mr Speaker apre tou sa antouziasm mon siport sa mosyon, mon war i drol ki dan lot kote nou pa war okenn komanter pou siport sa sipor sepandan nou konnen poudir pandan sa semenn ki’n pase nou’n tann dir annou get deryer 20an tou pti diskour ki’n ganny fer in get deryer 20an i paret konmsi nou pe mars an naryer e ler nou war nou war zis sa ki deryer nou nou pa get sa ki devan nou. Mr Speaker i annan en kantite keksoz ki devret ganny aranze dan sekter prive, enn prensipal se kestyon renimerasyon travayer. Gouvernman Mr Speaker e la mon pe dir gouvernman ki nou annan konmela i dan posizyon pou kree larzan e sa gouvernman konmela in servi sa koman enn son politik ekonomik fondamantal sekter prive pa kapab kree larzan envestisman i sorti senpleman atraver e par nou savings ki lezot dimoun i fer si oule komans en biznes swa ou annan ou larzan dan ou pos oubyen ou al prete e ler ou prete oubyen pret larzan ek en lot dimoun in anmase ler i sorti dan ou pos osi i bezwen larzan ki’n ganny anmase. Gouvernman Sesel Mr Speaker i depans plis ki 1000 milyon roupi par an lannen pase nou’n aprouv en bidze pou sa kantite 500 milyon ladan i al pou saler resaman tou manm lasanble in ganny en kopi rapor Central Bank date le 30 Avril ladan i montre ki le 30 Avril Central Bank ti pret gouvernman 716, 290 milyon roupi e ler nou get sa ki Central Bank ti anvoy nou le 31 Desanm nou war ki Central Bank in avans gouvernman plis ki 200 milyon roupi an plis ki ti fer le 31 Desanm, kot Central Bank i ganny sa larzan pou donn gouvernman Mr Speaker.

Mr Speaker bann labank dan Sesel in depoz ek Central Bank 338 milyon roupi e i annan lezot deposit dan Central Bank parey Pie Plan deposit ki osi 323 milyon roupi, i annan en labank Sesel Mr Speaker ki resaman in pibliy son kont sa labank nou’n remarke ki dan 70 ekek milyon roupi ki dimoun i depoz ek li zis 5 milyon roupi ki in prete avek bann dimoun ordiner toulezot son larzan in pret gouvernman. Mr Speaker mon’n komans mon prezantasyon lo sa akoz mon kwar i enportan pou nou konsidere ler nou koz lo sekter prive ki manyer sekter prive i egziste. Mr Speaker statistik i montre ki an 1982 dan lekonomi Sesel 409 milyon roupi ti ganny peye an saler 315 milyon roupi ti profi, an 1982 ti annan 18 mil Seselwa ki ti dan lanplwa, an 1982 retail price index ti 76 e retail price index pou pwason ti 61, an 1993 total saler ki ti ganny peye dan lekonomi Sesel ti 909 milyon roupi profi ti 697 milyon roupi, kantite travayer ki ti pe ganny anploye ti 25 mil retail price index ti 100, pri pwason index i osi ti’n ariv 100 e sa ki montre nou, montre nou Mr Speaker ki ant 1982 e 1993 total saler dan pei in ogmant par 500 milyon roupi swa 122% profi pe ogmant par 382 milyon swa 121%, kantite dimoun ki dan lanplwa ti ogmant par 7 mil swa 389%, pri retail price index se a dir kout lavi ti ogmant par 32%, pri pwason ti ogmant par 64% sa i vedir menm si ou ti annan sa gro ogmantasyon lo kantite saler ler ou’n pran konsiderasyon sa 7 mil dimoun an plis ki pe travay ki tous sa bann saler e ler ou pran konsiderasyon ogmantasyon koud lavi ou demann mwan si nou’n mars an avan oubyen nou’n reste menm landrwa parey en dimoun ki taye lo en treadmill apre i reste lanmenm.

Mr Speaker statistik i osi montre ki an 1993 bann endistri ki manufacture keksoz dan Sesel oubyen ki prodwir dan Sesel direkteman, endistri ki dan zafer manze, labwason parey Seybrew bann magazen,  tobacco factory ti prodwir valer marsandiz 364 milyon ladan gouvernman ti enpoz tax 104 milyon e 58 milyon roupi ti al pou pey saler zis 1 milyon 701 roupi i profi.

Mr Speaker bann endistri ki dil avek koud lenz, textile zot ti prodwir an 1993 pre 3 milyon roupi valer marsandiz, saler ti 2 milyon roupi profi Mr Speaker ti negativ 389 mil roupi. Mr Speaker sa bann statistik i la pou tou dimoun war i montre ki diferans i annan dan lekonomi ant saler profi e prodiksyon mon’n anmenn sa pwen akoz i enportan pou ler nou konsider kestyon saler gratite nou osi konsidere pou dir an sa ki konsern sekter prive tousala i bezwen sorti dan profi e valer sa prodiksyon. Mr Speaker elektrisite an 1993 ti pey 20 milyon roupi saler e i ti fer en defisit 24 milyon roupi, Mr Speaker mon’n anmenn sa pwen akoz pa akoz mon kont sa mosyon an realite mon siport sa mosyon ki mon kwar in ler pou nou met sitiasyon lekonomi nou pei dan gran kler kot tou dimoun i a kapab konsidere e war ki sitiasyon nou ladan parski parey lekspresyon i dir Mr Speaker napa okenn manze pou naryen en lasyet manze ki vini in bezwen kout en lot dimoun en keksoz menm si ou ou pa’n pey li me in koute pou li nobou kapab ganny kwi. Yer swar nou’n antann lo televizyon ki manyer nou annan en pension scheme e sa pension scheme zot in fer previzyon zot dir ki si ou annan 20 an e sa 50 roupi ki ganny peye par  anplwayer e setou ki mete dan ou scheme ler ou retire ou ganny mil 200 ekek roupi. Mr Speaker si ou annan 20an pou ou nobou tous sa mil 200 ekek roupi ou bezwen esper 43an e dan 43an konbyen keksoz mil 200 ekek roupi pou aste.

Mr Speaker nou annan osi en sekirite sosyal ki garanti en serten sonm ler ou’n ariv laz retire e sa sonm i fikse par gouvernman sa lepok i pa dir poudir ler ou retire ou devret ganny en % ou lapey ki ou ti deza gannyen ki ou ti gannyen zis avan ou retire senpleman dir ou pou ganny en sonm larzan e ozordi mon kwar in ariv mil 250%. Mr Speaker mon’n anmenn tou sa pwen akoz mon kwar nou pa bezwen get zis gratite ler gouvernman i diskit ek sekter prive nou bezwen get annan tye renimerasyon travayer e ki valer lafors travayer i mete dan prodiksyon total nou pei e kimanyer nou pou partaz sa ki travayer i gannyen koman saler e sa ki bezwen al dan profi pou nobou kapab re envesti demen pou maintain sa travay ki en travayer i annan in gannyen, e se pour sa rezon Mr Speaker ki nou dan parti demokratik nou pa pe zis get ozordi nou get lavenir ki pe vini, nou pa get 20an deryer nou pou get 20an devan e sa pour sa rezon ki nou enterese ek sa mosyon parski nou nou kwar ki dan nou pei Sesel nou kapab annan en sistenm renimerasyon travayer ki donn li son valer son travay me an plis ki ler in travay pandan tou son lavi ler i pou pran son laretret i pou annan li en valer dan son lanmen ki kapab dir mon’n travay la mon a repoze e se pour sa rezon nou pou entrodwir propozisyon ki nou kapab kree en sekirite sosyal ki pou garanti tou travayer Seselwa omwen 75% son saler ler i pran son laretret non pa zis en fix sonm larzan. Mr Speaker ler eleksyon pou vini nou a esplik lepep ki manyer nou pou fer parski in deza ganny fer e i pe ganny fer dan bann lezot pei. Mr Speaker ler nou konsider sa ler travayer ek son gratite nou pa bliye poudir an konparezon avek gouvernman lannen pase nou ti vot en bidze e ladan gouvernman ti pey 93 milyon roupi kontribisyon sekirite sosyal pou son travayer i ti kontribye 6 milyon 500 mil roupi kontribisyon pansyon pou son travayer e gouvernman ti osi tire dan fon sekirite sosyal 80 milyon roupi e sa i vedir ki finalman gouvernman son kontribisyon li i zis 19 mil roupi parski li osi i met lanmen dan fon 19 milyon roupi i met lanmen dan fon sekirite sosyal tou le zan pou li tire pou li servi Mr Speaker dan sekter prive napa fon ki okenn dimoun pou kapab met son lanmen ladan i pou bezwen debout lo sikse son lantrepriz e si son lantrepriz i nobou fer profi, fer en sikse pa zis profi ki benefisye me son travayer osi i bezwen benefisye e finalman Mr Speaker zis pou retourn ankor en pti kou lo statistik nou war par egzanp ki dan kestyon printing i paret ki printing i fer en valer 35 milyon roupi  son prodiksyon i pey 176 mil roupi tax i pey 8 milyon 811 roupi saler e an pos 7 milyon 747 milyon roupi Mr Speaker sa i montre ki ler nou pou diskit kestyon gratite nou pou bezwen gete dan ki diferan lendistri kimanyer bann profi i reparti i annan serten lendistri ki li i fer loses e nou demande kimanyer li i pou soutenir si nou fer lalwa an zeneral avek sa Mr Speaker mon oule donn mon sipor sa mosyon e mon kwar ki si gouvernman i pran lide sa mosyon an ker nou a kapab ganny en pli gran deba petet lo televizyon kot tou dimoun i a pran par tou dimoun ki annan en lentere i a nobou kapab met son pwen e ki nou a kapab sorti finalman avek en sosyete kot nou’n obou fer sir ki travayer dan tou sekter prive e gouvernman i ganny bon renimerasyon me ki sekter prive parey zot dir se la an Zen ekonomi i osi nobou kontinyen kree deplis lanplwa ki pe nobou kree ozordi.

