::
Home » Archives » Verbatims - Second Term 1997 » Tuesday 17th June 1997

Tuesday 17th June 1997

NATIONAL ASSEMBLY OF SEYCHELLES

 

Tuesday 17 June 1997

 

The Assembly met at 9 am

 

National Anthem

 

Mr Speaker in the Chair

 

MR SPEAKER (Hon MacGregor)

Mon a dir bonzour tou Onorab, Minis e piblik ki pe ekoute mon ava al deswit dan Question Time e mon vin lo kestyon 57 pou sa ki reprezant Minis Zafer Entern. Hon Ramkalawan.

 

HON WAVEL RAMKALAWAN

Bonzour Mr Speaker, bonzour Minis, bonzour tou-l-monn.

        Mr Speaker mon ti a kontan demann Minis pou Zafer Entern si i kapab enform Lasanble akoz ki saler bann manm Beach Brigade ti ganny redwir from R2,450 pou desann R2,000.

 

MINISTER  JOSEPH BELMONT

Bonzour Mr Speaker, bonzour tou manm Onorab.

Mr Speaker sa Beach Brigade i nepli egziste konm tel. Sa ti formen par Minister Tourism pour annan bann dimoun pou patrol bann lans pou donn en serten sekirite. Epi depi 1996 sa group dimoun in ganny abzorbe anba lafors lapolis e letan ki zot in ganny abzorbe anba lafors lapolis zot prezan pe ganny peye parey tou bann polisye i ganny peye. Sel sanzman ki’n annan dan zot larzan ki ler zot ti pe travay avek Minister Tourism, se ki ti annan en food allowance e sa food allowance R200  in ganny retire akoz dan kondisyon lapolis i napa okenn food allowance ki ganny peye parske lapolis i annan sifizaman kad pou li kapab fer sanzman neseser pou bann dimoun nobou ganny zot manze, al rod zot manze pa parey letan ti pe pas anba Minister Tourism.

 

HON RAMKALAWAN

Mon annan zis en pti kestyon siplemanter, mon ti ava kontan demann Minis si letan zot ti pe ganny transfer, vi ki letan zot ti enroll, zot ti enroll koman bann dimoun dan Beach Brigade, si letan zot ti pe annan sa transfer pou zot al dan lapolis sorti anba Minister Tourism pou al anba lapolis, si ti annan okenn gran konsiltasyon oubyen nek zis zot ti ganny dir bon aparti la zot tou zot pe ganny transfer, parski petet i annan serten ki pa ti anvi vin gard.

 

MINISTER BELMONT

Mr Speaker depi komansman, lentansyon sete ki sa brigad finalman pou tonm anba lafors lapolis depi ler i ti komanse par Minister Tourism i ti komanse koman en letap enterim ki Minister Tourism an se moman ti kapab finans sa brigad me apre lentansyon sete ki i ti pou tonm anba lafors lapolis.

 

MR SPEAKER

Kestyon 58.

 

HON RAMKALAWAN

Mr Speaker eski Minis pou Zafer Entern i kapab enform lasanble premyerman konbyen etranze ki’n ganny sitwayennte Seselwa an 1996 e dezyennman ki ti zot nasyonalite e avan.

 

 

 

MINISTER BELMONT

Mr Speaker an 1996 ti annan antou 344 etranze ki ti ganny sitwayennte Seselwa.  Nasyonalite i annan en lalis ase long; ti annan Ameriken, Ostralyen, Azerbaidjani, Bela-Russian, Belgium, Angle, Bulgarian Sinwanr, Tcheque, Ezipsyen, Franse, Alman, Guineen, Italyen, Izraeli, Endyen, Kenyan, dimoun ki sorti lo zil Macao, Malgas, Malezyen, Morisyen, Nigerien, Nicaraguayen, Pakistanais, Ris, Sierra Leonais, Sid  Afriken, Sri Lanken, Swiss, Taywane, Tanzanyen, Ougandais, Ouzbekistanais, Yougoslav, e Yemeni.

 

HON RAMKALAWAN

Mr Speaker 2 kestyon siplemanter, eski Minis i kapab dir avek nou si sa bann dimoun la ki’n ganny nasyonalite eski zot tou zot in deza vin Sesel, e alors ki prosedir ki zot ti servi pou zot ganny sitwayennte. E dezyenmman eski i kapab petet dir avek nou konbyen i annan par pei silvouple.

 

MINISTER BELMONT

Mr Speaker prosedir pou vin sitwayen Sesel i preskrir anba lalwa e i annan diferan porsyon lalwa anba ki en dimoun i kapab ganny sitwayennte Seselwa e donk i annan diferan kalite form anba ki seksyon sa dimoun pe apply pou li vin sitwayen Sesel.

Mon a reponn son dezyenm kestyon konbyen par nasyonalite, mon pou bezwen al anba diferan seksyon lalwa e mon krwar i ava kler pour sa.

        Mr Speaker anba lartik 10 konstitisyon savedir pou ganny nasyonalite par desandans, ti annan 1 Ameriken, 2 Endyen, 4 Kenyan, 2 Sid Afriken, 1 Ostralyen, 1 Angle, ek 1 Italyen ki donn en total 12.  

Anba seksyon 4 Citizenship Act 4(2) ki konsern bann miner, bann zanfan, ti annan 8 Endyen, 3 Yougoslave, 3 Kenyan ki donn en total 14.

Anba seksyon 5(2) Citizenship Act ki special circumstances ti annan 2 Franse, 5 Angle, 13 Endyen, 1 Ostralyen, 1 Guineen, 1 Swiss, 1 Ougandais, 1 Morisyen, 1 Ameriken, ek en Belge.

Anba seksyon 7 of the Citizenship Act pou dimoun ki’n travay dan gouvernman plis ki 5 an, i ganny drwa apply, ti annan 2 Edyen, 1 Ostralyen, 1 Guineen, i donn en total 4.

Anba lartik 12 konstitisyon on grounds of marriage to Seychelles citizen ti annan 5 Alman, 1 Sid Afriken, 5 Morisyen, 7 Endyen, 7 Angle, 1 Malgas, 2 Franse, 1 Belge, 2 Italyen, 1 Azerbaidjanais, 1 Sri Lankais, 1 Sinwanr, 3 Swiss, 1 Yemeni, 1 Pakistanais, 2 Ameriken, 1 Tanzanyen, 1 Israelyen, e 1 Nigerien.

Anba seksyon 5(2) special circumstances Economic Ctizenship Programme ti annan 4 Azer Baijani, 1 Bela Russian, 1 Belge, 1 Angle, 1 Bulgarien, 112 Sinwan, 11 Cheque, 1 Ezipsyen, 1 Alman, 3 Italyen, 4 Edyen, 1 dimoun ki sorti Macao, 1 Malezyen, 1 Nicaraguayen, 45 Russian, 2 Sierra Leonais, 3 Sid Afriken, 4 Taywane, 4 Ouzbekistanais, donn en total 203.  

Anba section 5(2) special circumstances Economic Citizenship Program me bann miner ki tonm osi anba seksyon 4(3) Citizenship Act ti annan 4 Azerbaidjani, 18 Sinwan, 3 Italyen, 12 Russian, 1 Sid Afriken, e 2 Taywane, sa i konplet total ki donn sa total 344 Mr Speaker.

 

HON DANIEL BELLE

Mr Speaker mon anvi konnen ki lyen spesyal nou annan avek Lasin ki fer ki i annan en kantite Sinwanr ki enterese pour ganny nasyonalite Seselwa e si lo en rhythm 112 e menm plis par an, si se la dan 5 ou 10 an pa a fer en sitiasyon kot i ava annan en kominote Sinwanr ki zanmen in deza vin Sesel petet, ki pa koz neseserman nou langaz e si sa nou pa remarke ki i kapab kree en problenm, problenm ki’n deza kree dan lezot pei ler limigrasyon koumsa pa ganny byen monitor an fonksyon demann pei unemployment, an fonksyon nou zenes ki oule devlope ki oule ganny en sans zot osi.

 

MINISTER BELMONT

Mr Speaker plis la kantite Sinwanr ki’n pran sitwayennte Seselwa i tonm anba sa Economic Citizenship Program ki gouvernman in lanse depi lannen pase e sa i pa demande ki sa dimoun i annan okenn lyen avek Sesel me ki in fer en levestisman in tonm anba kriter sa Economic Citizenship Program e i kapab fwa ki in ganny verifye, tou bann prosedir in ganny swiv, donk se anba sa progranm ki sa bann dimoun in ganny zot sitwayennte.

 

HON DANIEL BELLE

I ganny drwa vote?

 

MINISTER BELMONT

Mr Speaker vote i konsern en lot lalwa ki annan son bann kriter ki mete, si en dimoun kantmenm i sitwayen Sesel si i pa isi i pa kapab vote, i bezwen anrezistre i bezwen konn tou regleman anba lalwa elektoral ki tou sitwayen i bezwen tonm anba la.

 

HON MANCHAM

Mr Speaker eski le Minis i kapab dir nou si nou nationality policy and politics in ganny byen resevwar par kor diplomatik dan bann pei avek ki nou annan de lyen privilezye pour beaucoup des années.

 

MINISTER BELMONT

Mr Speaker mwan mon menm mon pa okouran okenn reprezantan kor diplomatik ki’n dir ki in fer okenn si oule rezervasyon lo sa progranm economic citizenship Sesel parske i pa zis Sesel ki fer en proganm citizenship, bokou pei i fer e i ankor pe fer e donk nou napa okenn reprezantasyon ki a ma konesans.

 

HON DICK ESPARON

Mr Speaker eski Minis i kapab dir nou si avek sa progranm Economic Citizenship ki son bann lavantaz ekonomik apard lefe ki sa dan lesans lenvestisman eksetera.

 

MINISTER BELMONT

Mr Speaker sa progranm Economic Citizenship i form parti enn bann stratezi gouvernman pou atir plis lenvestisman Sesel e pou atir plis kapital pou kapab batir en baz ekonomik solid pour nou pei.  Gouvernman i annan international business centre ki annan son offshore section, ki annan son international trade i annan lanrezistreman bann bato, bann avyon. Gouvernman in pas detrwa lannen pase Investment Promotion Act pou atir envestiser isi Sesel e Economic Citizenship i en lot ki form parti sa package e bann dimoun pou ganny sa citizenship zot bezwen pey serten fees an deviz etranzer e fees ki ti pe peye an 1996 sete 25,000 dolar pour sa main applicant, 10,000 dolar pou swa son konzwen, pou okenn zanfan ki par lao 18an e 5000 dolar pou bann ki anba 18an. Sa i anmenn en serten reveni, serten deviz ki pei i bezwen pou konsolid son baz ekonomik.

Donk sa progranm i enn parmi lezot progranm i atir lenvestisman Sesel e i  vwar ki in anmenn enpe bann bon keksoz pour nou. E i pa zis Sesel ki fer li, lezot pei ki’n fer li avan nou in osi benefisye pour bokou e ki prezan i annan lezot pei ki kapab sorti dan sa progranm tel ki parey Moris in fer menm progranm e prezan i pe revwar son pwennvi lo sa economic citizenship. Me i annan lezot pei ki pli devlope ki nou, ki annan baz ekonomik pli solid ki nou ki osi kontinyen pou sa progranm e ki demann bokou plis larzan ki nou pe demande. E mon krwar ki dimoun ki annan lentere pou pran sitwayennte Sesel zot vwar ki i annan stabilite, i annan posibilite pou zot envestir e fer profi, donk se sa ki fer zot swazir Sesel.

 

HON MANCHAM

Mr Speaker eski Minis i kapab dir nou si i vre, ou i pa vre ki i annan sa bann nouvo nasyonalize ki’n ariv par egzanp Langleter lo en paspor Sesel ki ti ganny fer retourn Sesel, e an konsekans de sa kestyon dan lespri sa kestyon si Minis i kapab donn nou lasirans ki nou politik de nasyonalite pa pou aport okenn prezidis a nou enjoyment of Seychelles nationality onivo ki nou pe enjoy par egzanp vizavi de pei ki ozordi pa fer li neseser pou Seselwa annan viza antre kot zot.

 

MINISTER BELMONT

Mr Speaker mon pa telman okouran ki se akoz en dimoun in annan paspor Seselwa ki’ in ganny refer tournen Sesel. Prosedir limigrasyon sak pei i diferan, i annan menm Seselwa ki’n ne Sesel, son paran i Seselwa, ki ler in ariv Langleter in ganny fer tournen akoz lotorite paspor, lotorite limigrasyon laba i demann zot lezot kestyon anplis ki zis zot nasyonalite. Si zot in anmenn sifizaman larzan pour zot viv, ki zot vin fer, kote zot ale. I tou sa bann keksoz, i pa akoz en dimoun i annan zis sa paspor Sesel.

Donk sak pei son limigrasyon i annan son lareg. Isi osi, nou si en dimoun i vini e ki napa en tiket retour pa akoz son paspor pa bon, pa akoz son nasyonalite pa bon me si i napa pou li nobou retournen i pa kapab dir nou kimanyer i pou fer ler in vin Sesel pou li retourn dan son pei, nou osi nou fer sa. Donk i pa menm largiman lo si nasyonalite Sesel i valab ou sa paspor i valab.

 

HON FAURE

Mr Speaker eski Minis i kapab konfirmen ki i pa lentansyon e lobzektif gouvernman pou li entrodwir Economic Ccitizenship Pprogram pou fer ki bann dimoun ki ganny nasyonalite Seselwa zot rezid Sesel e sa i en mwayen koman envestisman.

 

 

 

MINISTER BELMONT

Mr Speaker gouvernman i vwar li koman en mwayen envestisman e si sa bann dimoun an envestisan isi ler zot in envesti en kantite zot oule osi vin rod en rezidans isi, tousala  mon krwar i pou normal ki en dimoun ki’n envesti en kantite dan sa pei i pou kapab osi rezid isi.

 

HON BELLA HENDERSON

Mr Speaker eski Minis i kapab esplike ki en dimoun i kapab fer si i annan rezon pou krwar ki en aplikan pa merit sitwayennte Seselwa.

 

MINISTER BELMONT

Mr Speaker i annan prosedir  anba lalwa  ki par anba Economic Citizenship pou enport dimoun Seselwa ki en sitwayen Sesel ler in pibliye dan zournal pour li kapab fer, anvoy devan kot lotorite sitwayennte poudir e donn son rezon akoz i krwar ki sa dimoun pa kapab ganny sitwayennte Seselwa.

Anba Economic Citizenship Program  i annan en provizyon anba en standing order, en S.I kot Minis ki responsab pou sitwayennte i exempt sa bann dimoun, pou pibliy sa bann dimoun ki pe fer laplikasyon e exempt zot osi pou ganny sponsors. Prosedir pou economic citizenship i pas atraver misyon komersyal Sesel a letranze ki annan sa manda pou promouvwar sa progranm ekonomik pou atir lenvestisman Sesel ensi ki lezot envestiser atraver lezot progranm parey offshore ki mon’n mansyonnen pou vin fer bann biznes Sesel.  Bann misyon komersyal Sesel a letranze zot verifye bann lenformasyon kolekte lenformasyon pou anvoy kot biro lenvestisman gouvernman Sesel dan Minister Finans.

E isi osi gouvernman i verifye tou sa bann lenformasyon pou vwar si sa dimoun ki pe antre lo sa Economic Citizenship Program i en dimoun kredib ki kapab fer fyerte nou nasyonalite e se apre tousala ki lotorizasyon i ganny anvoye kot biro citizenship pour ki sa dimoun e ki i sertifye ki sa dimoun in fer sa lenvestisman 25,000 dolar pou li menm e si i annan son bann zanfan dapre fees ki’n etabli e se apre sa ki sitwayennte i ganny donnen e sa dimoun i bezwen pran en oath of allegiance osi. Oath of allegiance i kapab ganny pran isi Sesel, sa dimoun i kapab vin isi pou pran kot biro Citizenship oubyen i kapab pran li dan misyon komersyal akoz sa pouvwar osi in ganny delege avek sef misyon komersyal Sesel a letranze.

 

HON DE COMMARMOND

Mr Speaker eski Minis i kapab enform Lasanble si gouvernman in ganny okenn lenformasyon oubyen konplent lo okenn sa bann dimoun ki’n ganny sitwayennte Sesel konmkwa ki zot bann dimoun dezonnet ou malonnet.

Eski gouvernman i pare prezan pou konsider demann plis larzan pour sitwayennte Sesel anba Economic Citizenship Program.

 

MINISTER BELMONT

Mr Speaker a ma konesans ziska prezan nou pa’n ganny okenn rapor ki’n annan dimoun ki’n ganny okenn sitwayennte Seselwa ki si oule ti en dimoun dezonnet ou pa kredib. Fees pou Economic Citizenship in monte depi le 1er Mars 1997, taler sa ki mon ti donnen ti pou 1996 akoz kestyon ti lo 1996 me la depi le premye Mars pou main applicant i 35,000 dolar Ameriken, pou son konzwen son spouse oubyen en zanfan ki parlao 18an, i 20,000 dolar Ameriken e pou en zanfan ki anba 18an i 10,000 dolar Ameriken.

 

HON GEORGES BIBI

Mr Speaker mon demann Minis ki quota ki gouvernman i annan par an pou lakantite dimoun ki sipoze ganny citizenship anba sa Economic Citizenship Act e program, e konbyen letan ki gouvernman in anvizyonnen pou les sa progranm kontinyen.   

2enm kestyon Mr Speaker, ki provizyon ki gouvernman in fer pou kapab minimiz lenpakt si demen sa bann dimoun ki’n ganny citizenship i deside vin rezid Sesel, ki provizyon gouvernman in fer pou minimize lenpak par egzanp lo lanplwa lo later e lakaz.

 

MINISTER BELMONT

Mr Speaker gouvernman pa’n anvizaz okenn quota par an me gouvernman i swivre de tre pre ki manyer levolisyon pe ale e si i vwar ki pou annan en danze kelkonk, i a kapab pran desizyon pou vwar si du jour au lendemain i annan 5000 dimoun ki sorti enn menm landrwa, i ava etidye akoz e i ava pran en desizyon pou sa.

An prensip mon krwar bann dimoun ki pe apply anba sa Economic Citizenship, pa zot tou ki pou vin rezid Sesel. I en evantyalite ki tre minim pou arive akoz a priyori zot bann businessmen, zot bann dimoun ki pe rod landrwa pou envesti, zot bann dimoun ki oule en landwra sir kot zot kapab konnen poudir pou problenm tax zot kapab fer li osi pas lo Sesel. I pa bann dimoun ki pe zis vin rod en landrwa reste, zot bann dimoun ki pe envestir e ki oule fer plis larzan an itilizan sa sitwayennte Seselwa pour zot pey tax mwens, pou zot nobou konnen si i annan okenn lezot keksoz ki arive zot kapab al en lot landrwa re-etabli zot baz e re-demare.

 

HON SIMON GILL

Mr Speaker mon ti oule demann Minis si i kapab sit nou legzanp bann pei ki pe met an mars en progranm parey e si i konnen okenn Seselwa ki’n enkorpor li dan sa progranm.

Dezyenm kestyon, eski i okouran okenn restriksyon ki sa bann pei i annan si anka en Seselwa i anvi antre ladan, eski Sesel i pou ganny restrikte koman Seselwa en businessman. Epi lot eski i konnen si annan en lenformasyon lo ki kantite Seselwa ki annan  doub nasyonalite.

 

MINISTER BELMONT

Mr Speaker i annan plizyer pei ki mon konnen i pe fer sa progranm, i annan Lanmerik, i annan Sengapour, i annan Moris, i annan New Zealand, i annan Malta, i annan Fiji, i annan Canada i annan plizyer pei, en kantite pei  pe fer sa bann progranm. Petet zot kondisyon i enpe diferan, i annan ki sarz plis, zot bann kriter ki zot mete e tou sa.

        Mr Speaker mon napa fe korek pou kapab dir lekel Seselwa ki’n osi pran sa economic citizenship dan en lot pei me mon’n tande ki i annan Seselwa ki’n pran Economic Citizenship ki fer lenvestisman dan lezot pei. Donk sa mon repons.

 

HON  PAUL CHOW

Mr Speaker eski Minis i kapab dir nou si gouvernman i annan okenn lenformasyon statistik pour konnen si par egzanp konbyen parmi sa bann sitwayen ki pran lo baz ekonomik ki an realite i reste Sesel li menm etan donne ki an Canada lannen pase dan 35,000 Taywane ki ti pran 64% pa ti vreman reste au Canada.

 

MINISTER BELMONT

Mr Speaker pou le moman mon napa bann statistic avek mwan me mon a kapab sey fer serse pou kapab, si i annan kapab donn Onorab manm lasanble.

 

HON CHRISTOPHER GILL

Eski le Minis i kapab dir nou ki kalite bann envestiser ekonomik zot ekspekte atire ler zot pe met en fee pour citizenship lo en sonm 35,000 dolar selman.  

Dezyenm kestyon, eski le Minis i kapab eksplik nou ki bann screening process zot servi pou fer sir ki ler zot pe vann citizenship si oule pouki nou pa pe vann li swa aksepte en nouvo sitwayen ki annan en rikord kriminel.  

E si i kapab donn nou sa bann eksplikasyon an detay parski aparaman sa bann citizenship i ganny granted dan 72er tan e sa ki mwan mon konpran i napa ase letan pou zot fer sa bann lanket serye.

 

MR SPEAKER

Dezyenm kestyon i  posib in ganny reponn me Minis i a gete si ou’n pli presize.

 

MINISTER BELMONT

Mr Speaker konsernan premye kestyon, se pa Sesel ki pe sarz pli mwens pou dan progranm Economic Citizenship, Malta i sarz pli mwens ki nou, Fiji i sarz pli mwens ki nou, i annan ankor lezot pei ki sarz pli mwens ki nou. Zzot pe sarz mwen ki 20,000 dolar.

Donk dan sa progranm economic citizenship i napa zis Sesel, alors gouvernman apre ki in etidye e ki manyer marse i ete in fikse li a 25,000 dolar pou komanse e la parey mon’n dir taler in monte ziska 35,000 dolar. Lanmerik mon krwar i enn pli o, mon pa konnen konbyen i ti komans lo la me in ariv en demi milyon dolar. Donk petet nou osi   plitar nou a vwar anmezir ki manyer keksoz i progrese si fodre ogmante.

 

Pour kestyon verifikasyon mon’n deza dir, me Onorab pa ti ankor antre e mon a dir ki bann misyon komersyal se bann premye chef de mission commercial Sesel a letranze ki fer bann verifikasyon, ki anvoy lenformasyon, rod sertifika lapolis, kont an bank, avek ki labank  e fer sir ki bann keksoz i annord.

E osi ler lenformasyon in anvoy dan biro lenvestisman dan Minister Finans sa i ganny refer e osi biro citizenship li menm i osi refer bann verifikasyon pou fer sir ki bann dimoun ki pe apply pour sa, ki oule vin lo  sa progranm zot bann dimoun ki kredib e onnet e korek.

 

HON RAMKALAWAN

Premye kestyon Mr Speaker,  eski Minis i kapab dir avek nou akoz ki se selman an 1997 ki nou pe antann koz lo sa citizenship program  ki’n komanse depi an 1996?

Dezyenmman eski Minis i kapab konfirmen e dir dan en fason kler ki en Seselwa i napa okenn fason pour li met en lobzeksyon anver en dimoun ki pe fer aplikasyon pou vin Seselwa anba Citizenship Economic Program. Eski Minis i kapab konfirmen ki Seselwa napa fason pou li met en obzeksyon, malgre kekfwa i kapab tann serten lenformasyon ki serten dimoun pe vin isi me i napa fason konnen, i napa fason pou li met son lobzeksyon.

 

MINISTER BELMONT

Mr Speaker an gro progranm gouvernman, gouvernman in deza mansyonn son progranm ki pou annan pour met en baz ekonomik pour nou pei e enn parmi in deza ganny mansyonnen poudir sa i pou en progranm rezidans progranm Economic Citizenship e lasanble li menm lannen pase,  en S.I. ti ganny table isi ki ti permet pou kapab ale, al de lavan pou komans sa progranm ki permet ki bann dimoun deor ki pa sitwayen Sesel ler zot pe apply zot kapab ganny egzanpte pour pa pibliy zot laplikasyon e ki zot pa neseser pou zot pran form sponsorship pour sa. Donk sa regilasyon in vin devan Lasanble e in  table isi.

 

HON RAMKALAWAN

Pa citizenship program, zanmen anything in deza ganny table isi pou dir ki i annan en citizenship program  e ki ou pe vann 25,000 dolar sitwayennte Seselwa. Zanmen.

