::
Home » Questions » 2010 » 3 – 5th October 2010

3 – 5th October 2010

Sitting of Tuesday 5th October 2010 at 9.00 am

 

Questions for Oral Answer

 

 

To the Minister for Land Use and Housing – Mr Jacquelin Dugasse

 

 

 

Q. 75     Hon. Terence Mondon – Member for Takamaka

Anvi devlopman touristik ki pe pran plas lo lakot ant Chez Baptista e Banyan Tree, zabitan mon distrik i oule konnen ki bann provizyon ki Minister in fer pour garanti akse avek sa sit “Ros Sodyer” ki en leritaz enportan pou lakominote Takamaka.

 

Q. 76     Hon. Terence Mondon – Member for Takamaka

Pou demann Minis ki bann mezir ki son Minister pe pran pou pli byen kontrol lafason ki later leta i ganny itilize e dan menm konteks, eski Minis i kapab enform nou Lasanble kan eski son Minister i annan lentansyon entrodwir regilasyon pou protez bann landrwa rezerve pou piblik tel ki bann beach park.

 

Q. 77     Hon. Nicholas Prea – Member for Bel Ombre

Eski Minis i kapab eksplik avek sa Lasanble lo ki baz ki serten fanmiy ki deza dan lakaz, zot lakaz pe ganny kraze e gouvernman pe al konstrir nouvo lakaz lo menm site pou sa bann fanmiy e anba ki proze sa devlopman i tonbe.

 

Q. 78     Hon. Wavel Ramkalawan – Member for Anse Etoile

Etan donnen sa gro problenm desarz dan bann flat Moulinie Estate, Baie Ste Anne, ki plan ki Minister Later ek Labita i annan pou rezourd sa bann problenm.

 

Q. 79     Hon. Jane Carpin – Proportionately Elected Member

Vi ki nou’n ariv lafen premye sis mwan 2010 e travay pou konplet sa proze lakaz anler Gaza kot bis i vire pankor ni menm konmanse parey ti ganny dir, eski Minis i kapab enform sa Lasanble kwa ki pe koz sa retar.

 

Q. 80     Hon. Jane Carpin – Proportionately Elected Member

Eski Minis i kapab enform sa Lasanble akoz ki travay renovasyon in arete lo bann flats Dolphin Court.

 

 

 

 

 

 

Q. 81      Hon. Jeniffer Vel – Member for Pointe Larue

Eski Minis pour Later ek Labita i kapab dir nou Lasanble si son minister i annan okenn plan pour idantifye bann nouvo morso later lo Providence Industrial Estate pou asiste bann pti antreprener ki’n fek lans dan zot biznes e ki pe rankontre bann difikilte ganny en landrwa pour operate.

 

Q. 82     Hon. Jeniffer Vel – Member for Pointe Larue

Eski Minis responsab pour Later ek Labita i kapab donn detay nou Lasanble ki kantite zabitan distrik Pointe Larue ki’n fer aplikasyon pour ganny lasistans avek en morso later ouswa en lakaz ziska prezan.

 

Q. 83     Hon. Jeniffer Vel – Member for Pointe Larue

Eski Minis pour Later ek Labita i kapab enform nou Lasanble ki plan gouvernman i annan pour devlop sa morso later an fas avek Cargo Terminal Air Seychelles Pointe Larue.

 

Q. 84     Hon. Jeniffer Vel – Member for Pointe Larue

Eski Minis responsab pour Later ek Labita i kapab enform nou Lasanble ki plan gouvernman i annan pour rekonstrir sa duplex ki ti ganny detrir Matata Estate swivan gro lapli an Desanm 2006.