 

HON FAURE

Mr Chow dan son lentervansyon in mansyonn nou bokou sif, bokou statistik laplipar ditan i pa’n dir nou ki son referans eski i ti kapab provide sa ek sa lasanble silvouple.

 

HON CHOW

National Expenditure 1993 pibliye par MISD i vann 40 roupi.

 

DEPUTY SPEAKER MR JOLIE COEUR

Avek sa mon sispann seans ziska 2 er.

 

 

 

 

 

 

 

 

 

 

 

 

 

 

 

 

 

PART 4

 

DEPUTY SPEAKER MR JOLIE COEUR

Nou kontinny nou travay lo mosyon, lo mon lalis mon ti annan Onorab William.

 

HON WILLIAM

Mr Speaker mosyon ki lir koumsa lasanble i demann ek gouvernman ek sekter prive pou zwenn pou diskit lo posibilite devlop en scheme gratite pou travayer sekter prive.

Mr Speaker mosyon dan li menm i en size ki bokou letan mazorite bann dimoun ki ganny afekte zot in zwenn avek nou pou diskit lo la, byensir mon siport lide mosyon me anmenmtan i fer mon konstate ki sa gouvernman in toultan pe ankouraz sekter prive pou kree incentive pou travayer prive. Kestyon ki’n otomatikman mont dan mon lespri letan Onorab Ramkalawan pe fer son prezantasyon sete sa, eski sekter prive a ler aktyel ki pou plifere disket lo gratite pou travayer la ouswa lo sa size rezourd problenm prodiktivite ki epi a vin lo sa enn diskisyon plitar, dan lot sans Mr Speaker si oule dir sirman zot annan priorite lo zot azanda pou diskit ek gouvernman. Ankor enn fwa malgre serten letan nou fer referans pandan sa 20an gouvernman SPPF i an pouvwar dan devlopman sa pei byensir ek sa sipor ki sekter prive pe donnen mon ti a kontan dir poudir in annan en progre vreman remarkab me lefe i reste Mr Speaker ki gouvernman pa kapab fors ouswa enpoz lo sekter prive lo kwa incentive ki i pou donn son travayer.

Mr Speaker pou bokou ki’n swivre progranm rupees & cents yer swar mon asire ki si vreman nou anvi sa pei i devlope nou tou ansanm nou bezwen aziste nou ek nou sitiasyon e pran desizyon pou angaz nou senserman dan devlopman sa pei e la Mr Speaker mon ti a kontan felisit Mr Jude Louange pou sa progranm ki’n pase e mon ti a demande ki osi sa bann progranm koumsa i kapab ganny adopte dan Minister Ledikasyon kot bann zanfan i a  kapab ganny akse avek pou zot devlopman.

Mr Speaker kestyon ki mon poz mon lekor osi se ki dan sa size ki sa mosyon pe trete si pa i ti a bon ki sekter prive i organiz zot e lo sa size spesifik vin ek propozisyon kot gouvernman ki parey Onorab in dir ki fasilitater, me mwan mon konnen ki sa pou devlop dan bann lezot diskisyon ki pou tous plizyer size parey prodiktivite lalwa travay ensidswit ki a permet kreasyon sa bann lanvironnman pou tou sekter gouvernman prive ek travayer.

Mr Speaker letan nou pe diskit lo sa size osi nou pa pou kapab oubliye ki incentive pou depan lo sak bann spesifik biznes akoz reveni avek bann problenm ki sekter prive pe fer fas avek i pa parey.

Mr Speaker i annan en Onorab ki’n prezant nou avek en kantite sif ek referans i pa oule nou fer referans ek 20an me selman li i fer referans ek sif 93 me pa avek sitiasyon a ler aktyel. Mr Speaker in dir nou i pa konnen ki bor nou ete si nou pe al an avan ouswa nou pe retourn an aryer, mon pou demann li ki bor i kwar nou’n arive a ler aktyel malerezman Mr Speaker i pa la pou li kapab rann mon sa larepons akoz mon ti a kontan mwan si Msye Chow ti a kapab dir mwan ki bor nou ete dan lasanble. In dir Mr Speaker in dir nou ki’n ler pou gouvernman met lekonomi pei dan gran kler in osi donn referans ek rapor 1993 savedir Mr Speaker lekonomi pei i dan gran kler akoz Onorab in ganny sans pou li anmenn referans dan lasanble, savedir letan i pe demann ki gouvernman i met lekonomi o kler mon kwar poudir ekonomi i deza o kler akoz prezidan dan diskour letalanasyon e Minis Finans tou lezan i vin met tousala o kler avek piblik, in osi dir nou Mr Speaker ki parti demokratik pe get an avan e ki avan eleksyon parti demokratik pou prezant son progranm spesyal pou sekirite sosyal avek lepep.

Mr Onorab akoz avan eleksyon, size i devan nou akoz nou pa tret li la konmela, si ou senser ek pep Seselwa ek devlopman sa pei akoz pa dir nou la konmela sa plan si mon ti pou enn parmi piblik pou ekout ou tanto oubyen demen mon ti pou pans sanmenm sa e mon ti pou dir avek mon lekor Onorab pe rod vot me akoz pa dir nou e les vot vin pli tar.

Mr Speaker Sesel pe devlope sitan vit Sesel i depan lo enportasyon Seselwa i bezwen zwenn ansanm pou travay dir se sa ki nou dirizan dan gouvernman pe kontinnyelman dir nou, mon asire osi ki sekter prive pe dir parey.

Apart sa  Mr Speaker mon ti a kontan dir ki SPPF fek fer son kongre pou selebre 20an lanniverser tit kongre Mr Speaker sete SPPF pou en Sesel ek en nasyon modern, Mr Speaker ou trouve SPPF pe get pli devan ki zot ankor i vedir ki SPPF pe get bokou pli lwen parey ki Mr Chow ti pe dir taler zot pe get pli devan SPPF i montre avek sa tenm i pe get bokou pli lwen.

Mr Speaker pou terminen mon ti a kontan dir ki mon pe donn mon sipor lo sa mosyon pa zis lo sa size ki sa mosyon pe trete me siport li lo lezot diskisyon ki pou ganny diskite lo nivo anplwayer e travayer pou tou kapab konpran akoz tel ou tel keksoz i konmsa e tou dimoun i devret angaz zot dan en prosesis pou ameliore kot i fodre.

 

HON POTTER

Mr Speaker sa mosyon mon kwar nou tou nou a dakor ki i en bon mosyon e en mosyon ki pe adres en problenm reel ki annan dan nou pei, i pe adres en serten sa ki mon rapel en serten inekilib dan sistenm renimerasyon ki travayer dan sekter piblik e travayer dan sekter prive pe gannyen ozordi.

Mr Speaker me kantmenm ti a bon rapel sa lasanble e dimoun an zeneral ki in touzour polisi sa gouvernman SPPF pou ogmant saler e revwar sistenm renimerasyon ki travayer i gannyen ofir anmezir ki sa in posib e se pour sa rezon ki ozordi 20an apre ki SPPF in vin o pouvwar saler pli ba dan gouvernman ki an 1976 ti 231 roupi ozordi in ogmant par 7 fwa pou vin mil 9 san roupi an 1997. Pou benefis Mr Chow ki malerezman pa ankor arive to lenflasyon dan sa menm period in kontinyelman desann e pa monte parey in fer kwar pli boner, in desann pou ariv 1-4% an 1985-86 e an Desanm 96 to mwayen aniel lenflasyon ti’n ariv 1.1 % konpare avek 7 fwa logmantasyon saler dan en menm period.

Mr Speaker in egalman touzour polisi sa gouvernman pou sak fwa ki ogmant lapey dan sekter piblik pou ankouraz e persyad sekter prive pou fer parey, personelman mon kwar ki’n annan bokou zefor de la par sekter prive pou kapab esey match bann ogmantasyon ki gouvernman in donnen pandan bann lannen ki’n pase. An 1976 par egzanp saler mwayen dan sekter piblik ti 981 roupi e dan sekter prive ti 604 roupi ki vedir en base 38% dan sekter prive konpare ek sekter piblik, sepandan an 1996 saler mwayen ti’n ogmant 3 fwa dan sekter piblik pou vin 3 mil roupi e dan sekter prive sa ti’n ogmant 5 fwa pou vin 2700 roupi donk mon kwar ki personelman in annan en serten zefor ki’n ganny fer de la par sekter prive menm si sa i pa’n a la oter ki gouvernman ki sa lasanble ti a swete, pa bliye osi Mr Speaker gouvernman an plis in ogmant saler travayer in osi pran bokou mezir pandan bann dernyen lannen ki nou’n la pou redwir pri bann marsandiz sirotu bann komodite esansyel e sa dan limenm in vin a en ekivalan ogmantasyon saler pou tou travayer akoz in benefisye e travayer prive e travayer piblik.

