::
Home » Questions » 2010 » 2 – 28th September 2010

2 – 28th September 2010

Sitting of Tuesday 28th September 2010 at 9.00 am

 

Questions for Oral Answer

 

 

To the Minister for Home Affairs, Environment and Transport – Mr Joel Morgan

 

 

 

Q. 64          Hon. Vicky Theresine – Proportionately Elected Member

Eski Minis responsab pou Lanvironnman i kapab eksplik nou Lasanble ki kalite lekipman e kapasite nou pei i annan a son dispozisyon pou fer fas avek okenn evantyalite ki kapab arive an sa ki konsern versman dyezel oubyen delwil dan nou lanmer.

 

Q. 65          Hon. Jane Carpin – Proportionately Elected Member

Eski Minis i kapab enform sa Lasanble ki plan son Minister pou rezourd problem inondasyon dan rezyon Turtle Bay.

 

Q. 66          Hon Wavel Ramkalawan – Leader of the Opposition

Eski Minis i kapab dir avek sa Lasanble ki rol ‘Military Police’ en brans larme dan travay lopolis regilye.

 

Q. 67          Hon Nicholas Prea – Member for Bel Ombre

Pou demann Minis konbyen lenstalasyon sa bann ‘camera’ sekirite in kout gouvernman pou enstale dan lavil Victoria e konbyen ki ankor pe fonksyonnen.

 

Q. 68          Hon. Nicholas Prea – Member for Bel Ombre

Pou demann Minis pou Zafer Entern ki rol bann lapolis militer pe zwe dan pei, si zot pe travay avek lafors lapolis e si wi ki kalite latrennman ki zot in swiv pou zot fer sa travay.

 

Q. 69          Hon. Marc Volcere – Member for Grand Anse Praslin

Mon tya kontan demann minis ki son minister pe fer pou anpese ki lofis Leta Sivil i reste fermen pandan lazournen ler ki sa zofisye i al fer maryaz.

 

Q. 70          Hon. Terence Mondon – Member for Takamaka

Pou demann Minis ki travay ki son minister pe anvizaze fer pou ranforsi sa morso semen Kap Mason pou kapab soutenir sa gran logmantasyon dan trafik e sa bann gro veikil an partikilye ki pou bezwen sirkile lo sa morso semen pandan konstriksyon bann gran proze lotel ki pe pran plas dan mon distrik Takamaka.

 

 

 

 

Q. 71          Hon. Mitcy Larue – Member for Baie Ste Anne Praslin

Eski Minis pou Transpor ek Lanvironnman i kapab reabilit sa bann semen segonder swivan, anvi ki zot kondisyon pe deteryore.

i)             Vilaz Joseph

ii)           Semen Barbe

iii)          Semen PUC (Cote d’Or ek Baie Ste Anne)

iv)           Semen Markham

v)            Semen Marie-Jeanne Estate 1

vi)           Semen Ton Black

 

Q. 72          Hon. Mitcy Larue – Member for Baie Ste Anne Praslin

Eski Minis i kapab donn lenformasyon lo kan eski semen Anse La Blague 2 pou ganny en nouvo sirfas beton.

 

Q. 73          Hon. Mitcy Larue – Member for Baie Ste Anne Praslin

Eski Minis pou Zafer Entern i kapab donn leksplikasyon lo ki pe arive avek proze pour enstal en Emergency Service lo Zil Eve lo PR 5157.

 

Q. 74          Hon. Jeovana Charles – Member for Roche Caiman

Pou demann Minis pour Lanvironnman kan eski sa proze desarz sorti kot Eden Island pou al Providans pou konplete.