 

MINISTER BELMONT

Mr Speaker sa ki mon pe reponn li se ki dan son progranm devlopman ekonomik ler in fer prezantasyon in ganny mansyonnen, e S.I. ki ti ganny  table devan lasanble, parske tou S.I. i etabli devan lasanble  i permet ki i annan en egzanpsyon en dimoun ki pe apply pou citizenship anba en special program i kapab pa pibliye e i pa bezwen rod dimoun, sponsors pou dir wi mon dakor ki sa dimoun i ganny sitwayennte Seselwa akoz par lefet menm ki sa dimoun  pa’n reste isi, i pa pou kapab nobou ganny  sponsors ki konn li. Donk sa ti vin devan Lasanble e table ki donn sa permisyon e se aparti de la depi Avril 1996 sa ti ganny fer e an Zen 1996 sa progranm ti al de lavan.

 

HON RAMKALAWAN

Dezyenm parti. Si ou kapab konfirmen ki en Seselwa ordiner i napa drwa pour li prezant obzeksyon kont en Seselwa ki pe……..

 

MINISTER BELMONT

Mr Speaker mon’n reponn sa parski mon’n dir li ki dan S.I. 32 of 1996 ki ti vin devan lasanble akoz tou S.I. i vin devan lasanble, sa i donn sa egzanpsyon, i permet Minis ki ansarz citizenship donn sa class spesifik ki class economic citizenship pou pa pibliye dan zournal ki pe fer laplikasyon e donk osi i pa bezwen ler i fer son aplikasyon rod bann sponsors pou anmenn sa form. E se sa ki mon’n dir. Donk si i pa pe pibliye parey mon ti reponn kestyon Onorab Henderson, pou bann non-sitwayen ki pe apply normalman ki pibliye, en dimoun i kapab fer obzeksyon me kan i pa pibliye pou napa fason pou konnen pou ou fer ou obzeksyon. Se sa ki mon’n reponn.

 

MR SPEAKER

Kestyon 59.

 

HON RAMKALAWAN

Mon ti a kontan demann Minis si i kapab enform Lasanble ki prosedir ti ganny servi par sa anviron 94, la nou konnen ki poudir i annan bokou plis dimoun avek lorizin Ris e Sinwanr pour zot resevwar, pour zot ganny nasyonalite Seselwa.

 

MINISTER BELMONT

Msye Speaker mon krwar nou’n koz bokou lo la, mon pa konnen me mon kapab repet larepons ki mon’n donnen dan bann kestyon siplemanter ki’n leve dan kestyon presedan, ki an 1996 gouvernman in lans son progranm economic citizenship ki enn bann pilye osi pou nobou ganny nou pou devlop baz ansanm avek lezot tel ki sant offshore, bann incentives atraver Investment Promotion Act, International Business Trading Zone tou sa bann.   Sa enn economic citizenship i form parti osi pou nobou atir lenvestisman e kapital dan nou pei e bann prosedir se atraver sa economic citizenship ki sa bann Russian e Sinwanr in fer zot laplikasyon.

Prosedir parey mon’n dir i premyerman atraver bann misyon komersyal Sesel a letranze kot zot osi promot pou annan plis envestiser ki vin Sesel e zot promote sa progranm economic citizenship e zot osi verifye bann credentials ki sa bann dimoun ki pe fer aplikasyon i annan, verifye zot kont, verifye zot bann sertifika neseser e transmet sa lenformasyon isi Sesel avek Minister Finans dan son biro lenvestisman ki i fer ankor en verifikasyon e ki apre i anvoy kot biro citizenship an  sertifye ki sa dimoun in fer lenvestisman neseser ki an 1996 ti 25,000 dolar pou li menm epi lezot si annan son spouse e son bann zanfan. E se apre sa ki ler biro citizenship in satisfe li ki i donn son lasantiman pou donn sa dimoun sitwayennte Seselwa e sa dimoun i bezwen swa vin isi pou li pran oath of allegiance oubyen i kapab pran oath of allegiance avek chef de mission komersyal a letranze.

 

MR SPEAKER

Mon pa pou permet bokou kestyon lo sa parski mon krwar in osi ganny touse dan kestyon 59, menm supplementary mon dir mon pou permet ou zis enn si ou ti kapab koze.

 

 

HON RAMKALAWAN

Mr Speaker mon ti a kontan demann Minis vi ki’n mansyonn sa an relasyon avek baz ekonomik pour nou pei, eski atraver son larepons Minis pe dir avek nou ki nou sitiasyon ekonomik i sitan grav ki aprezan nou bezwen vann nasyonalite Seselwa pour nou ganny dolar.

 

(Interruption)

 

MR SPEAKER

Order. Onorab sa kestyon i an deor parski ou kestyon i lo prosedir…

 

(Interruption)

 

MR SPEAKER

Kestyon 60. Dernyen kestyon Onorab De Commarmond.

 

HON DE COMMARMOND

Mr Speaker ziska kan eski Lonorab Ramkalawan i krwar ki…

 

HON RAMKALAWAN

Mr Speaker be sa i lo mwan sa?

(Interruption)

 

 

 

HON  JEANNE DENIS

Mon oule demann Minis pou Zafer Entern si i kapab enform sa Lasanble lo polisi son Minister vizavi lakaz pour bann zofisye lapolis.

 

MINISTER BELMONT

Mr Speaker depi letan ki lafors lapolis in etablir bann stasyon lapolis dan bann diferan parwas dan sa lepok e maintenant distrik, i annan bokou devlopman ki’n pran plas e a sa lepok ti neseser ki bann polisye ti ganny lakaz e reste kot zot ti pe fer zot travay me depi sa lepok in annan bokou evolisyon devlopman kominikasyon e gouvernman li menm depi ‘77 ti’n annan en lot vizyon lo kestyon lakaz pou tou bann sitwayen e ki gouvernman i ankouraz sak fanmiy pou ganny son prop lakaz pour limenm. E vi osi ki devlopman stratezi ki lafors lapolis i oule pou li fer son travay i pa pe vwar lo Mahe ki i pou kontinyen    toultan pou donn lakaz bann polisye kot zot pe travay. Lapolis pe ankouraz bann polisye pou zot, atraver bann lenstitisyon ki’n etabli e osi ed zot avek sa bann lenstitisyon pou zot ganny zot prop lakaz ki plitar ler zot annan zot prop lakaz lo Mahe zot kapab lapolis pran zot, transport zot nenport landrwa kot travay pou ganny fer. Pou le moman lapolis dan limedya zot pe konsantre kot zot ti annan pli gran konsantrasyon lakaz tel ki Mont Fleuri ki la deza in ganny diskisyon ki’n ganny fer pour rehouse bann dimoun ki pe reste la, refer sa. E ler in refer si bann dimoun i oule lwe oubyen aste depan ki manyer lenstitisyon konsernen Minister Devlopman Kominoter ek SHDC i fer, sa bann polisye koman en endividi, koman en Seselwa zot a kapab swa aste, swa lwe sa bann blok flats ki a’n fer la. Oubyen de maintenant zot pe ganny ankouraze pou zot osi ganny zot prop lakaz en lot landwra. E pti a pti tou bann stasyon kot lafors lapolis i annan lakaz pou ganny fer de la menm fason.

Lo Praslin ek La Digue lapolis pou kontinyen mentenir son bann lakaz ki annan akoz souvan i byen neseser pour zot transfer polisye ki reste Mahe pou al Praslin ek La Digue e la zot bezwen donn lakaz sa bann dimoun ki’n ganny transfer laba e plitar zot a vwar dan detrwra lannen ki manyer sitiasyon i ale pou zot revwar zot polisi.  Donk lafors lapolis i osi vwar ki bann dimoun, bann polisye i merit al dan menm laliny ki tou lezot e zot ganny ede pou kapab ganny zot prop lakaz pour zot fanmiy.

 

HON  JEANNE DENIS

Mr Speaker mon ti oule demann Minis par egzanp letan i dir bann lakaz  i kapab ganny lwe plitar avek bann zofisye lapolis ki pou kontan reste dan sa bann lakaz, eski son Minister i annan lentansyon par egzanp pou renovate oubyen pou agrandir e menm moderniz serten sa bann lakaz.

 

MINISTER BELMONT

Mr Speaker pour renovate zot pou kontinyen   maintain tan ki zot annan dimoun ki pe reste ladan, zot kontinyen maintain sa lakaz dan en leta konvenab me parey mon’n dir lentansyon se plitar ler zot konsevwar kimanyer dan zot community police pou fonksyonnen zot pou bezwen sa bann landwra pou etablir bann servis e donk se pour se la ki zot pe ankouraz sa bann dimoun, bann polisye ki pe reste ladan pou kapab ganny zot prop lakaz e lafors lapolis osi i ede avek bann lenstitisyon konsernen pou sa bann dimoun ganny zot prop lakaz.

 

HON RAMKALAWAN

Eski Minis n kapab dir avek nou si i vre ki Minister Zafer Entern i annan lentansyon kraz tou bann lakaz kot bann gard pe reste La Riviere Anglaise pou fer car park pou nouvo klinik La Riviere Anglaise e si i osi vre ki tou bann flats Lari Quincy ki pe ganny servi par bann gard pou ganny kraze e ki sa pou bann converted dan en shopping centre e ki Mont Fleuri letan zot pou kraz li, pa bann gard ki pou gannyen me ki zot pou fer bann flats pour nenport sitwayen Sesel reste ladan.

 

MINISTER BELMONT

Mr Speaker Mont Fleuri parey Onorab i dir pou fer bann flats me si bann gard i oule retourn reste ladan sa i deza pran konsiderasyon parski sa  mon krwar ki pou al komans premye. Donk sa blok flat i pa pou apartenir a lapolis, i pou apatenir swa SHDC e donk bann polisye pou ganny konsidere parey   tou lezot fanmiy Seselwa me vi ki zot ti pe reste la i deza dan bann negosiasyon annan sa posibilite avan leres pour zot, si zot oule retournen pou vin la.

        Kot La Riviere Anglaise osi wi pour rehouse bann dimoun ki pe reste la deza e rekraze e refer en devlopman. Mon pa konnen si i pou car park me mon krwar ki pou en devlopman konpreansif ki pou osi annan bann blok appartments la kot pe ale. E la osi si sa dimoun ki’n ganny rehouse i retournen i pou menm prosedir e laba osi kot nou dir Lari Quincy i pou menm prosedir ki pou ganny servi.

 

HON ESPARON

Mr Speaker mon ti a kontan demann Minis si i pa dakor ki koman en incentive i ti ava konsidere ki lapolis i konsider konstrir enpe bann lakaz sirtou pou bann ki napa fanmiy, ki napa zanfan sirtou mon pe dir  en rezon pou kapab, azir koman en incentive dan premye enstan e dezyenm enstan kot i a fasil si i annan okenn ka kot zot bezwen regroup en serten kantite zofisye lapolis ki zot kapab fer li fasil san ki zot bezwen annan sa delay dan sey kominike. Si zot pa pe konsider sa dan sa nouvo progranm, nouvo plan devlopman lapolis konsider met serten fasilite lakaz onivo serten rezyon, si i pa posib onivo distrik.

 

MINISTER BELMONT

Mr Speaker dan son plan ki pe konsevwar pou lavenir lafors lapolis in konsider plizyer laspe e par egzanp kot i bezwen en lafors ki bezwen si oule ganny zot a nenport ki moman sa in prevwar kot pou annan serten konstriksyon tel parey nou konnen  i annan lafors special services unit kot zot tou i reste ansanm e si i neseser pou li annan en lot landrwa ki pou fer sa, sa osi pe pran konsiderasyon pou ganny sa.

 

HON DE COMMARMOND

Mr Speaker eski Minis i kapab enform lasanble si i krwar ki sa nouvo fason, sa nouvo polisi gouvernman vizavi rehousing bann zofisye lapolis i krwar ki lefe ki prezan lapolis pour reste plis parmi bann popilasyon olye zot tou en sel landrwa i kapab  anmenn pli bon policing dan Sesel. Enn, e dezyenmman eski bann lezot kord gard dan bann distrik tel par egzanp Cascade ki annan en ase gran bout later la, eski sa osi sa bann vye batiman pou ganny rekase kot lapolis i reste e nouvo blok flat or nouvo devlopman lakaz a ganny fer kot zabitan Cascade a osi benefisye.

 

MINISTER BELMONT

Mr Speaker pou premye kestyon, wi i krwar parey i pe mazinen ki letan bann polisye  a reste parmi bann dimoun i ava anmenn en meyer si oule lantant me sa konbine avek lezot keksoz,   community policing ki pou annan lezot mwayen lezot keksoz ki pour nobou reste an pli bon kontak e devlop en pli bon lantant avek piblik.

Sertennman kot bann lakaz in avarye parey koman Cascade e zot pe vwar ki manyer zot pou nobou refer e pa zis refer pou lakaz me osi pou donn petet lezot servis ki si i pou mentenir en stasyon lapolis Cascade ki manyer i kapab anmenn lezot servis ki neseser pou la kominote ki pas atraver filyer lapolis ou bann lenstitisyon ki annan relasyon pou fer avek lapolis.

 

HON BELLE

Mr Speaker mon oule demann Minis si sa ki i pe fer pou lapolis si sa bann lavantaz e priyorite si national guard osi i benefisye dan sa bann zafer lakaz. Premye kestyon.

Dezyenm kestyon, eski Minis i kapab dir nou si annan en bon kolaborasyon avek Minister Devlopman Kominoter avek lapolis pou fer sir ki bann zenn polisye ek zot fanmiy zot ganny priyorite pou zot kapab ganny lakaz.

 

MINISTER BELMONT

Mr Speaker pou premye kestyon bann gard nasyonal pa ti pe reste dapre sa ki mon konpran i pa pe reste lo en stasyon lapolis zot menm me selman tel ki parey pou gard nasyonal e parey pou bann zenn polisye wi i annan en kominikasyon e  diskisyon ki pe fer avek Minister Devlopman Kominoter konsernan fason pou kapab ede pouki bann polisye i kapab ganny lakaz ase rapidman. E sa i tonm byensir dan sitiasyon global dan pei pou kapab donn lakaz tou dimoun, tou sitwayen osi vit ki posib.

 

HON POTTER

Eski Minis i kapab dir nou si sa i nouvo polisi lakaz pou zofisye lapolis, eski plan lapolis pou konstrir en lakaz pou zot station commander Beau Vallon lo sa morso later ant kord gard Beau Vallon ek Police Quarters, sa plan pou konstrir sa lakaz pour sa Station Commander prezan pa pou pran plas.

Dezyenmman si sa i leka eski Minis i a konsider negosye avek lapolis pou rann sa morso later ki en prime site avek MCD pou kapab permet devlopman sa site dan en sant komersyal ou autre.

 

MINISTER BELMONT

Mr Speaker mon krwar pou Beau Vallon i dan en term en short term ki zot in prevwar sa e me long term zot pou revwar parski bann kot zot pe renovate  e ki zot pe donn en serten fasilite konmela se ki plitar zot annan lentansyon itiliz sa bann batiman pour donn sa pli gran servis ki mon’n koz lo la  ki zot oule donnen e petet zot a revwar a sa lepok.

Mon pe zis dir si zot pe fer en batiman la savedir zot pou bezwen sa batiman pli tar pou kapab ogmant la panopli servis ki zot pe donn bann piblik.

 

MR SPEAKER

Kestyon 61. Nou a ekskiz Minis parmi nou.

 

HON ANDRE POOL

Mr Speaker mon ti a kontan demann Minis pou Lagrikiltir e Resours Maren pou eksplik sa Lasanble ki mannyer son Minister i annan lentansyon ed tou bann fermye pou permet zot ogmant zot kapasite prodiksyon.

 

MINISTER   ESMÉ JUMEAU

Mr Speaker, Onorab manm Lasanble, e telespektater bonzour. Sa kestyon li menm fason ki’n ganny mete i merit en statement parski en polisi ou pa kapab enplimant li pou ogmant prodiksyon agrikol dan en zour, avek ou permisyon anba seksyon 26 mon demann ou permisyon pou fer en statement.

        An 1994 Minister ti reviz son politik ver en sanzman gradyel a en sistenm fasilitater olye ki prodikter, e parmi lekel son lobzektif ti pou ogmant prodiksyon manze, prodwir lokal e redwir lenportasyon tel konm legim e lavyann. Rezilta sa politik nou’n vwar privatizasyon ki enkli laferm Cote d’Or, Anse Kerlan, ferm poul SADECO Anse Boileau, sof prodwir enportan ki kapab ganny regarde koman stratezi.  Legzanp la ki mon ti a kontan donnen se ki ler nou’n privatiz laferm poul broiler e gouvernman in deside  pou gard covers pou hatch day old chick.  Sa nou krwar i pa devret tonm dan lanmen piblik a ler aktyel.

Egalman ki gouvernman in privatize se SMB Fish Division, liberaliz marse e tir kontrol lo lavyann. Bouse ti ganny drwa aste zannimo direkteman avek fermye ou  endividyel ki annan   permi ou licence me zot bezwen anmenn sa zannimo labatwar pour okipe e lavyann egzamine par sanniter. De la zot lib pou vann zot lavyann a en pri ki enkli zot depans e en profi rezonnab. Menm lannen gouvernman Sesel ti’n aprouv proze entegral devlopman agrikol finanse par ADBA e gouvernman Sesel a en valer de 41 milyon etale pandan 5an. Malerezman akoz birokrasi European Union e lezot pei   donater sa proze in anretar par 1an. Olye ki nou krwar nou a enplimant li an 1994-1998 la nou annan 1an anretar. Ankor an 1994 nou’n vwar lafen   konstriksyon rezervwar delo Anse Boileau e L’Amitie Praslin ou osi drenaz plato L’Amitie ki ti’n ganny finanse par European Union.

Proze 1994, 1997 nou’n vwar redivizyon de santenn kare later ki mon ti mansyonnen lannen pase isi ki konmela pe ganny lwe a en pri rezonnab avek fermye ki annan potansyel, mon’n byen dir Mr Speaker ki annan potansyel e konesans neseser. Mon’n servi sa mo la akoz tro bokou laplikasyon nou a pe gannyen ki ler dimoun pa ganny later pou fer lakaz zot vin rod later ek lagrikiltir pou vin fer lakaz apre en fotey konfortab pou ekout zwazo sante, dan en fason nou annan en kriter ki serye maintenant.

        Ansyen fermye ki pou en rezon ou en lot pa kapab kontinyen travay pe ganny vann zot kare later pour zot kapab etablir zot lakaz. Progranm 1995 a1996 nou’n trouv finisyon resers sistenm lo prodiksyon legim anba kouvertir otreman sa known as green houses ki annan en lanvironnman kontrole kot legim e lezot prodwir i kapab prodwir tout au long de lannée.

Promosyon sa rezilta sa resers e ladopsyon sa nouvo metod par 24 fermye i en rezilta e en gran lankourazman ki swa de nou kote swa de lot kote nou a pe trouv en gran lalimyer dan prodiksyon fri pandan tout lanne e  legim pandan tout lanne.

Dan sa sistenm finans ek teknolozi pe kontinyelman ogmante pou ed fermye. An 1995 European Union ti aksepte nou demann pou defrey konsiltasyon letid e desen pou redevlopman bazar Viktorya dan laquel ki mon’n pran pa mal letan pou diskit sa isi lannen pase, me lannen pase mon ti dir zot ki nou ekspekte ki sa proze i a komans avan lannen fini me malerezman ler nou ti’n fer tou nou bezwen pou anvoy avek European Union nou ganny dir poudir nou’n tro tar pa’n enkli lo zot bidze 1996. Me maintenant koman in enkli lo bidze 1997 nou a pe ekspekte le swivan:

L’appel d’offre international à une somme de 4.2 milyon roupi in ganny aksepte an 1996, malerezman parey mon’n dir larzan pa ti dan sa proze e nou’n ganny sa lannen. An 1996 nou’n trouv lakonplisman proze EFAD otreman dir Employment Generation Project a en valer de 10 milyon roupi ki enkli konstriksyon bazaar rural, konstriksyon requisite store Grand Anse e Union Vale kot i vann legren e lezot input pou lagrikiltir tel koman langre, konstriksyon semen Hermitage Anse Boileau e en porsyon   Val d’Andorre D’or.

Kredi finansyel pou Credit Union pou pti fermye kapab al rode laba, training pour travayer Minister e fermye zot menm. Ankor ennfwa 1996 preparasyon dokiman l’appel  d’offre pour proze devlopman, devlopman agrikol agrikiltir e ganny aprouvasyon avek ADB ki konsist proze swivan:

Farmers Training Centre, Sant karantenn pour zannimo, tou le de in pibliye i lo gazette maintenant, feeder road ki detrwa landrwa Anse Boileau, Anse La Mouche e L’Amitie Praslin in ganny aksepte a en sonm de 4.2milyon roupi ki nou ekspekte ki koman lapli i arete petet mwan Zilyet, Out sa bann progranm i a komanse ki i devret pran 6 mwan pou konplete.

Drenaz  irigasyon sistenm, enplimantasyon proze mous fri, donn bann fermye premye loan dan agricultural funds first (trench ??) ki 30 fermye lannen pase in benefisye atraver sa 2 milyon roupi loan.

Konsesyon drenaz Anse Aux Pins ki ti size kestyon dan sa Lasanble in ganny konplete promosyon kontinyel pou fermye ki pe adopte sistenm lanvironnman kontrole  vedir green house pe kontinyen. An 1997, sa lannen, nou’n ganny permisyon pou konstrir bazaar Viktorya ki enkli dan bidze Eropeen pour sa lannen, l’appel d’offre i a byento pibliye ki mon ekspekte ki avan lafen di mwan pour komansman mwan prosen. Agricultural survey and database development en keksoz ki nou vwar li premordyal pou nou devlopman e planifikasyon a lavenir ki mon oule met devan Lasanble sa bann konstren swivan:

Maintenant atraver annual report ki sorti kot nou, enn ki’n sorti byento ki zot dir nou poudir i annan 2865 household ki dan en fason ou en lot i prodwir legim e food crop, malerezman ladan i annan zis 335 registered farmers ki reste en sonm 2530 others ki swa i vann en serten kantite son prodwir pour ganny input material, savedir langre lezot pou kontinyen avek son plantasyon, en serten kantite ki mon aprann zot travay lo en barter system; mon a donn ou tel legim, ou a donn mwan tel lezot keksoz. Me si sa i ariv koumsa ki nou napa en sif egzakt, i montre poudir atraver survey ki nou’n fer dan lepase, dan 2865 ladan omwen 2000 dan sa bann  dimoun i napa sa volonte pou li devwale egzakteman ki i fer, si i ganny partial living lo la,   si i total living lo la anvi ki zot pe fer back door farming ki annan apepre 700.

Dimoun i annan son rezervasyon ler ou vini ou vin demann li kestyon espesyalman si ou komans ekrir  ou kestyon, me nou’n vwar sa i en febles dan tou kote ki pa kapab kontinyen, maintenant nou’n deviz bann kestyoner enpe pli elarzi, en FAO lannen pase zot ti’n dakor pou finans nou proze e dapre mon konpran nou tou nou’n deza tann lo Gazette, oubyen tann lo televizyon ki en  ….. workshop in ganny fer detwra semenn  pase lo lenplimantasyon prodwir lagrikiltir ver en survey entansiv. E pa mal enumerators i pran par dan sa survey. Nou ekspekte ki sa lannen i a kapab komanse e i a byen pran sa lannen e lannen prosenn osi pou nou avan ki nou kapab ganny konesans egzakteman ki nou bezwen fer pou kapab fer en plan devlopman entansiv pou lagrikiltir. Alors sa survey i tre enportan pour nou. L’appel d’offre pou konstriksyon semen Val d’Andorre, L’Amitie Praslin in ganny pibliye e byento pou komanse petet koman lapli i fini. L’appel d’offre in ganny pibliye pour konstriksyon animal current …station e Farmers Training Centre.

Nou pou kontinyen avek peyman dezyenm trans-agricultural funds ki annan 2 milyon roupi. Mon’n mansyonnen taler poudir lannen pase 30 fermye in ganny ede avek 2 milyon roupi, ki fer i annan 2 milyon roupi ki labank avek Minister Lagrikiltir pe travay lo la. Nou ekspekte ki ler sa l’appel d’offre pou bazaar i an sorti ki fodre la zafer i ava mars enpe pli vit ekspektan ki nou a vwar keksoz komans konstrir sa lannen.

En sistenm ki en gran konsern pou nou, koman zot konnen nou’n fer sistenm delo pou Anse Boileau, Port Glaud e Praslin. Port Glaud i annan en dizenn dimoun ki pe ganny ede par delo, Anse Boileau en ventenn e Praslin en trantenn e ladan vi ki tiyo i pas atraver tel tel propriyete tou ou tar i annan en dimoun ki vin demann silvouple  donn mwan enpe delo, mon napa. I annan serten febles dan nou kote petet nou donn delo apre de  ki fermye li menm e sa dimoun ki andeor laferm i abiz sa servis ki pe donn zot, zot pa oule peye delo, rezilta ki pe met en konstren lo tir resours ki nou annan pou nou kapab kontinyelman devlop irigasyon dan Sesel.