Mr Speaker mosyon ki devan nou i pe demann gouvernman pou koz avek sekter prive pou diskit posibilite pou devlop en sistenm gratite, mon kwar nou tou nou a dakor ki sa mosyon in ganny sa ki mon a dir carefully warded akoz lopozisyon in rekonnet i konpran e i konnen ki gouvernman pa kapab enpoze, pa kapab legislate lo sekter prive dan sa domenn ki nou pe koze, e sa pou bann rezon ki lopozisyon gouvernman e sekter prive i konn tre byen. Mon a donn enn de legzanp, si par egzanp gouvernman ti pou koman obliz sekter prive pou fer as ki nou ti a swete i ganny fer mon kwar nou tou nou ti pou komans ganny akize gouvernman ti pou komans ganny akize konm kwa i pe lager avek sekter prive, i pe bully sekter prive, i kont sekter prive nou pou fer fas avek tou sa bann akizasyon ki nou tou zot in esey fer lo nou pandan sa bann dernyen lannen, e nou nou pa anvi sa i arive otan plis dan sa lepok ki gouvernman pe envit sekter prive pe kree en lanvironnman kot sekter prive i a kapab devlope pour ki anretour nou ava annan en epanouisman ekonomik pli larz e sa i ava kree plis lanplwa, plis aktivite ekonomik, plis rises pour pei e an retour plis benefis pou nasyon Seselwa.

Mr Speaker lopozisyon in osi rekonnet ki nou pa kapab enpoz lo sekter prive akoz finalman se zot ki balans zot liv, se zot ki konnen kwa ki zot profi, kwa ki zot per e nou pa kapab antre dan sa domenn a sirtou an sa ki konsern zot tranzasksyon entern se pour sa rezon ki guovernman in etabli en sistenm ki malerezman Mr Chow bomaten in koz kont en sisten sekirite sosyal ki permet gouvernman antre pou konplemant reveni e saler ki okenn travayer ki dan sekter prive, ki dan sekter piblik pe gannyen e ki i santi i pa kapab pou permet li meet son bann depans lafamir donk enn bann pli gran merit sistenm sekirite sosyal se ki i kapab azir koman en safety net dan ka kot en travayer i pa pe ganny ase dan sekter prive pou li kapab sonny son fanmir. Mon kontan wording sa mosyon ankor akoz i pe demann gouvernman pou koze, pou diskite e envit sekter prive pou koze e diskite avek gouvernman. Mr Speaker gouvernman in touzour pare e son laport in touzour ouver pou koze, pou negosye e pou diskit lo bann issues ki konsern lentere nasyonal mon kwar depi 96 nou’n tann plizyer lapel pou partnership, pou partenarya, pou linite, pou travay ansanm e menm slogan SPPF se leker dan leker parey nou konnen sa i eksprim sa lanmour ki gouvernman SPPF i annan pou partaz sa ki nou annan avek lezot. Lopozisyon in ganny envite serten lopozisyon pou diskit avek gouvernman e pou form parti sa National Economic Council Committee ki ti set up enn de lannen pase e nou tou nou konnen malerezman zot ti refize pou vin asiz lo sa komite. Nou’n envite, nou’n diskite dan lepok komisyon konstitisyonel e ozordi nou pe envit zot e nou pare pou diskit ek zot lo bann keksoz ki ou santi i ava annan benefis pou nou pei donk mon pa kwar ki pou annan okenn problenm pou gouvernman ansanm ek sekter prive asize e diskite pou lavenir Sesel e pou byennet tou travayer.

 

 

 

HON FAURE

Mr Speaker mosyon ki devan nou i en mosyon ki straight forward, i pa pe diskit bann formula oter pa’n propoz bann mechanism, i pa’n propoz ki bann constraints ki i kwar i annan me loter sa mosyon i dir ki i vwar ki gouvernman avek seker prive bezwen zwenn e pou diskit posibilite pou devlop en scheme gratite anmenmtan loter i rekonnet ki dan sekter prive i annan serten scheme ki deza an egzistans. In mansyonn Seybrew, Barclays Bank avek Cable & Wireless koman trwa konpannyen prive kid an sekter prive anmenmtan ki mon dir ki sa mosyon i straight forward e ki diskisyon bezwen ganny pran plas, mon personelman rekonnet ki in annan en kantite si oule taking the lead lo lapar gouvernman a sak fwa ki nou annan en increase dan saler gouvernman in demann sekter prive pou osi fer parey, ler scheme gratite ti ganny entrodwir dan sekter piblik menm zafer ti ganny dir e mon kwar Onorab in servi tenm en dialog pou ankouraze e mon kwar nou ankor lo a menm nivo e si oule mosyon ozordi dan en fason, dan nou lasanble nasyonal pe permet nou eksprim nou lopinyon lopozisyon e parti mazoriter lo bann diferan tantatif ki’n annan pou kapab si oule vwar ki dan sekter prive i annan en tel scheme, nou ti a kapab senpleman dir Mr Speaker be sa mosyon lefe ki i straight forward annou pran en vot lo la akoz nou pa ekspekter ki nou lasanble i adopte en seri rezolisyon rekomandasyon lo kimanyer sa scheme pou ete nou ti kapab fer sa me mon kwar ki lefe ki nou politisyen nou ganny atrape par en konsern konstaman presyon piblik, presyon travayer, travayer osi i bezwen konnen ki lasanble ti pas en lalwa Industrial Relation Act ki annan en provizyon dan sa ki nou apel cvollective bargaining kot ou annan en relasyon ant anplwayer, anplwaye avek bann trade unions. Dan sekter prive ou annan ou konpannyen petet ou annan en dimoun ki anploy 2 dimoun, ou annan konpannyen ki anploy 5 dimoun,10 dimoun, 100 dimoun, 200 dimoun sekter prive li i annan diferan konpannyen, diferan sekter donk i enportan pou travayer dan sekter prive mon’n dir sa senserman akoz nou pa bezwen kree en lenpresyon ki avek sa mosyon otomatikman tou travayer dan sekter prive pe ganny en gratite. Lideal e lentansyon tou dimoun, lentansyon gouvernman SPPF parti SPPF mon fek tande UO i kwar dan sa lideal DP par son sa ki’n fer intervene i kwar dan sa lideal, son lideal se ki i merit annan en gratuity scheme dan sekter prive this is dream tou bann parti pe ganny dir la me nou konnen ki manyer sa zafer i ete e eleman dialog neseserman i bezwen ganny diskite lo plizyer forum, gouvernman i kontinyen par bann diferan statement ki fer forum meeting ki fer dan bann sekter prive, dan bann konpannyen prive devret annan sa dialog ant anplwaye avek anplwayer bann unions i annan en rol pou zot zwe ladan akoz si travayer dan en konpannyen i realize ki son konpannyen pe fer profi pe mars byen i kontribye e ki anretour i pa gannyen travayer i bezwen dilaoge savedir mon kwar dialog i pa zi lo en nivo li dialog i bezwen ganny fer dan tou bann nivo avek lide ki dimoun i konpran realite tou sa bann akter me lentansyon nou tou finalman i klere pour terminen e koman konklizyon Mr Speaker se ki sa mosyon la i en mosyon ki zwenn sa prosesis ki depi lontan in komanse e ki annan konpannyen ki pe diskite me si oule nou pe dir dimoun i bezwen aware ki travayer pe komans dir gete ou dan gouvernman i gannyen mwan mon dan prive mon travay 10an 15an mon pa gannyen se sa kestyon ki zot pe konmans compare e ler ou pe komans compare ou bezwen demande ki manyer ou gannyen e kote sa anplwayer pou tire pou donn ou e otomatikman ou bezwen koze, bezwen diskite, bezwen dialoge e nou war rol union dan sekter prive pou kapab koze akoz mon kwar sa ki nou pa ti a kontan vwar dan sa pei se ki ou annan en lalwa parey Onorab Potter i dir en lalwa i vini i dir koumsa vwala manyer nou ti a kontan fer li otomatikman ou pou annan ou en gran redundancy lo ou lanmen pe koz 11 mil travayer an 1995 pa kapab fer li otomatikman ou bezwen adopte langaz kominikasyon internally dan sak bann konpannyen ki form sekter prive e ki lideal sa lideal i ganny etabli me anmenmtan i annan osi en lot mantalite ki bezwen ganny sanze la mon’n koz lo travayer ki son rol bann union kot lo gouvernman, kot lo National Assembly me eski moman kot nou’n arive nou pa devret pe vwar en nouvo fason ki bann managers ki bann direkter zot apros travayer, ki manyer zot get dan bann welfare zot travayer. Ozordi le 3 Zen nou pe koz lo gratite pou bann dimoun dan sekter prive me anmenmtan i annan menm travayer dan gouvernman ki’n ganny logmantasyon saler e ki zot zot pa’n kapab donn sa logmantasyon pou bann lo sa income bracket donk ou a realiz diferan fakter ki anze e pou neseserman dan sa prosesis devlopman ki nou pe al an avan i annan serten keksoz ki dimoun i bezwen konpran, anmezir ki ou grandi ou fer en profi ou bezwen realize osi ki sa profi i bezwen ganny partaze an trwa parti, gouvernman, pou ou konpannyen, e osi pou ou travayer, me sa lalwa pa sanze sa i bezwen en nouvo mantalite ki ganny kiltive pour ki sa high standard working ethics ki Onorab Ramkalawan in koz lo la kapab ganny matrealize non selman dan bann dimoun ki travay me bann dimoun osi ki pe manage e mwan personelman mon pou donn mon sipor pour sa mosyon akoz mon kwar i donn ou sa lokazyon pou fer sorti nou pwen pou eksplike ki sa demars depi lontan i en demars me si oule i annan zis 3 ki’n donnen kekfwa i annan 4 i annan detwra ki’n komans etidye pou ki alafen dizour si oule ankor dan bann lannen ki pe vini dimoun a kapab compare lakantite kekfwa dan sekter prive i gannyen alafen lannen prive me selman nou pa pou kapab dir sa prensip pa’n ganny aksepte ki nou pe dir nou devret dan sekter prive etabli osi sa sistenm parey gouvernman in entrodwir.

