::
Home » Press Releases » 2010 » 16th March 2010 – Sa Semenn dan Lasanble Nasyonal

16th March 2010 – Sa Semenn dan Lasanble Nasyonal

 

Zedi 11 Mars, 2010

 

SA SEMENN DAN LASANBLE NASYONAL

 

Lasanble Nasyonal i repran son Sesyon ordiner, Mardi le 16 Mars, apartir 9 er bomaten.

 

An premye Lasanble pou diskit en proze-de-lwa, e sa i amandman lalwa Kod Penal, 2010. Sa proze-de-lwa pe ranplas seksyon 65 Kod Penal ki fer provizyon  pour lakour Sesel kapab donne zizman ek pinir okenn lofans pirateri ki kapab ganny komet dan nenport ki landrwa.

 

Lasanble pou osi konsider trwa Mosyon.

Premye Mosyon pou ganny prezante par Onorab Andre Pool, manm elekte pour Anse Boileau ki pe demann Lasanble pou ratifye Lagreman Partener Ekonomik Enterim (Interim Economic Partnership Agreement) ki Sesel i annan avek Linyon Eropeen.

 

Lider Loposisyon, Onorab Wavel Ramkalawan, pou anmenn dezyenm Mosyon ki pe demande ki Prezidan Larepiblik i form en Komisyon Lanket ki ava donn levidans lo sirkonstans ki’n okazonn polisyon delo La Misere.

 

Trwazyenm e dernyen Mosyon par Onorab Joseph Francois, manm elekte distrik Anse Aux Pins, pe demann Gouvernman pour kree en fon developman dan bann distrik ki ava ganny servi pou siport developman bann pti proze dan bann kominote. Mosyon pe propoze ki sa fon ava ganny finanse par bann envestiser ki sitiye dan sa bann distrik avek bi pou donn distrik plis lotonomi, e sa larzan ava konplimant finansman sorti kot Gouvernman.

 

Lafen

 

Pour plis lenformasyon kontakte:

Shelda Commettant

PR, Communication & Protocol