Se sa la rezon maintenant ki nou pe viv ver drip system, en irigasyon under pressure avek bann gran spray parey nou’n vwar dan televizyon ki anvoy delo lwen. Plis ki lanmwatye delo i ganny aroze dan landrwa ki pa totalman neseser, dan en fason en drip system i ser i demann en kantite materyo me i met delo dan landrwa kot sa plan i ganny bezwen ver son rasin e anfet ou bezwen bokou mwens delo a nou dispozisyon pou nou kapab ogmant prodiksyon e donn pli gran lakantite laferm  sans pou zot prodwir.

Survey pe ganny fer pou nouvo landwra pou  elevaz zannimo tel ki koson. Landrwa ki nou’n idantifye se Zalouzi Praslin, Val d’Andorre Mahe, Montagne Posée Mahe. Mon ekspekte ki sa bref eksplikasyon pou enplimant nou proze dan logmantasyon fri ek legim in montre sa Lasanble langazman ki mon Minister in pran pour nou ogmant manze a lavenir. Ki sa i vedir dan en mo kourt? Plis later pou plante e pou donn dimoun ki annan konesans e kapabilite pou prodwir manze. Plis konsey par direksyon extensions, plis led finansyel pou fermye, legzanpsyon pou bann bezwen tel koman masin i anze. Lavant plant ki maintenant nou pe met a dispozisyon bann fermye e menm bann propriyetor e menm bann householders ki ankor pe ogmante. En legzanp pou donn zot an 1995 nou’n prodwir or nou’n vann 26,727 plan fri tout kalite e an 1996 nou’n prodwir 20,894. Sa akoz nou ti’n pull back en pti pe dan nou kapasite prodwir bann plan akoz ti annan maladi lo pye zoranz, bann keksoz koumsa bann blight sa nou ti’n pull back pou regarde ki nou kapab fer.

Pour sa lannen tousel ziska lafen mwan Avril nou’n prodwir 8000 e vann 8000 plant. Nou pou kontinyen ankouraz fermye lo devlopman green houses e drip irrigation system. Nouvo landwra pou elevaz koson an gran kantite e kontinyen trouv nouvo fason pou sistenm dirigasyon.

E Chairman, mon bref deklarasyon i montre ki nou an latansyon e vwala ki nou annan lide fer.

 

MR SPEAKER

Siplemanter, Onorab Pool

 

HON POOL

Mr Speaker de pti pti, premyerman mon ti a kontan si Minis ti ava eklersi ki fasilite loan kot labank Devlopman ki egziste pou bann fermye e son prosedir ek kondisyon ki zot bezwen swiv pou kapab resevwar sa loan.   

Dezyenmman ki plan son Minister a lavenir i annan si oule pou ed bann fermye kapab vann tou sa ki zot prodwir.

 

MINISTER  ESMÉ JUMEAU

Letan mon a pe esper en pti update mon ti a reponn sa dernyen kestyon. Mon krwar mon’n fer en deklarasyon lannen pase isi an dizan ki mwan Septanm Arab Bank Development ti’n propoze anvoy en expert dan marketing isi, e pou nou ti trakas nou akoz zot zot ti’n swazir en dimoun pou dir nou pe anvoy sa, in other words i enpoz lo nou en dimoun pou fer li. Me malerezman sa pa’n traverse me nou ankor pe travay lo la ki se swa sa proze employment scheme ki se swa atraver FAO, ki se swa atraver Arab Bank Development, nou ankor pe eskpekte sa pou trouv en expert pou ed nou avek lavant prodwir.

Me petet nou a kapab donn ou sa sif lo sa 2 premye milyon roupi ki’n issue lannen pase atraver led lo agricultural development egalman sa 2 milyon roupi ki metnan i a disponib pou kapab kontribye. Sa i annan 2 loan..

(Technical problem)

from agricultural funds. maintenant sistenm ki pe an egzersis, si en dimoun i bezwen lo an i fer son aplikasyon atraver Minister Agrikiltir ki ladan   zot fer zot proze me mon oule dir byen ki ler fermye i ganny en later, i fer son laplikasyon, i met tou son konpetans leksperyans dan son laplikasyon. Atraver son laplikasyon i ganny en interview avek Minister lagrikiltir pandan lakel en form detaye i donn li pou ranpli pou li etal son proze ki i annan antet, ki i pou plante, ki i pou mazinen pou son retour, ki la sonm larzan ki i bezwen avek labank pour li kapab fer son proze.  Baze lo sa laplikasyon, baze lo sa plan daksyon ki i ganny sa later.

        Maintenant in ariv staz ki li in antre dan son later, in netwaye, i trouv li i bezwen fon, i fer son laplikasyon atraver lagrikiltir, touzour i fer referans avek sa plan ki in deza swiv, in deza fer. Oubyen si i ti vwar poudir i oule fer en devlopman ki en pti malgre liye ki en pti pe diferans avek sa ki in planifye, se Minister Lagrikiltir i asize i travay ek li, la i rekomann son demann avek Labank Devlopman me otan ki mwan mon konnen poudir dimoun i satisfe avek sa ki pe pase maintenant.

 

HON  ANGE MOREL

Mr Speaker anlinny avek polisi gouvernman pou ankouraz plis prodiksyon, eski Minis i kapab donn nou en dat defini kan ki semen Val d’Andorre pou komanse e pou fini enn.

Dezyenmman lefe ki Val d’Andorre in ganny dedye pou en landrwa kot pou fer prodiksyon koson, eski Minis i kapab dir nou ki provizyon son Minister in fer pou donn sifizaman delo bann planter e bann dimoun ki pou prodwir koson dan bann fermye Val d’Andorre.

 

MINISTER JUMEAU

Sa premye nou a pe koz komansman en finisyon semen. Sa sanmenm sa proze ki mon dir pour enpe plizyer landrwa ki kout 4 milyon roupi. Kontra in fini donnen avek VJ Constructions e pa byen lontan dan enn sa bann fonksyon ki mon’n zwenn li mon’n dir li fer sir  ki koman later i sek, ou pa kapab avek bouldozer monte komans kas later pour prodwir erozyon kan i annan lapli. Me in promet ki koman later in komans sek ki i vwar ki pou annan en lespas letan sek ki i mazinen pou pran li 6 mwan a serten landrwa i kapab fer li en pti pe pli vit dan en fason kot kan i pou fini egzakteman i en act of God. Silvouple  priye pou letan sek kekfwa i ava fini enpe pli vit. Me otan ki konsern later Val d’Andorre, Montagne Posée, Zalouzi Praslin survey pe komanse.   E nou okouran ki poudir sonny koson san delo i totalman enposib. Si anfet sa lannen i annan en  abes dan prodiksyon koson i egzakteman le problenm ki’n ganny souleve ki plizyer pti laferm pa’n kapab ganny delo pou netway zot park zournalman, in prodwir loder e bann vwazen in complain rezilta, ki se swa lanvironnman avek kolaborasyon lasante ek lagrikiltir in fer zot fermen.

Nou annan bokou mwens koson ki anvant maintenant akoz sa bann fermye in fermen e nou se sa la rezon ki nou pe fer en zefor ase aktif pou kapab prodwir lot laferm e tire avek devlopman lakaz pour imen e ki sa bann fermye mwendreman i a’n depans zot larzan met dan en keksoz ase entansif an konformeman avek nouvo regilasyon ki nou a pe met devan zot, zot ki zot a santi zot secure, zot envesti dan en fason. Right now nou a pe travay lo la, nou pa kapab donn ou en

 

MR SPEAKER

Dernyen kestyon Onorab William.

 

HON WAVEN WILLIAM

Mon ti a kontan demann Minis anvi ki nou konnen poudir i annan en devlopman agresif lo kote lozman, mon ti a kontan demann Minis ki pe ganny fer pou fer sir ki bann later agrikol pa ganny pran pour devlopman lozman, epi osi i annan bann dimoun deza ki pe fer lagrikiltir dan bann landrwa rezidansyel, mon ti a kontan demann Minis si son Minister ansanm avek Minister Devlopman Kominoter pe vwar sa bann ka e fer sir ki si sa bann dimoun i ganny afekte ki zot kapab ganny, mon kapab dir, rekonpanse plitar akoz i pou arive kot vi ki devlopman sa bann dimoun mon konnen evantyelman pou ganny afekte – ki pe ganny fer konmsi plitar pou sa bann dimoun letan sa bann sitiasyon i arive.

 

MINISTER JUMEAU

Mr Speaker tou dabor nou krwar poudir swivan sa survey ki maintenant nou a pe planifye ki repons ki nou a gannyen  i a donn nou en pli bon lide egzakteman lekel ki fermye, lekel ki peser. I en keksoz en pti pe drol annan de ler, koman ou konnen Zilyet, Out ziska en serten zistans dan Septanm lapes i move, divan i move, peser i vin fermye.  Ler in ariv Novanm, Zanvye, Fevriye gro lapli i tonbe senir, zensek i bokou fermye i al peser. E nou ganny dir poudir nou annan nou 2865 dimoun ki travay koman fermye ladan i annan 700 ki back door farmers ki nou pa konnen egzakteman ki zot prodwir selman zot plizoumwen supplement their diet for home consumptions. I annan en serten ki barter ki a pe komanse.

La nou nou pa konnen ki egzakteman lekel ki pe plante dan bwa laba, kan i fermye, kan i peser. E osi si ou ale ou demann SFA, ‘konbyen peser i annan?’ I annan apepre mil me ler plis bato pe ogmante zot dir zot vin kot nou zot plennyen zot napa peser, nou regard o mwan Zilyet la i deza annan en warning ki sorti poudir Zilyet, Out pou napa peser akoz zot pe al plante.

Atraver sa bann survey ki nou a vin nabou konnen egzakteman kwa. E en keksoz ki ou’n mansyonnen ki dan ou distrik i annan en kantite squatters in ed son lekor ek later ki pa ti pou li. Dan sa sistenm osi ki nou nou ti pe ale nou a konnen lekel ki’n spot, lekel ki’n antre san permisyon e lekel ki’n plante ek nou permisyon prezan i bezwen ganny move wi nou a pey konpansasyon pour sa bann.

 

MR SPEAKER

Avek sa nou fini nou question time nou a eskiz Minis parmi nou, nou a bran en break ziska 11er.

 

(Break)

 

MR SPEAKER

Bon nou ava kontinyen mosyon ki ti komans Mardi pase mosyon Onorab Potter lo domestic violence e lo mon lalis mon annan Onorab Azemia.

 

HON MARIE NELLA AZEMIA

Mr Speaker mon oule komanse par remersye mover mosyon pour anmenn en mosyon parey de lasanble pou nou kapab diskit lo la, en mosyon ki tret vyolans domestic ki en size ki en kantite dimoun pe koz lo la.

        Mr Speaker semenn pase apre ki mover mosyon ti’n fer son prezantasyon sa mosyon ti ganny segonde par en zonm en manm dan lasanble e li lo son entervansyon i ti tir latansyon apre mwan tir latansyon lo vre size an diskisyon in plito koz lo sosyete vyolans, Mr Speaker mwan mon ti a oule retourn lo vre size e donn serten legzanp pratik pou montre piblik ki nou pe diskit lo la mon oule osi enform lasanble ki mon’n diskit avek detrwa madanm ki’n deza vin viktim vyolans domestik zot an sipor total sa mosyon e ki zot in donn mwan permisyon pou servi zot ka si i neseser.

        Mr Speaker vyolans domestik parey in ganny eksplike par mover mosyon i en size parey mon’n dir pli boner kantite dimoun pe koz lo la e la pe ganny plis ankor koze depi ki mosyon in ganny prezante dan lasanble, sa bann vyolans parey nou tou nou mon kwar nou prezimen nou konnen i arive ant bann frer ek frer, ant frer ek ser, ant piti ek manman, piti ek papa, oubyen bann pti zanfan avek paran me se sa ki pli grav pli orible se bann vyolans domestik ant fanm ek mari Mr Speaker mwan ek sa bann vyolans mon ti a kontan dir ler nou gete ki zot ganny arive avek bann rezon tre tre spesifik enn petet avek konsomayson lalkol, drog, oubye akoz bann mansonz, bann malonnet oubyen parey mover mosyon ti dir semenn pase mank ledikasyon mwan mon dir mank savwar viv oubyen en lot rezon se bann karakter dominer kot serten dimoun i oule enpoze menm si zot zot mal e enn ki pli komen adilter.

        Mr Speaker sa bann vyolans i ganny manifeste parey nou tou nou konnen dan diferan fason mover mosyon ti zis an pasan dir i annan vyolans fizik, verbal, e labi seksyel. Mr Speaker mwan mon ti a kontan al dan enpe legzanp pli pratik enn sa bann fason parey in ganny dir se vyolans fizik i arive toulezour dan lakour ant bann koup kot pou en wi en non en koudpwen ganny tire en ledan i sorti pou en wi pou en non en kalot i ganny anvoye e ou lalev i pete Mr Speaker mon oule dir ki mwan mon annan en zanmi tre pre ki’n pas atraver vyolans domestik avek son partner mon oule dir ki sa zenn madanm i tre kouraze i viv byen dan son fanmiy me a sak fwa ki i lev son kote lebra i get anba son koud tou son cool i kase savedir atraver en senp ensidan ki ti arive kot li en fourset i ganny mete dan son lavyann anba son koud e ziska ozordi i mars avek sa kosmar se sa ki nou pe koze se sa vyolans domestik ki mon pe sey dir en dezyenm legzanp en zenn madanm atraver en diskisyon ki gannyen ki limenm li i  pa ti mazinen si i kapab fer li ganny en kou pou en senp non ki i dir i perdi en bout ledwra ziska ozordi en kote gos son lanmen zanmen i pou kapab ganny en zong dan enn son ledwa lanmen gos akoz atraver zis sa non en koud kouto i anvoye e i perdi sa bout ledwa anfen i tre dir ler mwan mon pe esplik sa i tous mwan bokou, ler nou koz lo vyolans domestik Mr Speaker mon oule al en pti pe pli lwen mwan menm koman en ansyen ki zofisye lyon en lorganizasyon mon ti travay ladan pandan 10an mon’n deza bezwen travay tre pre avek probasyon pou ou kapab ganny en rapor pou ed mwan pou top en real case mon ka devan industrial board devan en case ki ti’n ariv dan landwra travay pou kapab ed en zenn fanm ki’n ganny pouse dan son travay in ganny pouse i tro mank travay pa ti son fot si i ti mank travay i ti toultan pe mank travay akoz i tro ganny bate i ti annan tro bokou koup lo li tro bokou mark lo li e pour sa perdi travay. Konbyen fwa Mr Speaker mon menm mwan koman en zofisye linyon mon al rann vizit lopital kot en fanm dan lakour vyolans in arive pa’n kapab al travay dan landwra travay i enform ou koman son reprezantan e ler ou al lopital latet i anmare koud i anmare akoz in tro ganny bate avek son mari, i difisil me parfwa sa bann madanm zot menm kasyet problenm mon oule sit en katre spesifik akoz lopital sa madanm i dir granmersi omwen mon war en fanm parey mwan vin war mwan akoz mon’n manti ek dokter mon pa’n dir li ki’n arive si ou war mwan pa’n dir li e la atraver diskisyon ki mon fer avek sa dimoun mon ganny dir ki ler mon’n ariv lopital mon’n telman kanmi, mon latet i tro gro mon pa ekspekte mon mari i bat mwan koumsa mon bezwen dir avek dokter mon’n tonbe lasanmben e mon’n tap mon kote ler dokter i gete son kote i ble alor konsey ki mon donn li ou bezwen eksplik dokter ki’n ariv ou e la li i ava preskriy tretman ki li i kwar i neseser, konbyen fwa in arive Mr Speaker ki en dimoun i vin travay e i bezwen reste swa dan en sunglass pour en zournen i pa kapab tire son lizye i ble in ganny koud pwen oubyen i bezwen reste dan en biro anfermen i pa sorti dan son biro akoz akoz in ganny bate e son lekor i ranpli avek mark.

        Sa Mr Speaker mon ti pe koz lo vyolans fizik i annan en lot fason ki sa bann keksoz i ganny manifeste atraver vyolans verbal, mover mosyon ti koz lo la Mardi pase i tre vre nou annan en kantite ka kot bann madanm i ganny maltrete bann gro gro mo i ganny dir bann gro gro term i ganny servi e li koman en fanm i pa konnen ki i pou fer pou li plito ki ou ti’n tap li en koud pwen ki ou dir li sa bann gro, gro parol. I annan en lot fason osi ki vyolans i ganny manifeste Onorab Belle ler ti koz lo la semenn pase ler i ti koze semenn pase i ti nonme sa se kiltirel i ti donn en legzanp sosyete Arab, e dernyen Mr Speaker i annan en lot fason pli vilenn ankor pli grav sa se labi seksyel parey mover mosyon ti eksplike Mr Speaker apre ki en dimoun en fanm dan son ta ansonmen apre ki en fanm in ganny son ta maltrete i pli grav ankor pou vwar li pas antraver bann lakt seksyel ki swiv sa bate la sa fanm i defenceless i pa konnen ki i pou fer i per e nenport kwa ki Seselwa ki aksyon li sa bann ka parey i bezwen fer. Parmi bann rezon ki mon’n donnen enn Mr Speaker mon’n dir adilter kit re trek omen konmela Mr Speaker menm si i annan fanm ki komet adilter sa nou pa kapab deny nou konnen i annan me laplipar ditan adilter i ganny komet par zonm dan ka kot sa bann zonm sa bann fanm plito i for i annan responsabilite kot i annan lentere son fanmiy li sa fan mi anvi koze i anvi diskite pou ganny en solisyon me dan ka kot sa fanm i feb li osi i pa ase mir i feb pou reflesir i pa servi son lespri pou debout pou li ziz le kontrer i plito krwar dan sa prensip mon a fer li war li osi Mr Speaker parfwa i al komet adilter e byensir i anmas en bann konsekans savedir vyolans kot lakour iv in pli pir zanfan i ganny afekte e menm souvann fwa menaz i kase.

        Mr Speaker pli boner mon ti donn en rezon koman mank ledikasyon zis parey mover mosyon ti eksplike me mon oule dir sa i pa touzour leka parski mover mosyon ti’n mansyonn enn de bann dimoun dan ki kad ki osi fer sa bann keksoz parey mwan mon pa pou nonm zot ma plito dir i ganny fer parfwa par bann swadizan edikater mon a nonm zot koman bann edikater oubyen bann swadizan profesyonel oubyen sa bann aksyon i ganny fer osi par bann swadizan dimoun ki annan tre o pozisyon responsab la i fer mon mazin en ka tre tre spesifik anfen tousala i tous ou kot Mr Speaker kot en madanm ki annan son msye ki dan tre o pozisyon i fer mwan konpran plito i ti ganny en kalot toulezour oubyen i ti ganny en koud pwen toulezour akoz pou li leson vyolans domestik i en lot fason i konpran soufrans dimoun ganny en soufrans oubyen en kalot me pou li dir pli dir akoz pou li desann fodre en loto vi zwenn li i konnen i annan sport i pa kapab arive i pa ale i ti a kontan al laboutik al fer en swa i pa kapab ale pou li eksplike sa i pli gro vyolans e si i koze la en kalot i vini e si i koze i dir mon ti a kontan al anvil al fer en swa mon ti a kontan al sport bann madanm bann msye pe partisip dan sport la en kalot i vini ler nou koze Mr Speaker sa madanm i fer mwan konpran akoz sa pozisyon akoz sa prestiz li i bezwen soufer an silans. Ler mover mosyon Mr Speaker i dir i rekomande ki gouvernman i pran mezir aproprie pou fer lalwa vin pli dir ki a ede konbat vyolans domestik mon krwar mover mosyon i byen parski Mr Speaker ler en fanm in ganny son ta ansonmen par bate i pe benyen dan disan i pa konnen ki i pou fer i tay kot lapolis pou al rod lasistans nou konnen sa bann ka i arive e ki i ganny dir Mr Speaker lapolis pa kapab antre dan zafer zonm ek fanm akoz apre demen zot byen sa ki ganny dir dan tou sa sitiasyon ki li i ladan, Mr Speaker lapolis li i pas gete ki ou dwa imen pe ganny abize i pa get sa li a sa moman la si i pran sa ka i tret li koman en ka assort zis parey mover ti eksplike se akoz manyer lalwa i ete konmela mon krwar Mr Speaker i lo sa pwen ki nou devret diskit plis Mr Speaker sa ka ki mon’n fek dir ou ler sa fan mi ariv kot kord gard swa bennyen dan disan oubyen demi napa lenz lo li deza son leta lespri pa normal deza son leta lespri pa anpe i pe vin kot lapolis se i vini pou li vin rod lasistans Mr Speaker be dir mwan ler nou mazin sa nou tou sey eksplike ki lasistans en fanm dan sa sitiasyon i ekspekte gannyen ler i ariv kot kord gard premye keksoz i fer fas avek en zonm i fek ganny bate avek en zonm i fek ganny en koudpwen avek en zonm sikolozikman sa i annan lefe, dezyenmman ki lasistans sa fanm dan en sitiasyon i kapab gannyen ler i arive kot en kord gard i fer fas avek en polisye ki de zour avan li menm li i fek bat son prop fanm.

        Mr Speaker mon pe koz lo lensidan bann keksoz reel ki’n arive parey mon ti dir pli boner si i neseser mon site, lo sa pwen mon Mr Speaker ki mon kwar i devret annan sanzman i devret amelyorasyon dan striktir i devret annan en unit spesyalize pou resevwar pou deal avek sa bann ka ler nou ti pe diskit lo bidze lafen lannen pase nou ti diskit lo en family centre ki ti dan bidze Minister Lanplwa avek servis sosyal, Vandredi pase Mr Speaker ti annan en vacancy dan nasyon pou en direkter pou en family centre pou mwan sa en sinyal ki zafer Dousman, dousman pe bouze nou’n osi koz lo en halfway home mover mosyon Mardi pase ti koz lo la tousala Mr Speaker ti ava ede soulaz bann viktim si ti annan zis an pasan mon oule fer mansion ki nou annan depi 1995 anba Canadian aid dan suspense account en sonm 105 mil roupi sa mon krwar i a kapab ede pour akseler sa proze, ler nou koz lo family centre petet ti a bon komans mazin lo en family court osi Mr Speaker mon dir family court dan bann sitiasyon parey mon’n donn sa bann legzanp parske mon demann lekor si nou konnen ki manyer i orib parfwa ler ou asize an kour e ou ekout bann statement ki pe ganny fer par en zonm oubyen en fanm ki’n viv an menaz an menm lakaz, ler ou tann sa bann zafer mon konpran parfwa akoz serten fanm pa oule al anmenn zonm an kour tu keksoz prive pe ganny dir an piblik parey nou’n dir an kreol bann dimoun ki annan plis pider i prefere reste lwen ek lakour se sa rezon ki mwan mon ti pe koze i devret annan en family court.

        Mr Speaker apre ki mon’n dir tousala mon pa kwar ki dimoun ki pou ekout nou diskisyon lo sa mosyon pou kwar ki nou pe akiz zis zonm sa pa leka ditou mon pa ti a kontan ki dimoun i ganny sa doutans akoz nou konnen ki annan osi ka kot zonm ki’n vin vyolans domestik men si i tre minim in annan ka kot zonm in vin viktim parske nou tou nou konnen par egzanp eski pa in deza arive dan lepase kot en zonm i kit son fanm deryer pou li al travay lo zil e ki ler i retournen i vwar en nouvo ne dan lafanmiy ki’n arive sa i zis en legzanp me selman Mr Speaker parey mon’n dir sa i tre minim napa bokou sa bann ka parey konpare avek bann ka kot fanm i sibir plis kou lo sa pwen Mr Speaker apre ki mon’n dir sa mwan mon ti a oule felisit sa bann zonm oubyen bann fanm ki’n met vyolans deryer zot, felisit osi bann lenstitisyon bann organizasyon pe travay dir pou konbat vyolans domestik e trouv solisyon pour sa problenm lo sa pwen mon ti a kontan demann bann madanm bann lig bann madanm bann lorganizasyon bann madanm Mr Speaker bann lorganizasyon bann fanmiy pou anvoy zot lavwa zot osi donn sipor sa mosyon. En pwen ki monti a kontan fer resorti se ki menm si i annan lalwa menm si lalwa i ganny amande e vin pli dir pour mwan lakle se sa konplenan se sa dimoun fer sa konplent se li sa konplenan swa i en zonm swa i en fanm ki konnen ki rezilta i oule dapre mwan ler en konplenan i vin fer son konplent i bezwen deza annan en desizyon e ki pa zis retir son zafer mon kwar i devret kontinyen avek aksyon ki in komanse se sa ki manke avek nou bann viktim Mr Speaker mwan mon ti a kontan dir mon dakor ler mover mosyon i dir ki lo sa size i devret annan en reform dan lalwa aktyel mon tre tre dakor me mwan mon kwar i devret annan en lalwa separe parey i ti dir i ti donn legzanp Ostrali idevret annan en lalwa separe kit ret zis vyolans domestik parey semenn pase Mardi pase nou ti diskit lo en lalwa ki ti tret spesifikman proteksyon konsomater enn ki devret spesifikman lo proteksyon viktim vyolans domestik e ladan mon ti a met tou lezot keksoz mon ti ava met priorite legal aid pou bann madanm ki vin viktim eksetera.