 

HON BELLE

Mr Speaker i annan dan lavi sibstans i annan osi loportinite, i annan mosyon ki ou anmenn dan lasanble i depan ki moman ou anmenn li e ki dan sa bann kalite mosyon i difisil e menm i pa posib pou manm vot kont, i annan mosyon ou ava anmenn li 1an apre en eleksyon manm i kapab vot kont nou anmenn li 1an avan en lot eleksyon i difisil pou ou vot kont se sa ki apel loportinite, le swa de loportinite e sa i pa zis dan Sesel id an bokou parlman dan bokou pei parske se konm sa ki gouvernman e lasanble i marse mosyon ki Onorab Ramkalawan in anmenn dan lasanble ki li ki demann gouvernman ek sekter prive zwenn pou diskit lo posibilite devlop en scheme gratite pou travayer dan sekter prive i en bon mosyon e menm parey Onorab Potter in dir se en wording ki’n byen travay pa souvan ki en mosyon i ganny anmennen dan lasanble e ki dan en serten fason sa mosyon i telman byen ki mon pa vwar okenn amandman ki merit anmennen e mon kwar pa si pou annan okenn amandman ki ganny anmennen lo la akoz sa mosyon se en mosyon ki tous travayer Seselwa, i en mosyon ki tous labaz elektora e i toutafe normal ki lo en mosyon parey ler nou pou koze nou bezwen koz anfaver. Lafors travayer parey Onorab Faure in fer nou rapel se la baz menm, lafors travay e sa la baz menm lafors politik. Lalawa dan Sesel in prevwar ki annan industrial bargaining e sa ki dan en serten fason lironi se ki lasanble lopozisyon in anmennen en mosyon e ki le gran absan ladan i en workers union parske normalman dan en serten fason i ti ava ekspekte bann union, bann union ki reprezant bann travayer dan sekter prive anmennen sa atraver zot bann reprezantan pourki sa keksoz i ganny fer pou sa bann travayer me mon kwar pa si nou merit antre dan bann podemik lo la lesansyel se ki mosyon  i dan lasanble e nou bezwen travay lo la e travay dan sa lespri partnership ki prezidan larepiblik in koz lo la e mwan mon kwar ki la i enn, se enn bann manifestasyon kot ler nou koze lo partnership vwala enn bann manifestasyon konkret kote partnership i kapab ganny materialize e ki nou kapab trouv en solisyon pou bann travayer dan sekter prive, en scheme gratite pour sa bann travayer i en keksoz ki souvan nou’n koz lo la lo lasanble i pa’n ganny formile dan en fason egzakt me nou’n koz lo tou sa ki tous lapey saler ki ou gannyen tou le mwan e bann gratite ki ou gannyen obou dan en serten tan zis pou fer rapel ti annan en mosyon dan lasanble ki ti ganny mete par Onorab en Onorab dan parti mazoriter ti demande ki gouvernman i revwar saler bann travayer dan sekter prive, sa mosyon ti vin dan lasanble zis avan nou ti al an recess e manm lasanble pou en rezon ou pou en lot mon kwar mosyon in ganny tire e pa’n revin ankor lo la, mon pa konnen si sa mosyon pou revini me dan son plas ti annan en mosyon ki ti ganny mete lo kestyon bann stray dogs ki ti ganny vote dan lasanble mon kwar ki sa manm lasanble e mon ava envit li reanmennen sa mosyon reanmenn sa mosyon de sort ki nou kapab diskit lo la e gete dan sekter prive ki nou kapab fer pou sa bann dimoun parey bann travayer dan sekter piblik.

Mr Speaker gratite ki ou donn en travayer i parey en rekonpans ki ou donn li pou son asidite pour lefet ki’n travay lontan avek ou, se en genre de bonus ki ou donn li alafen en serten letan. Menm lasanble e gouvernman i gannyen sa bann bonus si travayer in santi ki ou’n apir pou li, ler ou 5an in pre pou arive travayer osi i kapab donn ou en bonus, bonus ki ou gannyen dan politik se me ou o prouvwar ankor si obou de 5an ou pa’n fer li dan son lentere sa travayer i pa donn ou sa bonus sa gratite e otomatikman ou pa gannyen reelekte me la ou pa kapab dir nou pa pou gannyen akoz si ou fer sa ou pe fer sa travayer kwar ki ou pou koz pou li alor ki li pa ankor pare pou li ziz ou e si prezan oule konmsi dir ki ou pa pou gannyen fer sa travayer donn li en lenpresyon konmsi ki oule fer vantar i kapab li prezan i pini ou.

Mr Speaker lo sa mosyon ki Onorab in amennen i annan en keksoz ki’n vin neseser ki ou komans gete dan byennet bann travayer dan Sesel, mon konnen bokou parmi nou i konserne isi menm si serten parmi zot i riye mon konnen ki ler zot ariv dan zot distrik bann travayer i war zot i dir zot vin get dan zot welfare alor ler mon pe koz lo la mon kwar ki dan en serten fason ou pa kapab riye en keksoz si enportan akoz ou konnen ki sa i capital lentere ou travayer. Lafer ki enportan Mr Speaker se ki nou’n dir ki an1976 travayer ti ganny 276 roupi e i ozordi zot pe ganny 1900 annou pa get lepase annou gete konbyen sa travayer pou gannyen dan lan 2000, annou gete konbyen i pou gannyen dan lan 2005, se sa ki enportan sa ki’n gannyen an 76 lenterval kot zot ti annan gouvernman koralisyon i en keksoz annou gete konbyen i pou gannyen dan 5-6an eski i pou ganny sifizaman pou li kapab byen elve son fanmiy, pou li kapab avek son gratite pou organiz son lavi sa ki fodre nou gete, annou gete si bann ki pa pe travay pa ganny en louvraz mon kwar se sa ki enportan e se pour sa rezon ki mon kwar kot mosyon in byen vini in ariv en moman kot nou tou nou sansib lo kestyon travayer, Mr Speaker mon pou vot an faver sa mosyon akoz mon kwar ki i bon ki dan lentere travayer Seselwa.

 

HON DE COMMARMOND

Mr Speaker sa mosyon ki pli boner mon ti segonde i en mosyon petet nou kapab dir depi lontan ti’n devret ariv dan lasanble e mon kwar la i en legzanp kote Onorab Ramkalawan ki kapab anmenn en keksoz ki bon parfwa sa enn i bon nou pou siporte letan i pabon ou a konpran nou next time pou dir pabon.

Mr Speaker mon menm mwan personelman plizyer dimoun dan prive ki travay avek diferan biznes prive lakonpannyen in apros mwan lo sa issue gratite pou zot se en rekonpans apre en long letan servis avek sa bann konpannyen, e i pa fasil mon’n toultan eksplike avek sa bann dimoun ki zis gouvernman i vini i met en lalwa pou konmsi fors bann biznes prive pou donn gratite zot bann travayer e mon kwar dan lapros ki mosyon ki devan nou i dir se komans annan en diskisyon, en koze amikal ant gouvernman ek sekter prive lo pwen gratite mon kwar se en bon lapros en fason ki a permet si oule dimoun konsernen dan en fason ase detann kapab reflesir pozitivman e menm si mon kapab azoute repozitivman lo sa issue. Mon menm mwan mon’n sey mazinen koman alors sa i pou kapab marse i annan de ka par egzanp i annan serten biznes i pa fer profi deswit petet i pa fer okenn gran profi osi pou plizyer lannen, prezan letan nou koz lo sekter prive bann lorganizasyon ki si oule dir charitable ki pa sipoze pe fer profi me ki anploy dimoun me ki pa tonm dan kad gouvernman ni dan kad paratatik kot i tonbe i annan tou sa osi petet nou bezwen adrese e get ladan me sanmenm sa ki mon dir letan i ava annan sa koze sa diskisyon la nou osi kapab par egzanp get serten diferan kalite scheme akoz dan prive i annan diferan grander dan biznes i annan konpannyen ki gro ki kapab absorb en kantite ki annan ki mwayen i annan ki pti pti i annan tou sa bann diverzans la tou sa bann kategori si oule dir ki mon kwar gouvernman pa ti kapab zis vini met en lalwa across the board tou dimoun i bezwen swiv, mon kwar i pa ti pou en bon keksoz e petet dan sa lapros alors mon repete mon kwar ki ava en tre bon nide kot ansanm nou a kapab ganny en keksoz ki travayer apre en long letan servis dan konpannyen i a kapab benefisye omwen parey bann kid an gouvernman e paraitatik anmenmtan sa i vin koman en incentive parey mover mosyon in fer sorti e definitivman i pou ede ogmant prodiskyon dan pei savedir anemnmtan ek sa i annan eleman pozitiv pou devlopman dan pei avek en tel keksoz ki ganny met an pratik.

