::
Home » Questions » 2010 » 5 – 19th October 2010

5 – 19th October 2010

Sitting of Tuesday 19th October 2010 at 9.00 am

 

Questions for Oral Answer

 

 

To the Minister for Education, Employment and Human Resources – Mrs Macsuzy Mondon

 

 

 

Q. 91      Hon. Wavel Ramkalawan – Member for Anse Etoile

Eski Minister Ledikasyon i annan okenn lentansyon ogmant allowance bann etidyan post segonder sorti Praslin, vi ki zot bann depans i bokou.

 

Q. 92     Hon. Terence Mondon – Member for Takamaka

Pou demann Minis pou enform nou Lasanble lo bann progre ki son minister in fer, ensi ki bann defi ki zot pe fer fas avek, dan zot progranm lokalizasyon pou nou bann travayer Seselwa.

 

Q. 93     Hon. Terence Mondon – Member for Takamaka

Pou demann Minis pou enform sa Lasanble si son minister in met anplas okenn mekanizm pou donn loportinite bann zenn etidyan segonder e post segonder fer serten travay pandan zot vakans skoler ki ava ed zot dan zot laprantisaz e devlopman profesyonnel.

 

Q.  94     Hon. Terence Mondon – Member for Takamaka

Pou demann Minis pou eksplik nou Lasanble ki fason ki son minister, ansanm avek lezot partener konsernen, pe adres sa problenm kot bokou travayer pe travay koman casual pour plis ki 6 mwan, e dan bokou ka zot pe travay san okenn let ki definir zot kondisyon travay.

 

Q.  95     Hon. Terence Mondon – Member for Takamaka

Pou demann Minis pou enform nou Lasanble ki kantite etidyan pe drop out dan lekol menm avan ki zot ariv nivo S4 e ki son minister pe fer pou ankadre sa bann marmay ki’n drop out.

 

Q.  96     Hon. Jane Carpin – Proportionately Elected Member

Eski Minis pour Ledikasyon i kapab enform sa Lasanble akoz ki kondisyon dan bond bann etidyan ki sorti NIE pou al liniversite Sesel tel ki benefis parey free bus pass pa pe ganny respekte vi ki zot ti ganny dir ki zot pou mars lo bann menm kondisyon.

 

Q.  97     Hon. Jeniffer Vel – Member for Pointe Larue

Eski Minis responsab pour Ledikasyon i kapab enform nou

Lasanble ki bann mezir ki son minister i anvizaze pran pour amelyor lanvironnman laprantisaz kot lekol Pointe Larue Segonder.

 

Q.  98     Hon. Jeniffer Vel – Member for Pointe Larue

Eski Minis responsab pour Ledikasyon i kapab enform nou

Lasanble ki plan son minister pour rezourd sa problenm twatir koule kot lakres e lekol primer Pointe Larue.

 

Q.  99      Hon. Jeniffer Vel – Member for Pointe Larue

Eski Minis pour Ledikasyon i kapab eksplik nou Lasanble si son minister i annan okenn plan pour agrandir staff room lekol Pointe Larue Segonder.

 

Q.  100   Hon. Jeniffer Vel – Member for Pointe Larue

Eski Minis responsab pour Lanplwa i kapab donn nou Lasanble en bilan lo konbyen Seselwa ki aktyelman san en lanplwa.