        Finalman Mr Speaker mon kwar sa mosyon ki nou pe koz lo la i enn ki tre bon i enn ki devret annan en bon refleksyon lo la e ki devret ganny sipor tou dimoun sirtou bann lig bann madanm bann lorganizasyon bann madanm bann lorganizasyon ki annan pou fer ek lafanmiy ek zanfan e ki finalman bann madanm zot menm mon dernyen parol se ki zot devret pe debout bann madanm i devret pe debout for e pa dir akoz prestiz akoz pozisyon mon bezwen soufer an silans, mon’n toultan dir k ii pa ankor tro tar pou sa bann madanm ki bezwen soufer an silans i ankor boner pou zot kapab liber zot lekor e pran zot responsabilite. Zis pou fini mon ti a zis osi demann bann madanm ki anmenn bann msye ankour pou ganny alimoni oubyen pou ganny separasyon mon konpran ki annan en sonm larzan ki pa ankor ganny kolekte bann zonm ouswa bann papa in deza depoze pour bann zanfan e ki bann madanm ki’n deza al met devan zot case al fer konplent apre ler larzan i ganny depoze zot fail pou al anmas sa bann larzan mon kwar i nou responsabilite koman bann fanm koman bann manman enn pou li bare nou prop lekor, de pou nou debout pou kapab koze fer nou lavwa tande, e trwa pou nou fer tou nou responsabilite parey nou kwar nou devret pran.

 

HON RAMKALAWAN

Mr Speaker mosyon pe demande ki lezislasyon ki egziste i ganny ranforsi avek bi byensir pou konbat vyolans domestik i annan bokou keksoz ki’n deza ganny dir ziska aprezan lo sa mosyon e mon kwar ki tou sa bann diferan keksoz i montre diferan aspe sa problenm petet lentansyon mosyon i bon pa petet i bon lentansyon mosyon, selman letan nou pe kalkil lezislasyon li menm definitivman i en area ki tre sofistike e mon trouve ki i pou tre konplike ki rezon ki mon dir sa letan nou pe koz vyolans domestik nou pe koz vyolans ki arive dan en fanmiy se pa msye bat madanm madanm bat msye zanfan i ganny bate e anmenm tan osi nou anvi kontinyen mentenir lenportans lafanmiy alor ki pou arive la eski ou pou pas bann lezislasyon ki pou annan bann santans sever e letan i annan bann santans sever e anmenmtan osi ou pe koz posibilite pou tenir sa fanmiy ansanm ki manyer eski ou balans li, mwan mon trouv sa prensipalman problenm ok en madanm i ganny bate ek son msye in desann anba kord gard dizon tou keksoz in pas normal gard in pran son statement e aprezan zafer i ariv an kour e nou tou nou konnen ki poudir vyolans domestik ok la ozordi swar nou’n ganny en problenm kekfwa in annan en kalot ki pa devret arive me selman annou regard li son sitiasyon reel dan lavi ok i ariv en problenm la ozordi be letan in ariv 3 zour kekfwa ou konnen sakenn in an mil kanmarad ou konnen mon ser sorry mon pa ti mean ou konnen ou pa ti devret dir mwan koumsa, ou konnen zonm ek fanm i koz dan zorye aprezan ler zot pe koze dan zorye zot in dekouver ki poudir be ou konnen vre sa ki’n arive la pa ti devret arive i mal sa ki’n arive me selman in arive e case in ariv pli devan e se la kot sa zonm ek sa fanm zot bezwen kontinyen viv ek kanmarad e se la aprezan kot ou konnen diferan agency i antre ladan kekfwa zot desann zot al kot probasyon e laba ankor enn fwa probasyon pou koz an term zot rezourd sa problenm e viv ansanm kekfwa si zot desann i pas kot per osi tou ankor enn fwa pou dir zot be sey fer en fason rezourd sa problenm ensidswit e aprezan nou tou nou konnen ki arive laplipar ditan sa bann case pa zanmen ariv an kour me aprezan dizon case i ariv an kour sa 2 zans zot ape viv ansanm aprezan letan pou pas en santans dizon ziz i war ki poudir sa ki’n arive la i vreman pabon i vreman move e nou tou nou konnen ki poudir assault espesyalman assault causing bodily harm se en lofans ki ou kapab al dan prizon alors aprezan eski sa ziz i anvoy sa zonm dan prizon e letan sa i arive eski nou ranforsi lezislasyon ki senn la ki soufer lafanmiy i soufer oubyen si sa fanm ki’n bat sa zonm dan en fason ki terib menm letan sa fanm i aparet devan sa ziz eski sa ziz i anvoy sa fanm dan prizon ki senn la ki soufer ankor lafanmiy ki soufer oubyen si enpoz en fine lo li se sa family income ki redwir, ki mon pe sey fer mon pa pe donn rezon en kote tor lot kote mon pe nek zis regarde ki manyer i en size ki dan limenm li i tre konplike as ki mannyer ou pou rezourd li atraver lezislasyon byensir letan nou pe met sa problenm devan mon kwar ki anmenmtan osi mover mosyon son lentansyon se annou ekspoz sa problenm pourki i ava annan en rediksyon dan sa problenm pourki finalman sa problenm i ava ganny rezourd parski li pa lezislasyon ki pour rezourd domestic violence se letan dimoun i aret bat kanmarad dan fanmiy ki domestic violence pou rezourd son lekor mon kwar k ii bon nou pe ekspoz sa problenm parski ozordi ou tann bokou koze lo nivo lasosyete e lafanmiy e tou sa bann diferan kalite keksoz e lefe ki sa vyolans i la dan sa fanmiy mon krwar i enportan pou nou koze.

Onorab Azemia in mansyonn diferan fakter ki bring about sa bann problenm e byensir tou sa bann fakter e nou kapab mansyonn ankor santenn lezot fakter ki fer sa problenm vin reel, letan nou pe regard nou prop sosyete i vre ki mwan personnelman mon konn serten zonm ki viktim vyolans ki zot fanm i bat zot, zot fanm zis koman zot ariv lafen di mwan zot fanm i pran tou zot larzan, zot fanm ki kontrol zot zot pa kapab koz ek dimoun ensidswit sa nou konnen me selman letan nou pou regard li an gro sa problenm i prensipalman zonm pe bat fanm, me Mr Speaker letan ou pe regard sa problenm fanm ganny bate mon toultan mon pou dir fanm fodre zot sakouy zot enpe akoz fodre mon dir fanm sakouy zot, en fanm son mari i bat li son lannmen letan i desann i al travay i dir i ti pe bros lakaz in tonbe in tap son lizye obor latab, en fanm son mari in bat li parey Onorab Azemia in dir i a dir i ti dan benwar in tonbe in tap son kote fanm zot menm zot fer zot lekor vin pli gran viktim zot anvlop zot lekor dan en nespes lesklavaz kot finalman sa zonm i fer sa ki anvi avek zot e zot zot manz anndan e ki zot dir ou mon pe anmenn mon lakwa sorry mwan mon pa konn okenn lakwa ki koumsa si en dimoun pe bat ou dan en fason ki pe kit mark lo ou sa napa lakwa be si en lakwa me i en move lakwa alors fodre ki ou sakouy ou e ou zet sa lakwa de kote e ou debout dwrat ankor mwan mon kwar ki si fanm zot menm zot ti pare pou zot vin devan pou zot fer zot sitiasyon ganny konnen la aprezan sa ti ava ankor enn fwa komansman rezolisyon sa problenm parki sa i vin parey tou dernyenman nou koz lo bann zanfan ki ganny abize dan zot lakour sexual abuse of children be akoz sa i en problenm i en problenm akoz sa bann dimoun la dan sa lakour ki konnen ki pourdir zanfan pe ganny abize konbyen manman ki konnen poudir zot zanfan pe ganny abize avek zot boper me ki zot nek reste trankil se sa ki fer problenm kontinyen se sa ki fer sa bann labi kontinyen me la mon kwar i en moman kot nou bezwen met keksoz o kler e met li lo latab pou nou ganny serten solisyon e letan mon pe dir sa mon krwar ki fanm zot menm zot zwe en gran rol mon kontan par egzanp letan mon tann serten fanm ki dir sa zonm ki pou four mwan en kalot pa ankor ne sa i en latitid pozitiv parski i pe montre ou deswit ki poudir en fanm pa pou aksepte ki en zonm i bat li apre tou akoz ki en zonm i bezwen bat en fanm eski zis akoz ou dominer nou tou le de nou adilt si ou pa dakor avek en keksoz ou pa kapab bat mwan akoz mon lespri i diferan mon kwar ki sa nide sa partnership dan en relasyon ki poudir i annan serten keksoz pou nou tonm dakor ki nou pa tonm dakor lo la ki ou pa kapab akoz ou anvi fer en keksoz oubyen en keksoz pa ganny fer dan ou fason ki poudir ou pou sot lo mwan ou pou bat mwan mon kwar ki sa nide en partnership  i tre enportan pou tou le de kote santi li e pou tou le de kote sezi li.

Mr Speaker mon kwar ki definitivman osi parey nou pe dir fanm zot bezwen bouz zot e mon krwar la i annan en parol ki bann granmoun lontan ti kontan dir ti kontan dir avek zot fiy si ou war en zonm i tap ou en kalot balans ou enpe en zonm i kapab fer en kantite bann lezot ditor me selman en keksoz ki ou pa tolere se en zonm bat ou e mwan mon kwar ki otan ki zonm dan sa lasanble nou bezwen dir avek nou bann lezot kolez zonm pa bezwen bat ou fanm en fanm pa la pou ou bat li kontan li plito kares li me pa kares li avek bann gro gro kou mwan mon kwar ki se sa mesaz ki i bezwen sorti kot bann zonm dan sa lasanble ki nou pa dakor letan enn parey nou i bat son fanm nou pa dakor e nou nou pa pou tolere e se pou sa rezon ki nou pou siport mosyon nou pou siport mosyon e Mr Speaker mon pou kapab dir avek ou ki tou bann zonm bann madanm zot menm zot kapab kit zot lanmen anba e les zis bann zonm vote les zis bann zonm vot lo sa mosyon e tou bann zonm i ava pe anvoy en mesaz tre kler pou tou bann lezot zonm dan sa pei e byensir letan nou pou dir sa mwan mon pe i pou enteresan letan pou regarde aprezan ki mannyer sa follow up i kontinyen sa ki mon kwar ki pou vin difikilte avek sa mosyon me selman mon krwar ki si Lasanble in kapab senpleman anvoy sa mesaz kler ki poudir nou anvi ekspoz sa then nou ava pe fer en pa petet ankor enn fwa letan mon pe koz lo bann madanm zot bezwen sakouy zot enpe, war bann madanm parfwa zot pa realize ki poudir i annan serten keksoz ki zot fer pou zot msye ki pa ed zot msye ditou i annan bokou madanm i vini i konplent lo size lalkol be si ou madanm son msye in bwar son lavey in sou e apre ou ou pe telefonn son landrwa travay e ou pe dir konnen in malad in soz ensidswit ou ape soutiy li ankor enn fwa ankor enn fwa ou ape soutiy li e sa problenm pou reste la avek ou me si letan i ti demann ou pou telefonnen ou ti dir avek li me mon pe al  dir poudir yer swar ou’n sou petet ankor enn fwa si ava sakouy enpe me selman Mr Speaker ok letan mon dir sa mon osi mazinen ki malerezman tou keksoz i liye lo avek sa fakter ekonomik i tre enportan e i annan bokou bann madanm ki trouv zot dan en sitiasyon kot zot napa sa mwayen finansye pou zot soutenir zot lekor akoz dapre ou ki en madanm i ava ekspoz son pride pou li al debout dan lakour mazistra pou li al rod en alimony 200 roupi, en alimoni 250 roupi en madanm pe vreman afekte son pride letan i fer sa me selman i met son pride de kote pou li kapab ganny sa larzan pou li soutenir son fanmiy, fanm i ganny bate aswar be apre si i napa en lot landrwa pou li al reste e menm fanmiy konmela i dir avek ou e sa zafer zonm ek fanm nou’n koz ek lapolis lapolis li en agency be fanmiy limenm li konbyen fanm ki’n ganny bate ki’n sey al rod en plas dormi kot son frer kot son ser, kot son manman menm e bann la in dir get sa ayayay sa ou msye la i en boug enpe rough mwan mon pa oule antre ladan kot sa fanm pou ale i bezwen retourn lanmenm la se la ankor sa halfway home ki nou’n tann koz bokou lo la i en fason kot i ava ede si ava annan counseling i ava annan tou sa bann fasilite kot dimoun i ava sezi enpe plis zot responsabilite tousala i ava ede pou nou al dan en bon direksyon e petet la mon ti ava demande ki tou bann demars pou set up sa halfway home i speed up e i vin tre enportan nou’n nonm letan nou pe koz lo vyolans domestik en lot sitiasyon reel ki egziste avek nou ki mon pa konnen ki manyer nou pou sorti ladan oubyen ki manyer nou pou rezourd li se nou konnen ki poudir i annan bokou zanfan ki zot pe reste avek zot boper oubyen avek en manman ki a zot manman e ki sa dan limenm li i fer serten problenm i annan fanmiy ki normal ki sa zanfan i ganny aksepte avek sa boper ensidswit konmsi koze letan ou aksepte en bef ou aksepte son korn osi tou i annan bann ka ki egziste me anmenmtan osi i annan bokou bann sitiasyon kot boper i pa kontan sa fiy oubyen boper i pa kontan sa garson zanfan sa madanm ki li in fek move in avek e la aprezan sa zanfan i ganny abize dan serten fason tou travay pli sal li ki ganny demande pou fer letan kado se prop zanfan sa dimoun i gannyen me lot i ganny neglize i annan en kantite sa e zis mon kwar ti Dimans dan progranm aktyalite kot letan tip e koz lo bann orfelina e letan ou regard bann orfelina si ou demann bann zanfan zot leksperyans ok ti annan en pti garson ki ti dir li i ti sove akoz i ti ganny bate mazin ou en zanfan mwens ki 12an i anmenn son lekor kot en orfelina pe bat mwan tro bokou laba dan lakour mon bezwen vin rod en abri pou mwan reste e letan ou regarde tou bann lezot zanfan osi tou se bann zoli zanfan bann zanfan ki ou kontan zot deswit me selman sa sitiasyon lakour la pa’n permet zot pou zot ganny en viv dan en fanmiy ki happy alors sa i en fe nou sosyete kot boper zanfan ensidswit nou viv ansanm e parey mon pe dir ki manyer nou pou rezourd sa ki manyer nou pou avans pli devan sa osi tou en gran kestyon ki nou bezwen poze. Onorab Azemia in mansyonn konsernan letan ou asiz an kour ou ekout sa bann diferan ka kekfwa dimoun i kanmi pou dir me selman mon ti a kontan sinyale ki si mon pa tronpe nou ti pas nou ti amand lalwa pou permet ki dan bann ka ki annan keksoz sansib ki sa dimoun atraver son avoka oubyen li menm li i kapab fer sa aplikasyon pour ki sa i ganny ekoute in camera savedir an prive pour ki en dimoun pa bezwen donn detay an piblik ki kalite soufrans in pas ladan alors mon kwar ki sa dan limenm li en pa pozitiv pour ki en dimoun an prive avek bann ziz i kapab vreman esplike ki kalite vyolans ki i pas ladan, letan pe koz lo labi seksyel mon pa konnen ankor enn fwa si nou rapel ti annan en lot progranm lokal kot ti annan en madanm ki ti pe eksplike ki manyre son msye ti abiz li seksyelman ti abiz li tou kalite fason mon kwar ki Mr Speaker mon kwar ki bann keksoz koumsa i aport en serten degou letan ou trouv en dimoun i black & blue parey nou dir e in ganny bate in ganny abize e in ganny tou sa bann kalite keksoz fer avek li e pou mwan i spesyalman fermal letan ou konnen poudir se en zonm ki’n lakoz tou sala e alor mon krwar ki nou zonm nou bezwen balans nou nou osi en kantite e ki petet osi bann madanm si zot ti debout en pti pe pli solid si zot ti balans zot mon kwar then toulede kote ansanm ti ava kapab avans en pe pli devan alor definitivman mon pou donn sipor sa mosyon e la petet nek zis mon ti ava redir petet zis bann zonm vot lo sa mosyon  mon kwar ti ava en mesaz osi enpe kler.

 

HON GINETTE GAMATIS

Mr Speaker mosyon devan nou pe demann gouvernman pou pran aksyon apropriye pou anforsi lalwa ki deza egziste pou konbat vyolans domestik. Mr Speaker mwan mon pou premyerman esey vwar a mon avi lekel ki mon apel vyolans domestik sa ki mwan mon krwar petet i kapab parfwa lakoz sa bann vyolans domestik e plitar mon ava vin lo sa enn ki mon koleg Onorab meter sa mosyon in apir bokou lo la e ki tre komen konmela dan Sesel savedir vyolans ant zonm ek fanm. Mon a pran sa ki nou apel vyolans dan vwazinaz ant bann dimoun ki annan bokou lakaz ki obor kanmarad en legzanp sa bann vye lakaz lo cost ti ganny konstriy dan bann lannen 1970 an montan kot bann vwazen napa privacy ant kanmarad e sa i fer ki okazyonn zaksyon zalouzi e diskord e vyolans i leve parfwa, i annan fanmiy an konbre kot plizyer fanmiy pe reste ansanm dan en pti lakaz e la vyolans i leve ant frer ek ser, piti ek papa, oubyen ek manman e menm parfwa en vyeyar ki reste la i sibir menm sort e menm parfwa vyolans seksyel i devlope dan fanmiy e mwan mon pou demann gouvernman pou ranforsir son zefor pou konsider sa bann ka parey an priyorite kan i abord problenm rezourd ek lakaz pou sa bann dimoun dan sa bann tel sitiasyon. Mon pou vin aprezan lo sa form en problenm vyolans ant fanm ek zonm kot lamazorite ka fanm ki soufer, fanm ki viktim, malgre dan ka tre rar en fanm i osi fer soufer son mari, Mr Speaker letan nou get en fanm nou war li sa imen enportan dan lasyosete ki met o monn en zanfan se li ki sa imen enportan ki lakoz si ozordi nou war en popilasyon pe grandir, nou war en monn pe egziste se li ki soufer se li ki’n responsab e souvann fwa tou lour i tonm lo li ler i koze i ganny ansonmen i ganny abize i ganny martirize Mr Speaker mon pou osi egzamin enpe serten lakoz sa problenm pou nou war parfwa ki arive dan en fanmiy limenm li i reste dan en lakaz ki pa konvenab pou son fanmiy limenm li i rod travay i pa gannyen li menm li i rod lasistans sosyal i pa gannyen i sey debrouye e anven e i reste dan fernwar e ler sa zonm i arive i koste lakaz sou ek en presyon lavi lo li i vini i maltret fanm akoz in demann keksoz pou lakour i bat fanm i bat piti, lager i kontinyen e menm parfwa separasyon. Mr Speaker sa vyolans domestik i tre konpleks e i konsern tou bann ki annan en responsabilite absoli dan lasosyete e ki kapab met leker ansanm pou rod solisyon pou sa bann problenm, Mr Speaker mwan mon pou pran lalwa koman en dernyen resours pou sa problenm mon kwar senserman ki problenm i konsern lakominote limenm lekel sa bann dimoun dan lakominote, ki zot leker vizavi sa bann problenm sa i fer mwan vin lo training pou lapolis ki meter mosyon ti mansyonnen dan son ekspoze i byen, me lekel lapolis mon annan rapor kot en madanm ti ganny enstige par son msye e letan i ti ariv kord gard sa zofisye lapolis ti riy li e gognard li e ou mazinen si en zofisye pe azir dan sa fason kote sa pou anmenn nou petet sa manm lapolis li menm li i pe bat son fanm e aprezan i war sa koman en zwen pou sa viktim ki vin ver li, mon fer rapel mon bann koleg manm Onorab zonm dan Lasanble ki zot pa tonm dan menm sitiasyon akoz sankwa zot pa pou kapab ganny menm latansyon sa madanm viktim ki vin rod zot sipor. Mr Speaker letan mon get tousala i fer mwan vin lo sa propozisyon ki ti ganny aprouve e diskite dan dernyen kongre SPPF kot en kominote, en komite, kominoter pou sak distrik ava ganny etablir zot ava annan zofisye sosyal, lapolis, lasante, MNA, DA, legliz eksetera ki konsernen avek tou kours sosyal dan en distrik e kot mon kwar sa problenm ava kapab rantre ladan.

        Mr Speaker lo kote sa lenstitisyon pou bann madanm ki ganny bate mon totalman siporte e demande ki gouvernman i met an mars o pli vit posib an vi ki sa problenm i pe ganny ogmante de zour an zour sa i ava en landwra kot bann madanm a ganny en refiz pandan letan zot problenm pe ganny rezourd, Mr Speaker mon pou siport sa mosyon akoz mon kwar ki en bon mosyon me si nou tou ansanm nou pa met leker nou tou ansanm pou esey vwar kote sa bann problenm i vini e kote nou presyonn lasosyete pou kapab rezourd sa bann problenm mon pa kwar si lalwa an li menm met fren avek sa bann problenm mon krwar mwan ki sa bann problenm i konsern nou tou e ki sirtou la kominote parey mon’n dir distrik i bezwen ganny bokou angaze ladan pou kapab ede donn ledikasyon sa kominote e war ki manyer nou kapab rezourd sa bann problenm e mon pou totalman siport sa mosyon.

 

MR SPEAKER

Bon mon kRwar avek sa nou a break ziska 2 er apremidi.

 

(Break)

 

MR SPEAKER

Nou kontinyen avek nou deba lo mosyon lo domestic violence laparol, pour Onorab Anderson.

 

HON HENDERSON

Mr Speaker sa mosyon anmennen par Onorab Potter e ki demann gouvernman pou pran bann pa apoprie pou ranforsi lezislasyon ki egziste lo sa vyolans domestik i en mosyon byen merite. Mr Speaker sa size vyolans domestik dan tou son form ki’n ganny nonmen avan i en problenm serye i malere ki i en realite dan nou sosyete Seselwa, Onorab Potter Mardi pase in donm nou bann diferan teori ki bann ekspert in anmennen lo sa sizepou esey eksplik son lakoz, lefe i reste ki en abizer i en dimoun avek en move karakter ki annan en serten febles dan li e ki pa kapab egzers en bon kontrol lo son lekor ler i ganny konfronte avek serten presyon. Lenformasyon ki mon’n gannyen mon osi atraver lofis probasyon se ki an 1993 ti annan 126 ka ki ti ganny raporte kot zot ki ti involve vyolans domestik e sa ti fer 27% tou bann ka ki ti’n ganny raporte pou sa lannen, an 1994 par kont sa sif ti’n ogmante pou vin 38% bann ka tou ka ki ti’n ganny raporte kot zot ki ti annan vyolans ladan, e an 1995 ti 37%, an 1996 sa sif ti desann pou vin 20% tou ka ki ti ganny raporte kot probasyon mon note ki lannen 1996 ti lannen responsabilite eski sa ti pou dimoun pou pran plis son responsabilite, desarz pli byen son bann lobligasyon ouswa egzers enpe plis tolerans dan zot bann relasyon sa i reste en kestyon ki mon napa larepons par kont Mr Speaker dapre sif pou sa lannen ant Zanvye e 31 Me 1997 in annan 78 ka domestik ki’n ganny raporte an probasyon 35 parmi in enkli vyolans e sa i fer 45% tou ka e sa lannen Mr Speaker nou pe koz lo tenm caring & sharing si nou vreman onnet ek nou menm petet nou’n obliy enpe lesansyel sa tenm kot nou devret pe egzers plis swen e lespri partaz dan nou fanmiy dan nou kominote nou sosyete e nou pei. Tou derneynman dan nou pei nou pe pran konsyans lakantite larelizyon ki’n etabli, nou souvan koz avek fyerte ki nou en pei an mazorite kretyen mon pa kwar ki okenn sa bann larelizyon ki’n etabli isi i pres la vyolans zot plito edik zot kongregasyon lo lanmour e respe pou bondye e pou zot prosen pareyman par rapor a sa nou kestyonn nou menm oli nou valer moral oli nou responsabilite koman kretyen oli nou bann lobligasyon anver nou prosen.