En lot pwen enportan Mr Speaker ki mon war bokou nou tou dimoun konmela osi i konmans si oule dir port latansyon lo en aspe i dir ou la la dan pei i pe enport travayer etranze ensidswit e Seselwa pe travay mon kwar letan i annan plis incentive i ava fer ki Seselwa i a kapab pa dir ekspsoze ki manyer me zot osi zot bezwen kapab vin devan dir be ok konpannyen prive pe ofer keksoz mon vin travay mwan osi kekfwa nou kapab ranplas sa bann etranze alors ankor dan lespri sa mosyon mon panse ki keksoz i ava bon pou nou bann dimoun. I enportan Mr Speaker fer sorti ki pa nou tou malerezman ki kwar dan sa mosyon, mon fer sorti sa akoz Speaker avan mwan in donn lenpresyon konmsi lo kote lopozisyon zot tou zot dakor ek sa mosyon, mon pa kwar ou, akoz mon pa kwar ou si zot tou zot ti dakor ek sa mosyon zot tou ti a la letan pou vote ok i paret mwan i annan en mannev pou pa montre dimoun poudir ou kont sa mosyon alor ou absent lasanble i pa byen si vreman senserman  ou siport travayer mon kwar ou vini ou vin siport zot lo en mosyon i bon pou zot, mon kwar ki lepep in note sa.

Mr Speaker finalman mon pou vot parey mon’n segonn sa mosyon mwan mon pou vot pour sa mosyon mon kwar kestyon i straight forward pa pou met plis keksoz lo la, mon zis swete mon zanmi Onorab Ramkalawan pa al ganny problenm ek boss akoz sa mosyon.

 

HON GILLES

Mr Speaker mosyon prezante par Onorab Ramkalawan pe demande ki gouvernman i zwenn ansanm avek biznes prive pou diskit lo posibilite pou devlop en scheme gratite pou sa bann travayer ki zot anploye.

Mr Speaker en mosyon koumsa personn pa kapab vot kont me lefe i reste ki Onorab Belle in mank timing, sa i montre ki Onorab Ramkalawan enn ler parey Onorab Charled de Commarmond in dir ler i reflesir byen i kapab anmenn keksoz ki bon dan sa lasanble pou nou diskit lo la e sa enn mosyon i montre en serten eleman ki’n reflesi byen e in sitan reflesi byen ki in swazir bann mo vreman apropriye pou met dan sa mosyon akoz in dir diskit lo posibilite dan en lot mo diskit lo posibilite i kapab aboutir dan en keksoz ki pozitif kot nou ganny en rezilta vreman kler en rezilta ki satisfer lobzektif sa mosyon me koman i kapab osi ki dan diskisyon lo etablir en scheme gratite pou bann travayer dan sekter prive ki riske osi ki sa i pa vin en realite alor se sa ki mon’n dir in vey tre byen ki manyer in formil son mosyon akoz parey mon bann koleg in dir tranzaksyon gouvernman avek sekter prive letan ki konsen saler, letan i kosnern larzan i en keksoz ki vreman delika espesyalman dan sa letap nou devlopman ekonomik ki nou ladan e kalite filozofi ekonomik ki nou pe presye aktyelman. Mr Speaker sa ti mon premye remark, dezyenm remark lo sa mosyon se ki bomaten nou’n ganny en laklas filozofi ekonomik par Onorab Chow en spesyalis dan statistik ekonomik me malerezman apremidi i pa al avek nou pou siport sa mosyon e vot an faver sa mosyon, mon pa konnen ki’n arive ki pa la ozordi apremidi me lefe i reste Mr Speaker ki Onorab Chow in akiz nou konm kwa nou pe get 20an an aryer e kot nou pa pe konsider lavenir sa i en fo asepsyon i en lerer tre grav ki Onorab Chow in fer  in komet ozordi e mon per ki la avek nou mon pa konnen si i pou pardon li pou sa pese ki in komet.

Mr Speaker Onorab Belle in envok en mosyon ki ti aparet lo en order paper avan ler nou ti al break, savedir avanler lasanble ti antre dan recess mon oule dir in dir oli sa mosyon me si ou ti lir byen vizyon ki en pti leaflet ti fer sorti dan lopozisyon ou ti ava trouve petet ganny en nide ki zot in dir arive ek sa mosyon petet akoz ou dan DP ou pa lir byen vizyon me sa ki ekrir vizyon in dir ki Onorab ki ti’n prezant sa mosyon in fer sir ki i pa’n la zour pou diskit sa mosyon akoz dapre li i annan bann business men SPPF ki pa ankor donn ogmantasyon saler son bann travayer par rapor avek logmantasyon ki’n arive dan sekter piblik, dan sa moman si mon kapab fer rapel nou bann manm isi dan lasanble ti annan en lenpidemi malad lizye ki ti pe pase dan pei e par malsans mon ti ganny sa malad e i sa rezon prensipal akoz mon pa ti kapab vin sesyon lasanble me mon a dir ozordi la ki pou tou bann dimoun ki la anndan i okouran e pou menm bann dimoun ki pe ekoute mon swete ki sa mosyon i ava aparet lo order paper petet dan en lavenir pros akoz mon pa sa dimoun ki pou taye letan mon’n met en mosyon.

Lot pwen Mr Speaker ki enportan pou konsidere lo sa mosyon ki devan nou se nou bezwen go back to basic, nou bezwen al lo labaz, ki labaz? labaz sa mosyon ki devan nou i fer mwan retourn lo zisteman sa pwen ki mon fek koz lo la, labaz se ozordi nou bezwen demann nou lekor en kestyon ki travayer dan sekter prive pe koz lo la ozordi, ki pwen fondamantal zot pe adrese la ozordi la eski travayer ozordi pe adres kestyon gratite. Mr Chairman Mr Speaker mon annan mwan en lalis kot mon’n konte yer swar mon annan mwan 175 endividi ki travay dan sekter prive dan mon distrik ki nou war mwan sa ki zot pe koz lo la ozordi se pa gratite zot pe demande ki sekter prive i konsider donn zot sa logmantasyon ki’n pran lefe dan sekter piblik ki zot an mazorite pa ankor gannyen, sa ki zot pe koz lo la ozordi sa ki zot pe met lanfaz lo la ozordi zot pe dir ou zot pa pe zis koz la nou pe koz bann lannen ki’n pase avan kot dan en fason sitenmatik gouvernman in ogmant travayer dan sekter piblik e kot zot zot pa’n ganny ogmantasyon dan sekter prive i dir ou annou adres sa la ozordi epi nou ava ale nou ava al rod kestyon gratite me lefe i reste ki gratite ogmantasyon saler tou le de nou pe koz larzan e nou pe koz larzan ki pou sorti kote ki sorti dan sekter prive e bomaten Mr Speaker si ou rapel byen Onorab Chow in donn ou en laklas distribisyon profi e sa laklas lo distibisyon profi in fer en nespes melimelo avek kot finalman dimoun ki pe ekoute deor pa ni konpran ki Paul Chow in dir sa ki enportan Mr Speaker pou mwan presize ozordi la pourki nou bann dimoun ki pe ekoute nou bann travayer dan sekter prive nou bann travayer ordiner i konpran se ki ler ou koz distribisyon profi napa en biznes ni biznes ki lopozisyon i annan ni biznes nou bann koleg SPPF i kapab annan ni biznes ki nenport ki dimoun i kapab posede napa en biznes ki pou pran tou son profi pou pran pou donn tou ler in gannyen pa egziste dan okenn pei sa e ler ou pe koz esansyelman biznes pa pou egziste sa otreman ke sa nou pa koz biznes. Ler mon pe dir sa Mr Speaker i enportan ki nou met lanfaz lo proporsyon sa profi ki reste dan sa biznes e proporsyon sa profi ki ganny distribye avek bann travayer Onorab Chow in avan en teori in dir nou ki avan prosen eleksyon son parti dan son progranm swadizan sa ki i pou met devan bann elektora i pou konsider donn 75% profi bann travayer ki travay dan sekter prive, sa 75% sa profi in dir pou ganny redistribye presizeman atraver sanmenm sa gratite ki nou pe koz lo la e in menm avans kestyon pansyon tousa la in pran in melanz ansanm me lefe i reste ki nou kapab konsider 75% redistibisyon sa larises oubyen sa profi ki sa biznes in gannyen atraver son saler, atraver swa en pansyon oubyen atraver sa  gatite me lefe i reste ki in anmenn sa sif 75% me lefe i reste osi ki Onorab Chow in kit nou dan lezast in kit nou sispandi anler laba dan ler e nou ava espere ki dan prosen manifesto DP ler zot a prezant sa avek bann elektora nou ava kapab touve ki i dir nou lo sa kestyon 75% redistribisyon sa profi.

Lot kestyon ki enportan pou nou konsidere Mr Speaker se gouvernman SPPF, sa gouvernman ki la opouvwar, parti SPPF sa ki prese in toultan kwar ki i bezwen annan en redistribisyon larises dan sa pei in toultan kwar sa e i enn bann keksoz ki nou met bokou lanfaz ozordi redistribsyon larises parey dan en serten lapros ki Onorab Belle in koz lo la menm enpe boulvers boulverse ozordi me lefe i reste ki nou nou toultan kwar ki ler en dimoun i fer en profi dan sa pei i bezwen dan en fason ou en lot sa larises ki aparet redistribye li pourki tou dimoun i ganny en sans rezouir sa larises ki li menm in partisip dan son kreasyon sa i en keksoz ki nou kwar ladan senserman e i enportan note Mr Speaker pou nou bann koleg dan lopozisyon ki bann parti politik dan bann lezot pei a sa moman aktyel la i annan detwra legzanp devan nou bann ki’n prosen filosofi kot zot in koz lo redistribisyon larises zis an teori me kot zot pa’n koz lo redistribisyon larises an tenm reel konkret ozordi zot pe perdi pouvwar dan zot bann pei travayer pe balye zot pe anvoy zot al koz deor legzanp i devan nou mon pa pou al dan bann detay zot konnen ki mon pe koz lo la zot konnen ki pei mon pe refer lo la lepep pe balye zot akoz ler nou koz lo redistribisyon larises zot pa kapab koz zis an teori nou bezwen koz li an tenm reel konkret e SPPF ler i redistribye larises ou ganny li dan lasante ou ganny li dan ledikasyon ou ganny li dan bann lezot servis gratit ki nou gannyen se sa ki nou apel redistribisyon larises kot ler ou saler pa permet ou pou ou kapab pey en sistenm lasante pou ou kapab ganny sa konfor sa swen ki parey dan bann pei kapitalis zot fer ou pey sepa konbyen mil dolar pou fer ou ganny en tretman pou fer loperasyon isi dan Sesel gouvernman atraver son redistribisyon larises i permet ou al deor al La Frans al Sengapour al Reunion al dan lezot pei kot i pey en servis pou ou kapab ganny sa benefis ki ou saler pa permet ou gannyen sa redistribisyon larises reel konkret non pa an teori an filozofi e ler nou koz gratite nou koz isi nou koz laba mwan mon kontan mwan, mon kontan akoz mon remarke ki lopozisyon dousman dousman pe aksepte filosofi ki SPPF i prese mon kontan e mon felisit zot pou sanz zot lapros lo filozofi redistribisyon larises dan sa pei e is a rezon ki mon ti anmenn sa mosyon ki malerezman mon’n malad mon pa’n ganny en sans diskit lo la dan sa lasanble mon ti anmennan akoz mon ti kwar senserman ki travayer ki travay dan sa pei sa ki travay dan sa pei sa ki prodwir larises dan sa pei dan sekter piblik dan sekter prive e nou bezwen pe kapab rekonpans sa bann dimoun dan manyer method dan manyer mechanism dan manyer fason ki nou kapab fer li annou rode ki manyer sa travayer i kapab repran sa larises ki’n donn lanmen kree e ozordi ler nou’n tann Onorab Ramkalawan i pe prezant son mosyon avek gratite i pa’n koz ditou lo prodiktivite mon’n ekout byen mon pa’n tann li koz ditou lo prodiktivite dan lesans kot i pa’n relasyonn prodiktivite oubyen i pa’n dir poudir pou kapab annan en scheme gratite dan sekter prive fodre i annan ogmantasyon dan prodiktivite i pa’n dir s ozordi e i montre en sanzman dan son lakours akoz avan sa in ensiste ler nou koz lo ogmantasyon travayer i dir fodre prodiktivite ogmante sansan pa kapab donn ogmantasyon saler ki kote larzan pou sorti si travay pa pe prodwir la ozordi in sanze mwan mon kontan sa mon kontan me lefe i reste mon kwar ki pourki larises i ogmante dan sa pei nou bezwen osi konsider sa fakter prodiktivite ki Onorab Ramkalawan in manke dan son lentervansyon e mon swete i repran sa eleman dan son summing up. Prodiktivite i enportan dan tou sekter kot nou ete dan tou sekter kreasyon larises akoz se sel fason ki nou kapab ganny plis pou nou redistribye plis me lefe i reste ki sa mosyon ki’n ganny prezante par Onorab Ramkalawan mon pou donn li mon sipor Mr Speaker akoz mon kwar senserman ki annan en sanzman dan son lapros e i annan en sanzman dan son latitid e sa i en mosyon ki nou tou nou satisfe avek.

 

HON RAMKALAWAN

Mon kontan war ki depi lentrodiksyon FM RFI i annan bokou dimoun ki ekoute e bokou dimoun ki pe aprann bokou keksoz e sa i byen. Mon kontan bann parol ki’n ganny dir apremidi, mon sipoze si nou ti pou rantre dan bokou bann size ki’n ganny aborde apart sa ki mosyon in dir kekfwa nou ti pou al ouver en lot topik nou ti al ouver en kantite lezot size par egzanp si nou antre dan size redistribisyon larises e sa bann gouvernman parey Onorab Gilles pe mansyonnen ki akoz zot mal distribye zot ganny tire petet parey mon dir sa ti pou en lot size dan li menm e nou ti ava osi petet abort size akoz ki linion sovyetik nepli la, the eastern block nepli la, the war impact in disparet parey mon pe dir sa i ti pou en gran size nou ti pou osi petet trouve akoz ki atraver Lafrik parey prezidan Uranie i mansyonnen ki one party states in fini sov letan ensidswit alors tousala sete bann size ki nou tou ki la nou kapab koz en kantite lo la Mr Deputy me selman parey nou pou dir mosyon in tre senp in koz lo silvouple gouvernman avek sekter prive rankontre e diskit posibilite pou en scheme gratite pou bann travayer dan sekter prive lafason ki tou bann manm in koze mon kwar in fer kler ki poudir sa nesesite i la pourki i annan sa dialog mon kwar ki bann pwen ki mon’n fer resorti i tre kler e bann pwen osi ki bann diferan manm in mansyonnen osi tou in tre kler alors mon kwar ki si vot i ganny pran dapre sa dialog e dapre sa deba ki’n deroule mon kwar ki nou ava fer en pa an avan e petet la Mr Deputy parey mon ti mansyonnen okomansman mon’n evite dan mon prezantasyon pou mwan fer rantre okenn keksoz politik ladan dan sa size parski sa i konsern travayer e nou tou ki la dan lasanble nenport ki parti ki nou ete nou enterese dan travayer mon espere ki nou tou nou enterese dan travayer e nou tou nou fer li tanzantan atraver bann parol ki nou dir donk mon swete ki sa mosyon i ava ganny aprouve koman en mosyon tou manm lasanble ki ganny sipor tou manm lasanble e ki letan sa dialog i a konmanse desito e byensir le moman ki nou ava kapab tonm lo en lakor ki bann travayer zot menm zot ava benefisye alors ankor enn fwa mersi bokou pou zot parol mon pa tro kontan ganny patrolize parski mon kwar ki mon kapab debout byen menm si annan serten manm ki’n sey patronize mwan me anyway mersi bokou pou zot parol ki zot in dir e mon kwar ki annou vote.

 

DEPUTY SPEAKER MR JOLIE COEUR

Lo sa kestyon nou pran en vot all in favor, anyone against. Mosyon i carried, nou pran en short break pour 3 minit pou allow Speaker Macgregor pou lip ran lezot mosyon.

 

MR SPEAKER

Bon nou a repran nou travay, nou a pran en pti first reading.

 

This act may be cited as a Consumer Protection Act 1997 and shall come into operation on such date as the Minister made by notice publishing the budget.

 

MR SPEAKER

Nou vin lo nou dezyenm mosyon e is Onorab in pare mon envit ou pou prezant ou mosyon.

 

HON GILLES

Mr Speaker sa mosyon i en mosyon tre senp, en mosyon kot mon pe demann lasanble pou deman gouvernman pou kontinnyen avek son progranm pou enplimant e garanti ki isi ziska lannen 2000 nou annan sifizaman bann bus shelter dan lantour Mahe, Pralen, La Digue mon kwar la lo Pralen i annan en bon pe lo La digue nou napa ditou me sa taler nou ava kapab diskit lo la.