Mr Speaker nou pe viv konmela dan en sosyete modern kot lamazorite dimoun i annan en serten nivo ledikasyon e in ganny konsyantize lo serten laspe bann lalwa ki egziste nou kontradir ki nou tou nou konn nou dwa, malerezman konstitisyon lartik 18 i nonm serten dwa ki petet serten i aplik li a lekstrenm me ler lartik 18 i dir ki i konsider li en dwa pou tou sitwayen Seselwa ganny trete avek dignite e ki i pa ganny soumet a bann pinisyon ou bann aksyon tortir, kriyel e degradan Mr Speaker i osi degradan ler en madanm i ganny swa ensilte ou bate devan son zanfan son fanmiy ou menm an piblik, i pa normal dan nou sosyete pou en madanm viv anba sa bann kalite menas dan lafreyer avek en mank konfyans pou sa enn ki servi vyolans kont li i pa normal pou en madanm pas son letan dan mazinasyon ki si sa ki petet i a dir dan en konversasyon ou fer par son aksyon ou si sa ki i  frekante iv in lakoz son maler i pa bon pou moral en madanm ler i konnen ki son zanfan, son fanmiy, son zanmi zot konnen ki bann aksyon vyolan i pe sibir me li i pa santi ki i annanpersonn ki i kapab partaz son santiman avek i pa ed en madanm ler i raport son ka avek lapolis e i konnen ki sa pou fer li ganny en lot bate kondire depi zour in raporte ziska ler sa zafer i ava pase oubyen menm lapolis i retournen i dir li pa antre dan bann zafer zonm ek fanm ouswa napa ase temwen, souvann fwa sa madanm in ganny ansonmen dan milye lannwit kote i pou al rod temwen tou dimoun pe dormi i sifi ki in sibir en akt vyolan i annan laprev fizik petet menm blesir mark lo li e in kapab rekonnet son abizer e la nou dir li al rod ankor temwen.

        Mr Speaker lefe sa bann aksyon vyolans domestik lo zanfan pa bezwen mon repete mon kwar bann dimoun ki’n koz avan mwan i annan ki’n fer resorti dekwa rezilta i la dan sertan nou bann zanfan ki vyolan ki mank respe ki endisiplinen e ki montre en ta lezot latitid ki pa akseptab dan nou sosyete. Mr Speaker mon siport tou sa bann sizesyon ki’n ganny fer par Onrab Potter e par madanm Onorab Azemia avan mwan bann lalwa an egzistans mon osi mon kwar i devret ganny reformen e ganny ranforsi malgre ler Onorab Ramkalawan ti pe koze ki apre serten ensidan zafer i ganny anmennen an kour e la si koreksyon i ganny aplike posibleman koreksyon savedir met sa abizer an prizon, i vre ler i pou al an prizon i pa pou la pou li donn son fanmiy petet sa ki i ti pou bezwen donnen be eski i ti pe donnen osi si i ti pou al overseas i pa ti pou menm zafer en lot zafer ankor nou nou pe kwar pou ganny redwir i pou vreman annan en serten lefe lo lafanmiy petet ti napa income petet ti sanmenm sa kontribisyon ki pa ti pe anmennen ki ti la akoz sa bann vyolans alors annou pa tro pran pitie pou kannar bwate osi mwan osi mon ti a voudre war sa proze halfway home si i ganny konsidere si nou kondann bann aksyon vyolans kont en madanm oubyen bann madanm nou bezwen kapab ofer sa bann viktim en lot opsyon, nou pa kapab ekspekte ki sa sitiasyon i parey Onorab Ramkalawan ti pe dir sa lakwa ki sa dimoun i bezwen anmennen ouswa sa bate i en latizann pou son maladi in plis ki ler pou nou aret kwar ladan e mwan osi mon pou siport tre for sa ki nou pe dir depi bomaten tou bann ki’n koze ki bann madanm nou bezwen solider avek kanmarad mon kwar madanm ki pe sibir serten aksyon vyolans raport tou sa bann aksyon amwen ki nou raporte nou napa en lavwa nou pou zis pe sibir li trankilman enn i vini i rakont en lot sa ki ou rakont avek osi i soufer akoz i santi ki i pa kapab fer naryen pou ou i pou dir i ki ou devret pe vey ou lekor me ou dan ou menm ou pa santi ou annan keksoz pou ou fer alors letan ou rakont avek enn i pou rakont ek dezyenm ou end up pe kree en serk viszye kot personn pa kapab ek kanmarad. Mon krwar legliz osi i annan en posibilite ki legliz pa’n tro zwe son rol lo sa topik vyolans domestik legliz i pres en kantite lo lanmour pou nou prosen lanmour pou bondye mon kwar legliz i devret kondonn enpe plis sa bann keksoz ki zot deplore sa bann keksoz dan latitid zot bann kongregasyon ki zot deplore dan legliz nou devret kodonn li annou pa fer sa bann dimoun kwar laport lanferm in fini fermen i pa ankor fermen i pa normal pou nou fer sa bann kalite keksoz koumsa anmenmtan prese ki nou kretyen, i annan osi en nesesite pou ler sa bann madanm i raport sa bann ka vyolans ki annan en mekanis kot zot kapab raport sa bann keksoz kot prosedir i ava vin en pti pe pli fasil kot i ava annan en serten degre konfidansyalite e kot sa bann viktim i osi ganny sipor pou fini Mr Speaker Onorab Ramkalawan in dir bann madanm pa vote les zis zonm vote mwan mon kwar si nou tou madanm nou solider avek nou bann koleg oubyen kanmarad madanm ki sibir sa bann aksyon vyolans nou devret vote alors mon ti a demann lasanble antye pou siport sa mosyon.

 

HON FAURE

Mr Speaker mon ti a kontan kontribye lo sa size ki devan lasanble, mon kwar premyerman mon kwar ti tre enportan pour ki Mrs Potter i etable sa mosyon ki si oule koman en lasanble nasyonal nou kapab sansibiliz dimoun otour sa problenm e petet osi aport enpe solisyon an fezan sa. Mon ti a kontan dir ki size vyolans domestik i bezwen ganny diskite lo baz relasyon imen dan konteks nou sosyete ki pe devlope nou kou ki’n etidye nou ava realize ki in annan en lenzistis ki’n arive dan devlopman sosyete imen ki a en serten moman dan devlopman sosyete imen si oule bann madanm ti pli enferyer e petet sa osi in kapab kree bann kondisyon ki’n kondisyonn bann aksyon ki’n arive plitar dan devlopman sosyete imen nou a osi konnen ki bann madanm pa tip e kontribye ekonomikman dan devlopman sosyete e sa rol ti pou plis pou bann zonm me in annan en sanzman deplizanplis dimoun in rekonnet ki bann madanm bann fan mi annan valer e ki bann madanm zot osi zot bezwen zwe en rol enportan pou kapab kontribye pa zis annan sa responsabilite pou kontribye vizavi fanmiy, elve bann zanfan me si oule vin en azan enportan an sa ki konsern devlopman ekonomik en pei mon kwar i enportan pou kapab met sa bann pwen ater me nou’n ariv nou dan en lot letap letap kot dimoun pe komans koz pa zis Sesel me dan lemonn pe komans koz lo ki vre valer nou donn lafanmiy ki valer e ki vre valer nou donn bann fanm dan sosyete ki zot plas dan sosyete e mon kwar ler nou pe koz lo domestic violence vedir ki annan en mesaz pou nou kapab re etablir standar an sa ki konsern moralite dan pei se a dir ki nou lasanble ozordi pe dir ki annan en problenm e mon kwar nou devret etablir sa standar i pran de dimoun pou dan en relasyon e si nou etabli bann norm e sa bann norm i ganny kase toultan i annan dimoun pou dir be si en norm in ganny kase eski i devret annan en lalwa pou kapab si oule koriz sa norm ki’n ganny kase e rebalans sitiasyon, donk ozordi dan Sesel mon’n tande mon’n tann en kantite bann dimoun koze i annan en kantite bann legzanp fran ki’n sorti mon krwar Mr Speaker lasanble pe anvoy en mesaz pe dir ki vyolans domestik pa devret en keksoz ki nou tolere e si i pa en keksoz ki nou pa devret tolere kwa ki nou devret fer koman en sosyete pour ki sa problenm pa afekte nou fabrik sosyal koman en nasyon koman en pep e mon kwar onorab Potter in sit bann diferan solisyon ki mon kwar andeor lasanble si oule focus plis lo sa bann solisyon mon kwar sa size i konpleks dan limenm i pa pou kapab ganny rezourd zis par lalwa me si i dir ki nou devret strenghthen lezislasyon sirman i annan serten sans ki nou devret revwar lalwa e petet pin point bann areas ki nou devret strenghthen pou kapab redres nou e etablir standar moralite, e standar spiritialite ki nou devret ki nou bezwen ki tre, tre enportan en sosyete mwan mon kontribisyon dan tou sa bann zafer Mr Speaker mon kwar i enportan ki bann zenn zenerasyon i ganny edike mon kwar nou devret montre nou bann zenn sirtou bann zenn ki deside pou annan en fanmiy demen ki i neseser annan dyalog mon kwar Onorab Ramkalawan in dir taler bomaten i dir zonm ek fanm i koz dan zorye mon kwar ki nou devret eksplwat sa e dir ki zonm ek fanm i devret koze e koze a tou pri i devret annan kominikasyon zot bezwen plan zot budget ansanm e zonm ek fanm pa devret zis koze dan zorye mon kwar vwala kot i annan serten keksoz ki bezwen ganny fine tune koman attitudes, koman behavior e si bann behavior i ganny fine tune plis valer i donnen avek bann bon relasyon i ava evite ki ler bann relasyon i ganny devlope e de zenn koup i marye zot bezwen fer sir zot lavenir e si nou ozordi koman en sosyete dan sa lannen la nou dir ki i pa akseptab ki ler i annan en problenm dan fanmiy en msye i lev son lanmen  i tap son madanm en kalot oubyen ki en madanm i lev son lanmen i tap son msye en kalot nou dir sa i standar olye en kalot annou koze nou pe tabli enorm e mon kwar sa mesaz will go through pou permet stiktir sosyete e dimoun pou vwar bann valer sa mon kwar i en keksoz ki nou devret repran e nou devret kominike nou bezwen koze pou evit bann pou evit problenm dan fanmiy e osi mon kwar mon personelman kwar Mr Speaker ki si dan en relasyon ant en zonm avek son madanm i ariv en problenm kot zot in servi tou mwayen kominikasyon ensideswit e mon kwar i pa devret annan okenn lafreyer si demen sa madanm oubyen sa msye i pare pou divorse, e ler zot divorse pa devret annan okenn restriksyon lo sa papa pou war son zanfan oubyen sa manman pou kontinyen war son zanfan e pa devret osi annan laenn ki anpes sa papa avek sa manman koze pou dibyen sa bann zanfan mon kwar i annan serten sa bann pwen ki nou kapab deza pe met lanfaz lo la ki ava kontribye pou evite ki annan sa problenm parey mon pe dir Mr Speaker koman en konklizyon mon kwar nou lasanble pe pas en mesaz ki pe dir ki devlopman sosyete Seselwa in ariv en nivo e i pa akseptab pou annan vyolans domestik dan fanmiy e ki neseser ki annan kominikasyon e ki i neseser annan dialog.

 

HON CHOW

Mr Speaker kestyon ki devan nou dan sa mosyon lo kestyon vyolans dan lakour i enn ki mon kwar nou devret tre konserne spesyalman apre ki nou antann serten statistik ki’n ganny mete par Onorab ki’n prezant sa mosyon. Nou koman en lasanble nou pa pou kapab rezourd bann problenm domestik lo en sitiasyon on the ground parey angle i dir nou sel keksoz ki nou kapab fer se get par deryer sa problenm si i annan en serten lakoz sosyolog bann dimoun ki fer letid kestyon vyolans pa ankor vreman konnen ki sa ki fer en dividi vyolan, i annan serten ki dir ki vyolans se en keksoz ki natirel dan lonm dan en dimoun si ou war en dimoun ki al fer krim i annan i dir ou’n predispoze ou’n ne ou’n vin en kriminel me i annan osi serten levidans e korelasyon ki montre ki serten kalite vyolans ki ganny kondisyonnne par serten sitiasyon sosyal e ler nou al dan kestyon vyolans domestik laplipar iv in akoz bann sitiasyon sosyal nou pa dir ki napa en mari ki petet i predipoze pou vin en boug vyolan i pou fer vyolans avek nenport ki me malerezman pou son madanm i pli pre avek li pou souk sa kalite bate. Onorab Gamatis in fer sorti en pwen pli boner bomaten ki mon toutafe dakor avek, Onorab Gamatis i dir ki lo sa kestyon vyolans domestik lalwa i petet dernyer resor ki nou servi nou bezwen get pli lwen ki senpleman annan lalwa pou kapab rezourd sa problenm e Onorab Gamatis in fer sorti enn de pwen ki mon osi mon’n pans lo la ki mon kwar i annan en relevans par egzanp in mansyonn kestyon overcrowding problenm kantite dimoun ki’n viv dan en lakaz, problenm kantite dimoun ki viv obor kanmarad dan en konsantrasyon. Bann siyantis Mr Speaker in fer letid lo bann zannimo parey lera ek poul e zot remarke ki ler sa bann zannimo i viv ansanm dan en landwra sere ler i ariv en serten kantite popilasyon lager i deklare vyolans zot atak kanmarad e pa ekstra polasyon zot osi dir petet dan dimoun osi sa sitiasyon i arive sirtou dan bann gran pei kot bann gran lavil kot i annan bann problenm overcrowding ki zot apel sa bann ghetto. Mr Speaker ki sitiasyon nou nou ladan an 1994 nou ti fer en resansman sa resansman ti montre ki nou ti annan 16 mil 469 lakaz dan Sesel me i ti osi montre ki nouti annan 17 mil 461 fanmiy e sa i vedir kid an bokou ka i annan plis fanmiy ki lakaz i vedir ki serten lakaz i annan plis ki en fanmiy ki pe reste la la realite se ki nou annan 992 fanmiy an plis ki kantite lakaz ki egziste dan pei. Onorab Potter i dir nou ki an 1994 ti annan 425 ka si mon sif mon’n byen donnen vyolans dan lafanmiy, Mr Speaker si nou konpar sa avek lakantite lafanmiy ki ti egziste dapre resansman nou vwar ki pou dir enn dan fanmiy in koz problenm vyolans dan lakour me resansman in osi dir nou ki 35 non plito 65% bann lakaz i ganny dekrir koman bon kondisyon savedir ki annan 35% lakaz Sesel ki pa ganny dekriy koman dan bon kondisyon me si ou pran sif ou tir sa bann lakaz ki dan bon kondisyon ki petet ki annan mwens sans annan vyolans domestik e regard zis sa bann ki pa dan bon kondisyon kantite ka vyolans dan fanmiy konpare avek kantite lakaz in ogmant plis ki enn lo 40 e ler ou kalkile Mr Speaker parey resansman i dir nou ki 44% lafanmiy Sesel i dominen par en madanm e ki nou konnen ki laplipar vyolans domestik petet 99% i koze par zonm lo zot fanm e sa i fer nou war ki sa problenm an realite i pli grav ki nou menm realize. Mr Sepeaker sa problenm lakaz i en problenm politik osi donk nou sitie nou problenm vyolans domestik dan en konteks politik, akoz i politik se akoz parti mazoriter in fer li en plan en sitiasyon pli enportan dan son polisi ki pou fer sir ki tou Seselwa pou ganny lakaz 20an in pase e nou war ki omwen 1000 fanmiy konmela oubyen an 1994 pa ti annan en fason en lakaz pou li reste ladan i ti bezwen partaze me ou soi ler ou realize ki resansman i osi dir nou ki an mwayenn sak fanmiy Sesel i annan 4.2 dimoun e ler ou kalkile dan en lakaz ou annan de fanmiy e si sak fanmiy i annan sa kantite dimoun mwayenn savedir ki ou annan 8-10-12 dimoun dan en lakaz e ler ou viv dan en kondisyon koumsa ki kalite keksoz problenm sosyal ki kapab arive. Mr Speaker mon avi se ki nou pa kapab senpleman atak sa problenm zis lo kestyon annan lalwa pli sever nou bezwen annan en lot apros se ki nou bezwen annan progre ekonomik pou nou kapab tir nou popilasyon dan sa sitiasyon kot nou annan plis fanmiy ki annan lakaz pou zot reste ladan. Sa mosyon Mr Speaker in fer lev en keksoz ekstemelman enportan se ki nou annan en time bomb sosyal ki son revey pe marse nou kapab fer pli gran retorik lo televizyon si oule nou bezwen fer fas avek la realite pa zis nou bezwen rod fason donn sak sa bann fanmiy ki pe reste ansanm avek en lot fanmiy posibilite annan zot prop lakour nou osi annan sa problenm ki Onorab Gamatis in fer resorti kot konsantrasyon lakaz obor kanmarad, lekspresyon i dir en lakaz i pa neseserman en la maison nou kapab donn dimoun lakaz me nou pa pe kree en la maison en lakour pou la fanmiy e se sa ki nou bezwen gete parski nou annan nou omwen 1000 ekek dimoun ki ganny laz vote preski tou le zan e ler ou get dan kous popilasyon i vedir ki a en serten moman a sak lannen nou bezwen ganny 1000 ou petet 500 si nou kont kop i reste ansanm nouvo lakour, nouvo lakaz pou dimoun e ler ou kalkile dan sa 35% dimoun ki viv dan lakaz ki dapre resansman kondisyon pa neseserman bon nou war ki i fer en total 25 mil 600 dimoun antou ki pe viv dan kondisyon koumsa pou nou kapab ganny sa resours pou nou fer sa bann progre lo sa plan lakaz Mr Speaker nou bezwen annan progre devlopman ekonomik nou pou bezwen fer plis ki nou pe fer ozordi e ler nou get nou det nasyonal ki manyer in arive nou demann nou lekor eski ki sa zour ki nou pou arive nobou kapab annan en sosyete kot i annan plis lakaz ki annan fanmiy ki bezwen lakaz. Mr Speaker Onorab Azemia in akont nou en ka en dimoun ki i konnen en madanm ki li son vyolans i dan en sitiasyon kot i pa kapab fer naryen akoz son msye i dan en pozisyon. Mon senpatiz avek sa madanm e nou de mon kwar nou annan en keksoz an komen, nou ti a voudre an lannen prosenn lepep Seselwa ti a fer en bon desizyon kot nou ti ava annan en lot gouvernman petet son problenm ti ava fini e li i ti a nobou desannn anvil libreman.

 

HON SIMON GILLES

Mr Speaker mon kwar nou annan en problenm avek nou la, mon konpran ki Madanm Potter i bezwen al en fonksyon 3er Beau Vallon dan son distrik e mon kwar i en size enportan espesyalman avek sa bann pwen ki Onorab Chow in souleve la mon kwar ti enportan ki mon koze lo sa size me malerezman mon pou bezwen donn sans mon koleg Madanm Potter fer son rezime me selman mon siport sa size ki devan nou me malerezman Onorab Chow i sape.

 

HON POTTER

Mersi Mr Speaker e mersi tou bann entervenan ki’n koz favorableman an faver sa mosyon menm bann ki pa’n koze mon konnen ki dan zot leker zot siport sa lakoz ki devan nou. Mr Speaker mon’n pran not bann sizesyon adisyonel e bann konsern ki bann ki’n koze avan mwan apre mwan in mete lo sa size mon kwar ki zot ava rapel ki dan mon dernyen lentervansyon mon ti dir ki enn mon lobzektif prensipal sete pou kas sa silans sa lendiferans otour sa problenm de sort ki sosyete e kominote i aret tret sa problenm koman en problenm prive ou koman en problenm ant en msye avek en madanm me plito tret sa problenm koman en krim, koman en vyolans, koman en abi e par kont tou krim, tou vyolans, tou abi i bezwen bann dimoun ki ankouraz sa ki fer li i bezwen ganny pini pou ganny deal avek. Mon kontan pou dir depi ki sa mosyon in ganny etable nou annan bokou lentere ki’n sorti lo sa size i annan bokou dimoun ki’n komans koz lo la, bokou dimoun ki’n apros mwan, bokou dimoun ki’n ekrir mwan, pou remersye mwan e menm pou demann mwan pou pas lezot lenformasyon ankor ki sa bann dimoun ti annan lo sa size me parey nou war malerezman nou pou napa letan fer li me erezman mon kwar nou’n senm en lagrenn ki mon swete i pou pouse i pou grandi e nou pou aroze pou nou fer sir ki sa problenm vyolans domestik i redwir e i eliminen konpletman dan nou sosyete. Mr Speaker i annan en filozof ki’n deza dir kan en manman i plere lenzistis i tranble mon kwar antraver sa mosyon nou oule sey fer zot konnen oubyen konvenk zot, konvek gouvernman, konvenk bann ki pa viktim sa sitiasyon ki dan Sesel i annan en kantite manman, i annan en kantite madanm ki pe plere akoz sa size e par kont lenzistis kont sa bann madanm i tranble e koman en lasanble responsab koman en gouvernman responsab nou pa kapab asize kwaz nou lebra fas a sa sitiasyon. Mon’n pran not bann sizesyon ki’n ganny fer par mon koleg Madanm Azemia pour ki nou annan en specialize unit dan lapolis ki kapab deal ek sa problenm dan en fason pli sansib e plis konsernen, mon osi siport lapel ki mon koleg Onorab Ramkalawan in fer pou demann bann madanm pou sakouy zot lo sa size, i vre parey nou tou nou konnen charity begins at home nou demann sa bann madanm ki pe ganny sa bann abi pou bouze vin devan koze, donnen, raporte, sel fason ki nou pou kapab ed zot se si zot zot ed nou avek lenformasyon e si zot ed nou pou ekspoz sa msye oubyen sa zonm kip e abiz zot pou nou kondonn sa msye akoz sa problenm mon kwar se serman ki nou kapab deal avek li dan en fason si pa legal me sikolozik nou bezwen fer bann zonm ki konmet sa bann lofans santi e konpran ki zot vilenn, ki zot brital, ki zot pa en vre zonm kan zot bat en madanm, nou bezwen penn en portre vilenn lo zot pou nou fer zot santi zot kanmi kan zot anvi al fer sa bann aksyon oubyen kan zot in fini fer li. Osi mon ti a kontan siport e felisit Onorab Gamatis ki paery zot tou zot konnen i nou manman dan sa lasanble pou son sizesyon ki’n fer pour ki kominote i angaz li dan sa lalit e i lyez sa problenm avek desizyon tou resaman ki kongre SPPF in pran pou kree en konsey kominoter, mon konvenki ki Onorab Gamatis pou zwe en rol pilye lo sa komite pou adres sa size dan son distrik e mon swete ki tou bann MNA’s ki pou asiz lo sa komite i ava osi zwe nou rol dan la menm fason. Mr Speaker solidarite ant bann madanm ki Madanm Henderson in fer resorti i en lot size ki en dispansab si nou anvi rezourd sa problenm i malere me i vre ki parfwa menm ant bann madanm i mank solidarite e mon kwar bann lorganizasyon lasosiasyon lig bann madanm dan sa pei i annan en gran travay pou fer pou kapab instill sa lespri solider ant bann madanm, si nou pa solider avek nou avan nou pa ekspekte ki zonm i vin solider avek nou donk ankor enn fwa nou bezwen komans sa lalit lo nou menm e nou bezwen antrenn bann zonm pou zwenn nou e pou swiv nou lo sa semen. Mr Chow lo son kote malerezman in fer en attempt pou redwir sa problenm vyolans domestik a en senp housing problem menm si plitar in enkonsyaman kontradir son lekor kan in montre ki lakaz pa home ki en dimoun i kapab dan en lakaz me sis a lakaz pa’n konverti dan en home ou pou annan vyolans e sa i montre nou ki menm si ki problenm lakaz, problenm sosyal i petet trigger sa problenm vyolans domestik me i sertenman pa son lakoz e i sertenman pa son solisyon. Mr Speaker mon ti a kontan ankor enn fwa remersye tou dimoun ki’n solider avek sa mosyon e mon ti a osi kontan remersye e senpatiz tou bann dimoun ki’n telefonn mwan ki’n apros mwan personelman pou zot eksprim zot soufrans lo sa size mon napa dout ki sa mosyon pou al lwen ki i pap ou fini la e ki tou manm lasanble dan nou distrik dan nou vwazinaz kot nou pou ete nou pou kontinyen lager pou nou kondonn sa sitiasyon me mon reste konvenki ki lalwa i enn bann fason ki pou kapab redwir sa sitiasyon akoz legzistans en lalwa menm si ou pa aplik li ou pa kondann li ou pa enforce li legzistans sa lalwa i dan limenm akt komen en detorant pou bann dimoun komet sa lofans, si nou pou servi largiman ki lalwa pa pou kapab deal avek sa sitiasyon dan sa ka nou kapab servi largiman pou tou bann lezot lofans annou tir tou bann lezot lalwa e pri nou ava deal avek sa bann sitiasyon lotreman, mon kwar ozordi dan staz lavi modern ki nou’n arive, staz difikilte ki nou pe war nou pou remet mosyon fanmiy dan son vre plas avek fas a bann problenm sosyal ki nou pe fer fas avek bann problenm moral mon kwar i enportan ki an plis ki nou fer en travay edikasyonel mon kwar lalwa pou reste touzour en pilye pou kapab ontenir e rezourd sa bann sitiasyon, mon swete e parey mon’n dir ki sa travay i senpleman en komansman.