Mr Speaker par dan progranm sa gouvernman par dan progranm sa parti ki mon reprezantan ozordi dan sa lasanble i en progranm ki annan en konteni tre enportan ladan konteni sa progranm an relasyon avek sa mosyon se byennet nou bann sitwayen ler nou koz lo byennet nou bann sitwayen nou pa vwar li zis dan lesans kot en dimoun i ganny li en lakaz i ganny li en servis lasante i ganny li ledikasyon e i kapab ganny li bann lezot servis ki sa sosyete i annan pou ofer par entegral sa byennet ki nou koz lo la se pour osi donn sa konfor ki ler nou bann dimoun i sorti kot zot pou zot al esper en bis piblik pou zot deplase pou zot al dan diferan landwra kot zot anvi ki si anka lapli i tonbe oubyen soley pe tape zot kapab ganny en kouvertir pou esper sa transpor piblik ler i pase e pou zot kontinny zot larout e bomaten ler nou ti pe koz lo en mosyon ki ti’n ganny prezante avek nou mon konfrer Mr Waven William ti’n fer referans lo tenm nou 14enm kongre SPPF ki dir ki SPPF nou vwar li an relasyon par son bann latas pou kree en Sesel modern, sa Sesel modern e Sesel model i form par en legzersis  pou nou revwar dan ki fason nou kapab amelyor ankor enn fwa tou sirkonstans ki anglob en zonm ler in ne i grandi devlope e viv dan son sosyete e si nou pe koz kreasyon en Sesel model en Sesel modern sa i en eleman tre enportan ki nou bezwen met lanfaz lo la bokou nou petet pa pou realize poudir i annan dimoun ozordi i mank travay zis akoz petet lapli pe tonbe i pa ganny en sans deplase kot li ariv lo bus stop kot i annan en bus shelter pou li kapab epar li anba la e esper sa bis pouli kapab al travay e nou tande la manmay lekol osi i ganny serten problenm ler pou zot sorti kot zot pou zot al esper bis obor semen zis zot la parel kreol i dir zot dan zerditan e zot pa kapab ganny sa konfor pou zot kapab al lekol oubyen al travay.

Mr Speaker parey mon’n dir ou sa mosyon i en mosyon ki tre senp nou pa oule fer en gran propagann lo la e mon ti ava zis demande ki nou vot an faver sa mosyon pourki gouvernman i tande e ki i fer en resers e met an mars en progranm konkret pour ki adres sa kestyon bus shelter dan tou bann distrik avek sa Mr Speaker mon ava aret la e mon ava ekout komanter ki mon bann lezot koleg i annan e si nou napa komanter nou pran en vot lo la nou fini avek nou mosyon.

 

HON FAURE

Mr Speaker mosyon ki’n ganny anmennen par Mr Simon Gilles ki reprezant distrik Mont Buxton isi dan lasanble i en tre bon mosyon e mon kontan lafason ki’n fraz li parske i pa konsern zis distrik Mont Buxton ki parey limenm in dir i annan nesesite ki i annan bann bus shelters ki met an plas me i kouver Sesel antye partou kot i annan bann bis ki oule e kot i annan nesesite met an plas sa bann striktir, distrik Anse Royale osi i en distrik kot i annan plizyer bus shelters ki ganny met an plas nou remersye gouvernman pou fer sa me se pandan i annan lezot landrwa osi ki bezwen sa bann bus shelters e nou’n deza lo kote distrik fer plizyer demann ki sa i ganny fer ziska prezan mon pa ankor war okenn plan gouvernman ki dir pou ganny fer me selman sa i ava rapel gouvernman nesesite ki dan nou  bann distrik enkli dan distrik Anse Royale ki sa bann striktir i ganny met an plas parske non selman i ede pou kouver protez dimoun kont bokou soley ouswa kont lapli me osi i donn en striktir ki kapab protez zot kont trafik osi letan zot pou debarke dan bis zot pa pou al debark dan rigol me debark dan en platform ki deza an plas i annan plizyer dan bann distrik kot nou war sa e bann dimoun ki travay dan bann distrik i marse i war i konnen ki mon pe koz lo la se pour sa rezon ki mon pour siport sa mosyon e mon espere ki gouvernman i a kapab dapre son posolite definitivman donn sa en priorite.

 

HON RAMKALAWAN

Mr Speaker mon kwar ki si nou ti pou demann en kestyon avek nou bann dimoun ki servi transpor piblik kwa ki zot pli bezwen si bis oubyen bus shelter zot ti pou dir avek ou an se moman zot konsern se bis, si par egzanp ou demann en dimoun ki sorti anler Anse Royale oubyen en dimoun ki reste anler lo Foret Noir net anler lo vilaz si ou ti pou demann sa bann dimoun kisisa ki zot konsider pli enportan oubyen menm ou demann en dimoun net anler dan leo Cascade i ti pou dir avek ou pour le moman i kwar i pli bezwen bis olye bus shelter sa mon kwar ki nou tou nou dakor ek sa buses i pli enportan ki bus shelter ki bus shelter me lefe ki mover mosyon pa’n demande ki gouvernman i ava kontinyen son progranm enplimantasyon pour ki ava garanti ase bis pour tou distrik by lafen lannen 2000 me ki’n demann bus shelter mon sipoze ki pou li priorite se bus shelter. E letan nou koz lo sa zafer bus shelter Mr Speaker mon kwar ki definitivman en dimoun si i la lo en bus stop i anvi en pti kouvertir pou maske li kont gro soley oubyen pou maske li kont lapli me petet letan nou pe koz lo bann zafer bus shelter mon kwar ki nou bezwen osi regarde ki kalite plan ki nou fer avek sa bann bus shelter e petet sa dan limenm i ava permet nou pou kapab fer plis bus shelters parski mon ti ganny en sirpriz en fwa dan lasanble kan ti ganny mansyonnen ki enn sa bann bus shelter i kout ant 50-75 mil roupi pou fer ki alor letan ou kalkil sa kantite larzan ki ganny mete dan en bus shelter ou demann ou si petet sa design menm si i zoli konman en pti lakaz me selman letan ou pe regard lo kote pratik e lo son kote pou li ganny itilize whether vreman ou bezwen depans sa kantite larzan nou fer sa bann bus shelters parey e non mon pa pe demann detwra fey tol me selman se ki Onorab ki’n move sa mosyon Onorab Simon Gilles mon aprann ki tou dernyenman i ti Langleter petet i nobou ganny sans pou li trouv enpe serten sa bann bus shelters ki annan Langleter e ki ou trouve serten keksoz ki tre senp en keksoz ki tre senp en keksoz avek bann pti seat an plastik ki vire i en keksoz ki kouver ou avek lesansyel i anpes ou ganny soley ou ganny ou en pti landwra pou ou asize e apre sa osi i kapab protez ou kont lapli, alor petet letan gouvernman pe regard dan bann size bus shelters annou petet osi regarde ki design ki nou fer parski mon kwar osi nou bezwen admet ki ozordi en kantite sa bann bus shelters par egzanp letan ou pase diferan landwra sa bann ki zot parey zot ete la ou pou trouver ki finalman aswar sa bann landwra la i osi vin en landwra rankont pou bokou bann zenn e mon kwar ki nou bezwen osi koman en lasanble serye koz enpe ek nou bann zenn i vin en landrwa kot zot aste zot labwason e zot vin bwar anba bus shelter nou konnen osi ki anba bus shelter i landrwa osi kot i annan bokou zenn ki zwenn pou zot fim drog nou bezwen koman en lasanble serye adrese sa bann size e se pour sa rezon ki nou bezwen osi regard zot bann design e la Mr Speaker mon ava osi dir ki ler mon ti tre touse letan mon ti trouv en msye 75an 80 lannen i ti vin war mwan ki pou li dir avek mwan pou li dir avek mwan i fatig li parfwa letan i trouv en manman avek son pti baba e petet i annan li en lot zanfan avek l ii vin kot en bus shelter pou li esper bis e i pa kapab asize akoz ki i pa kapab asize se parski bann dimoun spesifikman nou bann zenn zot asiz lo sa bor par deryer e zot lipye i lo ban e alors avek  lapli avek salte nou tou nou konnen ki kalite salte nou soulye i anmase ki alors aprezan sa ban li menm l ii vin sal e aprezan bann dimoun pa kapab asize. Alors mon kwar ki letan mon pe koz lo design osi sa osi tou mon kwar i enportan ki byensir pou nou osi dir avek bann zenn parski se bann zenn ki fer sa pou nou dir avek zot wi nou tou nou kontan zot me selman devlop en bon manyer viv mazinen ki en ban ou pa met ou lipye lo la, en ban ou asiz lo la parski pa bezwen mazin zis ou mazin lezot dimoun osi ki pou servi sa landwra e annou azir dan en fason sivilize annou azir dan en fason responsab alors petet nou bann zenn sa bann dimoun ki pe fer bann keksoz parey monk war ki fodre nou dir avek zot ki sa ki zot pe fer la i pa normal me petet si bann zenn zot anvoy nou pronmnen petet se la kot sa bann design i bezwen ganny regarde parske mon pe regard sa enn la pre ek lopital dan distrik Mont Fleuri ki pe ganny fer obor Botanik ki mon fini war poudir menm zafer pou arive parski in fini annan son landwra kot i pou asize e byensir kot zot pou met zot lipye anba ki petet dan sa ka si bann dimoun pa konpran petet fodre nou met ankor de ranze blok pourki i pa kapab asiz anler lo la e ki sa landrwa la i reste prop, e en lot zafer osi Mr Speaker letan nou pe koz lo la i annan parey nou pe dir sa bus shelter in osi vin en landrwa kot dimoun parski mon’n trouve parey sa enn dan Lari Royale avek lot an montan Bel Air kot ou osi trouve ki sa bus shelter la i vin en landrwa kot letan sa bann dimoun in al anmize zot in sou aprezan zot tonm la zot dormi e letan zot dormi eskiz sa ki mon pe al dir ki zot osi degobiye lanmenm la e se parski sa landwra i donn zot en pti konfor met avek zot bann lalkol ki zot in pran avek tou zot bann zafer zot degobiye e ki senn la ki soufer se bann lezot dimoun mon kwar ki tousala i form parti dan nou ledikasyon sivik ki nou bezwen pran gran konsiderasyon e si nou pou fer bus shelters ki pou ankouraz bann keksoz koumsa la dan sa ka mon ti ava dir annou regard nou design annou fer li en design senp mon pa dir annou met zis kat fey tol ansanm parski non nou pa oule en keksoz ki pou osi degradan en keksoz ki pou vilenn ensidswit nou oule en keksoz ki pou adequate ki pou servi son lentansyon e anmenmtan osi en keksoz ki pou vreman itil pou tou dimoun. Alor mon napa problenm avek byensir avek fer bus shelter Onorab in mansyonnen ki poudir parti progranm SPPF se welfare son bann sitwayen e mon sipoze si ou en gouvernman e ou progranm napa welfare o sitwayen me ou annan en gro problenm parski basically any progranm politik se welfare ou bann sitwayen ki ou pe rantre ladan prezan ou pe koz lo ekonomi ou ape koz lo welfare ou sitwayen le tou keksoz ki ou koz lo la finalman i vin lo welfare ou sitwayen alors Onorab in osi dir avek nou annou pas sa mosyon pourki gouvernman i antannn sa son parol ki in dir, alors si fodre nou pas sa mosyon pou gouvernman antann parski lafason ki i dir konmsi ou a kwar i en pti git pa tro antann mon dir annou pase nou donn Onorab Gilles tou sipor e gouvernman i ava antann e gouvernman i ava enplimant sa e mon sipoze avek lavwa ki Onorab Gilles i annan e avek son nouvo metriz dan lalang francaise petet definitivman Onorab Gilles li menm li i annan tou sa lavwa pou li fer son gouvernman antann alors Onorab Gilles ou mosyon pou ganny tou sipor e alors mon kwar ou mosyon pou pase.