 

MR SPEAKER

Bon i vin ler pou vote, tou sa ki an faver lev zot lanmen, unanimous napa ki kont alors sa mosyon in ganny aprouve e la nou a vin lo lot mosyon devan nou ozordi prezante par Onorab Ramkalawan e mon envit ou pou prezant ou mosyon.

 

HON RAMKALAWAN

Mr Speaker mon kwar ki petet timing sa mosyon pa ti ava pli parfe ki lafason ki in tonbe. Demen nou pe selebre sa ki’n ganny aksepte

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

MR SPEAKER

Bon nou a konmans nou travay pou apremidi e nou size i bills en proze delwa pou anmenn National Symbols bill 1996, eski mon annan en motion for second reading.

 

HON FAURE

Mr Speaker mon ti a kontan move ki National Symbols bill 1996 i ganny lir en dezyenm fwa.

 

HON DE COMMARMOND

Mon segonn sa Mr Speaker.

 

MR SPEAKER

Avek sa mon envit Minis pou prezant sa bill.

 

MINISTER BELMONT

Mersi Mr Speaker, Mr Speaker, Onorab manm lasanble, mon annan plezir o non gouvernman pou prezant sa bill National Symbols bill 1996 avek lasanble pour son konsiderasyon e pour son aprobasyon. Mr Speaker konstitisyon Sesel ki ti vin an fors an 1993 in fer provizyon dan son lartik 3 pou annan 5 senbol nasyonal stanp piblik public seal paviyon nasyonal, lim nasyonal, lanblenm Nasyonal e en moto nasyonal. Sa bann senbol Nasyonal i ganny preskriy par lalwa donk prezantasyon sa bill avek lasanble. Mr Sepaker pandan diskisyon konstitisyonel bann parti konserne ti tonm dakor pourki bann nouvo senbol pou 3enm repiblik ava ganny met an plas letan konstitisyon ava met an fors e dan sa lespri Mr Speaker an Avril 1994 cabinet ti deside ki gouvernman i organiz konpetisyon pou konpoz en Lim Nasyonal e konpetisyon pou design en paviyon Nasyonal e osi pou konsider bann lezot senbol Nasyonal mwan menm mon ti ganny apwente mon ti ganny nonmen par cabinet pou servi koman Chairman en komite ki ti pou organiz sa bann konpetisyon e fer swazir bann senbol nasyonal e prezant avek gouvernman. O non gouvernman mon ti envit parti Demokratik e parti United Opposition pou nonm en reprezantan pou travay lo sa komite, Onorab Christopher Gilles ti ganny nonmen par parti demokratik e Madanm Annette Georges ti ganny nonmen par United Opposition e lo kote gouvernman ti annan lezot manm komite Minis Pillay e Minis Ledikasyon e Kiltir, Mr Gilbert Pool konseye dan biro Prezidan, Mr Bernard Shamlaye konseye dan Minister Ledikasyon e Madanm Marie-Therese Choppy.

Mr Speaker komite ti komans son travay an Me 1994 e bann konpetisyon ti ganny lanse an Zen 1994 e komite an lansan sa bann konpetisyon ti ganny gide par lartik 2 6 schedule (7) konstitisyon ki dir ki bann senbol Nasyonal e okenn lalwa ki pou preskriy sa bann senbol i bezwen reflekte Linite Nasyonal e lespri prenan bill konstitisyon.

Mr Speaker konpetisyon pour sa bann senbol ti fermen le 1 Out 1994 e komite ti komans son travay pour fer sa seleksyon e ti konplet sa travay an Oktob 1994 e soumet rekomandasyon avek cabinet ki ti diskit bann rekomandasyon. Mr Speaker kot cabinet ti aksepte rekomandasyon ki stanp piblik National Public Seal e moto nasyonal pa ti ganny sanze an se ki konsern paviyon cabinet ti demande ki komite i soumet ankor 2 ou 3 design pou son konsiderasyon me dan komite pa ti kapab arive lo en konsansis pou soumet sa 2 ou 3 design, e cabinet ti osi demande ki le dernye 6 ki ti ariv dan final le dernye 6 soumisyon ti ganny soumet avek li e sa osi pa ti ariv lo en konsansis dan komite e gouvernman ti demann mwan koman Chairman pou soumet sa 6 soumisyon ki ti ariv dan final avek li pou son konsiderasyon e apre gouvernman ti prezant en white paper avek lasanble isi e lasanble ti diskit sa soumisyon, sa 6 soumisyon final e lasanble ti swazir sa paviyon ki pibliye dan bill dan schedule part 1.

Mr Speaker in napa okenn sanzman ni agrandisman sa paviyon avek sa enn ki lasanble ti swazir, e sa malatandi in ganny rektifye ozordi dan zournal nasyon ki ti en lerer ki ti’n komet pa par entansyon par zournal nasyon. Mr Speaker paviyon dan schedule part 1 i 5 bann oblik ble, zonn, rouz, blan, e ver e i reflekte parey sa dimoun ki ti desinen dir zenn nasyon i pe lans li avek konfyans aver lavenir e kouler ble i reprezant nou lanmer nou lesyel, kouler zonn (Interruptions) i soley ki donn lavi, rouz i lafor sa pep ki pare pou travay an armoni ek lamour pour son lavenir, blan i reprezant lazistis sosyal, e ver i reprezant nou lanvironnman.

Mr Sepaker an se ki konsern Lanblenm Nasyonal an memorial bearings ki dan part 2 schedule i napa gran sanzman ki’n ganny fer me in reflekte bann kouler ki dan paviyon nasyonal nou a vwar ki dan sa 8 enpe anba sa zwazo in antre bann kouler ki dan paviyon nasyonal kouler ble, zonn, rouz, blan, e ver. An se ki konsern Lim Nasyonal Mr Speaker ki dan schedule part 3 komite ti prezant son rekomandasyon avek cabinet ki ti aksepte, komite ti’n enpresyonnen par 3 soumisyon ki ti’n fer, e i ti retravay bann parol e i ti demann sa 3 dimoun ki ti’n fer sa soumisyon pou osi retravay bann parol ansanm ek komite e osi travay lo lanmizik ki akonpanny Lim Nasyonal e sa ti komanse, e plitar enn dan sa bann dimoun pou de rezon profesyonnel e personel pa ti kontinyen epi sa 2 ti kontinyen pou fini pou donn Lim Nasyonal ki prezante dan schedule part 3. Lim Nasyonal dan son premye verse Mr Speaker i eksprim lanmour pou nou patri Sesel e larmoni e lape e lazwa dan ki nou pep i viv e i eksprim remersiman Bondye pour sa, dan son dezyenm verse i eksprim lo nou labote nou pei e son rises e lo bezwen ki nou bezwen prezerv sa labote larises nou pei pou bann zenerasyon ki pou vini, e dan son dernyen verse i demann nou pep pou reste ini pou travay ansanm pou linite lafyerte e dignite e laglwar nou pei i demann tou Seselwa pou koste parey santez i dir koste Seselwa.

Mr Speaker schedule part 4 i prezant President’s standards paviyon Prezidan e ki i parey paviyon nasyonal e ki annan lanblenm nasyonal memorial bearings lo sa bann rouz ki menm zistans an milye sa bann rouz anba lao.

Mr Speaker sa bill i osi fer provizyon pou annan pinisyon ki en dimoun i ensilte ou i annan lentasyon i fer par ekspre pou ensilte nou bann lanblenm nasyonal oubyen pou ridikiliz lanblenm nasyonal i annan en lanmann ki kapab ale ziska 25 000 roupi e i kapab ale osi annan en lanprizonnman ziska 5an prizon. Osi Mr Speaker i annan provizyon pourki personn pa kapab fer servi sa bann senbol nasyonal pou met lo okenn marsandiz okenn lezot keksoz oubyen pou esey deceive avek sa bann senbol nasyonal san ki annan en lotorite sorti kot Prezidan Larepiblik.

Mr Speaker avan mon konplet mon prezantasyon mon ti a oule dir osi ki ti annan en kantite partisipasyon dan bann konpetitisyon e mon oule profite pou remersye tou sa bann dimoun ki’n partisipe, tou bann ki’n ede pou fer marse komite ki mon ti ansarz e osi pou tou bann dimoun ki’n ekonpanni, ki’n servi koman sponsors pou bann pri, i annan konpanni paraitatik, Seypec, Sacos i annan konpanni prive Barclays Bank, Chez Denu, i annan Mr Antoine Kim Koon, i annan Air Seychelles, Mason Travels, Orchid Travels, Space e SBC ki’n ede pou ofer sponsor bann aktivite konsernan sa bann konpetisyon.

Mr Speaker sa bann senbol nasyonal i la pou montre nou lafyerte koman en pep i anmenn dignite i anmenn valer ki nou reflekte pou nou pei koman en zenn pei ki pe al de lavan e i anmennen ki tou dimoun i bezwen fyer pou sa bann senbol e santi li ki i en Seselwa. Sak fwa ki nou paviyon i a flote nou ava resanti sa lafyerte sa lader patriotik, sak fwa ki nou lim nasyonal i ava zwe nou a resanti sa lazwa e nou a rapel sa ki apel nou pou nou viv ansanm koste ansanm tou Seselwa.

Mr Speaker byen ki dan part 3 lim nasyonal i donn bann score mizikal e bann parol, mon’n osi anmenn en tape demonstrasyon ki’n fer par konservatwar de musique e avek ou permisyon petet mon ti a demande si clerk i kapab fer bann manm Onorab antann sa versyon vokal e osi enstrimantal lim nasyonal, e Mr Speaker mon krwar ki i apropriye pou mwan demann tou manm pou nou vot an faver sa bill pourki nou pei i ava al pli de lavan e i a ganny tou sa ki neseser pou fer marse sa 3enm repiblik. Mersi Mr Speaker.

 

PLAYING OF THE NATIONAL ANTHEM

 

MR SPEAKER

Bon sa ti propozisyon nou lim nasyonal, avan nou antre dan deba nou staz prensip e merit zeneral mon oule dir enn de mo, nou probableman pe antre dan enn bann deba enn bann desizyon pli istorik pli emosyonel e sansib, pou sa rezon mon krwar i nou responsabilite regarding lord pou nou fer li kalmeman sa en mosyon e ki nou asire ki nou lenstitisyon i fonksyonnen konbyen parlman fodre fer e pou sa rezon mon oule fer atansyon kont okenn ekspresyon pou fasit kwa ki dimoun anndan kwa ki pou dimoun deor. Avek sa nou antre dan staz zeneral.

 

HON MANCHAM

Mr Speaker mon antyerman dakor avek ou e avek Minis ki ladopsyon dan en nouvo paviyon nasyonal e dot senbol nasyonal i konpri lim nasyonal e reprezant en devlopman tre enportan pou nou pei pou tout Seselwa ki santi li patriotik, pou tou realize finalman nou tous lo sitwayen limenm pti pei e ki nou tou nou bezwen viv ansanm, koste nou zepol ansanm pou fer fas lo challenge e demen. Mr Speaker les mwan dir an priori dan lespri de linite nasyonal mon pou finalman tre kler ki mon pou vote an faver de sa bann senbol konm zot in ganny prezante ozordi e ki mon espere ki sa lasanble nasyonal i a fer sa dan nou lespri de dignite ki zour lentrodiksyon sa bann senbol i arive manyer mon konpran National Day nou tou nou a kapab vreman santi nou de santiman vreman patriotik koste nou zepol ansanm konm de vre ser of Seychelles Soil konsyan ki nou partaz lemenm desten lemenm lavenir lemenm lespwar pou nou pei. Sepandan Mr Speaker konm sa serten lokazyon si vous voulez ki montre e ki pe demontre ki nou pe arive bezwen en lot etap dan listwar pozitif pou nou pei. I annan kelke komanter ki mon responsabilite de fer pour ki nou kapab met the adoption of the new flags and other symbols dan son perspektif kimanyer nou vwar li e pour ki bann dimoun deor i arive a konpran pourkwa ki nou bezwen mete aside catiness, cati outlook i reflekte finalman dan linite e lespri nasyonal i vreman enportan pou nou pei e son lavenir.

Mr Speaker si nou adapte sa drapo par egzanp; ki Minis in prezante ozordi, Sesel i an ganny li 3enm drapo nasyonal depi son lendepandans an 1976, mon vreman espere ki sa 3enm drapo i a dir lontan e petet mon fer lesperans ki kapab vin eternelman. Ti annan nou en drapo dan lepok de lendepandans anfen dan lespri dan sa lendepandans manyer zour ti arive, nou ti’n panse ki nou ti’n ganny nou osi en concess lo sa drapo e sepandan listwar ki demontre ki kelke annen plitar zot ti rezete sa drapo e nou ti adopte nou en lot drapo. Bann drapo parey Minis in dir finalman i konsiste an dir kont frer, mon annan isi avek mwan en liv on the book of all flags ki donn si oule definisyon le flag de sak pei e ki sa bann kouler dapre bann in produce sa bann flag i perform pou reflekte.

Ler mon get dan plizyer pei Mr Speaker mon vwar ki finalman menm dan des pei kot dimoun pe manz kanmarad parey bebet parfwa zot adopte zot en kouler dan zot drapo ki zot dir sa kouler i reprezant lape e la fraternite. Nou isi Sesel fodre pa ki nou’n zis viv an itilizan de mo ler i konvenyan pou nou itiliz sa mo. Le mo pour ki i annan de valer se de mo ki nou bezwen nou tou siporte pa senpleman avek labous me avek leker, avek nou santiman, avek nou emosyon.

Mr Speaker le Minis in fer listwar konsernan bann diferan etat lo devlopman sa drapo ki ozordi in ganny soumet devan lasanble pour ki nou adopte li. I annan mon konnen plizyer de personn menm kelke eleman dan nou lasanble nasyonal ki’n making the point pou kritik sa bann staz ki nou’n pas ladan konsernan ladopsyon de sa drapo. Mwan ozordi mon pa enterese al fer komanter lo sa bann staz la, sa ki ti touzour enportan pou mwan e mon panse pou bann ki siport e share my point of view se ki le 3enm repiblik i ganny li en nouvo drapo ki reflekte ki nou dan 3enm repiblik e ki nou’n live behind 2nd republic, e ozordi i vre ki nou’n pas plizyer mwan e lefe se ki gouvernman atraver Minis in aporte en drapo devan nou e i demande ki nou aksepte nou adopte sa drapo konm nou drapo pou demen pou lavenir pou touzour.

I annan Mr Speaker mon konnen ki pou fer komanter an dizan wi ti dwatet annan en pli gro morso ki ble, en lot i dir ti a pli bon en pli gro morso ki rouz, i annan ki ti a kontan pliz zonn anfen plen argiman plen komanter i kapab ganny fer konsernan le drapo, me personn napa en monopoli lo kouler Mr Speaker, disan tou dimoun i rouz sa lanmer ble ou lesyel ble i pour nou tou, so annan pa take bann point ki speciminded lo zafer de kouler nou tou nou konnen ki pou arive en concessus dan en sitiasyon parey sortan dan en sitiasyon vreman politize zanmen nou ti pou kapab gannyen de akor total menm taler mon’n tann Minis i dir koumsa blan i reprezant lendistris sosyal ki fer mwan demande me sa kot sorti sa enn la.

Mr Speaker nou pa la pou fer komanter lo bann aspe lo sa bann senbol parey le Minis in dir, nou bezwen aksepte an bonn fwa se sa nou lobzektif de vwar ki nou drapo set en drapo ki nou bezwen respekte touzour pou nou lavenir e enn fwa ki nou’n adopte li annou obliye tou sa bann pti kankan tou sa bann pettiness annou akspete ki nou pei i bezwen annan son senbol nasyonal e ki sa drapo se nou drapo se pa drapo SPPF se pa drapo Demokratik se pa drapo UO se drapo tou Seselwa se nou drapo, e nou’n aksepte li la annou respekte li.

I annan serten protocol Mr Speaker ki egzize en serten respe, respe pou bann senbol leta e mon panse ki nou tou ler nou’n dakor pou aksepte e nou pran pozisyon pou siport ladopsyon sa nouvo drapo e prozekalman nou akspete osi nou respekte li ozordi e touzour. Mr Speaker anfen napa gran komanter ki’n ganny fer lo amorial bearings, lo kestyon lim nasyonal mon osi mon panse ki le 3enm lim nasyonal ki nou pe entrodwir dan sa pei nou espere ki sa enn i a reste lontan e a finalman sirpans sa bann zoli mo ki nou ti dir Seselwa fidel partou dan repiblik i bezwen nou an avan avek kouraz an avan kel bon parol se pandan  pa oule fors an tou nou dir in pase i ankor naïve si oule nou pa ankor politikalman mature me petet anfen sa bann parol ti’n ganny konpoze par en konpetisyon ki ti’n ganny fer par St Joseph de Clini bann manmay lekol par mwan pa nou ki ti konpoz sa ti osi ganny konpoze zoli parol, me pou de rezon nou’n rezet sa epi nou’n tonm dan en lot Msye Zonm Lib, nou pa la pou fer komanter so Msye Zonm Lib i ankor la en senbol osi dan serten vetman dan nou pei mon pa konnen si i kontan i la oubyen i pa kontan sa son zafer annou les li anpe ozordi, aprezan la nou’n tonbe dan nou nouvo lim nasyonal e mon panse ki sa ki mon’n antann i en zoli lim e annou siport sa lim nasyonal annou aksepte li osi annou pran li koman nou lim nasyonal e annou gard li koman ankor enn fwa mon dir pou touzour.

Mr Speaker tou sa bann respe o senbol nasyonal i ganny fer osi dan dan le respe de lastriktir de leta the state is the state e leta i ganny respekte, e ler mon antann ki Minis lo size drapo e lezot senbol li osi pe entrodwir punishment pou bann vyolasyon e legzisans de leta konsernan respe pou bann senbol, konsernen osi respe striktir leta, i annan osi en pwen ki mon ti a kontan fer en pti komanter lo la, e mon fer sa ozordi devan prezans de Minis parski tou sa i konsern kestyon protocol. Mr Speaker an arivan lentrodiksyon de sa 3enm repiblik osi nou ti tonm dakor lo sa ki nou apele an order of protocolar precedence, e la manyer mon konpran menm si nou ‘n komanse enn de fwa met aplikasyon sa order manyer mon konpran atraver de anbasad ki le Minister konsernen zanmen in aport sa order of protocola precedence vizavi lentansyon bann lenbasad me mon ti a kontan fer pwen ki le Minis in vini koz avek nou lo size respe pou tou sa bann zafer ki pran sa konsiderasyon, i rapel mwan Mr Speaker enn fwa ler mon ti al get envite pou al regard zwe foutbol ki mon ti war plase dan en pti kwen se ou Mr Speaker san nou respe pou ou propozisyon i vedir ki poudir napa respe pou nou lasanble nasyonal. Akoz sa ti arive? Ou Speaker national assembly, e nou tou ki la menm mwan menm nou ti form en president pou form ou lasanble i owe you respect, e mon napa okenn difficulty ler mon dan lasanble ou also reflekte respect deputy speaker sa ki dir dan lasanble e ler nou tonm dakor osi dan en protocol leta sa osi i dwatet ganny pratike e respekte. Ler mwan mon arive ki mon vwar ki Mr Speaker of the house zot in pran li zot in met li laba dan en kwen pou mwan i vedir poudir zot pe mank respe pou nou lasanble nasyonal e pou tou manm lasanble nasyonal, e mon ti a kontan e an demandan lepep ki nou respekte nou bann dimoun nasyonal osi, ki nou respekte tou le eleman ki si oule en labaz de nou respe for the structure of state, e konm nou pou adopte sa bann senbol la de zour manyer mon konpran le zour de national day nou ekspekte alor ki nou move dan en nouvo sitiasyon, e mwan mon ti a kontan fer en apel a tout dimoun kip e ekout mwan menm si ou pa tro dakor avek manyer sa paviyon ozordi i ete menm zour ou ti panse kouler pa balanse menm si ou pa kontan ki lim nasyonal i ziz an kreol i pa oze an angle ek an franse. Ozordi nou ek bann reprezantan nou pou pran en desizyon sa desizyon se ki nou oule premouvwar dan nou pei linite nasyonal, nou oule annan nou en lim nasyonal ki nou tou nou pou respekte, nou bezwen annan nou en paviyon ki nou tou nou pou respekte e ki nou bann manm ki la konsyan dan nou responsabilite e nou responsabilite an priorite dan sirkonstans aktyel se premouvwar linite annou alors e sa mon oule fer apel osi a tout bann manm ki isi de milze argiman lo background evolisyon ver sa zenografi, annou kontrer met nou dan en pozisyon pozitif e nou a sorti la set apremidi kontan nou tou ki nou’n finalman adopte en drapo en lim nasyonal ki pou demarke ki pou sorti dan dezyenm repiblik ki nou la, antre dan 3enm repiblik ek sa drapo i pa pou okenn parti se des drapo nasyonal de nou pei ki nou aksepte li an ferm konviksyon e avek determinasyon pou respekte li e ki nou pout ret li koman en drapo lim nasyonal pa senpleman ozordi ou demen espere pou touzour.

 

MR SPEAKER

Okenn lot lentervansyon. E si napa nou antre dan lot staz prosedir. Onorab Christopher Gilles.

 

HON CHRISTOPHER GILLES

Mr Speaker, ler en pei i ganny lokazyon pou li kree en nouvo paviyon nasyonal, en nouvo lim nasyonal e reattend son bann senbol nasyonal an zeneral. I en gran lokazyon pou sa pei antye zot tou koste ansanm fer travay dan en lespri linite, lespri fraternite ki sa pei i nobou enn fwa pour tou anmenn tou sa zans ansanm anmenn tou sa pep ansanm, vedir demen ou konnen ou napa bann divizyon ki konsern bann size sitan sansib koman nou senbol nasyonal, nou paviyon nasyonal i afekte nou pep e i perpetuate divizyon antre nou. Pou sa ganny fer Mr Speaker  ki annan serten respe antre tou bann fakter politik antre tou bann reprezantan , i neseser ki sakenn i aport son responsabilite dan en fason serye e en fason onnet serten prezantasyon ki ganny fer bomaten apremidi Mr Speaker i fer mwan mazin ler en madanm i pe menaze dan menm lakour ek son msye, sa msye toultan i bat li, bles son figir sa msye i martiriz li i fer li soufer, ler vwazen i telefonn gard pou tir lager sa madanm ler gard i demann li ki’n arive i dir napa naryen ki’n arive tou keksoz i byen, i demann li be ki’n arive ek ou figir ou’n ganny blese li i dir mon’n tonbe dan peron, peron ti glise napa naryen konstab mersi bonswar.

I annan serten keksoz ki’n ganny dir bomaten, apremidi mon pa pou elabore lo la me selman mon krwar sa analogy i apopriye, nou’n demann rekonstriasyon nasyonal, nou’n fer nouvo konstrisyon, nou’n kree en komite ki Minis

Belmont ti ansarz, ladan ti annan manm SPPF ti annan Minis Pillay,
Minis Belmont ti annan Madanm Choppy, Mr Chamlaye sa komite ti fer tou desizyon lo baz consensus mon pa bezwen elabor lo la nou file i epe lo consensus i ti ganny fer sa. E rezon nou ti fer li baz lo consensus nou ti oule kree en lespri linite dan sa pei kot tou bann fakter politik tou bann diferan eleman dan nou sosyete alafen i ava tonm dakor lo en paviyon e en zour nou ava nobou nou tou zwenn dan laplenn e fer li avek en leker pa akoz i annan en lamann 25 000 roupi.

Mr Speaker deba lo senbol nasyonal kot i konsern paviyon nasyonal i en deba ki konsern en sel keksoz i konsern konpomi kapasite pou sa gouvernman konpomi i konsern senserite e an tou i konsern lentansyon sa gouvernman. Nou ti annan en komite dapre Minis Belmont dan en let i ti ekriy mwan, Minis ti dir mwan sa komite i en komite ki’n ganny formen pou determin nouvo senbol nasyonal zafer pa’n aret la Mr Speaker, sa let ki Minis Belmont ti ekriy mwan ti le 4 Me 1994 Committee for New National Symbols, sa komite ki ti sipoze determin sa bann nouvo national symbols pa cabinet dan nou bann lareg nou ti pibliye dan nasyon le 15 Zen ki ti konmanse nou dir avek lepep de Seychelloise fer monte ou paviyon lo 3enm repiblik, ladan nou ti annan tou bann lareg ki ganny swiv. An tou Mr Speaker nou ti annan 2272 soumisyon dan ti annan 987 endividi ki ti fer sa bann soumisyon laplipar ti bann manmay lekol, napa okenn manm cabinet ki ti fer soumisyon e alor pou sa rezon cabinet pa devret pe mel ladan pou swazir nou paviyon, i pa son rol e i pa ti lentansyon ler i ti pibliy bann lareg, e kantmenm nou’n dakor avek sa paviyon ki pe ganny prezante ozordi swa nou pa dakor i pa nou plas pou dir ki cabinet ti annan en pye pou li etablir swa pou li prezant sa paviyon, sa pa paviyon ki komite ti swazir ti ziz lo la e si lasanble i annan okenn keksoz pou fer ladan se pou li rezet sa soumisyon pou li fer si zo tpa dakor avek sa paviyon pa pou propoz en lot paviyon.