 

MR SPEAKER

Avek sa nou break ziska 4.05.

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

PART 6

 

Sesel in devlope e ler Mr Rene i dir Sesel in devlope Sesel in devlope, nou reste avek en problenm nou’n kit zis 6 met oubyen apepre en 10enn met oubyen 12 met ant en batiman avek en lot batiman laba e prezan parey kreol i dir mon servi sa tenm en pti katoum nennen pou sepa konbyen masin travers ladan, be definitivman ou pa poukapab fer traverse tou sa kantite masin ou pou annan en konzesyon se sa nou problenm ki nou annan ozordi nou pa’n kit ase lespas ant devlopman en group batiman avek devlopman en lot group batiman e vwala nou problenm ozordi kot nou koz devlopman lakot Nor laba kot Mrs Benstrong in koz lo la, Mrs Potte in dir desantralize be ki kantite servis pou desantralize anmenmtan nou pe ankouraz devlopman dan lavi isi i annan en kantite lenfrastiktir ki pe ganny kree partou kot nou pe envestir e masin i bezwen desann dan sant i bezwen desann sa ki vre se ki gouvernman kolonial e dan lepok ki Onorab Christopher Gilles in koz lo la kot Onorab Mancham ou dir in fer en ta lotel mon pa vwar en ta lotel ki’n ganny fer dan sa lepok me ou’n koz lotel nou a donn ou kredi lo la me lefe i reste ki sa bann semen ki’n ganny fer i en problenm nou bezwen pe kapab kree ase lespas pour ki i kapab annan 3 mon pa konnen mon 4 masin oubyen 2 ki pe monte 2 ki desann, East Coast mon kwar in mank nou en loportinite e i dan sa fason mon kwar mwan ki avek sa logmantasyon ki pe annan dan masin ki pe vin isi mon konpran i Quatar nef 8-10% an bann ogmantasyon masin par an e sis a menm rate i kontinyen mon kwar nou pou kontinyen annan sa problenm si nou pa get posibilite pou nou kree 2 lane desann 2 lane monte e anmenmtan ler nou fer sa nou ava kapab pe tir trafik dan sant li menm petet lari bazar masin i a kapab annan en landrwa spesifik i ava park kot i desann kot Cereco kot labank Barclays Market Branch tousala ziska kot traffic light dan sant kot taxi stand petet tir net sa sirkilasyon masin kapab anvoy li lo en lot bout semen laba me selman kot ou kree sa posibilite ki annan bokou plis masin ki pe sirkile lo en menm semen a la fwa mon kwar i sel fason ki nou pou kapab rezourd sa problenm napa ozordi posibilite pou nou kree en nespes semen par anler dizon la kot market branch la Albert Street ou pa pou kapab building in mont anler ou pou fer semen pas par lao bann building tonm pou tonm lot kote be sa en problenm pou en problenm Mr Speaker e parey Mr Tousssaint in dir dan son mosyon mon kwar ki i demande en letid serye i ganny fer lo sa kestyon modernizasyon semen an tenir kont posibilite touzour pou plis masin sirkil lo en sel larout a la fwa e mon zis donn legzanp an Desanm le 31 Desanm 1996 Mr Speaker Mont Buxton nou ti annan en problenm ti annan en trou ki ti’n defonse anler la kot detour lane kot nou apel semen kot pre kot lafanmiy Asion i reste Mr Speaker ki ti arive le 31 Desanm bis transpor piblik pa ti kapab monte pou donn servis dimoun ki mont anler leo Mont Buxton dan Lenn laba ni menm bann dimoun anba grenis bann dimoun anba dan Mont Buxton santral pa ti kapab ganny akse avek transpor piblik ki problenm ti fer fas avek akoz sa lot semen prizon pa ti kapab bis piblik pase laba i dir nou i tro pti pti be sa in ganny fer dan bann lannen 1904 menm Mr Toussaint sanmenm sa problenm ki gouvernman kolonial in kit ek nou epi zot di rnou in devlop Sesel in kit problenm, e la ozordi mon konfrer La Riviere Anglaise Mr Herminie in dir mon dir e fer demann atraver sa mosyon ozordi ki Minister konsernen i pran sa pwen devlopman semen Union Vale serye akoz demen si i ariv en blokaz ankor bor kote lari Biton nou pou napa sirkilasyon La Riviere Anglaise Mont Buxton de distrik pa pou kapab zwenn ansanm avek transpor e bann dimoun ki’n mont kot nouvo devlopman lakaz Union Vale lab ape ganny problenm pou sirkile non Mr Herminie e mwan ki kontan servi sa semen enn ler akoz i fer mwan ariv pli vit anvil trwa minit mon ariv dan lavil ou ganny problenm olye ariv 3 minit ou pou pran 10 minit akoz ler ou’n ariv lo en pwen ou bezwen fer aryer apepre 15 met pou ou donn lespas en lot masin monte oubyen pou en lot masin desann, e enn ler bann drayver parey nou nou enpe teti enn ler ler mwan mon pe monte mon kwar poudir mwan ki annan priorite lot ki pe desann i kwar li ki annan priorite alor i annan en nespes jam ki arive parey nou’n dir dan sa rezyon laba e la transpor pa sirkile.

Bon Mr Speaker avek sa mon kwar ki mon oule raport mon siport pou mosyon Onorab Toussaint e demande ki en letid i ganny fer lo sa size e ki en plan konkret i ganny fer ki anmenn nou beyond 2000 avek en vre kestyon devan nou pourki Seselwa i ava trouv laklerte avek sa kestyon traffic jam dan Sesel isi.

 

HON POTTIN

I pa mon lentansyon dir bokou mon kwar tou bann Onorab ki’n fer zot kontribisyon in met otan sizesyon e parey mon ti dir boner lide se pou sansibiliz piblik an zeneral e aport a latansyon lotorite konsernen mon kwar sa kantite sizesyon ki’n sorti nou kapab kontinyen me nou napa ase letan la mon osi avek sa letid ki mosyon in demande sa letid pou esey vwar e solisyon long term mon osi i a kapab rezourd e adres bokou sa bann difikilte ki ozordi nou pe fer fas avek.

E avek sa Mr Speaker mon dir mersi bokou tou mon bann koleg ki’n koze e ankor en kou mon demann tou mon bann zanmi la pou vot an faver.

 

MR SPEAKER

Tou sa ki an faver lev zot lanmen, in anim alors mosyon in ganny aprouve nou fini pou ozordi ziska le 10 Zen.