Mr Speaker pou mwan sa paviyon kip e ganny prezante ozordi i reprezant en move volonte lo par gouvernman, i reprezant pou mwan en serten desepsyon i reprezant pou mwan ki petet nou pou toultan kantmenm nou tou nou Seselwa nou tou nou egal anba nou konstitisyon si nou pa dan SPPF nou pou toultan anba zot talon parski zot in donn nou en paviyon ki annan par koensidans menm kouler ki paviyon 2enm repiblik, e ler gard i vin kot nou i demann nou ki arive nou a dir naryen tou keksoz i normal sa bann problenm, fodre pa nou obliye Mr Speaker dan dernyen eleksyon 1993 ti annan 40% sa popilasyon ki pa ti vot pou SPPF alor cabinet Ministers napa okenn lotorite pou prezant nou avek en paviyon koumsa byensir i ava pas lalwa isi ozordi byensir Mr Rene i ava siyen i ava prouve ki selman zot napa okenn lotorite moral pou fer li, zot dir sa triang i ble dan sa paviyon i pa reprezant okenn parti politik zot dir sa ver, blan, rouz i pa reprezant ou dernyen paviyon…………

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

HON RAMKALAWAN

…………..sa zournen ti ganny selebre anba tenm koste Seselwa e ki sanmenm sa zour ki bann nou vo senbol ti antre an fors si nou pe koz lo demen kan konstitisyon ti ganny aksepte par lepep Seselwa sa ti osi mars petet en nouvo konmansman 3enm repiblik e depi ki sa 3enm repiblik in konmanse nou’n koz bokou lo travay ansanm, Mr Mancham in koz lo rekonsilyasyon nasyonal nou tou nou’n koz lo koste ansanm pou fer marse pei e ozordi letan nou’n koz lo pei Sesel nou lo stabilite politik e stabilite politik byensir i tonm about parski tou bann zwer prensipaldan pei pe cool ansanm pe donn lankourazman ansanm napa en group ki pe fer vyolans apre en lot group ki pe fer isi fer laba sabotaz ensidswit, alors tou sala i ganny dekriy koman stabilite politik e i ed nou pei pou li grandi. Set en pe dan sa konteks ki mwan mon pe mazinen ki petet ozordi 5an pre ki 5an depi ki nou’n antre dan 3enm repiblik menm parey ki apre anviron 3an ki nou ti’n antre dan 3enm repiblik ki nou ti ganny bann nouvo senbol lefe ki keksoz konmsi i pran enpe plis letan nou anvi nou ti kapab koz avek enpe mwens agresivite pa parey an 1993, petet mon mazinen ki ozordi in arive sa moman kot nou kapab petet dan en fason rezonnab avek en lespri kalm pou nou regard enpe non nou bann semen dan Sesel e mon mosyon i ape demande k ii annan en komite nasyonal e letan mon pe dir en komite nasyonal mon’n spesifye enpe mon’n mansyonn tou bann akter politik e mon’n osi mansyonn bann lezot lorganizayon sosyal ki kapab koman sa komite i zwenn e regard enpe tou bann non bann semen Sesel e letan mon pe dir regard bann non semen dan Sesel oubyen non bann landwra osi mon pe dir regard tou e avek sa sa komite byensir i ava fer son propozisyon i ava deside pou gard serten mon mazinen mazorite petet i ava deside pou sanz serten e fer bann propozisyon. Letan nou regard non bann semen dan Sesel nou dekouver ki bokou laplipar bann semen in dekouver apre bann personalite Quicy, Stevenson Bel Ombre, Lari Angar ensidswit tou bann diferan personalite, petet osi i annan bann nouvo non osi tou ki pe ganny monte la ki ankor enn fwa i depict bann dimoun ki’n reste dan sa serten landwra, e apre sa nou ava dekouver Mr Speaker ki annan bokou  non bann landrwa oubyen bann semen ki al enpe plis avek lanatir parey Bel Ombre, Bel Eau, Sans Soucis tou sala i ale plis avek lanatir e menm annan serten nou bann zil apart ganny non par egzanp Mahe, Silhouette i ganny en non ki ale plis avek lanatir parski ou a kwar toultan i dan en Silhouette, e nou dekouver osi ki poudir i annan en nespes nou kapab dir sa en dezord ki pe arive osi la pou le moman kot par egzanp; nek zis dimoun i donn non bann landwra e malerezman oubyen erezman whichever parski mwan mon ase neutral lo sa size kot sa bann non epi i reste par egzanp 10an pase ti napa Canada Beau vallon, 10an pase ti napa Zimbabwe loPralen, 10an pase ti napa Etyopi lo Grand Asne Mahe, oubyen ti napa Johanesburg anler St Louis oubyen ti napa Gaza dan Ans Aux Pins, Berlin, Monte Carlo, Cameroon tou sala nou tande konmela ki zis bann non ki pe vin enpe an gran gran konmsi ki pe vin nespes dezord e sa pou mwan personelman i en pti git konsern parski nou ti ava kapab fasilman met bann non, bann non ki serye bann non ki petet ki ti ava ed nou osi avek listwar nou pei, nou’n osi konnen ki poudir apre koudeta an 1977 ti annan serten non e serten landwra ki ti zot non ti sanze, zot non ti sanze zisteman pou reflekte sa lespri ki ti ape la prospe ki ti ape relye dan pei, par egzanp; lefe ki ti’n annan bokou koze lo revolisyon donk ti annan Revolution Avenue ranplas Lari Royal, semen ki pas Bel Eau ki ti apel ………road avan ti sanze ti vin Liberation Road, Gordan Square ki ti ganny nonmen apre General Gordan sa boug ki ti dir ki Vallee de Mai isi Sesel donk i ti pe dir isi Sesel i paradi li i ti sanze i ti vin Freedom Square, Queens Building obor lorloz ti sanze ti vin Liberty House, National Stadium ti sanze ti vin People’s Stadium Stad Popiler tou sala sete bann non ki parey mon dir letan nou pe asize avek en nou pou dekouver sa pe depict en serten keksoz ki pe arive a sa moman, e alors ti santi poudir i enportan pour ki sa bann non semen i ganny mansyonnen, in annan osi bann lezot non semen ki’n ganny nonmen par egzanp;Lari Francis Rachel ankor enn fwa dan sa menm lespri parski Mr Francis Rachel ti enn sa dimoun ki ti dan sa group dimoun ki ti dan kou deta ki ti perdi son lavi alors deside dan son loner ava donn non en semen e an prensip se sa lafason ki en semen i ganny son non par egzanp; semen serret i ganny son non akoz ti annan en madanm ki ti apel Madanm Serret ki ti reste laba. Apre sa osi petet in annan serten in annan dan pe rod bann non in osi petet osi letan nou look abck nou trouv serten fot par egzanp; Lari Castor si par egzanp ou demann bann istorien Seselwa bann istorien ki enterese ek listwar Sesel zot pou dir avek ou ki Castor pa ti devret donn ou sa loner parski Castor ti en tret, Castor li ki i ti fer letan bann lesklav ti sove partou li Castor i ti al rod zot e letan i ti konnen kote zot ete i ti al raporte pourki zot ti ganny arete. I annan bokou dimoun ki ava dir avek ou ki olye apel lari Castor petet nou ti’n devret swazir Ponpe, akoz Ponpe li ti en lesklav ki ti ganny touye ki ti ganny an realite son lanmor ti enn ki kreel akoz sa letan ti annan death penalty me lefe ki ti napa personn pou pann li ki zot ti fer la kot La Riviere Mousa i pase zot ti met li dan en pti lakaz e zot ti bril li, zot ti bril li vivan, e parey nou pe dir Ponpe li okontrer i ti enn sa bann lesklav ki ti montre enpe plis kouraz e li ti ape debout pou li travay pou liberayon bann lesklav pou li trouv lafen lesklavaz. Alor petet tou sala i ava ede letan nou ape fer sa lalis pou nou regard nou bann semen ensidswit pou nou regarde me kimanyer sa bann keksoz i ete. Ou konnen Mr Speaker letan par egzanp ozordi an 1997 letan nou regarde ki menm lo nivo nasyonal ordinerman zot osi dir avek ou ki en non en landwra i ganny donnen apre ki sa dimoun in mor, e letan ou regarde par egzanp dan listwar politik Sesel depi avan lendepandans e apre lendepandans nou’n annan kantmenm bann personalite ki’n zwe en gran rol ki’n zwe bann rol enportan dan sa listwar politik par egzanp ozordi letan nou regarde nou kapab mansyonn Mr e Mrs Guy Sinon, Mrs Sinon par egzanp ki premye Minis fanm dan listwar Sesel, Mr Guy Sinon nou konnen i en dimoun ki tou konmsi love by tou dimoun from le diferan parti politik, nou annan par egzanp lo nivo Pralen, Pralen nou mazin Mr Stanley Perrera ki ti la dan sa premye komisyon konstitisyonel ki ti zwenn Langleter, nou annan osi Mr Ari Payet ki premye Seselwa ki ti form premye parti politik Sesel e ki tou dernyenman in kit nou, ki vedir nou annan en sense of history avek nou bann Seselwa menm donk petet parey mon pe dir sa ki mwan mon pe propoze se ki tou sa bann diferan non i ganny mete anba microscope i ganny etidye e apre sa regarde ki manyer lezot keksoz i ete, e la letan mon ti pe mazin sa mosyon mon tip e mazinen osi ki petet ti ava bon ki nou annan osi serten petet sa menm komite ki ganny formen lefe ki annan diferan semen ki pe ouver diferan batiman ki pe monte, par egzanp tou dernyenman la ti annan en konpetisyon pou nonm batiman Minis Zafer Etranzer e finalman ki ti ganny swazir sete Maison Queau de Quincy, petet i annan serten dimoun ki ava dir be akoz ki i mean nou deza annan semen Queau de Quincy ki i deza annan en serten lenportans li son stati i anler kot State House ki alors akoz ki ou ale ou al donn Queau de Quincy non sa batiman ankor enn fwa, serten dimoun a dir be kekfwa sa koneksyon Franse be i bon ki konmsi lo diplomasi ki lepep i tre pre avek LaFrans ki alors i donn pou onor en sitwayen de Franse me petet en lot dimoun e mwan mon enn sa bann dimoun ki petet mon ti ava plito krwar ki petet Maison Guy Sinon ti ava pli apropriye parski donn loner enn nou Seselwa ki’n la e ki’n debout pou dwa Seselwa ki la. Donk ki mon pe dir ki sa komite petet i ava kapab osi annan li sa latas pou li regard bann nouvo non ki pou donn bann nouvo landrwa alor i ava fer enpe plis sans, par egzanp lotrozour Bel Ombre laba in fer ti annan sa nou exit ki apel li Beau Bel ou vir li lot kote i vin Bel Beau, ki petet nou ti ava donn li en keksoz pli konkret parski it does not mean anything par egzanp ou pran en bout dan Beau Vallon son Vallon ki beau, Ombre son Ombre ki belle be la aprezan Beau Bel, ou konnen fodre nou Beau i maskilen Bel i feminen ki alors ankor enn fwa petet nou ti ava kapab regard enpe tou sa bann zafer, e ki nou ti ava annan nou en pli gran sans listwar osi konmsi pe move avek sa bann keksoz ki pe arive otour nou e letan mon pe regard lo ki bann dimoun ki petet ok parti politik li letan mon’n nonm komite mon’n nonm bann organizasyon politik parski mon mazinen ki poudir bann non i osi annan en konotasyon politik e daryer si ou pe nonm Lari Quincy i annan en konotasyon politik si ou pe nonm Lari Albert ou pe nonm en konotasyon politik mon mazin France Albert ki sa letan li i ti la. Donk parti politik li ava mansyonn sa bann dimoun e apre sa letan ou pe regard bann lezot organizasyon sosyal e petet osi bann dimoun ki konn enpe plis nou listwar par egzanp; dan nou pei ozordi letan i ariv en senp pti keksoz kot nou bezwen al fouy enpe dan listwar ou ava trouv Mr Durup ki travay la kot archives, e i enteresan ekout Mr Durup parski i fouye i fouye i vreman anmenn ou lespri byen an aryer e ou annan en pli gran sans pou ou konpran ou listwar li menm. Ou annan Mr Duvan i osi en lot dimoun ki konmsi en nespes encyclopedia vivan lo Sesel e lo la rezyon, mon annan Mr Lione osi en lot dimoun pourki nou annan gran respe mon anvi dir sa se sa bann dimoun ki serye bann dimoun ki pa ni pe rod en kote lo lot kote me bann dimoun ki pou tal lezot keksoz parey zot ete, e parey nou konnen osi par egzanp; Baie Lazare, Anse Boileau i toultan annan sa gran konfli si Lazare Picault ti aret Baie Lazare i ti land Baie Lazare oubyen si, i annan sa deba ki kontinyen e listwar i montre nou ki finalman ki Lazare Picault finalman i pa ti zanmen aret Baie Lazare i ti aret Anse Boileau me ki in annan en konfli me in annan serten fot osi ki nou bezwen viv avek me tousala pou nou nobou fouy enpe plis.

Alor Mr Speaker mwan parey mon pe dir ki mon mosyon se annou etablir en keksoz annou etablir en komite ki ava regard non sa bann semen partou e apre sa zot ava come up avek en serten propozisyon e tousala parey mon pe dir dan sa lespri le 18 Zen dan sa lespri ki ava ed nou pep enpe plis ede pour efas enpe bann memwar ki pa tro agreab me anmenmtan osi sa ki pli enportan se pou nou al an avan e pou nou viv pli byen koman en pep. Mersi bokou.

 

MR SPEAKER

Okenn ki segonn sa mosyon. Onorab Mancham anmenmtan oule koze.

 

HON MANCHAM

Mr Speaker, mon’n ekoute …..sa ki Onorab Wavel Ramkalawan in dir parlan an sipor son mosyon ki’n apwent National Committee pou etidye kestyon sanz non bann semen anfen si nou dir semen osi akoz nou pa konsider menm sanz bann non bann landwra Sesel. Mon sisire ki Onorab Wavel Ramkalawan i ganny motive avek de noble motif e ki si i kontinyen dan semen konmsa ki petet en zour zistifye pou nou osi nonm en semen lo son non semen Ramkalawan si nou panse poudir Ramkalawan i enpe tro gran petet i ti a dakor nou ti dir semen Ramka e sa zafer ki datet deside, le moman tou boug in ale ti pou napa kontrol manyer zot pou apel sa semen menm si ou pou apel li an son oner.

Mr Speaker le pwen se pandan…..le pwen ki Onorab Ramkalawan in souleve sa de pwen ki tous a de soz enportan tre fondamantal konsernan listwar de nou pei kan i pou vwar sa zistwar ozordi, demen, eksetera zot dir mwan poudir listwar i annan en very long term perspective. Konsernan sanzman bann non les mwan dir Mr Speaker konsernan bann non, mwan mon pa dakor ki nou adopte en polisi de sanz non pou suit si vous voulez the mood of any political party ki vin empire ou swa ozordi ouswa demen ouswa apre demen. Mon dakor poudir anfir anmezir de nou evolisyon ler i annan de bezwen a donnen pou onore en sitwayen ou dot personn de fer dibyen a nou pei nou a kapab donnen zot non i annan pa zis semen i annan dot keksoz ki nou kapab nonmen apre sa bann dimoun la, e nou kapab nonmen osi nouvo semen. Sak semen zot ti ganny nonmen ti annan en rezon akoz zot ti nonm li e sa i fer parti e de zistwar, Gordon square parey ti dir ti Gordon Square it was named after son body who is very closely linked avek listwar de no Sesel, ou pa kapab tire le non de General Gordan dan listwar Sesel parey Onorab Ramkalawan in dir se le gran msye ki ti ganny si vous voulez dan liberte lekspresyon de dir ki Seychelles is paradise on earth, rezon ki en zour Gordan Square obliye sa in vin Freedom Square. Ler ou pas mon a lot kestyon Liberation Road ki Liberation Road ankor nou ti lib nou ti touzour lib e en sistenm ler nou tip e viv colonial angle ti deside pou larg nou sepa konbyen letan alor nou ti liber de kwa angle ti’n fer politik pou larg nou alor sa term Liberation Road sa en non motive dapre mwan pa de propagann politik ki nou bezwen strong enough to forget, Rue de la Revolution, ki la revolution nou oule tou lazournen nou mazinen kestyon revolisyon, ki’n pase ki revolisyon, e sa nou ti annan nou en semen ki ti konmemor vizit isi de prens dir se en boug nou ti koloni Britani zot ti vini in pas la nou’n apel sa tou of pou komemor lefe ki en zour i ti vin la, sa ki mannyer i apele konmela mon krwar li menm li Liberation non li menm. Anfen sa i fer mwan si vous voulez rapel tout a ler menm mon fek sorti dan en komite kot en pake bann manm siporter de mwan in vin dir mwan poudir ler mon pa ti la video in pase lo le 5 Zen pake mansonz pase distorsyon anvi ankor enn fwa e fer viv ere e pase ki nou bezwen eseye oubliye. Demen se lafet nasyonal nou tou nou bezwen al sa wi ou non, nou pa forse egzaketman e petet nou pa pou vini osi be si nou pa pou vini se en  kriy down ki lepep i a la potan i a konpran akoz nou pa’n vini i a konpran akoz nou pa’n vini e ou pa kapab lager avek laverite parski demen lepep i pou konnen i pou konpran la verite. Sanmenm sa dan sa lespri ki nou pe mars ladan nou tou nou bezwen konpran ki nou bezwen fer fas a nou la venir dan en fason entelizan pou nou garde sa fraternite ki nou bezwen ki nou antann Prezidan i koz lo la Share & Care pa senpleman zis nou koz lo la fodre nou feel that we really care and we are really sharing, ou care selman ou fer mwan ganny viktim sepa ki bann propagann baze lo en politik which we must live behind. Ou war sa mosyon set en mosyon ek bokou denplikasyon se pour set rezon ki mon panse nou’n ariv nou dan en koz antye dan nou zistwar kot nou tou nou bezwen regarde ki pe pase deor e kot nou isi ziska prezan nou annan nou en lape en larmoni en fyerte ki nou’n fer nou en linite nasyonal ki pe pase i brazaviz sepa ki kote me i fer nou tou tris i fer nou tou per nou’n pase dan en serten prosesis de listwar viktim de plizyer sirkonstans ki nou panse ki manyer nou met sa pou ganny analize plitar par istorien ki pa pou ganny enflianse by immediate pressure, les sa a kote pou le moman akfer ale parey zot dir wake up sleeping dogs fer pake kontrovers enflikte emosyon, mon fek sorti dan en meeting la mon’n arive mon pa ti konpran ditou zot anmennen zot anmenn en video zot in zwe avek mwan ou war nou annan nou moniman zonm lib e sa ou kapab get lo li lo de kote enn i kapab dir wi sa i senboliz en kalite liberasyon en kalite devlopman lot i kapab dir sa i senboliz suppression sa i senboliz 15 years of all party state eksetera fodre nou arive nou mind full i lock poudir i annan de keksoz vol byen ki nou keep quiet about ti pa la pou al glorifye, akoz ler ou glorifye li pou en kote ou pe afekte lot kote ki lo sa baz i fer bann de nou ki an konsyans i committed pou pourswiv en politik de genial national reconciliation difisil parski ler nou war nou antoure avek bann distrik reporter ki pe donnn sa legzanp sa legzanp sa legzanp mon pa war nou kapab kapab defann se pandan si sa politik reconciliation national i feb nou pei pa pou gou nou pa kapab viv dan en pei then a demokrasi first past the post ou pase ou ganny 51 ou ganny 59 ou ganny 60% i annan en lot 40 la si me frer zanmi konfrer lepep Seselwa nou pa realize ki ler i demande ki vreman nou eseye travay ansanm pa baze lo prezidis me gouvernman en vre commitment travay ansanm annou really care annou really share nou lavenir pa pou zoli.Nou annan nou en meyer pei du monde nou annan nou legzanp akote nou, mon fer sa lapel lo baz de sa mosyon ki devan nou parski i annan konotasyon e nou tou nou kapab travay ansanm. Ou gouvernman ou annan ou mazorite se ou devwar se ou privilez an gouvernen me pa pou priviliz e itilize sa pozisyon pou fer reviv en morso de listwar ki fer nou pase konmsi nou bann dimoun ki ti aporte en pake prezidis vizavi lepep Seselwa kan nou tou nou ti zenn nou tou nou ti naiv nou tou nou ti war politik sakenn dan son kote se pour set rezon ki mwan mon dir ler nou konsider sanzman non osi fer byen atansyon non ki nou’n donnen les li la. Mr Francis Rachel in zwe son rol okay les li la ou’n donn li son non me selman ou ti a pli kontan ou ti an donn li non en nouvo semen olye ale tire non ki ti’n fini donnen en lot semen ki nou ti’n abitye avek. Mon pa pe fer tousala pou fer politik de parti mon enterese avwar a nou pep nou tou nou kapab viv travay ansanm dan sa pti pei kot nou pase nou war kanmarad e pou nou kapab fer sa fodre nou annan en baz vizavi nou baze lo nou elekte avek en politik vreman sirkil genially to care and genially to share. Mersi Mr Speaker.

 

MR SPEAKER

Nou pou pran en break la ziska 3.50.

 

MR SPEAKER

Mon oule fer sorti ki sa ki mwan mon konsider paramet relevans dan sa deba. Sa ki mwan antre dan deba Onorab Ramkalawan pli zourmwen in koz lo prensip deryer son mosyon i pa rol sa deba pou al fer travay ki sa komite i sipoze al fer lobzektiv se formasyon sa komite pou etidye bann non bann lari swa pou garde swa pou sanze e pa lo kestyon landrwa oubyen zonm lib oubyen lo sinifaksyon ou zistifikasyon le 5 Zen oubyen liberasyon. Vwala paramet relevans mon’n permet enn de legzanp an pasan e apart sa mon espere zot tou zot byen konpran sa paramet relevans.

 

HON FAURE

Mr Speaker mon pou straight forward lo mosyon Onorab Ramkalawan, mon pou straight forward akoz parti mazoriter i en parti ki’n ganny mete dan sa lasanble baze lo en lavwa en lavwa signifikan ki lepep in vot nou pou isi dan sa lasanble e Onorab Ramkalawan i isi dan sa lasanble akoz i reprezant 4% lavwa lepep ki’n met li isi dan sa lasanble. Mr Speaker nou parti parti SPPF i krwar dan sanzman e in entrodwir sanzman e ler sanzman i neseser pou vwar ki lepep i kontinyen devlope e kontinyen epanouir. Parti SPPF i krwar dan linite i ti krwar ladan plizyer lannen pase i krwar ladan ozordi e i pou krwar ladan dan lavenir.

Katriennman Mr Speaker nou’n viv en letap enportan dan nou listwar ler serten i koz lo letap parti inik dezyenm repiblik i annan ki gognab sa parti listwar e i annan ki rekonnet sa parti listwar, me let it be e les li reste ki nou’n viv atraver sa letap and it is a fact of life e nou pa kapab sanz we’ve gone through it ki ozordi nou dan en lot letap nou dan en letap 3enm repiblik e en letap kot nou pe get lavenir nou pep e lavenir nou pei. Nou pa kapab sanz nou listwar e nou pa kapab distort listwar e sa i anmenn mwan lo mosyon Onorab Ramkalawan, Mr Ramkalawan mon ti a kontan dir ou klerman ki parti SPPF i krwar ki tousa bann non bann semen ki la ozordi i form parti nou listwar e nou osi krwar ki lefe ki form parti nou listwar SPPF i fer statement ki tou sa bann semen will  remain as it is parey i ete konm parti nou listwar e as long as SPPF i lo pouvwar nou pou kontinyen dir e enforman that nou’n pas atraver listwar e sa bann semen pou reste parey e lo la Mr Speaker nou pa pou negosye okenn sanzman okenn semen e se pour se la dan konklizyon Mr Speaker nou pou onnet avek Onorab Ramkalawan parti SPPF pa war nesesite okenn komite pou ni etidye sa bann semen pou form parti nou listwar avek okenn tantativ pou sanze les zenerasyon grow up to know what happen e annou pa zis penn li efas li konm kwa ki Seselwa pa’n viv dan sa prosesis i annan ki kapab dir ki sa letap in anmenn bokou keksoz pou zot i annan ki kapab koz lotreman me let us agree to disagree ki nou’n viv sa letap and nou pa kapab efas sa letap. Sa letap i form parti nou listwar and let it be like that me as we stand today ki nou pe regard ver lavenir nou koman en parti responsab nou bezwen kree lanvironnman for more progress more prosperity e mon krwar Mr Speaker nou nou pa ti a kontan fer okenn ipokrizi avek sa mosyon e mon krwar i tre enportan pou Onorab Ramkalwan konn pozisyon SPPF e mon repete SPPF i dir ki tou sa bann non non bann semen i reste parey akoz i form parti nou listwar en letap dan listwar politik nou pei e se pour sela nou’n demann lasanble pou vot kont sa mosyon akoz napa okenn lesisite pour en National Committee. Thank you Mr Speaker.

 

HON CHRISTOPHER GILLES

Dabor mon kapab dir ki mon santi mwan  byen sanse pourki mon’n ganny lokazyon pou ekout pozisyon parti SPPF lo sa size, pozisyon Leader of Government Business, Onorab Danny Faure e anmenmtan ekout prezantasyon Onorab Ramkalawan e prezantasyon Onorab Mancham. Rezon mon santi mwan enpe sanse Mr Speaker se parski le senp rezon ki avek prezantasyon sa 3 manm lasanble zot pozisyon ki zot tenir ozordi dan nou pei zot pozisyon ki zot annan dan listwar nou pei in plizourmwen en pozisyon si oule mwen si plis me nou plizourmwen dan en pozisyon global konsernan sa issue. Mwan menm mwan ler le 5 Zen ti pase mon ti annan mwan 13an mon pa ti form par sa listwar mon pa ti form par sa lokazyon mon kapab dir sa lepok koman en zenn 13an mon pa kapab dir ki mon ti santi mwan victimize par le 5 Zen. Me selman ozordi mon trouv mwan dan en pozisyon pe debat lo sa mosyon konsernan sanzman bann non bann semen dan nou pei ozordi, mon kapab dir le 5 Zen limenm pa ti annan okenn lefe lo mwan direkman koman en zenn 13an me selman Mr Speaker mon’n swiv listwar nou pei dousman dousman lannen vini lannen ale mon’n swiv zistwar bann problenm ki Prezidan ti pe fer fas avek problenm ki Seselwa ti pe fer fas avek bann divizyon ki ti egziste antre nou koman en pep nou ti war li atraver nou bann Seselwa ki ti egzile Langleter Seselwa ki ti egzile Sid Afrik nou ti war li partou parski ti annan en serten divizyon parski ti annan serten dan sa fanmiy ki nou dir la fanmiy Seselwa ki pa ti dakor avek sa progranm ki ti pe ganny avanse ki pa ti dakor avek sa sistenm gouvernman ki ti pe promete. E annefe Mr Speaker nou ti annan serten keksoz dan sa listwar ki ti ganny fer ki petet bokou Seselwa pou dir pa ti accurate i pa ti telman listwar i ti en fabrikasyon mon a donn ou en legzanp; Mr Mancham li in mansyonn nou Lari

Revolution i poz nou en kestyon avek tou manm dan lasanble i poz en kestyon avek tou manm Seselwa i demann nou ki revolisyon mon remarke Onorab Faure dan son prezantasyon i pa’n dir nou ki revolisyon i pa dir nou mon lir en dokiman la i dir nou le 4 Zen Prezidan Sesel ti President Mancham i ti en Seselwa parey Onorab Faure parey Onorab Chow parey tou dimoun dan sa lasanble i ti en Seselwa i ti en Prezidan dan sa pei selman apre le 5 Zen zot sanz non en semen zot apel li Lari Revolution mwan mon pran sa koman en Seselwa ki pa ti ganny afekte direkman avek le 5 Zen mon pa ti realiz sa sa lepok la mon lir li ozordi mon pran li koman en konfizyon en distorsyon e petet i merit en komite pou sanz sa bann keksoz parski ler linyon sovyetik in kit Sesel ler cold war in fini Ameriken in pran son baz in ale alafen nou annan zis nou Seselwa pou koste ansanm pou fer keksoz marse ou pou fye lo lekel sa voyaz lekel ki pou enterfer zot dan bann zaksyon prive koman en nasyon nou nou pou bezwen rezourd nou bann problenm nou menm e tou le 5 Zen ler nou pas ladan i annan en kantite keksoz ki ofans nou en kantite keksoz ki ofans nou…… (Interruption by Mr Speaker).

 

MR SPEAKER

Onorab Gilles deba i pa lo le 5 Zen mon’n fer sa kler depi lo komansman mosyon i lo formasyon en komite pou etidye non sa bann lari kwa ki ou dakor ek sa bann non kwa ki ou pa dakor avek sa bann non apart sa mon’n les enn de legzanp.

 

HON CHRISTOPHER GILLES

Mr Speaker mon deba i plizourmwen konsernan bann non pou sa bann semen parey Lari la Revolution i en keksoz ki incidental coincidence ki sa 5 Zen i form par sa diskisyon alor mon bezwen prezant mon largiman manyer mon war li e sa i relevant…. (Interruption by Mr Speaker).

 

MR SPEAKER

Mwan ki desid relevance e mon’n fer kler paramet relevans sa i rol sa komite si i ganny formen.

 

HON CHRISTOPHER GILLES

Wi, Mr Speaker parey mon’n dir sa komite i neseser sa komite nou bezwen li, nou bezwen li parski si nou pe mars dan en semen kot nou oule war plis rekonsiliasyon nasyonal ki senser ki vre si nou oule mars nou dan en semen kot nou oule travay an partenarya retravay…… 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

HON CHOW

Nou oule travay ansanm pou batir sa pei avans li, nou bezwen annan en komite parey in ganny prezante dan sa mosyon pour ki nou kapab diskit sa bann non sa bann semen ki bezwen ganny sanze pou diskit sa bann non ki vre nou vre listwar pour diskit sa bann non ki petet reprezant en vre listwar ki petet i reprezant en fabrikasyon Mr Speaker nou bezwen diskit sa e mon vwar li vreman neseser e se pour sa rezon ki mon pou donn Onorab Ramkalawan konpletman entyerman sipor pou sa mosyon. Konsernan sa bann semen Mr Speaker en keksoz ki mon war pandan sa bann lepok tou le lannen zot paviyon SPPF partou lo sa bann semen menm Pralen nou pe al dan (Interruption by Mr Speaker).

 

MR SPEAKER

Relevance, nou pa pe koz paviyon nou pe koz semen.

Deba i lo semen, bann non bann semen pa paviyon.

 

HON CHOW

Mwan mon krwar Mr Speaker nou devret envizyonen ki sa komite ler i ganny formen petet pa ozordi pa demen me selman mon konnen en zour i pou ganny formen li e ler i ganny formen sa komite li menm pa pou dir sanz bann non bann semen sa komite pou determinen ki annan pou ganny plase lo sa semen ki kalite paviyon pou flote lo sa semen…. (Interruption by Hon

Faure).

 

HON FAURE

Clarification Mr Speaker ki i pe insinuate.

 

 

HON CHOW

Mwan mon krwar nou devret extend bann paramet sa bann komite konmsa parski ler ou pe pey sa bann zonm sa bann madanm sa bann bon madanm Seselwa pou asir ou ganny komite pou fer louvraz nou pa kapab zis pe vini pe ganny en perdium zis pou sanz en non, zot bezwen menm determinen ki kalite paviyon i kapab ganny anvole lo en semen.

 

MR SPEAKER

Relevance, mosyon li menm in fini fer kler ki manda sa komite. Dan sa mosyon limenm in dir ki manda sa komite.

 

HON FAURE

Mr Speaker but serious declaration ki pe fer ki nouvo paviyon ou annan en lot paviyon apart sa enn la.

 

HON CHOW

Mon referans i  plizourmwen paviyon parti SPPF mon pa konnen akoz ou pe fatig ou, ou pe sey retourn lo mon topic ou pe dir mon relevance Mr Speaker pe dir mwan relevance ou pe enterfer lo mon debat les mon koze fini mon zafer vot non.

 

MR SPEAKER

Si nou ti a kapab tourn lo mosyon ki devan nou.

 

HON CHOW

Wi Mr Speaker sa national komite ki pe ganny propoze par Onorab Wavel Ramkalawan i pou en komite ki pou ganny formen e parmi sa komite pou annan tou bann fakter politik sa i enkli SPPF ki kontan gard son bann non son bann semen i pa oule sanz okenn non i pou enkli parti demokratik United Opposition i pou enkli tou bann eleman politik dan sa pei. I pou enkli tou bann lorganizasyon sosyal ki annan okenn enplikasyon ki annan okenn keksoz ki annan pou fer konsernan non en semen sa i kapab enplik legliz Protestan, Anglikan, Katolik i kapab enkli la relizyon Hindu Bahai i kapab enkli bann Islam tou bann relizyon, non i pa en pei antye i senpleman en komite ki annan reprezantan sorti dan tou sekter e la sa komite li i pou zwenn e zot zot pou fer determinasyon pou fer kwa zot pou fer en determinasyon swa pou garde swa pou sanze bann non tou sa bann semen Sesel e mwan mon krwar ler komite koumsa i ganny formen lanmenm la bann reprezantan SPPF zot kapab vini pou dir Lari Revolution i devret reste parey i pa devret sanze bann manm sorti dan lopozisyon zot kapab dir Lari de Revolution i bezwen sanze pou bann rezon ki nou’n detaye pli boner, si ou annan en komite konmsa sa deba i pa ganny fer lasanble ansyonal sa bann deba i ganny fer dan en komite dan meeting ou bann minutes i ganny limite nou konnen ki pozisyon SPPF lo sa pozisyon lo tel size ou konnen ki pozisyon lot lot apre zot pran en vot me selman la diferans Mr Speaker se prensipalman la diskisyon ou annan sa kozri ou annan sa sitiasyon kot ou pe partaz bann nide ek kanmarad ou pa pe zis pran en keksoz dir en serten lorganizasyon sosyal politik pran swa kite ou pa pe dir zot keksoz i konmsa gras a zot lizye pran ou semen ale fer manyer ou anvi fer ou pe montre ki ou en Seselwa nou tou nou bezwen annan en serten respe pou listwar nou bezwen annan en serten respe o long sa bann semen e nou bezwen annan en serten respe pou kanmarad. E ler nou annan sa bann respe konmsa Mr Speaker mwan mon krwar nou pe swiv lespri sa mosyon lespri sa mosyon i senp mon war l ii senp lespri sa mosyon i en lespri ki dir nou annou koman en Seselwa pa ensilte entelizans kanmarad annou pa propaz bann seri lo televizyon ki fo ki bat latet dimoun apel en semen en serten non apre nou konnen i pa nou realite. Alor pou mwan Mr Speaker mon pe vot an faver sa mosyon mon donn Onorab mon sipor 100% e mon felisit Mr Mancham li menm pou bann statement ki’n fer ki ase profon parski nou tou dan lopozisyon nou’n santi sa konfizyon ki’n pase detwra semenn e se pour sa rezon mon pou aport mon sipor antyerman pou vot an faver sa mosyon. Mersi.

 

HON DE COMMARMOND

Mr Speaker mon pou konmanse par quote Onorab Chow pli boner sa lannen dan lasanble Onorab in dir e in toultan dir si oule touy en bon nide nek form en komite. La nou oule fer komite ankor pou sanzman semen mon krwar ankor ki en keksoz ki pa volapenn, akoz i pa volapenn akoz mon asire mwan ek Onorab Gilles e lezot ki’n koze ki si ou al form en komite pour desid lo swa nou pou gard non sa bann semen oubyen pou sanze nou pou vwar ki lo sa komite pou annan lamazorite SPPF e lamazorite SPPF pou dir gard sa bann non eski alors nou pa pe zis gat letan sa lasanble.

Mr Speaker i paret mwan osi ki laverite i ofans son met akoz ki dan sa pei nou anvi kasyet laverite akoz dan sa pei nou anvi refas listwar serten nou, listwar i la Mr Speaker e ni mwan ni ou ni Onorab Gilles Christopher, ni Onorab Ramkalawan, ni Onorab Mancham personn pa pou kapab refas li nou oule pran le 5 Zen nou oule pran bann semen pran nenport kwa oule pran progranm ki’n pase lo televizyon dernyen semenn pran nenport kwa Mr Speaker, pou la mazorite dimoun dan sa pei le 5 Zen in bon pou nou. Zis non de pti semen……(Interruption by Mr Speaker).

 

MR SPEAKER

Selman mon’n dir deba i pa lo 5 Zen, an pasan mon’n les tou le de kote koz lo sa e by lo formasyon komite pou etidye non bann semen. E nou pa la pou zis listwar osi ni pou evalye li dan sa mosyon.

 

HON DE COMMARMOND

Dakor Mr Speaker me selman i paret mwan ki letan ki lopozisyon in koze zot in si oule dir esey kapitaliz lo sa le 5 Zen pou montre koman tou keksoz in mal pase par kont ou menm ou ou’n fek dir poudir konmsi keksoz i en fek pa’n vre ou’n dir keksoz in envante ou’n fek dir Onorab Gilles ou’n dir fabrikasyon me nou nou a koriz ou nou nou a koriz ou nou a esplik ou e mwan personelman ki le 5 Zen dan sa pei in liber nou e letan mon dir ou nou mon pe koz ou lamazorite pep Seselwa mon pa pe koz ou en pti minorite en pti gou ki anvi kontinyen eksplwat nou e kontinyen gard nou dan fernwanr mon a pe koz ou en mazorite ki’n ganny libere en mazorite ki’n sorti dan en fernwanr e sa i enkli mwan menm.

Mr Speaker si oule nou a kontinyen dir li ziska demen bomaten…..(Interruption by Mr Speaker).

 

MR SPEAKER

Mon napa problenm ladan sof pa dan nou letan dan sa mosyon la konmela.

 

HON DE COMMARMOND

Mr Speaker Onorab Mancham osi pli boner letan in koz lo sa mosyon la i pa la petet i pa oule ekout nou, mon ti anvi dir li dir nou laverite. Laverite Mr Speaker Onorab Mancham ti kapab dir nou e sa i dan son liv ki li in ekriy Paradise Rape ladan li menm li i esplik son failure li menm li i esplike koman son politik ti ete e koman son politik pa ti dan mazorite pep Seselwa. Mr Speaker ankor lo la nou kapab ale ziska demen bomaten…..(Interruption by Mr Speaker).

 

MR SPEAKER

Napa problenm me dan ou letan pou ou, la nou lo demen lo bann non bann semen ki komite enternasyonal i sipoze fer.

 

HON DE COMMARMOND

Mr Speaker mwan lo sa mosyon mon krwar ki nou pa devret a se moman la pe sanz non sa bann semen. Sa bann semen letan sa ki anvi sanz li, letan zot a vin o pouvwar so that zot a desid pou zot menm zot a desid a sa letan la si zot ankor anvi sanze zot a sanz li non ki zot ava anvi mete zot a mete me pou le moman aktyel tan ki SPPF i ankor o pouvwar e ki lamazorite dimoun i ankor dan son kote nou war ki sa bann semen i byen. Sa pa anpese an pasan pou dir osi ki serten nide ki’n met devan par egzanp ki a lavenir letan nou annan enn de semen nouvo ki pou ouver petet serten non ki mon’n tann mansyonnen dan nou listwar mon konnen mwan i annan sa osi pa’n nonmen tousala. Rita Sinon tousala mon krwar i bann personaz enportan dan sa listwar pourkwa pa letan bann nouvo semen i a kapab ganny ouver sa bann pwen mon krwar gouvernman i a konsidere e met la pou le moman nou pa kapab retourn an aryer e al sanz sa bann semen. Vwala Mr Speaker mon  pa oule al pli lwen lo la akoz fransman ou menm ou konnen sa bann pwen ki’n ganny avanse par lopozisyon i pa pratik ditou e mon krwar nou a fini lazournen petet an vites vot kont sa mosyon e met li dan dustbin listwar. Mersi.

 

MR SPEAKER

Mon envit ou pou fer ou rezime Onorab Ramkalawan.

 

HON RAMKALAWAN

Mr Speaker mon krwar ki swit a deklarasyon Onorab Faure i kler ki sa se pozisyon SPPF e donk zot pou vot kont sa mosyon. Petet letan nou regard lafason ki sa mosyon in ganny prezante e bann konponan ki mon’n mansyonnen letan mon’n fer son prezantasyon tout an rekonesan ki demen parey nou pe dir zournen nasyonal nouvo konstitisyon ti ganny adopte pou  nou tou viv koman frer, koste Seselwa tou sa bann diferan keksoz linite pou mwan mon trouv li i trist ki en mosyon ki pe demande senpleman ki zot regard bann non semen  e dan mon prezantasyon ekspre mon pa’n focus zis lo bann non bann semen ki’n sanze apre le 5 Zen si oule pou depict senpleman sa peryod parti inik me ki mon’n al bokou pli lwen mon trouv li i drol ki en mosyon parey i pa ganny aksepte e enn bann keksoz ki mon’n apresye letan Mr Mancham in koze letan in dir ki fodre pa ki Sesel non bann semen i ganny afilye senpleman avek pou li konmsi satisfer mood sa parti politik ki o pouvwar e malerezman letan Onorab Faure in koze in mansyonnen ki SPPF li in ganny elekte avek en lavwa signifikan fine nou tou nou konnen ki poudir SPPF ki ti ranport dernyen eleksyon. Me zisteman lefe ki ou’n ganny ki ou’n ranport par en gran mazorite eski i pa osi bon pou ou nobou gard sa balans pou ou konsilte pou ou ekoute avan ki nek zis ou tonm lo en konklizyon pou ou zet tou deor. Onorab Faure in mansyonnen ki poudir ou pa kapab sanz listwar ou pa kapab distort listwar fine mon dakor e Onorab Faure pe mansyonn sa an relasyon avek non bann semen parski mon mosyon li i koz lo non semen, me ki manyer eski Onorab Faure i kapab fer en deklarasyon parey letan parti ki li ozordi i son dirizan dan lasanble zot menm zot zot in sanz non semen zot menm zot zot in distort savedir i osi vedir ki zot menm zot zot in esey sanz listwar, si ou pe dir ki an 1997 pou nou asize regard non bann semen e sanz zot non si nou pou sanz non lari Revolution par egzanp ki poudir sa i a pe distort listwar i vedir ki apre 77 letan ou ti tir li sorti Royal Street pou fer li vin Revolution oubyen letan ou ti tir Gordan Square pou fer li vin Freedom Square the SPPF ti ape distort listwar e zot ti pe sanz listwar. Onorab Mancham in mansyonnen ki sa semen Duke of Edinborough Road ti ganny son non pou komemor vizit Duke of Edinborough in 1961 ou 1962. Letan ou sanz li eski ou pa distort listwar fodre nou fer atansyon ler nou koze letan Mr Speaker Onorab Faure i dir tout fason si ou form en komite SPPF pou an mazorite lo la e alors sorry pa Onorab Faure Onorab De Commarmond i dir tout fason SPPF pou an mazorite lo la e alors tou keksoz pou reste parey i fo Mr Speaker, akoz i fo mon’n deza anmenn mosyon dan sa lasanble pou form komite nasyonal pou regard bann senbol lo sa komite ki ti annan SPPF ki ti mazorite SPPF ti mazorite ti annan Christopher Gill  ki ti reprezant DP, ti annan Madanm George ki ti reprezant United Opposition e sa komite ti travay ansanm nou’n war letan nou’n pas isi dan sa lasanble bann minutes bann deliberasyon komite zot konklizyon ensidswit ki nou ti war zot ti travay e sete konsansis ki zot ti rode e finalman sa paviyon ki ti swazir ki ti arive sete en paviyon ki tou bann pourtan SPPF ti mazorite malerezman ki sa paviyon ki sa komite ki ti swazir ki ti arive i pa ti sout i pa ti sout cabinet cabinet ki SPPF e apre sa zot ti sanz li pou nou ganny senn la ki la ozordi sa i vedir ki sa ki Onorab De Commarmond in dir nou la apre midi i fo nou pa kapab avan menm ki ou donn en komite en travay pou ou konmsi ekriy tou bann minutes pou ou konnen konmsi ki ou konklizyon les sa bann dimoun travay e ou pa konnen letan zot travay zot ava ganny lenspirasyon e nou pa konnen ki kapab come out parski apre tou nou pe koz lo linite nou ape koz lo tou sa bann diferan keksoz.

        Si ou regarde Mr Speaker Onorab Faure ankor enn fwa i koz lo tan ki SPPF i la tou sa bann non pou reste pou mwan pa dir petet pou linite nou pei se sa kalite latitid ki nou bezwen sanze sa kalite mantalite ki nou bezwen evolye li i pa en moman pou nou dir akoz mwan mon la mwan ki tantonn mwan ki bay sa ki mwan mon anvi ki pou reste sa pou detriy sa pei, sa kalite latitid se letan nou pare pou ekoute pou regarde se la ki nou pou avans de lavan e se sa kalite latitid ki donn dekourazman parfwa ki donn dekourazman e se sa kalite latitid sorti kot sa bann ki konmsi Onorab Faure ki’n ganny lavwa signifikan ki kapab ede pou detriy sa ki nou apel stabilite politik. Mr Speaker annou petet letan ou regard sa mosyon sa mosyon i annan bokou plis enplikasyon letan nou pe koz healing nou sosyete the healing process letan nou pe koz share and care parey Mr Mancham in fer mazinen there’s a lot of healing that needs to be done e letan mon pe dir annou regard non sa bann semen osi annou petet pa regard zis nou menm annou pa petet regard zis nou revolisyon i annan en kantite keksoz ki ou akerir dan lavi e parfwa ou bezwen fer sakrifis ou bezwen met li dekote zis pou ganny lape i annan en kantite parol ki ou kapab dir parfwa ou pa dir sa bann parol pou ou kapab ganny lape pou ou kapab gard linite pou avans pli devan e letan mon pe dir sa mon pe mazin lo en nivo imen annou osi regarde ki sa bann nouvo non bann semen i kapab aporte dan memwar dimoun si nou pe koz lo healing si nou pe koz lo caring parski tousala i al ansanm sa eski letan mon care pou ou mon rub disel dan ou boubou non this is not caring alor par egzanp mon ava donn en legzanp konkret mazin lafanmiy Chang Him par egzanp letan zot mont lari Revolution zot konnen ki poudir lo sa semen sa ki apel revolution ki zot manm ti ganny touye dan ledo ti tonm ater la ti senyen la ti ganny garde la pou sepa konbyen letan avan ki zot ti anmenn en lekor mor lopital, eski nou pa mazinen ki poudir tousala se bann memwar e ki alors signifikasyon sa bann non i kapab osi anmenn soufrans nou koz caring nou koz sharing annou met li dan la realite annou met li an pratik e enn bann fason pou nou fer li se non pa pou nou dir tan ki nou la sa pou reste koumsa annou sey ekoute annou sey regarde. Sid Afrik ozordi pe asize devan Desmond Tutu koman en larshivek e Desmond Tutu tanzantan ki i pe fer li i pe ekout bann dimoun ki pandan tou sa bann letan aparte zot zot in fer soufer zot bann frer e li avek son komite i pou annan lisa responsabilite pou li aport healing dan sa pei ki apel Sid Afrik pou pardonnen sa se zis en pti fason pou nou fer li sa i zis en pti gout delo i vre parey Onorab De Commarmond i dir bokou dimoun in ganny en kantite keksoz 5 zen parey ou pe dir ou kapab korize ziska demen bomaten mon dakor avek ou ou kapab koriz ziska demen bomaten le 5 Zen me parey nou pe dir parfwa letan ou pe koz sa ki ou ou’n gannyen oubyen sa ki en lot in gannyen ou bezwen osi mazin sa ki en lot in perdi se la ki kreol i dir parfwa ou bezwen met delo dan ou diven fer li vin enpe pli feb parfwa pourki nou ava kapab bouz ansanm koman en pep alors pou mwan Mr Speaker letan Onorab Faure i dir SPPF i en parti ki krwar dan sanzman yer ki krwar dan sanzman ozordi e ki krwar dan sanzman demen me selman apre sa i dir avek ou tan ki SPPF i la napa naryen ki pou sanze konsernan sa bann semen i fer mwan demann mwan eski atraver sa Onorab Faure pe dir avek nou ki SPPF i annan en monopoli pou sanzman e si SPPF avek zot lavwa signifikan ki zot in gannyen zot annan en monopoli pou sanzman bonn sans, sanmenm sa ki pou anmenn nou pei dan lanmen 2000. Mersi bokou Mr Speaker.

 

MR SPEAKER

Bon in vin ler pou vote, tou sa ki an faver lev zot lanmen, sa ki kont. Alors mosyon in ganny defet e nou fini nou travay pou ozordi, nou rezwenn lot Mardi.